&& صيفنا السنة غير ان شاء الله &&

[ضوى]

بعد المشاورات والمداولات والمناقشات الحادة والناعمة قررنا إن شاء الله السفر إلى امريكا صيف 2017 ، واتمنى من كل من له معرفة وخبرة بأمريكا وولايتها أنه مايبخل علينا بأي شي يعرفه وينصحنا باللي يشوفه مناسب لنا ،
الرحلة عائلية تقريبا مافيها الا طفلة واحدة وتسعة بالغين ماشاء الله ، والحجز المبدئي للرحلة هو كالتالي :
دوحة - نيويورك - لوس انجلوس - دوحة ولمدة 28 يوم
طبعا أكيد إن شاء الله في رحلة داخلية من نيويورك إلى لوس انجلوس مارح نتعب روحنا وايد نبي نغطي نيويورك اسبوع تقريبا ولوس انجلوس وماجاورها عشرين يوم بإذن الله وناوين نأجر سيارة او سيارتين حسب المتوفر ، من المدن اللي نبي نغطيها في لوس انجلوس لاس فيجاس وسانت ديغو وماجاورهم حسب التساهيل من رب العالمين ، المهم اللي نقدر عليه رحلة طيران داخلية واحدة لقصر المدة شهر مايمدينا نغطي كذا ولاية واحنا مرتاحين .
المطلوب ياسادة ياكرام هو التالي :
اول شي والمهم بالنسبة لي جدا هو الفيزا ، شنهو المطلوب لها بالتحديد والتفصيل الممل ولو في لنكات اقدر اسوي كل شي بروحي بيكون خير وبركة .
مخطط سفر مريح وسهل واقتصادي
أمن المناطق للسكن في نيويورك ونبي مكان اقتصادي كونه راح يكون للنوم فقط مابي خمس واربع نجوم ، شي مريح ونظيف وسعر مناسب .
أمن المناطق للسكن في لوس انجلوس وبنفس مواصفات سكن نيويورك .
افضل خطوط طيران مقترحة للسفر الداخلي نبي طيران مريح وسعر مناسب سبع ساعات مب هينة ابداً وشركة طيران تكون مرنة في احتساب الشنط وعددها ووزنها يعني من هالقبيل .
افضل الاسواق والاماكن الترفيهية في نيويورك ولوس انجلوس .

هاي اللي اتذكره الحين يمكن عقب اتذكر اشياء واضيفها ، وادري ومتأكدة غير البشر بيدلي بدلوه ومب مقصر معاي ابدا لانه وعدني بيكون معاي خطوة بخطوة ، تذكر ياغير البشر العام يوم اقولك ابي تخطط لي رحلة لامريكا ؟؟

طبعا اكيد اهل الخبرة وايد ، انتظر مقترحاتكم ارائكم نصايحكم واكيد وبإذن الله راح تنفعني خلال سفرتي .

شاكرة لكم جزيل الشكر مقدماً

[ورد الدوحه]

والله ماعندي خبرة بس حبيت أقولج رحلة سعيدة وموفقة بإذن الله :yes:

[مختلف جداََ]

صباح الخير ضوى

من أكثر الأعضاء اللي ممكن يفيدونج
أخونا نكلان


نكلان 😱 Come here

[بعيد النظر]

بالتوفيق ان شاء الله ويفيدونج هل الخبرة

[R 7 A L]

السلام عليكم ورحمة الله وبركاته

بالنسبة للفيز
انصحك تروحين مكتب يأخذ على كل جواز تقريباً 200 ريال
فيها مكتب أسمه القمة ( top ) في معيذر مقابل سباير بيطلب منك صور الاستيديو قريب منه تروحين له وتقولين حق فيزا امريكا بيضبط لك الوضع وخلفيه الصور مع السي دي وبيطلع منك المكتب ايادي مالي في البنك التجاري لكل جواز اعتقد500 وشوي بيعطيج فورمات تاخذينها مع الجوازات وتروحين تودعينها في البنك التجاري بعدها ترجعين للمكتب يحجز لك موعد من السفارة
تروحين للسفارة قبل لاتنزلون لاحد ياخذ جواله معه لانه ممنوع وبيردونكم للسيارة والمواقف بعيدة هههههههه مجرب


نصحية مهمة الجوازات لازم تكون صلاحية انتهائها اكثر من ست شهور
ولو تجددونها يكون أفضل

[JN000N]

هلا والله الحب

شوفي ف الفنادق في امريكا اختاري الارقى دايما والاحسن لان الامان هناك مهما كان مش 100%

الحين بالنسبة للفيزا
بعطيج رقم واحد عالواتس اب بيخلص اوراقكم وبيسوي كل شي لحد المقابله
والصور مثل ماقلتلج شلون تصورين وهو بعد بيفهمج المطلوب

