خبراء السواقيين في أوروبا

[ورد الدوحه]

السلام عليكم

إن شاء الله الصيف القادم بنسافر الى ألمانيا وفيينا وزوجي ناوي يأجر سيارة
أول مره بيسوق اهناك
شلون السواقة صعبه والا عادية
وماندل الاماكن من وين نشتري جارمن
وشلون أدخل الاحداثيات
ووين نروح :eek2:
آسفه سندرتكم مع أسألتي الوايد:thumbup:

[ضوى]

السلام عليكم

إن شاء الله الصيف القادم بنسافر الى ألمانيا وفيينا وزوجي ناوي يأجر سيارة
أول مره بيسوق اهناك
شلون السواقة صعبه والا عادية
وماندل الاماكن من وين نشتري جارمن
وشلون أدخل الاحداثيات
ووين نروح :eek2:
آسفه سندرتكم مع أسألتي الوايد:thumbup:

اختيار موفق جدا كل التوفيق يااارب

السواقة اسهل من شربة الماي ووايد مريحة اذا انا سقت هناك ، نصيحة اخذي السيارة بالجارمن مالها وايد عملي ومريح غير انهم معرفينه على الاماكن وتحديث اول باول ، والامر جدا سهل واحد من اللي شركات التأجير يشرح لج الموضوع وسهل جدا ، كنا ناخذ الاحداثيات من النت وندخلها والامر بسيط وايد ،
االمانيا بلاد كبيرة وحلوة الصراحة ، وفيينا تجنن
سافرنا اول العام وكانت رحلتنا كالتالي
ميونخ زيلامسي سالزبيرغ هايدي لاند عقب انرلاكن بسويسرا ومنها رحنا لوقانو ولوزيرون وعقب رست ومنها رحنا فرايبورغ وسترايبورغ وعقب ردينا ميونخ مرة ثانية ، غيري الجدول اذا حبيتي تكونين باالمانيا اكثر انا عطيتج مثال ، والطريق روووعة روعة روعة بتستانسون اذا ماعندج احد يحن

[ورد الدوحه]

اختيار موفق جدا كل التوفيق يااارب

السواقة اسهل من شربة الماي ووايد مريحة اذا انا سقت هناك ، نصيحة اخذي السيارة بالجارمن مالها وايد عملي ومريح غير انهم معرفينه على الاماكن وتحديث اول باول ، والامر جدا سهل واحد من اللي شركات التأجير يشرح لج الموضوع وسهل جدا ، كنا ناخذ الاحداثيات من النت وندخلها والامر بسيط وايد ،
االمانيا بلاد كبيرة وحلوة الصراحة ، وفيينا تجنن
سافرنا اول العام وكانت رحلتنا كالتالي
ميونخ زيلامسي سالزبيرغ هايدي لاند عقب انرلاكن بسويسرا ومنها رحنا لوقانو ولوزيرون وعقب رست ومنها رحنا فرايبورغ وسترايبورغ وعقب ردينا ميونخ مرة ثانية ، غيري الجدول اذا حبيتي تكونين باالمانيا اكثر انا عطيتج مثال ، والطريق روووعة روعة روعة بتستانسون اذا ماعندج احد يحن

جزاج الله خير اختي ضوى ماقصرتي على المعلومات
عجبني الجدول وسجلته عندي
تسلمين فديتج

[ورد الدوحه]

ايه صح تذكرت شي
احنا حجزنا حالياً بدون فنادق لانه فيه تنقلات المكان اللي نوصل له بنقعد فيه
ايصير احجز من اهناك والا زحمة وايد ومافي فنادق

[ذكي جدااا]

بما انك اخترتي فيينا والمانيا فبيكون الجدول دوحة ميونخ والرجوع من فيينا الى الدوحة. واذا كان جدولكم كبير والوقت يسمح ممكن تخلون الذهاب الى زيورخ بسويسرا والرجعه من مطار فيينا. طبعا المحطات والمدن بتكون كثيره وكبيره بس انت حدد اي مخطط تبي فالبداية. من ناحية السواقه الامور سهالات ممكن تستأجر سياره من اي مطار وتسلمها بمطار ثاني ببلد ثاني بس اهم شي يكون عندك الرخصة القطريه والليسن الدولي تطلعه من ريجنسي.

[Faz]

ايه صح تذكرت شي
احنا حجزنا حالياً بدون فنادق لانه فيه تنقلات المكان اللي نوصل له بنقعد فيه
ايصير احجز من اهناك والا زحمة وايد ومافي فنادق

ولا اسهل واحلى من السواقه في اوربا واحترام القوانين عندهم اهم شي انتو اتكونون منتبهين للعلامات واموركم طيبه

اما بالنسبه للفنادق انا جربتها هالطريقه حجز فندق لاول يومين من الوصول وبعدين اكون مقرر اتجاهي العام وين ناحيه مطار العوده والمكان الي يعجبني ابات فيه استخدم تطبيق على التلفون وفيه بطاقتي لين عجبتني المنطقه مددت واذا في شي سمعته عنه رحت صوبه

من احلى السفرات

[بعيد النظر]

السواقة جدا مريحة وامنة وسهلة وممتعة ..


