اللجنة الطبية من اجل التقاعد

[شيخ القبيلة]

السلام عليكم اخواني واخواتي*
هل ممكن حد يساعدني فهالموضوع اذا ابي اتقاعد شنو الاجراءات عندي مشكلة في نهاية عظم الظهر واتعب بسرعة حاولت علاج طبيعي مافاد حاولت اخذ مسكنات بعد مافاد
انا ماعرف حد في اللجنة الطبية فهل حد ممكن يساعدني ؟؟
انا حوالي 20 سنة خدمة وفوق الاربعين وابي اتقاعد
اللي يقدر يساعد وجزاكم الله خير

[شيخ القبيلة]

كلمت التقاعد والمعاشات قالو اذا استقلت ماراح يصفى شي من الراتب ابدا واذا تقدر خل يعطونك اعفاء من اللجنة الطبية فالله الله في اخوكم ساعدوني اذا تقدرون

[7aayaahh1]

إذا كنت تراجع عند دكتور هو يكتب لك تقرير وتقدمه على اللجنة الطبية وطبعا تقم التقرير مترجم باللغة العربية

[حمد 2002]

سؤال واسمحلي اخوي انا عمري 30 ومافيني شيء وصحتي نفس الحديد ..

اقدر اتقاعد حتى لو بس الاساسي او لا

[معماري قطري]

مشكلة آلام أسفل الظهر صعب تنعرف

انا مثلك وسويت ام ار اي في ألمانيا قالوا لي ما يبين شيء واحتمال عندك مفصل الفخذ .. لاحظت اللي يخفف الألم عدم الجلوس كثير والمشي وبعض التمارين الرياضية البسيطة .. وسويت شد للعمود الفقري بس بسيط مع علاج طبيعي مكثف في بانكوك ونفعني وايد

انعرضت على لجنة طبية يشوفون شاللي صاحي فيني وقالوا خلوه يرتاح من سنة 2009 ورجعت للعمل بطموح وحاولت لكن صعب خلاص رفعت راية الاستسلام وارتحت من شهر 5 اللي راح

[وليف الشوق]

هل تعتقد ان موضوع الالم اسفل الظهر يحتاج تقاعد ؟!!!!
مجرد الم بسيط اما يكون عصب او ديسك يستاهل الواحد ياخذ عليه تقاعد ؟
ياخوي هناك امراض ثابته ومالها علاج مثل الضغط والسكر والديسك والواحد لازم يتأقلم عليها وصعب الواحد ياخذ عليها تقاعد
بالنسبة الم اسفل الظهر مااعتقد موضوع كبير ان اللجنة الطبيه تعطيك او تجيز لك التقاعد والاكتفاء فقط بالتمارين او العلاج الطبيعي او اخذ مسكنات

[ناسداك]

اخوي حسب التقرير الطبي من الدكتور اللي تتعالج عنده ويكون تقرير مفصل عن حالتك ومذكور فيه انك تكون عاجز و تحصل صعوبة في العمل وبعدين وهنيه الاصعب دور اللجنة الطبية في وزارة الصحة اللي بتحدد مدى صلاحيتك للعمل و بعدين في شباب اعرفهم عندهم حالات طبية و يبون التقاعد يسون اكثر من مرة لجنة طبية لين ما يوافقون عليهم و يحيلونهم للتقاعد باختصار يبي لك واسطة او احد تعرفه في اللجنة الطبية

[وحيد-الشوق]

اخوي حسب التقرير الطبي من الدكتور اللي تتعالج عنده ويكون تقرير مفصل عن حالتك ومذكور فيه انك تكون عاجز و تحصل صعوبة في العمل وبعدين وهنيه الاصعب دور اللجنة الطبية في وزارة الصحة اللي بتحدد مدى صلاحيتك للعمل و بعدين في شباب اعرفهم عندهم حالات طبية و يبون التقاعد يسون اكثر من مرة لجنة طبية لين ما يوافقون عليهم و يحيلونهم للتقاعد باختصار يبي لك واسطة او احد تعرفه في اللجنة الطبية

اهم شيء تقرير طبي مفصل ويشرح فيه الطبيب مشكلته الصحية وقبل لاتقدمه اللجنة اقرأه لأن كثير من الاطباء يخافون يكتبون كل مشاكل المريض عن تجارب عده

طيب ليش ماتنقص عدد ساعات العمل ؟ ممكن يكتب لك الطبيب في التقرير تقليص عدد ساعات العمل

سؤال لذوي الخبره هل عند تقليص عدد ساعات العمل ينقص راتب الموظف ولايمشي له كامل ؟

[شيخ القبيلة]

حتى لو انكتب التقرير لازم واسطة اكييييد للجنة الطبية
وانا ماعندي واسطة زين شسوي ياجماعة وقال لي دكتور ثاني هذا يعتبر التهاب مزمن

[aloosh]