في نيويورك احسن مكان للسكن طبعاً معروف ف التايم سكوير او قريب منه حوله
لان كل شي قريب حولج من مطاعم واماكن ترفيهيه
طبعا من بوكنغ او اي موقع بتحجزين فيه الفندق شوفي التقييمات
انسي تفكرين ف فندق عادي هناك لان يا فنادقهم توب يا العكس والتوب اسامي عالميه وخايفين ع سمعتهم واجهزة الامان وايد افضل

بالنسبة حق لوس انجلس احسن مكان تسكنين فيه ف البيفرلي هيلز
مابقولج سكني في بيفرلي هيلز هلتون لان اغلاهم اتوقع
بس فنفس المستوى عندج كذا فندق زينين وايد جي دبليو ماريوت والا مستر سي وسكستي وست هولي وود وغيرهم

من احسن شركات اجار السيارات
عندج دولار او انتر برايس
انتر برايس ارخص


بالنسبة للطيران الداخلي
احسنهم American Airlines
Southwest
United

بس طبعا ماتفرق فالطياره اهم شي حجزي بزنز مثلا بدل السياحيه لان هني تفرق


واذا تبين شي معين يالحب حاضرين جم ضوى عندنا

[R 7 A L]

بالنسبة للطيران الداخلي
احسنهم American Airlines
Southwest
United
لاحد ينصدم اذا طار طيران داخلي من رداءة كل الخطوط الامريكية



لايفوتج تمر شلالات نياجرا في نييورك

[JN000N]

لاحد ينصدم اذا طار طيران داخلي من رداءة كل الخطوط الامريكية



لايفوتج تمر شلالات نياجرا في نييورك

هم من ناحية تحس طياراتهم خفيفه هاي عادي ههههه
ومستهلكه بعد
ومطبات هوائية تخرع بالذات كل ما قربت صوب كاليفورنيا
بس الله الحافظ ان شاء الله

[R 7 A L]

هم من ناحية تحس طياراتهم خفيفه هاي عادي ههههه
ومستهلكه بعد
ومطبات هوائية تخرع بالذات كل ما قربت صوب كاليفورنيا
بس الله الحافظ ان شاء الله


ونعم بالله


لاس فيغاس شفيها ؟
ماسمعت ان فيها شي مناسب للسياحة

[JN000N]

ونعم بالله


لاس فيغاس شفيها ؟
ماسمعت ان فيها شي مناسب للسياحة

بالعكس لاس فيقاس حلوه
بس الكازينوهات مخربه سمعتها والمنتشرين نفس نوعية الي ف نيويورك
ماتطول فيها بس فيها اماكن سياحيه

[naklan]

صباح الخير ضوى

من أكثر الأعضاء اللي ممكن يفيدونج
أخونا نكلان


نكلان �� Come here


هلا يا مدير كبير
حيا الله اخوي الحبيب مختلف المورخ السابق
من ايّام كندي هههههههههه ان شاء الله نفيد
أختنا ضوى بالي نقدر عليه
تحياتي

[naklan]

حاضرين يا اختي ضوى وان شاء الله نفيدج
بالي نقدر عليه

اولا الفيزا مثل ما قالو الاخوان مكاتب متخصصة في
طباعة الفيزا ويحجزون فندق في اول منطقة تدشينها في امريكا
ويكنسلون الحجز بِعد ذالك يعني حجز شو. المكاتب عارفين طريقته
وبعد ذالك المقابلة في السفارة ويفضل الإجابة الواضحة والسريعة بلا
تلكك ومن الاحابات الروتينية الي يحبونها هل لك اقارب في أمريكا
تردين وتقولين لا ليش رايحه تقولين سياحة لأنهم ممكن يرفضون
اي احد بدون ذكر الاسباب ومدة الفيزا 10 سنوات في العادة
وبانزل لج روابط مفيدة باْذن الله

[naklan]

يتبع

عندي عدة اسئلة وبعدها ينضبط لج الرحلة
باْذن الله اذا مدة الرحلة شهر تكون زينه حق 3 او4 اماكن
فقط لبعد المسافات وللتمكن من الاستفادة من رويئة الولايات بشكل
جيد ومريح

وللعلم شهرين الصيف كثير من الولايات بتكون حارة 35 توصل الحرارة
والبراد المعتدل في كلفورنيا وحواليها يعني لوس أنجلس وسان فرانسسكو
نيويورك حارة واشنطن ديسي حارة

وفلوريدا الجو حار في الصيف
ميامي على اورلندو والي حواليها


الجو عجبني في سان فرانسسكو حوالي 13 درجة الحرارة
ولوس أنجلس جوها معتدل في الصيف حوالي 25 درجة

القنادق في أمريكا غالية جدا حطي في بالج 2000 او 1800 ريال للغرفة
وممكن ما يكون 5 نجوم في نيويورك سكنت الهلتون ميد تاون فندق راقي
وجميل اعتقد اربع نجوم سر الغلا هو ان الصيف تبدأ اجازة الامريكان
يعني الان نفس الفندق 600 ريال فا احجزي بدري لضمان سعد جيد


