هل تؤيد البنت ترسل رسائل صوتية في واتساب ؟

[nooora]

بسم الله الرحمن الرحيم


انتشر تطبيق واتساب بشكل كبير بين الكل الصغير والكبير ومنهم المراهقين المراهقات، وتعدى درجة التواصل العادي ليصل إلى حد الإدمان، يعني ممكن حد يرسل صور ورسائل صوتية ومقاطع فيديو ووسائط أخرى،
النقطة المهمة. الا وهي هل انت تؤيد البنت ان ترسل رسائل صوتية في الواتساب لافراد عائلتها او لصديقاتها طبعا هذه الرسائل الصوتية تحفظ في هواتف المرسل اليه ماذا لو نشرت هذه الرسائل رغبة في الانتقام من قبل بعض صديقاتها؟
كل واحد يعطينه رأيه في الموضوع اذا شي هذا يضر بالبنت وهل ممكن البنت تندم او تخاف يوما من هذه الرسائل؟

[اللوز]

رغبة في الانتقام من قبل بعض صديقاتها؟

هاذي مرافجه مجرمات او صديقات !!

[غريب الدّار]

مرحبا اختي نورة

والله اللي تقدر تتحمل النتايج السلبية لهالموضوع كيفها


لكن اعتقد ان الموضوع فيه خطورة في مجتمعنا المحافظ

والله اعلم

[غريب الدّار]

وابي أوضح شغلة اختي نورة اعتقد أشار لها اخوي اللوز :
دام الكلام عن ظروف استثنائية مثل ماتفضلتي وذكرتيها اختي (مثل اللي ممكن صديقتها تتهاوش وياها مثلا وتروح تفضحها) فاعتقد ان الموضوع راح يصير عادي ، يعني عادي البنت ترسل أي شي طول ماهي متصافية ويا صديقاتها!!!


لكن كلامي كان بشكل عام ان الموضوع هذا في مجتمع مثل ماجتمعنا القطري بشكل خاص ومجتمعاتنا العربية بشكل عام ، فيه مخاطرة كبيرة ، حتى لو كان المقطع الصوتي عادي ومافي شي او حتى لو كان المقطع المرئي مافيه شي

المجتمع له تقاليد قد تعجب البعض وقد لاتعجبهم لكن هذا الواقع

[mr. abdulla]

و الله نوره أوقات احس اللي بالمنتدى عايشين ايّام الطيبين... المشكلة مب في الرسائل الصوتية الله هداك المشكلة اكبر في تطبيقات ثانية مثل السناب... و بنات يصورون عمرهم و كشخاتهم و يراسلون بعض.. كل وحدة تقول حق الثانية شرايك في مكياجي او شعري او كشختي و قولي ماشاء الله... و كل بنت مخزنة صور رفيجاته بالتليفون .. الله يستر عليهم و علينا... ناس قامت تستسهل الامر

[غريب الدّار]

... ناس قامت تستسهل الامر

صدقت اخوي عبدالله

والمشكلة مب مع اللي يستسهلون الامر ، لان في ناس يقولون لك عادي ، وش سوت البنت مثلا؟ الا سجلت صوتها
او صورت نفسها في وضع عادي
حتى لو انتشر في ناس ماعندها مشكلة


المشكلة في اللي يخافون او يدرون ان انتشار صوتهم او صورهم يسبب مشكلة كبيرة في محيط العايلة للبنت وأهلها


فبالتالي اللي مستعدة تتقبل المخاطرة هاذي الله يعينها

لكن بشكل عام لا يُنصح بذلك


والله اعلم

[Rider]

الله يرحم نوكيا بوليت كنا مرتاحين

[aloosh]

ابشركم ان شركه الواتس اب تشغل الكيمرا وتشوف شتسوي ومعا من وتفرج على الخصوصيات
وتحدد مكانك بالضبط بدقه 100%
وترا هذا في كل موقع التواصل الاجتماعي واللي يقول فيه خصوصيه يكذب عليك كل مواقع التواصل الاجتماعي يوجد بها موظفين من المخابرات 24 ساعه ويشفون كل صغيره وكبيره

ولا قلت هذا الكلام الى بعد درسه وعمل موقع مشابه للفيس بوك وعرفت جميع الخفايا

[راجي الْعفو]

في هالزمن

اقول نعم لازم تحذر لان كل شي مفتوح و مافي شي مضمون ولا توجد ثقة في عالم البرامج الحديثة

انسى

[R 7 A L]

ممكن نفهم وش تقول على شان نحكم

[Dexter]

مافهمت يعني شلون فضايح؟ تراه صوت مب صور.. يعني ياليت تعطونا سيناريو فضيحة لتسجيل عادي، لأن للحين ما قد سمعت عن فضيحة تسجيل صوت من قبل ( تسجيل عادي لقروب العائلة مثلاً او محادثة عادية )

قول صور، سناب شات.. صح الواحد يخاف، لكن رسائل صوتية؟ هههههههه شلون؟

[العقل المدمر]

مافهمت يعني شلون فضايح؟ تراه صوت مب صور.. يعني ياليت تعطونا سيناريو فضيحة لتسجيل عادي، لأن للحين ما قد سمعت عن فضيحة تسجيل صوت من قبل ( تسجيل عادي لقروب العائلة مثلاً او محادثة عادية )

قول صور، سناب شات.. صح الواحد يخاف، لكن رسائل صوتية؟ هههههههه شلون؟

بالضبط .. شفيها لو حد سمع صوتها ليكون قاعدة تغني هي
ترى كل الناس يسمعون اصواتنا لما نتصل والا نروح مكان عام :yawn:

[نفسي عزيزه]

وابي أوضح شغلة اختي نورة اعتقد أشار لها اخوي اللوز :
دام الكلام عن ظروف استثنائية مثل ماتفضلتي وذكرتيها اختي (مثل اللي ممكن صديقتها تتهاوش وياها مثلا وتروح تفضحها) فاعتقد ان الموضوع راح يصير عادي ، يعني عادي البنت ترسل أي شي طول ماهي متصافية ويا صديقاتها!!!


لكن كلامي كان بشكل عام ان الموضوع هذا في مجتمع مثل ماجتمعنا القطري بشكل خاص ومجتمعاتنا العربية بشكل عام ، فيه مخاطرة كبيرة ، حتى لو كان المقطع الصوتي عادي ومافي شي او حتى لو كان المقطع المرئي مافيه شي

المجتمع له تقاليد قد تعجب البعض وقد لاتعجبهم لكن هذا الواقع

اتفق معاك

[غريب الدّار]

مافهمت يعني شلون فضايح؟ تراه صوت مب صور.. يعني ياليت تعطونا سيناريو فضيحة لتسجيل عادي، لأن للحين ما قد سمعت عن فضيحة تسجيل صوت من قبل ( تسجيل عادي لقروب العائلة مثلاً او محادثة عادية )

قول صور، سناب شات.. صح الواحد يخاف، لكن رسائل صوتية؟ هههههههه شلون؟


بالضبط .. شفيها لو حد سمع صوتها ليكون قاعدة تغني هي
ترى كل الناس يسمعون اصواتنا لما نتصل والا نروح مكان عام :yawn:

القصد ياجماعة ان الشريحة الكبيرة في مجتمعنا (على حسب نظرتي الشخصية اللي تقبل الخطأ قبل الصواب) سيرة شوفاتهم تشوش الراس

فمحد يقبل على شوفته ان يتم تداول مجرد تسجيل صوتي عادي لها

فما بالكم بصوت وصورة ؟


طبعا أتكلم عن الأمور العادية


طبعا الأمور الثانية واللي يكرمون عنها الاشراف فيها قطع رقاب ودم يسيل للركب ومحد يرضا بها لا اهل البنت ولا غيرهم

لكن ومن باب الاحتياط واجب ، أي شخص لازم يأخذ حذره


اما اللي عادي عندها كيفها
واللي مب عادي عندها لازم تأخذ حذرها من مثل هالمواضيع


قد يكون البعض يشوف الكلام غير منطقي ، لكن هذا الواقع وهذا المجتمع


والله يوفق الجميع

[بوحارب]

الحين بنات صاروا يرسلون محادثه فيديو وانتي للحين على الصوت !!!

[بوخالد911]

الحين بنات الله يرسلون محادثه فيديو وانتي للحين على الصوت !!!

انه التطور يا أبا حارب

[khaldoon]

كل من يرسل صوت او صورة لشيء مخالف للدين او للعادات و التقاليد و او للاخلاق العامه او خادش للحياء سواء كان شاب او بنت هو مثل الفراشه اللي تحوم حولين النار/الضو و ما تبي تحترق منها ....بيلعب بالنار و الله يستر ينحرق فيها او يطلع منها سالم...بس لو طلع سالم من العقوبه او الضرر ما راح يسلم من الذنب امام رب العباد

الحين مب مشكله بالصوت لو كان صوت محترم و حازم و بأدب ....المشكله لو كان فيه مياعه و دلع و قلة ادب

[7aayaahh1]

إي والله صارت !

