هل جربت تسافر بروحك وتخوض هالتجربة

[قلب الدوحة]

يمسيكم بالخير
ظروف الحياة وكثرة الأشغال والواحد لازم يرتاح ويرفه عن نفسه ويبغي يسافر ولكن مايحصل احد يروح معاه فهل احد صاده هالموقف وسافر بروحه وهل تأيد هالشيء

حبيت آخذ رايكم

[7aayaahh1]

سافرت كذا مرة بروحي وكنت مضطرة وما أيد السفر إلا مع جماعة لأنه فيه أمور ما تكون حلوة إلا ومعاك أحد

[ضوى]

ماعندي مشكله في السفر بروحي . لكن ماراح اكون سعيده ولا مبسوطه حلاة السفر مع اهلك وجماعتك ونااسه وسعادة . اذا اضطريت اسافر بروحي اكيد باكون متضايقه نحتاج لاحد معانا بلحظاتنا الحلوة تماما مثل حاجتنا لهم بلحظاتنا الحزينة

[غير البشر]

ايووووه كثير

كنت المفروض امس الفجر واصل زيوريخ لحالي وناوي على انترلاكن وكابرون وبيرتساو
وبعدها اطير من زيوريخ الى لندن وارجع للدوحه

لكن طلع عندي شغل واجلتها كم يوم crazy

[Red rose]

الواحد يطلع في بلاده بروحه في مكان بعيد عن الناس اوكي

لكن في السفر احس هالقرار مش صائب

والسعاده والراحه ما تكون في الوحده

وهذا رايي

[معماري قطري]

أول مرة سافرت مع شلة شباب وكنا في أول ثانوي ورحنا لندن عن طريق المدرسة

كنا أعتقد 25 أو 40 طالب وماخذين دور كامل ومن حسن حظ الفندق لأن كانت قعدتنا أغلب الوقت في الممرات ومسوين ازعاج

وأول سفرة لي بروحي كنت رايح أمريكا للدراسة في ولاية واشنطن في مدينة سياتل .. ولازم اغير طيارة في نيويورك وكنت حاسب السفرة سهلة وبتاخذ معاي ساعتين وما حسبت فرق التوقيت .. حظي كان معاي قطريين في الطيارة وسألت واحد وما قصر ألغى سفرتي ووضح لي إنها بتاخذ 7 ساعات وأفضل لي ارتاح في نيويورك ليلة واكمل بعدين .. تعرفت عليه وطلع بعدين أحد مسؤوليني في الشغل وكان رايح للماجستير .. إخوي محمد ابراهيم الحسن المهندي تحية له

[معماري قطري]

أول مرة هذي كانت أول مرة اطلع من حدود قطر .. وسفر الواحد بنفسه وناسة أوقات بس في الغالب مع هله وعيالة تكون السفرة أحلى

[bohilal191]

يمسيكم بالخير
ظروف الحياة وكثرة الأشغال والواحد لازم يرتاح ويرفه عن نفسه ويبغي يسافر ولكن مايحصل احد يروح معاه فهل احد صاده هالموقف وسافر بروحه وهل تأيد هالشيء

حبيت آخذ رايكم

مرحبا
انا ناوي أسافر بروحي الشهر الجاي نظرا لضروف صديقي وعدم تمكنه من السفر وفي نفس الوقت حرام أكنسل التذكرة لأني ماخذها أيام العروض فقررت السفر بروحي وأخوض هالتجربة :discuss:

[naklan]

عادي ممكن تسافر لوحدك كم سفرة رحت بروحي
واستمتعت ورديت لا ازعاج ولا ارتباط بمواعيد ما تخصك

[qatarman8008]

اسافر بروحي وااااااااجد..
وصارت عندي تقريبا عادة سنوية..اسافر مع هلي واسافر مع ربعي..
لكن في الاخير اختار لي مكان هااااادي اروح اقعد فيه بروحي اسبوع عالاقل ..

[SouthK]

كل سفراتي بروحي .. مع احترامي للاخوات لكن السفر مع الحريم غثا و السفر مع الشباب يعتمد على جوهم!

الصديق قبل الطريق!