السفر عن طريق البر

[kitmat]

ايقولون هالايام زحمة السفر عن طريق البر للامارات او السعودية لانهم ياخذون الصمات ومافي الاكاونتر واحد وزحمة وايد

[kitmat]

ياخذون البصمات

[al saad]

لا عادي بس لا تروح ويك اند زحمة....

[سعود.]

انا سافرت يوم جمعه الويك اند الي كان بعد انتهاء امتحانات الطلبه . اساعه 10 ص
وصلت منفذ ( سلوى ) فعلا زحمة بسبب البصمة تقريبا قعدت ساعه كامله في كبينة البصمة .
بس جميع الكوانتر مفتوحه ( الكل ) للجوزات .

البصمة ياخذونها للاصابع وصورة شخصية هم يصورنك بس لرجال وليس لنساء ولمره واحدة فقط

[ماجد البدر]

رحت قبل اسبوع لا بصمة و لا غيره و الامور سهالات بفضل الله السعودية و الامارات الامور عاديه جدا مافيه بصمة او شي

[اللوز]

لا توجد بصمة
الظاهر بس البصمة للاجانب مثل الخدامات والدريولييه

[ya3coub]

إمبله موجوده البصمة و على مزاجهم يفعلونها و يكنسلونها "يمسون الناس اذا متعاونين"


اخبر رحت جده العام صوروني و خذو بصمتي فالمطار و استغربت قلت له انا قطري قالي الجميع


و من شهرين مسافر بالسيارة قال كلكم بصمات إلا يعقوب قلت له احنا مستعجلينن و عندكم بصمتي المرة الجاية بيبصمون كان معاي أخوي و ولد عمتي و رفيجه والله تم شويه و ساكت و قال المرة الجايه لما تدخلون بتبصمون قلت له ابشر و على ضمانتي ما بيصير شي ضحك و مشانا.


اهو شي طيب و اجباري و انا معاه بس التعطيل او التفعيل بوقت الزحمة ما يدخل العقل لو البصمه عند كل موظف و كل كبينه الأـمور بتكون سهله و طيبه علبال ما يسوي الجوازات/ البطاقات كل واحد من السيارة او ينزل يحط صبعه و صورة و كان الله غفور رحيم بس الي سمعته انه كبينه وحده و عفيسه و بعدها الأمور صارت سهله و ما قامو يطلبون

[Dana’1]

يمكن عشان الي للحين عنده ازدواجيه الجواز!!

[السيف5]

خلال شهرين رحت السعودية يمكن اربع مرات ولامرة خذوا البصمة عن طريق منفذ سلوى

ولكن من سنة رحت بالضبط العمرة ونزلت بمطار المدينة المنورة واخذوا بصماتنا كلنا مع الاهل

وسألت الموظف خير في شي ...قال لااا بس هذا نظام جديد عندنا ولمرة وحدة فقط

[سعود.]

الي ماخذ بصمة بمنفذ سلوي .
اكيد ماخذ بصمة بمطار سعودي من قبل .

هذا والله اعلم .

[بوخالد911]

الشي الغريب والمضحك بنفس الوقت
لازم تسوي بصمة للبطاقة الشخصية
وبصمة للجواز

!!!!!!!!!!!!!

[R 7 A L]

يمكن عشان الي للحين عنده ازدواجيه الجواز!!