والمانيا جميلة اما فيينا ما يازتلي لاكثر من ليلتين ..
وبالتوفيق ان شاء الله

[Al-Kuwari]

السواقة في اوروبا جميلة جداً ولكن تنقسم لقسمين

السواقة داخل المدن الكبيرة شوي مزعجة وتوتر للسايق الجديد لان الانظمة عندهم تختلف عن انظمتنا وفي قطار بنص الشارع وفي اولوية لمسار عن الاخر ففي البداية تكون مربكة شوي بس مع التعود تصير عادية ,

لكن السواقة في الشوارع الخارجية والمدن الريفية من اجمل ما يمكن .

تروحون وترجعون بالسلامة

[land]

وعليكم السلام ورحمة الله وبركاته

السواقة في أوروبا من أسهل وأجمل التجارب لاتباعهم القوانين والأنظمة، لدرجة تكرهون السواقة بعدها لين رجعتوا بالسلامة إن شاء الله (شعورنا كل مرة أول ما نعوّد)

بالنسبة للأماكن حسب وجهتكم، هل تقصدين فيينا العاصمة تحديداً أو النمسا بشكل عام؟ في ملفات PDF على الإنترنت بأهم المعالم في المدن والبلدات والقرى الأوروبية جمعها عضو قطري باسم "رجل شرقي"، حتى بمجرد تكتبين في خانة البحث "إحداثيات" يكمل لج قوقل عبارة "رجل شرقي" وتطلع لكم الخيارات بالنتائج، واحتمال كبير موجودة في المنتدى هني (أظن سبق وشفت إذا ما خاب ظني)، وممكن الإفادة من واقع تجارب شخصية ومعلومات أخرى إذا حددتي أكثر.

أما بالنسبة للقارمن فمن محلات اللنجاوي هو وكيلهم ومكانهم ورا سوق الجبر قبل الرونق، وإدخال الإحداثيات سهل ويسهل عليكم زيادة إذا اخترتوا نظام (درجات عشرية، دقائق، ثواني - Degrees, Minutes, Seconds) المعمول به من قبل موقع Booking وله شروحات في المنتديات ويوتوب لنفس العضو المذكور أعلاه.

وتروحون وترجعون بالسلامة إن شاء الله

[ورد الدوحه]

وعليكم السلام ورحمة الله وبركاته

السواقة في أوروبا من أسهل وأجمل التجارب لاتباعهم القوانين والأنظمة، لدرجة تكرهون السواقة بعدها لين رجعتوا بالسلامة إن شاء الله (شعورنا كل مرة أول ما نعوّد)

بالنسبة للأماكن حسب وجهتكم، هل تقصدين فيينا العاصمة تحديداً أو النمسا بشكل عام؟ في ملفات PDF على الإنترنت بأهم المعالم في المدن والبلدات والقرى الأوروبية جمعها عضو قطري باسم "رجل شرقي"، حتى بمجرد تكتبين في خانة البحث "إحداثيات" يكمل لج قوقل عبارة "رجل شرقي" وتطلع لكم الخيارات بالنتائج، واحتمال كبير موجودة في المنتدى هني (أظن سبق وشفت إذا ما خاب ظني)، وممكن الإفادة من واقع تجارب شخصية ومعلومات أخرى إذا حددتي أكثر.

أما بالنسبة للقارمن فمن محلات اللنجاوي هو وكيلهم ومكانهم ورا سوق الجبر قبل الرونق، وإدخال الإحداثيات سهل ويسهل عليكم زيادة إذا اخترتوا نظام (درجات عشرية، دقائق، ثواني - Degrees, Minutes, Seconds) المعمول به من قبل موقع Booking وله شروحات في المنتديات ويوتوب لنفس العضو المذكور أعلاه.

وتروحون وترجعون بالسلامة إن شاء الله


السواقة في اوروبا جميلة جداً ولكن تنقسم لقسمين

السواقة داخل المدن الكبيرة شوي مزعجة وتوتر للسايق الجديد لان الانظمة عندهم تختلف عن انظمتنا وفي قطار بنص الشارع وفي اولوية لمسار عن الاخر ففي البداية تكون مربكة شوي بس مع التعود تصير عادية ,

لكن السواقة في الشوارع الخارجية والمدن الريفية من اجمل ما يمكن .

تروحون وترجعون بالسلامة


السواقة جدا مريحة وامنة وسهلة وممتعة ..


والمانيا جميلة اما فيينا ما يازتلي لاكثر من ليلتين ..
وبالتوفيق ان شاء الله


ولا اسهل واحلى من السواقه في اوربا واحترام القوانين عندهم اهم شي انتو اتكونون منتبهين للعلامات واموركم طيبه

اما بالنسبه للفنادق انا جربتها هالطريقه حجز فندق لاول يومين من الوصول وبعدين اكون مقرر اتجاهي العام وين ناحيه مطار العوده والمكان الي يعجبني ابات فيه استخدم تطبيق على التلفون وفيه بطاقتي لين عجبتني المنطقه مددت واذا في شي سمعته عنه رحت صوبه

من احلى السفرات

تسلمووووون على النصايح والملاحظات يزاكم الله خير
الله يعطيكم العافيه اخواني وخواتي
ماقصرتوا:yes: