+ مال عمك ما يهمك +

[شبح الصمت]

بسم الله الرحمن الرحيم


رسالة لادارة المساجد في وزارة الأوقاف ..


نتمنى لو تم النظر في موضوع تغيير جميع ولفات المياه الي اهي صنوبرات المياه الخاصة بالوضوء ..

لانه صراحة في ناس ما تستحي على وجهها يجيك ويفتح لك الماي حده وهو لو في بيته ما سوى جذيه ..

والفاين استغفر الله العظيم يسحب الفاين الي يشوفه يقول متسبح وبيتنشف فيه ..

وأن جيت تكلمه بتكلم من والا بتخلي من !!


واتوقع الكثير منا شاف هالامور وتضايق منها ..

وتكلمنا من قبل بس التغيير واجب


والله يغفر لنا ويرحمنا برحمته ..

[بوحارب]

كلام صحيح ونفقطة مهمه وفي محلها

وهالكلام ينطبق اكثر على الأسيويين والله الواحد فيهم يتوضا وكمية الماي كافيه يسبح بها اثنين

استغرب ليش وزارة الأوقاف للحين ماغيرت صنابير الماي وركبت نوع اقتصادي

على سبيل المثال نفس اللي في مطار حمد الدولي نوعيه الصنابير اقتصادية وممتازة

بس نفس ما قلت يا شبح الصمت حلال عمك ما يهمك

[Rider]

اخوي شبح الصمت جيت على العوق فعلا هالشي يضايق يفتح الماي ولا يهمه غير الفاين يخلص الرول كامل للاسف هذول ناس ماشافوا الخير جاوا الخليج وكانهم داخلين الجنة شي مايحلمون فيه وطبعا ياخوي
مب في المساجد فقط في كل مكان تحصلهم كل شي ياخذونه لاتنسى الماي الي ينحط في رمضان للمصلين شوف كم غرشه يشرب واخر شي يخلي غرشته مكانها هذول لو يقدرون يبقونك باقوك

[شبح الصمت]

كلام صحيح ونفقطة مهمه وفي محلها

وهالكلام ينطبق اكثر على الأسيويين والله الواحد فيهم يتوضا وكمية الماي كافيه يسبح بها اثنين

استغرب ليش وزارة الأوقاف للحين ماغيرت صنابير الماي وركبت نوع اقتصادي

على سبيل المثال نفس اللي في مطار حمد الدولي نوعيه الصنابير اقتصادية وممتازة

بس نفس ما قلت يا شبح الصمت حلال عمك ما يهمك



الله يجزاك خير يابوحمني ..

واتمنى انه يتم تركيب الصنابير الاقتصادية

ياخي شيء غريب في بعض الناس استغفر الله العظيم ..

[شبح الصمت]

اخوي شبح الصمت جيت على العوق فعلا هالشي يضايق يفتح الماي ولا يهمه غير الفاين يخلص الرول كامل للاسف هذول ناس ماشافوا الخير جاوا الخليج وكانهم داخلين الجنة شي مايحلمون فيه وطبعا ياخوي
مب في المساجد فقط في كل مكان تحصلهم كل شي ياخذونه لاتنسى الماي الي ينحط في رمضان للمصلين شوف كم غرشه يشرب واخر شي يخلي غرشته مكانها هذول لو يقدرون يبقونك باقوك



صادق ياخوي المفروض كل مرفق خدمي يخدم المجتمع يكون فيه ليس تقليل ولكن استبادله بالصنابير الاقتصادية ..
احنا الحمدلله بخير ونعمه والله يدومها يارب علينا ولا يغيرها

بس الواحد لازم يعرف اشلون يستخدم الشيء الي قدامه مب شيء مب لي خلاص اجر عليه والا افتكر ..

[نجم سهيل]

السلام عليكم

بالذات الآسيويين أكثر من يفتح الولف حده .. المفروض يركبون نوع يلف ربع لفة بدال اللفة الكاملة اللي مالها حاجة للوضوء

[شبح الصمت]

السلام عليكم

بالذات الآسيويين أكثر من يفتح الولف حده .. المفروض يركبون نوع يلف ربع لفة بدال اللفة الكاملة اللي مالها حاجة للوضوء


وعليكم السلام ورحمة الله وبركاته ،،

هذه اخوي وصدقت لو في بيته ما سوواها صدقني ..

انا اشوف الصبي عندنا فالعنه كم مره اهاووشه يوم يجي يشغل الماي تخيل والله انه حده اقوله اشفيك اشوي اشوي ..

ياخي صج ما عندهم محاسبة نفس والا يفتكر

[بانغ بانغ]

بس شلون بتمنع الفاين اخوي بوشبيح

ثقافة عمال وحتى بعض العرب وهل قطر ..