ماله علاقة
وهذا نظام معمول به في معظم دول العالم
امريكا بصموني أكثر من مرهـ

[start555]

سافرت يوم الاحد وجلست في سلوى تقريبا ساعة ونص عشان البصمه + تأشيرة الخادمة

للعلم تأشيرة الخادمة 2000 ريال لأكثر من 3 أيام

[مرتبش]

الجواز له بصمة واذا جددته تبصم مرة ثانية.. ونفس الشي للبطاقة

[عقرب]

نعم بصمة

وأنا من أسبوعين يوم الجمعة الصباح رحت للسعودية خذت لي 3 ساعات عشان تأشيرة الخدامة وبصمت معاها :)

ورجعت الدوحة الخميس وأنا طالع من مركز سلوى إلا أشوف الصوب الثاني الي رايحين السعودية السيارات لين برا المركز

[غريب الدّار]

البصمة مطلوبة على الذكور فوق 15 سنة فقط

واللي ياخذون له البصمة من أي منفذ سواء بري او جوي ماياخذونها مرة ثانية

وبما ان الاجراء تم تطبيقه مؤخرا ، فمن الطبيعي تكون في زحمة شوي ، لكن إجراءات البصمة نفسها ماتطول

[AL_MUTAEM]

البصمة مطلوبة على الذكور فوق 15 سنة فقط

واللي ياخذون له البصمة من أي منفذ سواء بري او جوي ماياخذونها مرة ثانية

وبما ان الاجراء تم تطبيقه مؤخرا ، فمن الطبيعي تكون في زحمة شوي ، لكن إجراءات البصمة نفسها ماتطول

صحيح كلامك اخوي والبصمه لمره واحده فاستغرب البعض يذكرون انهم لم يبصموا مع العلم ان الموظف لا يستطيع انهاء عملية الدخول اللا بعد اخذ البصمه ..

[سعود.]

[b]
صحيح كلامك اخوي والبصمه لمره واحده فاستغرب البعض يذكرون انهم لم يبصموا مع العلم ان الموظف لا يستطيع انهاء عملية الدخول اللا بعد اخذ البصمه ..

صحيح
انا من فترة مسافر ولما وصلت كبينة الجوزات ( سلوى ) رجعوني ابصم . وامس مسافر لا حد كلمني يعني البصمة مرة وحدة فقط .

[معماري قطري]

يمكن عشان الي للحين عنده ازدواجيه الجواز!!

للكل شهر 12 في جدة بصموني

[كلاسيك قطر]

شباب الحين الي يبصم قبل مايبصم مره ثانيه
وبخصوص الخدامه بتقعد في السعودية فقط 3000 ريال ولايسه 2000 ريال واذا مرور 300 ريال

[Dana’1]

بصراحه قبل اسبوعين تقريبا رحت من سلوى والرجعه من مطار الدمام
ولا بصموني ابدا

[Dana’1]

تووني طالعه من مطار الدمام وبصموني بس بنتي لا

تقول تبصمين عن كل اثبات مره بس عقب خلاص
مثلا سافرت بالبطاقه ابصم عقب خلاص بس اذا جيت بالجواز ابصم مره ثانيه
بس سهالات بسرعه تخلص

[مرتبش]

البصمة موجودة للي مابصم من قبل او مجدد جوازه او بطاقته.
بالاضافة الى ان الزحمة الصراحة ماشفت مثلها من قبل.. رحت الخميس من اسبوعين وكان عقب الاجازات وجميع الكاونترات شغالة في بوسمرة وسلوى والسيد واصل الى اول المركز.
صاير شي غير طبيعي في المركزين

[السيف5]

اول امس الاربعاء رحت مع الاهل الحسا
وبصموني بروحي ..قالوا لايوجد لك بصمة اختفت
مع انه الاهل مابصموهم ....
مع اني داخل السعودية اكثر من خمس مرات خلال شهرين وكل شي تمام

ههههههههه بصمتي اكلها فيروس الظاهر

[سعود.]

البصمة لرجال فوق سن 15
النساء مالهم بصمة

[السيف5]

البصمة لرجال فوق سن 15
النساء مالهم بصمة

يااخي من قال مالهم بصمة
واحنا بصموا كل اللي معانا
وبعد شوف الردود فوق

[سعود.]