سوى تقاعدت او لجنه طبيه
الاساسي والاجتماعيه فقط بيطير راتب

[kitmat]

ممكن حاليا تاخذ تخفيف ساعات العمل وبعدين اتشوف ايش بيصير وسلامتك ماتشوف شر

[شيخ القبيلة]

سوى تقاعدت او لجنه طبيه
الاساسي والاجتماعيه فقط بيطير راتب
ادري الراتب بيطير بس على الاقل بيكون افضل من الاستقالة
كل اللي اتمناه بس لو اللجنة توافق مب عارف شسوي

[العرابي]

السلام عليكم اخواني واخواتي*
هل ممكن حد يساعدني فهالموضوع اذا ابي اتقاعد شنو الاجراءات عندي مشكلة في نهاية عظم الظهر واتعب بسرعة حاولت علاج طبيعي مافاد حاولت اخذ مسكنات بعد مافاد
انا ماعرف حد في اللجنة الطبية فهل حد ممكن يساعدني ؟؟
انا حوالي 20 سنة خدمة وفوق الاربعين وابي اتقاعد
اللي يقدر يساعد وجزاكم الله خير

قبل فتره سالت التقاعد
متى يقدر الواحد يحصل على راتب تقاعد ويفصل عن عمله للقطريين
قالو لي تكمل 15 سنه او عمرك فوق 40

انت اسالهم ممكن يوافقون من ناحيه راتب التقاعد اتوقع مايحتاج تقرير قول ابي تقاعد مبكر
والتقاعد راتبك الاساسي والعلاوه الاجتماعيه

[qtr qtr]

قبل فتره سالت التقاعد
متى يقدر الواحد يحصل على راتب تقاعد ويفصل عن عمله للقطريين
قالو لي تكمل 15 سنه او عمرك فوق 40

انت اسالهم ممكن يوافقون من ناحيه راتب التقاعد اتوقع مايحتاج تقرير قول ابي تقاعد مبكر
والتقاعد راتبك الاساسي والعلاوه الاجتماعيه

اللي بالاحمر التقاعد المبكر صحيح انه رايح يصرف لك الاساسي والاجتماعيه ولكن راح يكون مخصوم بنسبة 2.5 مع عدد سنوات الخدمه والعمر .
يعني تفترض اللي راتبه الاساسي والاجتماعي فالوقت الحالي 20 الف ممكن يتقلص مع الحسبه 13 الف تقريبا .
هذا الرابط راح يبين كم راح يكون راتب التقاعد المبكر
http://www.grsia.gov.qa/Pages/Pension-Calculators.aspx

[شيخ القبيلة]

قبل فتره سالت التقاعد
متى يقدر الواحد يحصل على راتب تقاعد ويفصل عن عمله للقطريين
قالو لي تكمل 15 سنه او عمرك فوق 40

انت اسالهم ممكن يوافقون من ناحيه راتب التقاعد اتوقع مايحتاج تقرير قول ابي تقاعد مبكر
والتقاعد راتبك الاساسي والعلاوه الاجتماعيه

صحيح اخوي انا ادري اني اقدر استقيل واخذ راتب تقاعدي وهذي استقالة تقاعدية بس وااايد بيطير من الراتب فعشان جذي ودي تكون تقاعد عن طريق اللجنة الطبية عشان اخذ راتبي الاساسي كامل

[العرابي]

اللي بالاحمر التقاعد المبكر صحيح انه رايح يصرف لك الاساسي والاجتماعيه ولكن راح يكون مخصوم بنسبة 2.5 مع عدد سنوات الخدمه والعمر .
يعني تفترض اللي راتبه الاساسي والاجتماعي فالوقت الحالي 20 الف ممكن يتقلص مع الحسبه 13 الف تقريبا .
هذا الرابط راح يبين كم راح يكون راتب التقاعد المبكر
http://www.grsia.gov.qa/Pages/Pension-Calculators.aspx

اي والله صادق اخوي ينخصم وايد عيل كمل خدمتك افضل
كنت احسب الامور سهالات

[العرابي]

صحيح اخوي انا ادري اني اقدر استقيل واخذ راتب تقاعدي وهذي استقالة تقاعدية بس وااايد بيطير من الراتب فعشان جذي ودي تكون تقاعد عن طريق اللجنة الطبية عشان اخذ راتبي الاساسي كامل

الله يوفقك اخوي

فعلا الخصم وايد توي احسبها

مالك غير اللجنه الطبيه او كمل خدمتك

[وحيد-الشوق]

صحيح اخوي انا ادري اني اقدر استقيل واخذ راتب تقاعدي وهذي استقالة تقاعدية بس وااايد بيطير من الراتب فعشان جذي ودي تكون تقاعد عن طريق اللجنة الطبية عشان اخذ راتبي الاساسي كامل

