وين اقدر احصل اناره الدرج الداخلي الي علا شكل خطوط مستقيمه ؟

[N203]

السلام عليكم

وين ممكن احصل إضاءة الدرج الداخلي الي تكون على شكل خطوط طوليه, من دون ما نقص او نعمل حفره في الرخام ؟
هذا الرابط فيه صوره مماثله للي ادور عنه.
https://www.google.com/search?q=stairs+light&source=lnms&tbm=isch#imgrc=EbZCEZjhLQPnRM%3A

والله يجزيكم الف خير

[سعود.]

أضاءة ال دي

تحصل منه في محلات الاضاءة بس لازم تكون
مأسس له نقاط كهرباء .
الي شفتة في المحلات نوعين شريطي وعادي .

حط موضوعك في قسم البناء والديكور باذن الله
يفيدونك الاخوان

بالتوفيق

[سعود.]

وفية طريقة اخري اذا ماكنت مسوي تاسيس مسبق .
بس سالفة طويله .

[Azizuk]

وفية طريقة اخري اذا ماكنت مسوي تاسيس مسبق .
بس سالفة طويله .

ويش ذَا السالفة الطويلة ياخوي سعود

انا ماسست لي نقاط للإضاءة بس في واير كهرباء ماسس وقال لي الكهربائي اَي مكان تبي تحط الإضاءة تقدر

وانا أشوفها شوي صعبه أني اخلي الإضاءة على جنب والكهربائي ينصحني اخليها في وجه الدرج

وأحس انها على جنب حائط الدرج ارقى

هذا غير ان اذا الإضاءة في وجه الدرج راح تخرب لي الشكل العام لأني حاط لون الدرج رخام بيج والنعله دارك امبردور

تكون الإضاءة على درج ودرج

يعني مب كل الدرج فيها اضاءة واحد في اضاءة والثاني مافي

ويوم رحت محلات الإضاءة لينا عمق قاعدة اليت كبيرة يعني بقعد اكسر في الحائط عشان تثبيت الإضاءة

خلنا نقول سمك الرخامة نعلك الدرج 2 سنتيميتر يبي لي احفر في الحائط تقريباً 7 سنتيميتر عشان يركب اليت

وأوقات أقول مب لازم اضاءة في الدرج يكفي الإضاءة اللي فوق الدرج في السقف

عندك حل تنصحني في

[سعود.]

صادق الاضاءة في وجه الدرج مزعجة خصوصآ وانت طالع لان الاضاءة تكون في الوجه الى اذا كانت مخفيه .
على الجنب افضل بكثير . واذا ماكنت مأسس لها من البداية لازم تشيل النعلات الجانبية ويحفر لك باطوفه وترجع تركب او تشيل النعلات ويمد لك الوايرات مع زيادة سمك البلاستر لتغطية البيبات . وزيادة سمك البلاستر اكثر من 2 سم بيعرض النعلات للانفكاك الا اذا استخدمنا مواد لصق خاصة .
هذي شفتها بدرج خارجي وكان شكل النعلات غير جميل نتيجة لزيادة البلاستر .

[معماري قطري]

انا سويت الاضاءة في الوسط ونوعية نيون مال أول لكن أسست لها من البداية وطلعت زينة بس ما نشغلها دوم

ألحين مع الإل اي دي تقدر تركب الشريط اللاصق تحت ما يسمى خشم العتبة وهو الجزء البارز .. سمك الشريط حول 1 سم وتقدر تركبه مخفي لو مددت العتبة الرخام حول 2 سم سيدة حافتها من تحت وربع دائرية الزاوية الفوقية .. ينلصق هذا الشريط على الجزء التحتي وينور على واجهة العتبة ولا تشوفه مباشر

هذي شلة مقاطع عن اللي قلته

https://www.youtube.com/results?search_query=led+strip+lights&spfreload=1

[Azizuk]

انا سويت الاضاءة في الوسط ونوعية نيون مال أول لكن أسست لها من البداية وطلعت زينة بس ما نشغلها دوم

ألحين مع الإل اي دي تقدر تركب الشريط اللاصق تحت ما يسمى خشم العتبة وهو الجزء البارز .. سمك الشريط حول 1 سم وتقدر تركبه مخفي لو مددت العتبة الرخام حول 2 سم سيدة حافتها من تحت وربع دائرية الزاوية الفوقية .. ينلصق هذا الشريط على الجزء التحتي وينور على واجهة العتبة ولا تشوفه مباشر

هذي شلة مقاطع عن اللي قلته

https://www.youtube.com/results?search_query=led+strip+lights&spfreload=1


بس اخوي معماري قطري

هذا الشريط يقولون دوم يخترب بسرعة

شفت لي واحد ليت ال اَي دي بس مستقيم زي المسطرة بطول مترين أو ثلاثة الا ولازم طلبية وغالي سعره

ايطالي الصنع

مركب على برج الفردان وعلى مشاريع الفردان يقولي راعي المحل سعره على 300 ريال

[معماري قطري]