[حـ ن ـيـ ن]

و الله نوره أوقات احس اللي بالمنتدى عايشين ايّام الطيبين... المشكلة مب في الرسائل الصوتية الله هداك المشكلة اكبر في تطبيقات ثانية مثل السناب... و بنات يصورون عمرهم و كشخاتهم و يراسلون بعض.. كل وحدة تقول حق الثانية شرايك في مكياجي او شعري او كشختي و قولي ماشاء الله... و كل بنت مخزنة صور رفيجاته بالتليفون .. الله يستر عليهم و علينا... ناس قامت تستسهل الامر

اعجبتني أيام الطيبين....

سناب شات دمار على المراهقات وكل بنت ترسل على زميلاتها سواء خاص أو عام

بغض النظر واثقة فيهم أو لا ، ممكن الحساب يتهكر ممكن زميلتها تبيع الجهاز والصور محفوظة

الله يهديهم ...

[الحياة الخالدة]

يعني الحين لو انا طرشت رسالة صوتية حق اختي والا حد من العيال قلت لهم نبيكم عندنا عالغدا .. والا عشانا اليوم غوزي
والا خل الخدامة تروح تكوي الملابس والا أي سالفة عادية جداً جداً من غير قلة أدب وابتذال
شالمشكلة في هالشي ؟؟!!
اللي بيحط نفسه مواقع الشك والشبهات يتحمل النتيجة لكن أمور عادية نفس الامثلة اللي ضربتها فوق وين الغلط فيها
نتكلم عن الرسائل الصوتية حسب ماهو مذكور في العنوان .. مب عن أي شي ثاني

[العقل المدمر]

القصد ياجماعة ان الشريحة الكبيرة في مجتمعنا (على حسب نظرتي الشخصية اللي تقبل الخطأ قبل الصواب) سيرة شوفاتهم تشوش الراس

فمحد يقبل على شوفته ان يتم تداول مجرد تسجيل صوتي عادي لها

فما بالكم بصوت وصورة ؟


طبعا أتكلم عن الأمور العادية


طبعا الأمور الثانية واللي يكرمون عنها الاشراف فيها قطع رقاب ودم يسيل للركب ومحد يرضا بها لا اهل البنت ولا غيرهم

لكن ومن باب الاحتياط واجب ، أي شخص لازم يأخذ حذره


اما اللي عادي عندها كيفها
واللي مب عادي عندها لازم تأخذ حذرها من مثل هالمواضيع


قد يكون البعض يشوف الكلام غير منطقي ، لكن هذا الواقع وهذا المجتمع


والله يوفق الجميع



البنت تتكلم عن الرسايل الصوتية مب عن الفيديوهات
يعني الاولى ان ننصح الفئة اللي مخها مقفل في هالمجتمع
ونوعيهم ان مايصير يحرمون الحلال بدل مانروح نحرمه معاهم ولعيونهم ونلتمس لهم الاعذار
واذا على قولتك فيها قطع ارقاب ترى القتل ثاني اكبر ذنب بعد الشرك وذنبه اكبر حتى من الزنا
والواحد فهالدنيا المفروض يرضي ربه مب يرضي نفسه ورجولته وسمعته بذنب هالكبر
للاسف اللي صاير ان الناس كلها تلوم البنت وتعلمها شلون تتجنب ان حد يأذيها حتى لو يحرمون عليها الحلال ويضيقون عليها الدنيا
بس محد فكر يعلم الذكر ان ماله اي عذر يخليه يغلط والا يسوي الحرام !

[غريب الدّار]

البنت تتكلم عن الرسايل الصوتية مب عن الفيديوهات
يعني الاولى ان ننصح الفئة اللي مخها مقفل في هالمجتمع
ونوعيهم ان مايصير يحرمون الحلال بدل مانروح نحرمه معاهم ولعيونهم ونلتمس لهم الاعذار
واذا على قولتك فيها قطع ارقاب ترى القتل ثاني اكبر ذنب بعد الشرك وذنبه اكبر حتى من الزنا
والواحد فهالدنيا المفروض يرضي ربه مب يرضي نفسه ورجولته وسمعته بذنب هالكبر
للاسف اللي صاير ان الناس كلها تلوم البنت وتعلمها شلون تتجنب ان حد يأذيها حتى لو يحرمون عليها الحلال ويضيقون عليها الدنيا
بس محد فكر يعلم الذكر ان ماله اي عذر يخليه يغلط والا يسوي الحرام !

ليش لا

بس شوفي طال عمرج :

البنت تتكلم عن الرسايل الصوتية مب عن الفيديوهات
وانا تناولت الاثنين اختي


يعني الاولى ان ننصح الفئة اللي مخها مقفل في هالمجتمع

أي فئة تقصدين اختي ب (مخها مقفل) في المجتمع؟
الفئة اللي ماترضى بهالشي؟
او اللي اتدور وتنشر الفضايح ؟



نوعيهم ان مايصير يحرمون الحلال بدل مانروح نحرمه معاهم ولعيونهم ونلتمس لهم الاعذار

انا بصراحة مادري من تكلم عن تحريم الحلال لكن اختي الكلام عن عادات وتقاليد
وانا وضحت هالشي في كلامي وماتكلمت من جانب ديني ولو ترجعين لمداخلاتي بتشوفين هالشي اختي الكريمة



ونلتمس لهم الاعذار

ماالتمست الاعذار لاي شخص اطلاقا
والحق احق ان يتبع عندي
تكلمت عن واقع فقط
كون البعض يرفض او يقبل الواقع هذا موضوع آخر


واذا على قولتك فيها قطع ارقاب ترى القتل ثاني اكبر ذنب بعد الشرك وذنبه اكبر حتى من الزنا
ادري
لكن هذا مجتمعنا اختي
يمكن انتي او انا او غيرنا موافقين او رافضين
بس هذا الواقع

احنا نرصد الواقع اول شي ، وعقب نرصد نتايجه وآثاره اذا نبي نحل أي موضوع


والواحد فهالدنيا المفروض يرضي ربه مب يرضي نفسه ورجولته وسمعته بذنب هالكبر
مافي شك
والرسول دعا الى تجنب الغضب ، وكظم الغيظ من الصفات المحمودة في القرآن



للاسف اللي صاير ان الناس كلها تلوم البنت وتعلمها شلون تتجنب ان حد يأذيها حتى لو يحرمون عليها الحلال ويضيقون عليها الدنيا

اختي جذيه راح ندخل في موضوع ثاني لكن مع هذا راح اعقب على جملتج هاذي :
ادري ان مجتمعنا مجتمع ذكوري
وواضح جدا هالشي
قد يكون الموروث هو الأساس في الموضوع
بالإضافة الى الفهم الخاطئ لبعض نصوص الدين او السنة النبوية (وماراح ادخل في تفاصيل)


لكن اختي هذا المجتمع شئنا ام ابينا
اللي يبي يتمرد على تقاليده وعاداته ويشوف انه هو صح الله يوفقه بما يرضي الله سبحانه ويبني المجتمع
اللي يبي يلتزم بما يرضي الله وبما يبني المجتمع فالله يوفقه

لازم نعترف بالواقع وبعدين نحلل

كونج تقبلين او ترفضين الواقع اختي هذا شي راجع لج وراجع لكل فرد في المجتمع اختي الكريمة
رصد الواقع مايعني بالضرورة الموافقة عليه ، أتمنى الالتفات للنقطة هاذي



بس محد فكر يعلم الذكر ان ماله اي عذر يخليه يغلط والا يسوي الحرام
مع اني ماتطرقت للنقطة ذي لا من قريب ولا من بعيد

لكن 10000000000 % كلامج صحيح

عند الله كلنا متساوين في الثواب والعقاب ، وهالشي مذكور في القرآن بكل وضوح
الغلط غلط

لكن للأسف (واحط تحت كلمة للأسف خط) مجتمعنا كما هو حال مجتمعات كثيرة ينظر للغلط من البنت على انه مصيبة وكارثة لاتغتفر ، لكن الرجال يشيل عيبه

هذا الواقع اختي وانتي اعترفتي فيه في الأخير بجملتج الأخيرة ، وهذا اللي سويته انا واعترضتي عليه


في الأخير :
اشكرج على مداخلتج

[R 7 A L]

يعني الحين لو انا طرشت رسالة صوتية حق اختي والا حد من العيال قلت لهم نبيكم عندنا عالغدا .. والا عشانا اليوم غوزي
والا خل الخدامة تروح تكوي الملابس والا أي سالفة عادية جداً جداً من غير قلة أدب وابتذال
شالمشكلة في هالشي ؟؟!!
اللي بيحط نفسه مواقع الشك والشبهات يتحمل النتيجة لكن أمور عادية نفس الامثلة اللي ضربتها فوق وين الغلط فيها
نتكلم عن الرسائل الصوتية حسب ماهو مذكور في العنوان .. مب عن أي شي ثاني
مشكلة كبيرة المفروض
تخترعون شفرة بالحروف او ارقام ويكون فيه تفاهم بينكم على شأن ماحد يخترق اجهزتكم ويسمع كلامكم
مثال : 548565 هذي معناتها انا حالياً في المطبخ
بيمنسبتمن : هذي معناتها الحين امشي في السيارة ب اتجاه الشارع الفلاني
ف بهذة الرموز المخترعه من قبل الاهل والاقارب يصعب على الاخرين فهم مايحدث في الوتساب وهنا تنتهي المشكلة .

[راجي الْعفو]

الموضوع لما يَدور حول غيرة الرجل على المرأة و صيانته لها

صعب على الحريم يستوعبون هالشي ، لأنهم ما يشعرون و لا يدركون احساس الرجل و نظرته في هالجانب

فيمكن يشوفون انه متشدد او انه قاعد يسوي شي غلط

والواقع عكس هذا


وشدة الغيرة عند الرجال هذا شي محمود


وكل ما ضعفت غيرته كل ما كان ذلك نقص في رجولته

وعشان هالشي تجد الرجل الطبيعي حريص على محارمه و لو على أدنى شي

وطبيعة النساء التساهل، فيحتاجون لرجل يضبط الوضع

[الحياة الخالدة]

مشكلة كبيرة المفروض
تخترعون شفرة بالحروف او ارقام ويكون فيه تفاهم بينكم على شأن ماحد يخترق اجهزتكم ويسمع كلامكم
مثال : 548565 هذي معناتها انا حالياً في المطبخ
بيمنسبتمن : هذي معناتها الحين امشي في السيارة ب اتجاه الشارع الفلاني
ف بهذة الرموز المخترعه من قبل الاهل والاقارب يصعب على الاخرين فهم مايحدث في الوتساب وهنا تنتهي المشكلة .

ههههههههههه
زين خل يعطونا دورات مجانية في لغة الشفرة أو الرموز

[العلياا]

ههههههه بصراحة انا ابتزوني بعض العرب وتم الابتزاز كم شهر
الله لطف فيني وتكنسل القروب وضاع الفويس هههههه

انا وحدة نهائيا ما اكتب كله فويسات :rolleyes2:

[قيس الكيمياء]

انا ارى ان الافراط في هذه المراسلات مشكلة

الرسالة الصوتية العادية لا بأس بها

لكن المشكلة التغنج فيها والممازحة بين الصديقات اللاتي يثقن في بعضهن مما يعرض الفتاة للفضح اذا ثارت مشكلة او حساسية

الله يحفظنا ويحفظكم وبنات المسلمين اجمعين

[المحاميه]

عذراً ياصاحبة الموضوع

لكن هذا موضوع؟! من صجكم


ماعندي تعليق

لحظه باشيك اذا احنا في 2017 ولا يتروالي ...

[يمامـة]

بما اني من النوع المتحفظ اللي ما احب اسجل صوتي برسايل صوتية وأرسلها للحريم من حولي..

الا اني اقف مع صف المتحفظين في استخدام مثل هالتقنية..

وفي المقابل ما امانع من استخدامها في حدود ضيقة ومع ناس يكونون ثقة لو بنتي بتستخدمها..

وسبحان الله من أسبوع تقريبا سألتها عن استخدامها للتقنية هذي.. وقالت لي انها تستخدمها
لكن مب مع الكل .. فنبهتها انها ما تستخدمها مع الكل من البنات في الجامعة وأيدتني ولله الحمد في الراي..

وتنبيهي لها .. أن مب كل من هب ودب ممكن نرسل له ملفات صوتية خاصة فينا..
لأن مب الكل على قدر من الثقة ان نسلمهم ملفاتنا الصوتية وان كان الملف يقول :" السلام عليكم "

هذه هي وجهة نظري بكل بساطة..

[nooora]

الخوف من الابتزاز لان التكنولوجيا ما له امان.. حتى لو نراسل الاقارب