اتقول متسبح وايخلصون رول فاين اشكبره

يبا

انا اقول يشترون لهم الفوط الصغيرة المضغوطة اللي اتصب عليها ماي تكبر

ياخذون بالدرازن المدرزنة احسن من الفاين وتنقط عقب

[ضوى]

بالنسبة للماي لازم يدخلون المغاسل الذكية اللي تنزل الماي بالقطارة وفيها سنسر اذا ماستخدمها مثل مغاسل الطيارة، والفايين يحطون الجهاز اللي يجفف ـ او يحطون لهم الورق المقوى وقطع صغيرة وبالسنسر ، اتوقع جذي بيقل الاستهلاك

[شبح الصمت]

بس شلون بتمنع الفاين اخوي بوشبيح

ثقافة عمال وحتى بعض العرب وهل قطر ..

اتقول متسبح وايخلصون رول فاين اشكبره

يبا

انا اقول يشترون لهم الفوط الصغيرة المضغوطة اللي اتصب عليها ماي تكبر

ياخذون بالدرازن المدرزنة احسن من الفاين وتنقط عقب


الفاين في المكاين اليدويه الي تفر يطلع لك فاين

اما ذي الفاين بوسحبه بااااال اقولك اشوي من كثر ما يسحبه تحس بيوصله لين مدخل الحمامات

استغفر الله العظيم

[شبح الصمت]

بالنسبة للماي لازم يدخلون المغاسل الذكية اللي تنزل الماي بالقطارة وفيها سنسر اذا ماستخدمها مثل مغاسل الطيارة، والفايين يحطون الجهاز اللي يجفف ـ او يحطون لهم الورق المقوى وقطع صغيرة وبالسنسر ، اتوقع جذي بيقل الاستهلاك



هذا المفروض ضوى ..

[nooora]

اخوي شبح الصمت جيت على العوق فعلا هالشي يضايق يفتح الماي ولا يهمه غير الفاين يخلص الرول كامل للاسف هذول ناس ماشافوا الخير جاوا الخليج وكانهم داخلين الجنة شي مايحلمون فيه وطبعا ياخوي
مب في المساجد فقط في كل مكان تحصلهم كل شي ياخذونه لاتنسى الماي الي ينحط في رمضان للمصلين شوف كم غرشه يشرب واخر شي يخلي غرشته مكانها هذول لو يقدرون يبقونك باقوك

وي اعصابك يا اخوي . وفي البيوت الي يسرفون الماي ف غسيل سيارات ايش نقول عنهم. اخوي كان يشكي من هالشي لكن كلم الامام ان ناطور يتواجد ف الحمام بين الاذان والاقامه حتى يتحكم ف الفاين .

[النهار]

موضوعين
الموضوع الاول الاسراف في مياه وخدمات المساجد انا بستمرار دائما يوم اشوف الهدر مأسكت اقول له لوسمحت لاتفتح الولف على الاخر
في حل بسيط يسكرون البريشر خل الماي ينزل بأعتدال
والموضوع الثاني قواري الجمعيات
تحصل الواحد شاري له اغراص ماتتعدي 50 ريال تحصله ساحب القاري لين بيته يقطه في اي مكان مع العلم سعر القاري 1200 ريال
مره شفت واحد شاري مطارة ماي ب 7 ريال رايح بالقاري

[يمامـة]

في الدول الأوروبية ما في شي اسمه فاين او محارم ورقية الموجود جهاز دف الهواء .. حط يدك خلها تنشف وتوكل على الله..
بالشكل هذا نوفر فاين ونحافظ على البيئة ..

اما بخصوص الماي .. يحطون ولوف تنزل الماي بالقطارة السريعة..

لأن عند الوضوء مب لازم الواحد يسبح مناطق الوضوء.. الهدف تبليلها
ورسولنا عليه افضل الصلاة والسلام مع اشوية ماي كان يتوضأ احسن وضوء..

[nooora]

:nice::nice::nice::nice:
في الدول الأوروبية ما في شي اسمه فاين او محارم ورقية الموجود جهاز دف الهواء .. حط يدك خلها تنشف وتوكل على الله..
بالشكل هذا نوفر فاين ونحافظ على البيئة ..

اما بخصوص الماي .. يحطون ولوف تنزل الماي بالقطارة السريعة..

لأن عند الوضوء مب لازم الواحد يسبح مناطق الوضوء.. الهدف او تبليلها
ورسولنا عليه افضل الصلاة والسلاة مع اشوية ماي كانت يتوضأ احسن وضوء..
كلام جميل

[يمامـة]

ما ادري احس اني لازم اكتب هالمشاركة ولحد يتضايق.

الفاين والكلينكس ماركات خاصة لشي يستخدمه الانسان ويسمى محارم ورقية..