ما عندي فكرة عن إنه يخترب .. انا شريت شريط واحد من بلادك ألمانيا .. من الجمعيات هناك نسيت اسمها اللي فيها الحليب ذاك اللي يرد الشباب .. يجي بكرة وتصدق ما ادري وين حطيته ولا جربته

الإيطالي أكيد جودته غير واللي يبي يطلبه .. عيبنا يا اخوي تفصيلنا للدرج أوقات ما نهتم به عدل وبعدين نكتشف أشياء كان المفروض نسويها .. مثل انا احب الواجهة ( واجهة العتبات يعني ) تكون سيراميك منقوش وحطيت صور لها وممكن ندمج بين السيراميك للواجهة القائمة وقطع الرخام للعتبات .. ممكن نسوي الرخام في الأطراف بس ونحط سجاد في الوسط .. الخيارات كثيرة .. ممكن لطرف العتبة يكون ممتد عن الواجهة 2 سم أو 3 وممكن يكون مكون من طبقتين رخام ملصوقين ومبرومة المقدمة بشكل نص دائرة .. لو كانت العتبة بسمك 3 سم بيطلع طرفها مزدوج بسمك 6 سم ولاف يعطيها فخامة .. وحتى تحت امتداد العتبة عن الواجهة ممكن نسوي قص خاص حق شريط الإضاءة بحيث يكون 100% مخفي .. وممكن نركب النوع اللي تتحكم في لون الاضاءة وشدتها .. وحتى مع النوع اللي لو حبينا نسوي الوسط سجاد ممكن

بعض المصممين يسوون أول عتبة بعرض مزدوج 60 سم أو 50 أو 45 وتكون نص دائرية من الأطراف وبدايتها عمود درابزين دائري وهذي فاتتني في بيتي ودرجي مناسب لها

هذي أُمور لازم نحسب حسابها

[Azizuk]

اهم شي يابوعبدالله حليب ألمك شيك من تغرنسي

مشكلة اذا زودة في عتبت الدرج راح تكون مزعجه في الركوب ممكن تخطرفك وانت راكب ونازل من الدرج

وخاصه وانت نازل من الدرج تتعثر بطرف النعال وانت بكرامة في العتبة

حافت الدرج لازم ماتكون بارزه وايد

[معماري قطري]

بحدود 4 سم أو 5 .. 3 للقوس النص دائرة وواحد أو اثنين سطح سيدة وفيه التجويف حق الشريط .. بعدين عندك النص دائرة حماية حق الضربات

باحط تفاصيلها إن شاء الله في موضوع الملاحظات على المخططات المعمارية

[بوخالد911]

والله كان بخاطرس أسوي هالحركة
سواء ليتات بنص الدرج
أو على الجوانب يمين ويسار

بس الحين ركبت الرخام

هل من طريقة غير التكسير؟!؟!؟
لأني تعقدت من كثرة التكسير
:(

[معماري قطري]

والله كان بخاطرس أسوي هالحركة
سواء ليتات بنص الدرج
أو على الجوانب يمين ويسار

بس الحين ركبت الرخام

هل من طريقة غير التكسير؟!؟!؟
لأني تعقدت من كثرة التكسير
:(

يعتمد على الدرج شلون عندك وفيه خصوصاً حق الإل اي دي وايرات كهرباء لصق ما تبين بس شالاستفادة حلاتها مخطط من الأساس

لو عندك درابزين والدرج شبه مفتوح تقدر تحط شريط تحت مسكة الدرابزين

[Abu-hmood]

في ايكيا اضاءة باحجام مختلفه تستخدم للرفوف ممكن تستخدمها للدرج لاني شفتها نحيفه وماتبين

[الفني]

السلام عليكم

وين ممكن احصل إضاءة الدرج الداخلي الي تكون على شكل خطوط طوليه, من دون ما نقص او نعمل حفره في الرخام ؟
هذا الرابط فيه صوره مماثله للي ادور عنه.
https://www.google.com/search?q=stairs+light&source=lnms&tbm=isch#imgrc=ebzcezjhlqpnrm%3a

والله يجزيكم الف خير


مرحبا بالنسبة للإضاءة الي انت تبيها عندك محل في سوق بروه وانت رايح الوكرة رقم المبنى 3 محل من احسن واجود الصناعه هو محل صيني فاتحين فرع من مصنعهم عندنا في الدوحة
هاي عنده الكواليتي وانا واحد من الناس اتعامل معاهم غرضك موجود عندهم اسم المحل nvc ولون لوحتهم خضرا

[PGR]

مرحبا بالنسبة للإضاءة الي انت تبيها عندك محل في سوق بروه وانت رايح الوكرة رقم المبنى 3 محل من احسن واجود الصناعه هو محل صيني فاتحين فرع من مصنعهم عندنا في الدوحة
هاي عنده الكواليتي وانا واحد من الناس اتعامل معاهم غرضك موجود عندهم اسم المحل nvc ولون لوحتهم خضرا

:victory: