تقليل عرض المسارات على جزء من طريق 22 فبراير

[.قطر.]

http://i.imgur.com/NcpARCt.jpg

تعلن هيئة الأشغال العامة بأنه سيتم تقليل عرض المسارات الثلاثة على جزء طوله 800 متر من طريق 22 فبراير في الاتجاهين كما هو موضح بالخريطة المرفقة، وذلك ابتداءً من يوم الثلاثاء الموافق 24 يناير ولمدة 11 شهر بالتعاون مع إدارة المرور.

خلال هذه الفترة يتوجب على الشاحنات ومركبات النقل الثقيل القادمة من الشمال والمنطقة الصناعية عدم استخدام هذا الطريق واتباع اللوحات الإرشادية للوصول إلى دوار الريان من خلال طرق الخدمات للوصول إلى وجهتهم كما هو موضح بالخريطة المرفقة.

تنفذ هيئة الأشغال العامة هذه التغييرات على الطريق بهدف تنفيذ أعمال إنشاء أحد الجسور كجزء من أعمال مشروع تطوير طريق الريان. سيعمل هذا الجسر عند اكتمال على ربط طريق 22 فبراير بغرب بطريق الريان وتعزيز الانسيابية المرورية.

تهيب هيئة الأشغال العامة بمستخدمي الطريق التقيد بحدود السرعة المحددة بخمسين كلم/الساعة واتباع اللوحات الإرشادية الجديدة التي تم تركيبها حفاظاً على سلامتهم.







الطريج بينفجر من الزحمه يقومون يضيقونه بعد crazy

[مستثمر رشيد]

الله يكون في العون

[ساراام]

بدل لايزيدون ينقصون

[بوخالد911]

لعله خير !!!!

[معماري قطري]

50 الله يعين بنستوي سلاحف النينجا

الليلة شفت رقم 202 عن خاطري بس الا لو فعلوا نظام المعدل والكاميرات اللي تحسب معدل السرعة شكلي ضايع

[بوخالد911]

50 الله يعين بنستوي سلاحف النينجا

الليلة شفت رقم 202 عن خاطري بس الا لو فعلوا نظام المعدل والكاميرات اللي تحسب معدل السرعة شكلي ضايع


حاااسب بو عبدالله
فوق ال 180 تحويل للنيابة.

الله يحفظك.

[@north_star@]

اشوه 800 متر مب كل الخط ..... وان شاء الله التوسعة تكون للأفضل

[لـبـيـه]

اصلا قبل كان مضايقنه ووايد وسيع

:playball:

[fmmja]

800 متر تخلص في 11 شهر ؟

11 شهر يقدرون يسوون فيها طريق كامل طوله 100 كيلو

[jajassim]

800 متر تخلص في 11 شهر ؟

11 شهر يقدرون يسوون فيها طريق كامل طوله 100 كيلو

سيتم تركيب جسر على شارع 22 فبراير وليس الشارع نفسه ل 800 متر

[النهار]

800 متر تخلص في 11 شهر ؟

11 شهر يقدرون يسوون فيها طريق كامل طوله 100 كيلو

لانهم يمدون الجسر الجديد وهالشي لوفعلا تم انجازه في 11 شهر يكون انجاز يحسب لهم

[بومحمد911]

الله يعين نصبر شنسوي

[غريب الدّار]

سيتم تركيب جسر على شارع 22 فبراير وليس الشارع نفسه ل 800 متر

اللي من الصعب ينفهم :
الزحمة بادية عندنا من زمان
وطريق 22 فبراير من فترة قصيرة فاتحينه


مافكروا بهالشي قبل؟

هذا يعني ان في أفكار كثيرة ممكن يتم تطبيقها الفترة الجاية سواء على هالشارع او غيره

والاغرب من هذا كله :
مافي شارع في قطر ماصارت عليه تصليحات وصيانة وخطط جديدة بعد افتتاحه !!!
يعني مااتخيل ان في شارع تم على حاله لمدة سنتين بعد افتتاحه !!!

مستحيل يتم افتتاح شارع ومايتسكر بعدها بفترة بسيطة لاجراء تعديلات او خطط جديدة وغير ذلك


شي غريب !!

اذا المسألة مسألة زحمة فاعتقد المفروض الكل صار عنده علم بها من 2004 تقريبا


فشسالفة؟

[بوحارب]

يالربع وين الأغلاق توني رايح راد على شارع 22 فبراير من أوله لاخره
ولاشفت اي اغلاق او تضييق للشارع

[الدوحه1]

نفس الأخطاء في اهم شارع تجاري في الدوله شارع سلوى؟؟؟
مافي جسور لعبور المشاه؟؟
مافي جسور/انفاق للسيارات للعبور الى الشوارع الفرعيه في الجهه المقابله؟؟ فمثلا القادم من الدوحه ويبغي يلف يسار ويروح الجبره... او القادم من اتجاه الصناعيه ويبغي يلف يسار باتجاه اسباير/الوعب؟؟

أتمنى انهم يداركون هالاخطاء في شارع بروه التجاري(أطول شارع تجاري في قطر)!!!!!

[.قطر.]

يالربع وين الأغلاق توني رايح راد على شارع 22 فبراير من أوله لاخره
ولاشفت اي اغلاق او تضييق للشارع

حتى انا توني مار نفس الشي
شسالفه شكلهم يطقطقون علينا ههههه :omen2:

[كلاسيك قطر]

بدل لايزيدون ينقصون

[.قطر.]

بدل لايزيدون ينقصون

ترى نفس الشي ماتغير شي ههههه
لاتسألني اشلون :secret:

[jajassim]

يالربع وين الأغلاق توني رايح راد على شارع 22 فبراير من أوله لاخره
ولاشفت اي اغلاق او تضييق للشارع

هم حركوا 3 مسارات الى جهة اليمين ، غطوا كتف الشارع مسار الطوارى .

[.قطر.]

هم حركوا 3 مسارات الى جهة اليمين ، غطوا كتف الشارع مسار الطوارى .

انزين هاي صار له كم شهر ليش حاطين خبر يديد ؟

[jajassim]

انزين هاي صار له كم شهر ليش حاطين خبر يديد ؟

كلامك صحيح ،
بس مادري ليش هالحركة !!!!
بس اتوقع وعشان يركبون جسر لازم تكسر احدى الشارعين لتركيب السقالات ، تمهيدا لصب اسمنت الجسر مثل التقاطعات طريق الشمال ، والله أعلم ،،

[.قطر.]

كلامك صحيح ،
بس مادري ليش هالحركة !!!!
بس اتوقع وعشان يركبون جسر لازم تكسر احدى الشارعين لتركيب السقالات ، تمهيدا لصب اسمنت الجسر مثل التقاطعات طريق الشمال ، والله أعلم ،،

فيه إن فالخبر شكلهم يقصدون شي ثاني ولا مغلطين

[.قطر.]

لحووول حتى ف التحويلات يتأخرون عن الموعد ههههههههه :nop:
المهم
اليوم الصبح وانا متجه للشمال اشوف الصوب الثاني يشتغلون فيه
وانا راجع الدوحه مريت احس الحارات اضيق شووووي ماتحس فيه فرق كبير عن قبل بس انها تبين انها ضيقه

[معماري قطري]

حاااسب بو عبدالله
فوق ال 180 تحويل للنيابة.

الله يحفظك.

آمين ويحفظك رب السموات والأرض

يبي لي مطوع يقرأ علي مدمن سرعة المشكلة

[بوNasser]

أشغال قالوا (تقليل عرض المسارات) وهذا اللي صار فعلا الحين

المسارات صارت أضيق، الله يعين بس الهنود "واللي في بالي" ما يحكون السيارات اللي احذاهم.

[مرتبش]

تذكرون ايام التصليحات في الكورنيش..كيف المسارات كانت ضيقة ومؤذية.. الحين يا اشغال تبون ترجعون الذكريات؟ مافي حلول ثانية مثل الجسور الجاهزة اللي تتركب على العمدان وانتهى الموضوع.. مافي جسور حديدية .. ماتشوفون الدنيا حواليكم؟
زين بكرة شنو بتسوون في معبر شرق؟ مصيبة في البحر

[بـارود]

ارجعوا للخريطة بتلاحظون أن المسار الأخضر ( الوسيع ) للشاحنات والمركبات الثقيلة اللي المفروض يستخدمونه وما يضايقون باقي السيارات في النفق ، أنا أخبر قبل فترة حطوا لوح حددوا فيها ساعات عبور الشاحنات والباصات وبعدها شالوها بس فالحين علينا وشادين حيلهم واللي يضحك أكثر أن اللوح 80 عيزانين يبدلونهم