رينبو الدولية للاجهزة الالكترونية وين مقرها ضرررروي

[الدوحة 2010]

‏سلام عليكم ورحمة الله وبركاته

‏وين مكان مقر شركة رينبو الدولية للاجهزة الالكترونية


للاسف الشديد حاولت الاتصال فيهم على الارقام المسجلة

44107000 لكن لا توجد استجابة لمعرفة مقر الشركة

حتى مندوب رفض يدلني المكان

جزاكم الله خير اللي يدل مكانهم ومعرفة موقع

يفيدني ضررررروي

[سعود.]

ماعندي خبر
بس وش هالمندوب الي يرفض يعلمك موقعهم !!!

[بوخالد911]

دورت لك من قوقل

رينبو قطر للاجهزة الكهربائية والالكترونية
ارقام هواتف وجوال الشركة : 4694185
ارقام الفاكس الخاص بالشركة :4503127
عنوان ورقم صندوق بريد الشركة : 30595

بس لا تنسى تضيف 4 بالبداية

http://qa.mdar.co/detail78966.html

[الدوحة 2010]

ماعندي خبر
بس وش هالمندوب الي يرفض يعلمك موقعهم !!!

مشكلة استغلو عدم وجودي في البيت وجابوا جهاز تنظيف مكنسة كهربائية

وباعوه على الاهل وكلمت مندوب ياخذ جهاز رفض ارجاع الجهاز

والادل بموقع الشركة

[q6ryah]

صراحه المندربين وقحين ماعندهم ادب غصب يدخل البيت يستغل غياب الزوج والابناء علشان يحرج ربه المنزل واحيانا تضطر تشتري بس علشان يطلع من البيت قعد يتصل على الوالده ومن هالكلام مب لازم تستزين بس خذي فكره ومعانا هديه ومادري من دالنا عليج مسكينه لانها مره كبيره وبروحها استغل هالشي وين نقدر نشتكي عليهم

[fantasy]

اللي يستحي مايعيش و الخطأ اكيد على الشراي
كل مرة و هذا مثال فقط اروح السوق الصيني في دبي يجوونك هالبنات و تحط لك العطر في كيس وتترجاك تشتريه يجوونك بالشيمة هههههه
فما بالكم بغرض بالاف الريالات
لو انا المندوب اكيد ماراح ارضا اخذ الغرض و ارجع الفلوس
افتحوا عيونكم يا اخوان لي متى المستحى

[شموخ دائم]

,

,


مرحبا


هذي الشركه صار لها 10 سنوات تبيع بهذي الطريقه
أسلوب ( الاحراج ) والحنه
والمندوبين لهم عمولات في كل بيعه

المشكله ان الجهاز ( غالي )

وما ( تستفيد ) منه

كل الي اشتراه يستخدمه مره بالشهر

وفي الأخير

( ينرمي بالمخزن )

:)

الحين انت اشتريته ( وللامانه ) مالك حق ترجعه ( بدون ) سبب

او عيب في الجهاز او بالخدمه


عندك ( حمايه المستهلك )

سو شكوى هناك

مع ذكر السبب

ان الجهاز ( تنظيفه ليس بالطريقه الي تم شرحها )

وهنا ندخل في ( المبالغه ) في فاعليته

وبعدها ادخل بمفاوضات ترجيع الجهاز

,

,

[الصغيره]

حسبي الله عليهم وياليت وزارة الاقتصاد تسكر محلهم بهدلونا وازعجونا باسلوبهم التجاري التعبان

[ABU BADER]

حسبي الله عليهم وياليت وزارة الاقتصاد تسكر محلهم بهدلونا وازعجونا باسلوبهم التجاري التعبان


انا منزعج منهم بشكل ماتتصورونه يدقون على تلفون البيت
وتلفونات جوالي عندي رقمين واحد منهم جديد ومدري شلون عرفوه
او يتصلون عشوائي ؟
ويدقون على تلفونات اهلي كلهم…. من يقدر يحل لنا هالمشكلة الي يعاني منها اغلبنا
ماخلصنا من المكالمات الخارجية الغريبة يطلعون لنا (الشركة الدولية)

[SouthK]

عادي
حرامية و لقوا ناس يقصون عليهم