لقيت الصدمة من البعض لما قلت لهم ان الفاين مب اسم المنتج الحقيقي هذا اسم الماركة

وفي اللغة العربية اذا حبيت تتكلم عن هالمنتج تقول محارم ورقية..

ولكن احنا القطريين نقول فاين والكويتين يقولون كلينكس وكلنا نقصد المحارم الورقية
وان كانت من ماركة اليمامة الفاخرة..http://www.pic4ever.com/images/fly2.gif

وشكرا لكم جميعا..

[يمامـة]

:nice::nice::nice::nice:
كلام جميل

اشكرج http://www.pic4ever.com/images/4lqqtqv.gif

[شبح الصمت]

موضوعين
الموضوع الاول الاسراف في مياه وخدمات المساجد انا بستمرار دائما يوم اشوف الهدر مأسكت اقول له لوسمحت لاتفتح الولف على الاخر
في حل بسيط يسكرون البريشر خل الماي ينزل بأعتدال
والموضوع الثاني قواري الجمعيات
تحصل الواحد شاري له اغراص ماتتعدي 50 ريال تحصله ساحب القاري لين بيته يقطه في اي مكان مع العلم سعر القاري 1200 ريال
مره شفت واحد شاري مطارة ماي ب 7 ريال رايح بالقاري



على طاري القاري يا النهار

3 ايام وانا امر على الشارع العام واشوف قاري الميره محذوف ..


ياخي انا ودي اعرف هالبشر اشلون ..

تدري المفروض نفس موضوع البحرين اي قاري يطلع بنص ريال عشان يرجع مره ثانية للنص اريال يدور عليها ..

هالمفروض

[شبح الصمت]

في الدول الأوروبية ما في شي اسمه فاين او محارم ورقية الموجود جهاز دف الهواء .. حط يدك خلها تنشف وتوكل على الله..
بالشكل هذا نوفر فاين ونحافظ على البيئة ..

اما بخصوص الماي .. يحطون ولوف تنزل الماي بالقطارة السريعة..

لأن عند الوضوء مب لازم الواحد يسبح مناطق الوضوء.. الهدف تبليلها
ورسولنا عليه افضل الصلاة والسلام مع اشوية ماي كان يتوضأ احسن وضوء..



بعد جهاز الهواء وافضل واقتصادي بحت ..

شكرا ياليمامة ..

[يمامـة]

بعد جهاز الهواء وافضل واقتصادي بحت ..

شكرا ياليمامة ..

عفون اخوي شبح..

[Charisma]

ملاحظة في محلها اخوي شبح ، واسمح لي استغل موضوعك بملاحظات أخرى ..


في منكم من زار مساجد في الغرب وشاف بعينه ( الاهتمام بأدق التفاصيل ) ، بحيث يكون المسجد مركز متكامل له رساله مجتمعيه دينيه وأهداف ويشمل / أدارة ، مكتبة ، أنشطة ، محاضرات ، تحفيظ ، إفتاء ، ومرافق .



ويكون للمركز دور فعال جدا في المجتمع ،خصوصا مع الأطفال والشباب :





أقامة الأنشطة والمحاضرات والتحفيظ .

محضن تربوي يساهم في التنشئة الفكرية السليمة .

أحتواء وترغيب واجتذاب .

تعزيز وتعويد وتقوية علاقتهم بالمسجد .






اما مع الكبار ، فيشمل ماسبق بالأضافة إلى تعزيز دور التواصل والتفقد مع أهل المنطقة وجميع الامور الأجتماعيه من مناسبات وزيارات للمرضى ، والكثير من الأهداف اللتي يمكن ان تتحقق إن كان هنالك تفعيل لدور المسجد .



https://www.youtube.com/watch?v=vevGMsRjr5k





المسجد أول مشروع للنبي صلى الله عليه وسلم في المدينة، وبه بدأ بتكوين وبناء المجتمع المسلم والعلمانيون حصروا عمل المسجد في الصلاة والقرآن فقط.

ولكن الناظر إلى المسجد في عهد النبي صلى الله عليه وسلم يجد أن المسجد في عهده كان شعلة وهاجة تنير الأرض من حولها، وفي هذا الدرس بيان لدور المسجد في حياة المجتمع المسلم.

[شبح الصمت]

ملاحظة في محلها اخوي شبح ، واسمح لي استغل موضوعك بملاحظات أخرى ..


في منكم من زار مساجد في الغرب وشاف بعينه ( الاهتمام بأدق التفاصيل ) ، بحيث يكون المسجد مركز متكامل له رساله مجتمعيه دينيه وأهداف ويشمل / أدارة ، مكتبة ، أنشطة ، محاضرات ، تحفيظ ، إفتاء ، ومرافق .