حددي مسار الرحلة ومدتها وفِي اي مكان
وبارشح لح فنادق قريبة وفاخرة


المناطق الي انصح بزيارتها

هي نيويورك اولا ومنها سان فرانسسكو
ولوس انجلس ولأس فيجاس جزر هاواي
جزيرة هونولولو واحسن شاطئ اسمه واكيكي
وجزيرة ماوي بعد جميلة
ميامي رغم الطقس الحار صيفا الا انها رائعة
واحلى من فينيسيا

اورلندو
انصح بها علشان وولد دزني يونيفرسال ستدوديو
وفيها رحلات جميلة ومثيرة

لي مداخلات اخرى
ان شاء الله

[بوخالد911]

كل التوفيق.

[معماري قطري]

لاحد ينصدم اذا طار طيران داخلي من رداءة كل الخطوط الامريكية



لايفوتج تمر شلالات نياجرا في نييورك

آخر مرة رحنا على طيران مريح وواسع وشوي غالي .. نسيت شسمه يمكن ساوث وست وسئلت هناك وحدة في السفريات هي اللي عطتني الاسم وسوت التذاكر

من نيويورك للوس أنجلوس أظن 7 أو 6 ساعات لكن من نيويورك لأورلاندو حول ساعتين ونص وانا على كثر روحاتي لأورلاندو احبها أكثر من لوس أنجلوس .. عيبها شوي حر في الصيف بس أهون بكثير من حرنا ويلطف الجو المطر .. واورلاندو أرخص وأأمن والخيارات متعددة ومدينة الترفيه الأُولى في العالم وكل شيء حولكم بالسيارة

قريبة منها تامبا حول ساعة ونص وفيها بوش غاردنز وحولها كثير محلات عربية ومطاعم ومساجد .. يبي لكم يومين في تامبا يعني وفندق حياة ريجنسي هناك حلو .. اللي قريب من مطار تامبا

كذلك ميامي قريبة وتقدرون تاخذون طيارة العودة من ميامي .. يعني نيويورك اورلاندو تامبا ميامي .. طيارة من نيويورك لأورلاندو

ولو تحبين ذيك الجهة روحي لوس أنجلوس وسان دييغو وايد حبيتها هادية شوي وأهلها طيبين ولاس فيغاس حول 3 ساعات .. شوفي سويت تقرير عن السفرتين .. نيويورك غالية وما حبيتها لكن الأهل حبوها ضيق وزحمة وحر في الصيف ولا قدرنا نروح نياغرا ما حصلت تشجيع ( يموتون على التسوق ) نياغرا يبي لها استرخاء يومين أو 3

[معماري قطري]

وبعد لو متحمسين وتمشون على الشاطيء الشرقي لين ميامي بالسيارة بتكون رحلة العمر والمدن كثيرة في الطريق تنزلون متى ما حبيتوا .. بعض الشباب يسوقون حول 14 ساعة أو 18 نسيت .. فيه جبل ومنتزه في اتلانتا يوسيمتي بارك اعتقد هذا بعد سوي بحث عنه تقدرون تنزلون فيه ليلتين

لو تبون مصيف جبلي بس أكيد بيكون زحمة عندكم كولورادو وسياتل كذلك تعتبر مصيف وتزيد أسعار فنادقها

[معماري قطري]

يتبع

عندي عدة اسئلة وبعدها ينضبط لج الرحلة
باْذن الله اذا مدة الرحلة شهر تكون زينه حق 3 او4 اماكن
فقط لبعد المسافات وللتمكن من الاستفادة من رويئة الولايات بشكل
جيد ومريح

وللعلم شهرين الصيف كثير من الولايات بتكون حارة 35 توصل الحرارة
والبراد المعتدل في كلفورنيا وحواليها يعني لوس أنجلس وسان فرانسسكو
نيويورك حارة واشنطن ديسي حارة

وفلوريدا الجو حار في الصيف
ميامي على اورلندو والي حواليها


الجو عجبني في سان فرانسسكو حوالي 13 درجة الحرارة
ولوس أنجلس جوها معتدل في الصيف حوالي 25 درجة

القنادق في أمريكا غالية جدا حطي في بالج 2000 او 1800 ريال للغرفة
وممكن ما يكون 5 نجوم في نيويورك سكنت الهلتون ميد تاون فندق راقي
وجميل اعتقد اربع نجوم سر الغلا هو ان الصيف تبدأ اجازة الامريكان
يعني الان نفس الفندق 600 ريال فا احجزي بدري لضمان سعد جيد


حددي مسار الرحلة ومدتها وفِي اي مكان
وبارشح لح فنادق قريبة وفاخرة


المناطق الي انصح بزيارتها

هي نيويورك اولا ومنها سان فرانسسكو
ولوس انجلس ولأس فيجاس جزر هاواي
جزيرة هونولولو واحسن شاطئ اسمه واكيكي
وجزيرة ماوي بعد جميلة
ميامي رغم الطقس الحار صيفا الا انها رائعة
واحلى من فينيسيا

اورلندو
انصح بها علشان وولد دزني يونيفرسال ستدوديو
وفيها رحلات جميلة ومثيرة

لي مداخلات اخرى
ان شاء الله

يا اخوي احبك

[نااادر]

انصحج نيويورك 5 ايام

والباقي لوس انجلوس ولاس فيغاس


طبعاً فيغس حدها 4 ايام وانصحج بفندق Wynn و تحجز للعروض المسرحية من الحين


والباقي طبعاً لوس انجلوس و المناطق اللي حواليها راح تكون المدة كافية


الطيران اذا بزنس انصحك في فيرجن وبدرجة اقل American Airline

[naklan]

يا اخوي احبك

هههههههه حبيب اخوي معماري
ميامي مدينة جميلة بقنواتها المائية وبحيراتها
تحس انك في اسبانيا وشوي في هافانا وشوي في امريكا
وشوي في المكسيك ههههه وفوقها شوي من افريقيا
هياط الخوال هناك تقول انت في شارع معيذر

هههههههههه

بس مشكلة ميامي المفاصيخ يسبحون في البحر ويروحون يتسوقون وياكلون
في الشارع التجاري بالمايوه والدنيا يالهوووووي لابسين شراب بس
على قولة عادل امام هههههههه

[alshammari]

انا نفس الاخت ضوى كنت بطرح هالموضوع لاني ناوي اسافر في الصيف

مشكورين على الاضافات

[قطريه ماركه]

افضل الاسواق والاماكن الترفيهية في نيويورك ولوس انجلوس

لوس انجلوس حلووة و فيها خيارات متعددة مثل :
ديزني في انهايم
شارع سانتامونيكا
يونيفرسال ستوديو
ملاهي سكس فلاقز
شارع النجووم هوليوود و فيه مدام توسو و متحف الشمع
مجمعاتهم حلووة بعد و فيها ديزني ستور
الاوت لت بتشوفينه ف كذا منطقة
الحياة المائية او سي لايف في سان دييغو

مطاعم حلووة و لذيذة لا تنسين تجربين برجر ان ان اوت لذييذ :victory:

[ضوى]

والله ماعندي خبرة بس حبيت أقولج رحلة سعيدة وموفقة بإذن الله :yes:

تسلمين حبيبتي ، شكرا لج


صباح الخير ضوى

من أكثر الأعضاء اللي ممكن يفيدونج
أخونا نكلان


نكلان 😱 Come here

اكيد يا خوي مختلف مابيقصر وزين يوم ناديته ، شكرا لك


بالتوفيق ان شاء الله ويفيدونج هل الخبرة

يوفق الجميع ، شكرا لك عالدعوة الطيبة

[ضوى]

السلام عليكم ورحمة الله وبركاته

بالنسبة للفيز
انصحك تروحين مكتب يأخذ على كل جواز تقريباً 200 ريال
فيها مكتب أسمه القمة ( top ) في معيذر مقابل سباير بيطلب منك صور الاستيديو قريب منه تروحين له وتقولين حق فيزا امريكا بيضبط لك الوضع وخلفيه الصور مع السي دي وبيطلع منك المكتب ايادي مالي في البنك التجاري لكل جواز اعتقد500 وشوي بيعطيج فورمات تاخذينها مع الجوازات وتروحين تودعينها في البنك التجاري بعدها ترجعين للمكتب يحجز لك موعد من السفارة
تروحين للسفارة قبل لاتنزلون لاحد ياخذ جواله معه لانه ممنوع وبيردونكم للسيارة والمواقف بعيدة هههههههه مجرب


نصحية مهمة الجوازات لازم تكون صلاحية انتهائها اكثر من ست شهور
ولو تجددونها يكون أفضل

نصيحة ممتازة اخوي رحال ، عندنا ثلاث جوازات تنتهي ب2017 بنجددها وبنقدم عالفيزا ان شاء الله ، واحتمال امر عالمكتب اللي قلت عنه او اسوي كلش بالنت والله يسهل

ماقصرت جزاك الله خير

[naklan]

نصيحة ممتازة اخوي رحال ، عندنا ثلاث جوازات تنتهي ب2017 بنجددها وبنقدم عالفيزا ان شاء الله ، واحتمال امر عالمكتب اللي قلت عنه او اسوي كلش بالنت والله يسهل

ماقصرت جزاك الله خير


لازم صلاحية الجواز فيه اكثر من 6 شهور
مره ردوني والغو رحلتي في مطار دبي باقي عندي
5 شهور و 24 يوم على 6 ايام ردوني