يااخي من قال مالهم بصمة
واحنا بصموا كل اللي معانا
وبعد شوف الردود فوق

السموحه منك

ماشفت الرد. لاني الشهر الماضي مسافر مرتين بر سفرة عائلية ولا بصمو النساء
شكلة قرار جديد

[حمد 2002]

للحين هالنظام ولا

[ya3coub]

للحين هالنظام ولا

اي نعم و صار في تغيير الي ما بصم يفك عمره و يبصم و المفروض انهم حسنو الوضع الحين

شفت وين مكان المطبقات الي اول ما تدخل مركز السعودية على اليمين هناك بتلقى بصمه الرجال.

الحريم اذا يسافرون طيارة خصوصا مطار جده يبصمونهم المراكز البرية حاليا و اتكلم عن سلوى بس الرجال و اذا معاك شخص ما بصم فالسيارة سيدا وقف و انطره و عقب روح البوابه علشان ما يرجعونك


انا اول امس رايح و الويك اند بعد نفس الشي

[حمد 2002]

اي نعم و صار في تغيير الي ما بصم يفك عمره و يبصم و المفروض انهم حسنو الوضع الحين

شفت وين مكان المطبقات الي اول ما تدخل مركز السعودية على اليمين هناك بتلقى بصمه الرجال.

الحريم اذا يسافرون طيارة خصوصا مطار جده يبصمونهم المراكز البرية حاليا و اتكلم عن سلوى بس الرجال و اذا معاك شخص ما بصم فالسيارة سيدا وقف و انطره و عقب روح البوابه علشان ما يرجعونك


انا اول امس رايح و الويك اند بعد نفس الشي

الحريم مايبصمونهم بسلوى ؟

طيب وهل هناك تأخير ببصمه سلوى للرجال ؟

لاني بسافر هاليومين وماحب التاخير ؟

[ya3coub]

الحريم مايبصمونهم بسلوى ؟

طيب وهل هناك تأخير ببصمه سلوى للرجال ؟

لاني بسافر هاليومين وماحب التاخير ؟

على حسب الزحمة حط فبالك حول 20 دقيقه ما تبي تبصم خلال سفرتك الله لا يهينك الليله او بكره اي وقت متملل و فاضي ما عندك شي ساعه إلا ربع انت واصل المركز تروه هناك تبصم و ترجع و كان اله غفورا رحيم عندك من 7 فالليل المركز سهالات و اخر الليل لين الفجر فالعاده فاضي بصم و ارجع بس اذا احد بيسافر معاك و مو مبصم ما سويت شي لأن لازم تنطره


لا الحريم بس مطبقه مافي تبصيم

التأخير حروة الـــ20-30 دقيقه بس بالكثيييييير انا كنت مسافر الجمعه و ريل عمتي الله يرحمها معانا كان و جدامنا تقريبا 7 سيارات كانو يبصمون داخل قبله

[حمد 2002]

الله يرحمه ويغفر له ،،

البصمه مره بالعمر صح اخوي ؟

وجزاك الله خيرا ورحم والديك

[ولد العرب]

الله يرحمه ويغفر له ،،

البصمه مره بالعمر صح اخوي ؟

وجزاك الله خيرا ورحم والديك

معيض ماكنك مصختها بالاسئله :rolleyes2:
ياخي بصم بخشمك وانتهت :anger1:

[الزعفراني]

عشان لا تصيدون الزحمة في منفذ سلوى اختاروا هالوقت للسفر :

من 12 الفجر لين قبل آذان الفجر

وفالكم التوفيق

أدري داش عرض بس حبيت اعطيكم هالمعلومه :)

[مرتبش]

عندي اضافة عن البصمات
سافرت السعودية من كم يوم.. مابصموني في الدخلة لاني باصم من قبل للجواز ومرة للبطاقة.. حلو
وانا طالع بصموني .. لذلك انصح تخلي وقت احتياط للمفاجآت

[برشلوني قطر]

انا من فتره دخلت مكان البصمه وقالي مايحتاج ...ومن يومين وصلت الكونتر وقالي ارجع و خذ البصمه :swoon2: