استشاري انفصال شبكية في قطر ( ابي مشورتكم )

[S.T.Y.L.E]

السلام عليكم

قدر الله وماشاء فعل والحمدلله على كل حال
بعيد الشر عنكم انا صار عندي انفصال بالشبكية وقالولي مستشفى حمد لازم اسوي عملية عاجلة خلال هالاسبوع

اذا حد يعرف ناس سوو هالعملية في قطر ياريت يخبرني عن افضل دكتور ، العملية تعتبر كبرى وماعندي اي قرار فيها سوى اني اتوكل على الله

[قلم صادق]

ماتشوف شر ان شالله
روح عند دكتور فهد القحطاني في عيادته وخذ رايه عند اي دكتور في حمد تسويها وهو راح يفيدك ويقولك من الافضل .. ( بس اطلبه هو شخصيا مب الدكتور اللي معاه )

وعليك بالصدقه بنيه الشفاء.. وسلامتك

[jajassim]

السلام عليكم

قدر الله وماشاء فعل والحمدلله على كل حال
بعيد الشر عنكم انا صار عندي انفصال بالشبكية وقالولي مستشفى حمد لازم اسوي عملية عاجلة خلال هالاسبوع

اذا حد يعرف ناس سوو هالعملية في قطر ياريت يخبرني عن افضل دكتور ، العملية تعتبر كبرى وماعندي اي قرار فيها سوى اني اتوكل على الله

سلامات ماتشوف شر اخوي

الدكتور انات (هندي) متخصص في الشبكية في العيادة الخارجية مستششفى حمد الطبية الطابق الرابع
اذا عندك انفصال في الشبكية ، هنالك طريقة تركيب سيليكون مبطن للعين بس هذا علاج قديم ومعقد
وحاليا يتم تعبئة العين بالغاز داخل العين ( بالابرة فقط) يتم الغاز يضغط على الشبكية حتى تتلئم مع المشيمية بعد شهرين الغاز يختفي من تلقاء نفسه

اما الدكتور فهد القحطاني لا انصحك بزيارته للشبكية

وشكرا

[S.T.Y.L.E]

شكرا على ردودكم
قابلت فهد القحطاني وهو اللي حولني على حمد
حاولت اخذ منه اسم دكتور معين لكن ماقالي مع اني لحيت كان يقول كلهم ممتازين
فيه اربعه اختصاص شبكية بس ابي افضلهم بما ان العملية خطره وكبيره

دعواتكم الله يجزاكم خير

[بومحمد55]

إذا بتسمع نصيحتي روح البحرين عند الدكتورة هيفاء عندها تخصص شبكية . والدتي الله يحفظها كان فيها الضغط في العين وماي وماذكر بعد ماخليت مكان في الدوحة مارحتها رحت عند فهد القحطاني ورحت المغربي ورحت عيادة الدوحة وكل واحد يقول شي . ويوم رحت البحرين وبعد فحوصات قالت لازم ليزر للشبكية لأن ضغط العين مرتفع وبعد الليزر تركيب صمام عشان الماي ومن بعدها الحمدلله.

روح أستشير أكثر من دكتور هاذي عين مب لعبة

ماتشوف شر