[naklan]

معلومات مهمة عن الطيران الداخلي في أمريكا
الحجز والتذكرة دائما بلا امتعة الامتعة الشنط تودع
لوحدها كل شنطة 25 دولار والدفع ببطاقة الائتمان
خارج المطار في المدخل او بداخلة في بعض
الولايات والوزن ما يزيد عن 50 باوند
حوالي 22 كيلو

وعلى فكرة ممكن تكون في مكان وزوجتك في كرسي بعيد
وأطفالك في مكان اخر بذالك دققو على الي يحجز لكم تكون كراسي
متجاورة ووندو وعلى فكرة كلو في المطار الرحلات بلا اي وجبة
غذائية إحسبو حسابكم وفيه بعض الطيران تقدر تستخدم
الواي فأي وتدش النت بس بفلوس عن طريق البطاقة

[naklan]

هذا رابط لموضوع طرحته قبل السفر
بيفيدكم وان شاء الله نظيف عليه

http://www.qatarshares.com/vb/showthread.php?618470-%C3%E3%D1%ED%DF%C7-%C7%E1%E6%E1%C7%ED%C7%CA-%C7%E1%ED-%CA%D3%CA%CD%DE-%C7%E1%D2%ED%C7%D1%C9-%E6%C7%DE%D1%C8-%E3%DF%C7%E4-%E1%E5%C7%E6%C7%ED

[Dana’1]

انا قدمت الفيزا لي ولبنتي اون لاين والاسئله كانت كثيره عن تفاصيل حياتي وين عشت وين درست الثانويه حشى على عكس بنتي يمكن عشانها صغيره فالسستم مبرمج لان كانت الاسئله بسيطه وقليله جدا جاوبتها بسرعه وبعد ما تجاوبين على كل الاسئله وتعبين الاستماره لازم تروحين البنك التجاري للدفع و وعقب تردين للموقع و تاخذين موعد مع السفاره!!

انتم عددكم كبير ماشاءالله فالاريح والاسرع توكلين مكتب يقوم بالمهمه

ملاحظة ..لا تحجزون تذاكر قبل ما تستلمون جوازاتكم كلها
لان شفت شخص يحوس يبغى جوازه لان وقت رحلته وهو ما استلم جوازه عندهم من فتره!

[ضوى]

ماشا ءالله ماقصرتوا والله

نكلان ماشاء الله معلومات مفيدة ومهمة جدا

باواوفيكم بمخطط رحلتنا ان شاء الله بعد ماستكمل الحجوزات

[ضوى]

ضروري كشف الحساب !؟؟؟

[naklan]

ضروري كشف الحساب !؟؟؟

مرحبا اختي ضوى
نعم ضروري كشف حساب
دخلي الفلوس الي مخصصة للسفرة في الحساب
وطلعي كشف حساب بالمبلغ الموجود وبعد ما تحصلين
الفيزا سحبي الي تبين حتى لو كامل المبلغ اعتقد 50 الف
مبلغ كافي وإذا زاذ خير وبركة

للعلم
يستطيع كل شخص بالغ ان يدخل معه كاش لامريكا
9999 دولار

لذالك التسلح بالبطاقات الائتمانية صراف الي
وفيزا للضرورة بيشيل حمل الصرف الاكبر رحلات سياحية
ومطاعم وفنادق ودفع شحن الشنط في المطارات

موفقين باْذن الله حددي مسار الرحلة
وبنعطيج ملاحظاتنا

تحياتي

[ضوى]

مرحبا اخوي نكلان

ماقصروا الاعضاء والعضوات بصراحه وايد استفدت من تعليقاتكم

تقريبا مخطط الرحله شبه اكتمل وراح يكون كالتالي :

النزول بمطار نيويورك والسكن فيها مدة سبع ايام نبي نغطي اغلب الاماكن فيها خاصه ناويين على نياغرا يوم مبيت ان شاء الله

بعد الاسبوع من نيويورك على مطار لاس فيجاس على طيران دلتا بنقعد فيها ثلاث ليالي

ومن لاس فيجاس على سان دييغو فيها نشاطات وايد بنفعد فيها حروة الخمس ايام وعقبها نحرك صوب بيفرلي هيلز وهوليود ووسط لوس انجلس وراح نوزع المدة الباقيه بين هالثلاث مناطق في كاليفورنيا وبعدها نستعد للعودة للدوحه الجميله طبعا الجدول مزدحم ماشاء الله ونبي نحاول نغطي كل الاماكن الترفيهيه والسياحيه والتسوق
وان شاء الله بناخذ سيارة من لاس فيجاس وبنردها في مطار لوس انجلس لمدج ظ،ظ¦ يوم تقريبا او اكثر
هذا مخططنا واذا في شي وضح لي اخوي نكلان

وبخصوص الفيزا لازم كشف حساب !؟ يعني يصير اجيب لهم كشف لاي حساب من حساباتي لاكثر من ست شهور والا مطلرب كشف حساب الراتب ؟!

[naklan]

مرحبا اختي ضوى
بالنسبة لكشف الحساب مَش لازم يتحول عليه راتب
اهم شي فيه فلوس والكشف المطلوب اعتقد لابو لعيال وما ادري
ان كان يقبلون كشف حساب اخر كحساب الزوجة لكن
لامانع تستفسرين من المكتب الي يخلص
لكم الفيز اكيد عنده خبرة في
هالمواضيع

ولي مداخلة اخرى على مسار الرحلة
باْذن الله تحياتي

[ضوى]

مشكور ياخوي نكلان

بس ابو العيال فيزته ساريه يعني مب مقدم معانا وانا اللي معاي العيال

[ضوى]

ايه وعلى طاري المكتب ماعتمدت على احد انا بنفسي عبيت النوذج ودفعت وخذت الموعد

[naklan]

ايه وعلى طاري المكتب ماعتمدت على احد انا بنفسي عبيت النوذج ودفعت وخذت الموعد

العفو اختي ضوى
اذا جذية قدمي كشف حسابك انتي
يكفي اهم شي عندهم ان فيه فلوس
للصرف اثناء السفر

[ضوى]

خلاص تمام ان شاء الله

شنهي نوعيه الاسئله في المقابله في السفارة !؟

[naklan]

خلاص تمام ان شاء الله

شنهي نوعيه الاسئله في المقابله في السفارة !؟

ليش رايحة
هل لج اهل او قرايب في الولايات المتحدة
وين بتسكنين

والأفضل تقولين رايحة سياحة
ومالي معارف او قرايب في الولايات المتحدة
وين بتسكنين في الفندق تردين باسم الفندق الي ذكرتيه في تعبئة النموذج
وتأكدي تكون اجاباتج فورية وبكل هدوء وثقة
أتمنى لج التوفيق

[naklan]

مرحبا اخوي نكلان

ماقصروا الاعضاء والعضوات بصراحه وايد استفدت من تعليقاتكم

تقريبا مخطط الرحله شبه اكتمل وراح يكون كالتالي :

النزول بمطار نيويورك والسكن فيها مدة سبع ايام نبي نغطي اغلب الاماكن فيها خاصه ناويين على نياغرا يوم مبيت ان شاء الله

بعد الاسبوع من نيويورك على مطار لاس فيجاس على طيران دلتا بنقعد فيها ثلاث ليالي

ومن لاس فيجاس على سان دييغو فيها نشاطات وايد بنفعد فيها حروة الخمس ايام وعقبها نحرك صوب بيفرلي هيلز وهوليود ووسط لوس انجلس وراح نوزع المدة الباقيه بين هالثلاث مناطق في كاليفورنيا وبعدها نستعد للعودة للدوحه الجميله طبعا الجدول مزدحم ماشاء الله ونبي نحاول نغطي كل الاماكن الترفيهيه والسياحيه والتسوق
وان شاء الله بناخذ سيارة من لاس فيجاس وبنردها في مطار لوس انجلس لمدج ظ،ظ¦ يوم تقريبا او اكثر
هذا مخططنا واذا في شي وضح لي اخوي نكلان

وبخصوص الفيزا لازم كشف حساب !؟ يعني يصير اجيب لهم كشف لاي حساب من حساباتي لاكثر من ست شهور والا مطلرب كشف حساب الراتب ؟!


نيويورك تمام في اول دخول للولايات المتحدة
لانها الاقرب تقريبا 14 ساعة وحلوه للرجوع ايضا
نصيحة تخلين نيويورك للوصول والرجوع علشان تتسوقين
في محلاتها وإنني رادة وتزورين وود باري أوت ليت مول سااعتين
من محطة باصات نيويورك باصات احلا من الطيارة
واي فاي مفتوح علشان تشحنين مباشر للدوحة


الذهاب من نيويورك للاس فيقس بطيارة اوكي بس
للتنقل لساندييقو ولوس انجلس الاحسن استئجار سيارة
او استئجار كرفان خاصة ان 3 ساعات أحسن من الانتضار في المطار
3 ساعات قبل الرحلة ومدة الرحلة ومن المطار للفندق

اقترحت نيويورك في الاخر علشان تلفين الولايات وانتي خفيفة وما تتكلفين
شحن شنط اضافية واذا ردتكم عن طريق نيويورك ممكن تخزنون شناط في الفندق
وتردون تأخذونها وأنتم راجعين من غير تغيير مواعيد ووجهات سفركم

ونصيحة اذا نيويورك طريق رجوعكم تاخذون 2او 3 ايّام للراحة علشان
ما تتعبون من السفر الطويل

[naklan]

