استفار عن تواير ( Bridgestone )

[BeYoNd]

صباح الخير

وين احصل تواير ( Bridgestone ) ( براجستون ) بسعر مناسب يكون صناعة أمريكيا او يبانية

ضروري انا حصلت بس غالي لأنه ابي ابدل اربع تواير .

وشكرا

[Rider]

طبعا عند وقود غالي طريق سلوى فيه اكثر من محل وعندك العبيدلي شارع الريان واذا تبغي ارخص مالك الا الاحساء منها تغير جو وتغير تواير

[شبح الصمت]

اتصل في ميزانية دبي هاي رقمه


مظفر

55845603

بتحصل عنده جديد واسعاره طيبه ..

[ya3coub]

ايضا اذا بإمكانك السفر و عندك وقت ساعتين و نص للهفوف تلقى السعر ارخص بكثير من عندنا

الله يوفقكك يا رب

[قلب الحدث]

انا اخدت من لاهور الي بطريق سلوى قبل دوار مدماك

[BeYoNd]

تسلمون ما قصرتو الشركة الي وراء الاند ماراك و عدت أماكن سالت 1300 , و ميزانية دبي 1600 , ولاهور 1050 شوفو الفرق و شوفو تلعب في شركة ثانية

[Rider]

تسلمون ما قصرتو الشركة الي وراء الاند ماراك و عدت أماكن سالت 1300 , و ميزانية دبي 1600 , ولاهور 1050 شوفو الفرق و شوفو تلعب في شركة ثانية
عفوا وش الي 1300 و 1600 و1050 هاي تاير البرجستون مستحيل اخوي عنده لكزس 2017 حديده شقت التاير غيره 1200

[بوحارب]

اذا استعمالك داخل الدوحة ومالك بالسرعة والسفر انصحك تركب تواير صينية وتكون مطابقة للمواصفات والمقاييس


اتوقع سعرها بيكون مناسب وتحصلها عند ميزانية دبي

وعليها فترة ضمان نفس ضمان التاير اللي سعره 5000 ريال :)

[بوخالد911]

جررب عند بريللي
شارع سلوى وانت رايح من اشارات رامادا ومتجه الى الى دخله العزيزية.

[ya3coub]

تسلمون ما قصرتو الشركة الي وراء الاند ماراك و عدت أماكن سالت 1300 , و ميزانية دبي 1600 , ولاهور 1050 شوفو الفرق و شوفو تلعب في شركة ثانية

أخوي بيوند ياريت تبلغنا شنو صار معاك و شنو اخترت؟؟


اذا استعمالك داخل الدوحة ومالك بالسرعة والسفر انصحك تركب تواير صينية وتكون مطابقة للمواصفات والمقاييس


اتوقع سعرها بيكون مناسب وتحصلها عند ميزانية دبي

وعليها فترة ضمان نفس ضمان التاير اللي سعره 5000 ريال :)

أخوي بو حارب و اذا صاده لا قدر الله ظرف وفاه او عرس او اي شي ما تسوى عليه يقعد يحاتي التاير و يروح يبله لأنه بيسافر من الأصل الواحد يركب شي زين و يتوكل على الله

[سالم الزهران]

بريجستون يمسح من الجوانب ( يتآكل ) مع الاستخدام برغم ان جودته في بقيةالامور ماعليه كلام

....

الصيني ردوا بالكم له خاصة جونيو ! طبعاً اتكلم من واقع حياة اسفار

اسف للخروج عن الموضوع بس اللي جرب و حصل فايدة يبي اخوانه يستفيدون

[ya3coub]

بريجستون يمسح من الجوانب ( يتآكل ) مع الاستخدام برغم ان جودته في بقيةالامور ماعليه كلام

....

الصيني ردوا بالكم له خاصة جونيو ! طبعاً اتكلم من واقع حياة اسفار

اسف للخروج عن الموضوع بس اللي جرب و حصل فايدة يبي اخوانه يستفيدون
والله يا اخوي صارلي 6 سنين اسافر اركب تواير من الدمام او الامارات و ارجع الدوحه كل سياره اسوقها سوائا استخدمها للسفر او لا مرتاح مع شركه اسمها Nitto و نوعيه التاير اسمها Invo و لان من اول ما خذيت الليسن صادني كم حادث بسبب التواير الى الان انصح بالسعوديه كونهم ارخص و يتاكد انهم اصليين و شهر و سنه الصنع.

مرات اروح ابدل و اجيب معاي للبيت اذا في سياره محتاجه و في فرق فالسعر دائما بس مرات يكون كبير مرات لا فالنهايه ارخص

[سالم الزهران]

اكيد انا ما ندعي للاستهتار في موضوع التواير لكن ، التجربة خير برهان

وفيه شركات صينية خدمتنا جداً و بدال ما كنا نركب مشيلان وبريللي*

صرنا نركب من الصناعات الصينية الجيدة و الى الآن ما شفت عيوب

لكن من باب الاحتياط اغير قبل المدة اللي متعود عليها مع تواير مشلان و قوديير

والفرق المادي وااااااضح و ما فيه فرق في الاستخدام ( لا رجة و لا صوت و مسحية ).