ويكون للمركز دور فعال جدا في المجتمع ،خصوصا مع الأطفال والشباب :





أقامة الأنشطة والمحاضرات والتحفيظ .

محضن تربوي يساهم في التنشئة الفكرية السليمة .

أحتواء وترغيب واجتذاب .

تعزيز وتعويد وتقوية علاقتهم بالمسجد .






اما مع الكبار ، فيشمل ماسبق بالأضافة إلى تعزيز دور التواصل والتفقد مع أهل المنطقة وجميع الامور الأجتماعيه من مناسبات وزيارات للمرضى ، والكثير من الأهداف اللتي يمكن ان تتحقق إن كان هنالك تفعيل لدور المسجد .



https://www.youtube.com/watch?v=vevGMsRjr5k







الله يجزاك خير على الاضافة الطيبه

دوم مميز ياطيرانا الغالي ..

[معماري قطري]

بس على المساجد ما ندري شكثر يهدرون ماي في السكن الخمس نجوم اللي مسوينه لهم

[Jspec]

للاسف انها ظاهره ملاحظها من زماااان وكلمت كذا شخص انها نعمه ولازم نحافظ عليها لكن صادق اغلبهم مايفهم الرساله ويقول لك ياخي انا مسلم لازم اتطهر

ياخي اذا حاس انك مب نظيف لاتجي المسجد تذينا بالاستهلاك الفضيع لنعمة الماء



القهر انه نفس الموضوع في غسيل البيوت والحوش والسيارات وسقي الزراعه ....... محد بيجيب لنا النقم وغضب الله الا هم اللي مايخافون الله في نعمته علينا

[بوخالد911]

تصرف يتكرر بأغلب المساجد.

لما تجي وتكلمه يطالعك بنظرة !!!

[عايش فرحان]

- يحتاجون الى توعية بلغتهم من الأئمة و المؤذنين و بشكل دوري و ممنهج مع التركيز على احاديث الرسول ( ص) عن عدم الاسراف في الماء ..

- تغيير الصنابير من قبل الأوقاف بشكل تدريجي الى الصنابير الموفرة و التي تغلق تلقائيا . (لا داعي للصنابير مالت السينسور نفس مطار حمد لانها تكلف ).

- لا داعي للمحارم .. كنّا نتوضأ و حنا صغار في المساجد و ما كان فيها محارم و كنّا نصلي و الماء يقطر من و وجوهنا .. (و اظن) ان هذه سنة عن الرسول انه لم يكن يمسح الماء و ليصحح لي ان كنت مخطىء.

[R 7 A L]

وزارة الاوقاف عليها ملاحظات كثيرة

يقولون الي يشتغلون فيها
الترقيات الاستثنائية موقفة
الخليجيين الي فيها يشتغلون برواتب مقطوعة واجازاتهم قصيرة والاجانب حالهم أفضل منهم


وكلامك فعلاً صحيح اخوي شبح
مايحدث في دورات المياه واماكن الوضوء هدر فوق الحاجة
نتمنى من المسئولين النظر الى هذة الملاحظة بعين الاعتبار

[حمد 2002]

وزارة الاوقاف عليها ملاحظات كثيرة

يقولون الي يشتغلون فيها
الترقيات الاستثنائية موقفة
الخليجيين الي فيها يشتغلون برواتب مقطوعة واجازاتهم قصيرة والاجانب حالهم أفضل منهم


وكلامك فعلاً صحيح اخوي شبح
مايحدث في دورات المياه واماكن الوضوء هدر فوق الحاجة
نتمنى من المسئولين النظر الى هذة الملاحظة بعين الاعتبار

طيب اخوي رحال ..

هل المواطنين يصرفون بالوضوء في بيوتهم لانه الماي ابلاش ؟

وهل المقيمين يصرفون بالماي بعد في بيوتهم لانه اسعار الماي كما سمعت تعتبر رمزيه ؟

هذا والله اعلم ..

[R 7 A L]

طيب اخوي رحال ..

هل المواطنين يصرفون بالوضوء في بيوتهم لانه الماي ابلاش ؟

وهل المقيمين يصرفون بالماي بعد في بيوتهم لانه اسعار الماي كما سمعت تعتبر رمزيه ؟

هذا والله اعلم ..

انت تقصد يصرفون فلوس
ولا تقصد يسرفون من االاسراف ؟

[حمد 2002]

انت تقصد يصرفون فلوس
ولا تقصد يسرفون من االاسراف ؟

يسرفون بالماء ويهدرونه ..

[معماري قطري]

انت تقصد يصرفون فلوس
ولا تقصد يسرفون من االاسراف ؟

الله يهداك يا رحال السمي خانه التعبير

[حمد 2002]

الله يهداك يا رحال السمي خانه التعبير

رحال مشكله هههه