بالنسبة للوس أنجلس لهوليود وبفرليهلز اسكني في سانتا مونكا
وروحي هوليوود وبفرلي هلز ساعة من سانتا مونكا وفيه باصات سياحية
توليكم وتردكم بمبلغ بسيط أحسن فندق شنقرلا في وسط المحلات
ومشاهد البحر والمرينا وغيرة دبل تري باي هلتون قريب حول
300 متر وعنده سويتات غرفة وصالة وبنتري صغيرون


اهم شي تسكنين في مكان فيه مطاعم تلائم ذوق العرب
لن الاكل عندهم ردي شوي لذلك نوهت

موفقين

[naklan]

نيويورك سكنت فندقين
ارشح هلتون ميد تاون بين التايم سكوير وحديقة
نيويورك حديقة من احلا ما يمكن وممكن تلفونها بالعربة
والخيول تلففكم تتعرفون على المكان وبعدها تروحون
وين ما تبون تمشاية

[ضوى]

ماقصرت اخوي نكلان

الحمد لله الفيزا طلعت وماطلبوا كشف حساب ولله الحمد وكان كل شي سلس وهادئ

بالنسبة للردة إلى نيويورك صعب جدا بنكون منهدين من التجوال ونبي نريح اخر اسبوع من رحلتنا في التسوق في لوس انجلوس ، فندقنا في نيويورك راح يكون هامبتون هلتون مجربينه في تركيا وكان اوكي والتعليقات وايد حلوة عليه وبالتايم سكوير ، وقررنا من سانت دييغو نطلع ونروح انهايم نتم كم يوم نغطي المناطق اللي نبيها في جنوب لوس انجلوس مثل ديزني واورنج ، وعقبها ننطلق لشمال لوس انجلوس ويكون المستقر ليوم السفر ان شاء الله واجرنا شقة على الشاطئ بس مب سانتا مونكيا لانها راح تكون بعيدة جدا عن المطار ويقولون زحمة مانبي نختبص خاصة جماعة احنا يعني يصير تعطيل والا شي فنكون في السيف سايد ان شاء الله

[naklan]

حاضرين اختي ضوى
الحمد لله اطلعت الفيزا وهي اهم شي
رحلة موفقة ان شاء الله احجزي الفنادق من الان من شهر 6
تبدى الاجازات في أمريكا وتتدبل الأسعار 3 اضعاف
تحياتي

[naklan]

دخلت بوكنقكم اشيك على نيويورك الاسعار الان رخيصة
ال 4 نجوم في حدود 500 ريال الان وفِي الصيف 1800
وال 5 نجوم الان بحدود 1000 ريال ولو حجزتي قبلها بشهر
ب 2500 ريال فرق كبير للحجز المبكر

[ضوى]

ايه والله ياخوي نكلان حاجزة قبل شهروتوفقنا الحمد لله وكل المناطق حجزنا السكن خلاص ولله الحمد بس والله الاسعار اوفر خاصه بالتايم سكوير بس شنسوي الله المستعان

[naklan]

حاسبي اختي ضوى
ممنوع تودون لابتب او ايباد بس تلفون عادي اليوم اسمع في الاخبار
المجنون ترامب طلب تنفيذ هذا القرار شيكي مع السفارة ممكن تكون مسموحة
في الشيكنق باق الشنطة الي تروح مع الشحن

ثاني شي بالنسبة للصور داخل الجوال والفيديوهات يشيكون عليها
ويشوفونها وساعات يردون صاحبها بلا سبب مره صورة صدام او بن لادن
لذالك الافضل الدخول بجوال ممسوح الصور والفيديوهات اضمن


مصطلحات امريكية لازم تتعرفين عليها من الحين

تيك اوي للاكل = توقو عندهم

هاي فوكس = هذي مرحبا يالثعالب لاتزعلون
هاي قايز = مرحبا بأخوان شما
انا كله أقول لهم هاي زقاير

وبالنسبة للتكسي والمطاعم لازم اكرامية في حالة
الجلوس في المطعم من 10 الى 20 % وسواقين الرحلات السياحية
واذا قال لك ابرشت فمعناتها ( احلك وابيحك ) راضي ومبسوط

وجب التنويه عن المعلومات المذكورة
موفقين

[ضوى]

حسبي الله على ترامب السبع تحاسيب ، من قلنا نبي امريكا وهو قرار ورا قرار الله يقرب زواله قبل سفرنا ان شاء الله

[alshammari]

هالسنة كنت ناوي امريكا وماقد زرتها

لكن الاحداث الاخيرة خلتني اغير رأيي من قراراتهم وتعجرفهم

[معماري قطري]

يالربع اللي خاطره يروح يتوكل على الله ويسوي طلباتهم الأمنية

شعب همه وشغله الشاغل الأمن وعندهم في بعض مناطقهم الأمن ومشاكله دوم ولازم يوجهون الأنظار لخطر خارجي وما ننكر الخطر موجود بنسبة بسيطة والحكومة من زرعت هذا في الشعب

لا تنسون شيء مهم تلفوناتكم مراقبة هناك وانتبهوا من المراسلات الغلط والكلام الغلط .. وبعدين فرصة أمريكا شوي يقلون السياح فيها ولا اظن بصاير العروض بتقوى خلال الفترة الجاية

[معماري قطري]

حاسبي اختي ضوى
ممنوع تودون لابتب او ايباد بس تلفون عادي اليوم اسمع في الاخبار
المجنون ترامب طلب تنفيذ هذا القرار شيكي مع السفارة ممكن تكون مسموحة
في الشيكنق باق الشنطة الي تروح مع الشحن

ثاني شي بالنسبة للصور داخل الجوال والفيديوهات يشيكون عليها
ويشوفونها وساعات يردون صاحبها بلا سبب مره صورة صدام او بن لادن
لذالك الافضل الدخول بجوال ممسوح الصور والفيديوهات اضمن


مصطلحات امريكية لازم تتعرفين عليها من الحين

تيك اوي للاكل = توقو عندهم

هاي فوكس = هذي مرحبا يالثعالب لاتزعلون
هاي قايز = مرحبا بأخوان شما
انا كله أقول لهم هاي زقاير

وبالنسبة للتكسي والمطاعم لازم اكرامية في حالة
الجلوس في المطعم من 10 الى 20 % وسواقين الرحلات السياحية
واذا قال لك ابرشت فمعناتها ( احلك وابيحك ) راضي ومبسوط

وجب التنويه عن المعلومات المذكورة
موفقين

ما فهمت الأخيرة شتعني ولا صادفتني

بالنسبة للبخشيش كل مدينة أو ولاية لها حدود معينة كنسبة من الفاتورة وبعضهم يضيفون نسبة من عندهم ومن حقك تخصمها لو الخدمة مب جيدة .. بعض اللي يخدمون يشتغلون براتب قليل ومقطوع بالساعة واعتمادهم على البخشيش هذا أكثر شيء .. أوقات يكون مكتوب في الفاتورة إنه غير متضمن ولو ارتحت للخدمة تقدر تضيف 8% أو 12 أو غيره .. أعتقد في نيويورك هو الأعلى

[معماري قطري]

هالسنة كنت ناوي امريكا وماقد زرتها

لكن الاحداث الاخيرة خلتني اغير رأيي من قراراتهم وتعجرفهم

هالسوالف اللي تسمعها ما تشوفها أوقات عندهم وتحسهم شعب مضياف ويحب يساعد ويتعاون .. جانا اعصار قوي مرة أثناء دراستنا بعضنا طار سقف شقته واختربت تجهيزاتها وخسر كثير .. طاروا ربعنا من واشنتن ما قصروا وزارونا ووعدونا خير ولا شفنا من وجوههم تحقيق وحصر للخساير ولا شيء .. وبعد حول سنتين كان التعويض واحد للي تضرر واللي ما تضرر

وكالاتهم الحكومية زاروا وحققوا وخذوا كلام كل شخص على محمل الجد وكتبوا له الشيك في وقته .. كنت في قطر وقتها وتضررت سيارتي وكانت مؤمنة ولا ادري لو يغطي التأمين خلصوني بسرعة وبدون مماطلة بس قالوا تأمينك ما يغطي سيارة أجار .. صبغت السيارة كامل بسبب انحكت من كل الجهات بشينكو الطبيلة .. لو عندنا بيطالبون بمحكمة وبيقولون اصبغها في أرخص كراج هناك يتركون لك الحرية تختار

مرتين نروح وتكون عندنا حالة طبية بسيطة ويجيبون لنا كراسي متحركة ويخلصونا بسرعة .. مرة حتى تم يضحك الموظف مع العيال يقول لهم مستعدين حق دزني قالوا ايه قال ما تدرون إن سكروها عندهم صيانة

بعدين هناك فلوسك لها قيمة وحياتك سهلة

[naklan]

ما فهمت الأخيرة شتعني ولا صادفتني

بالنسبة للبخشيش كل مدينة أو ولاية لها حدود معينة كنسبة من الفاتورة وبعضهم يضيفون نسبة من عندهم ومن حقك تخصمها لو الخدمة مب جيدة .. بعض اللي يخدمون يشتغلون براتب قليل ومقطوع بالساعة واعتمادهم على البخشيش هذا أكثر شيء .. أوقات يكون مكتوب في الفاتورة إنه غير متضمن ولو ارتحت للخدمة تقدر تضيف 8% أو 12 أو غيره .. أعتقد في نيويورك هو الأعلى


appreciate

يقولونها بعد ما نعطيهم الاكرامية وتعني نقدر
انت استاذنا ومهندسنا ما يصير ما مرت عليك
هههههه