انصحك في البداية خل دكتورك يكتب تقرير مفصل بمشكلتك وان العلاجات ماتجيب فايدة معاك وهالمشكلة تتعبك في الدوام وممكن اعتقد يكتب تقليص عدد ساعات العمل جرب الدوام مع تقليص ساعات العمل ممكن يكون افضل لك وعقب يصير خير وماتشوف شر

[ابن الجزيرة]

لو كل من تألم من الظهر أحيل للتقاعد

للتقاعد تسعين بالمائة من الموظفين

نصيحة ابحث عن العلاج المناسب لمشكلة الظهر وواصل عملك او ممكن الطبيب او اللجنة تغير لك طبيعة العمل

ان كانت طبيعة العمل جزء من المشكلة

[شيخ القبيلة]

الله يوفقك اخوي

فعلا الخصم وايد توي احسبها

مالك غير اللجنه الطبيه او كمل خدمتك

تسلم اخوي وفعلا مالي الا اللجنة الطبية بحاول بس مادري اللجنة متى تجتمع ومتى يردون شكله المواضيع تطول والمشكلة لازم واسطة

[شيخ القبيلة]

كلمت الدكتور وقلت له ابي تقرير للجنة الطبية وانتظر ايش بيقول
ومادري هل هذا من حقي اطلب التقرير وهل الدكتور ممكن يرفض لان اشوفه مارد على طلبي

[شيخ القبيلة]

احب اقول لكم اني جربت اروح المستشفى الكوبي وقال هاي بما معناه التهاب مزمن معاك في نهاية ظهرك
ومايروح بسرعة وعلاجه طويل وعطاني مسكنات الخ
والله كريم

[شيخ القبيلة]

مشكلة آلام أسفل الظهر صعب تنعرف

انا مثلك وسويت ام ار اي في ألمانيا قالوا لي ما يبين شيء واحتمال عندك مفصل الفخذ .. لاحظت اللي يخفف الألم عدم الجلوس كثير والمشي وبعض التمارين الرياضية البسيطة .. وسويت شد للعمود الفقري بس بسيط مع علاج طبيعي مكثف في بانكوك ونفعني وايد

انعرضت على لجنة طبية يشوفون شاللي صاحي فيني وقالوا خلوه يرتاح من سنة 2009 ورجعت للعمل بطموح وحاولت لكن صعب خلاص رفعت راية الاستسلام وارتحت من شهر 5 اللي راح

الله يعطيك العافية اخوي
بس لو تدلني شلون انعرضت على اللجنة وهل هناك طريقة معينة؟؟

[qtr qtr]

اول خطوه تسويها تكتب كتاب لجهة عملك بمطالبة تقاعد بعذر طبي مع ذكر سبب التقاعد وعقب ماتروح الموارد التابعه لهملك الموارد راح يطرشون كتاب للجنة الطبيه بمطالبتك بعذر طبي للتقاعد وعقبها اللجنه راح يتصلون فيك بالموعد اللي تقابل اللجنه وعقب ماتقابلها بقولون ويش تبي , تب نخفف عنك العمل او تقاعد وعقبها راح يعطونك كتاب فحص للجنه الطبيه دكاتره متشارين مختصين بالام الظهر وتودي الكتاب للعياده الخارجيه وراح يعطونك موعد عند اتشاري الظهر وهنا راح يحدد لك الدكتور هل راح تكون لائق او غير لائق طبيا للعمل وتودي التقرير مره ثانيه للجنه الطبيه او هم اللي راح يطرشونه لهم وانطر موعد اللجه للمقابله وراح يقولون لك تستحق او يخفضون من ساعات العمل .
في ناس تحاول مره مرتين ثلاث مع اللجنه ليين مايوافقون عالتقاعد بعذر طبي.

[شيخ القبيلة]

اول خطوه تسويها تكتب كتاب لجهة عملك بمطالبة تقاعد بعذر طبي مع ذكر سبب التقاعد وعقب ماتروح الموارد التابعه لهملك الموارد راح يطرشون كتاب للجنة الطبيه بمطالبتك بعذر طبي للتقاعد وعقبها اللجنه راح يتصلون فيك بالموعد اللي تقابل اللجنه وعقب ماتقابلها بقولون ويش تبي , تب نخفف عنك العمل او تقاعد وعقبها راح يعطونك كتاب فحص للجنه الطبيه دكاتره متشارين مختصين بالام الظهر وتودي الكتاب للعياده الخارجيه وراح يعطونك موعد عند اتشاري الظهر وهنا راح يحدد لك الدكتور هل راح تكون لائق او غير لائق طبيا للعمل وتودي التقرير مره ثانيه للجنه الطبيه او هم اللي راح يطرشونه لهم وانطر موعد اللجه للمقابله وراح يقولون لك تستحق او يخفضون من ساعات العمل .
في ناس تحاول مره مرتين ثلاث مع اللجنه ليين مايوافقون عالتقاعد بعذر طبي.

مرحبا اخوي وتسلم على المعلومات الرائعة
بس حبيت اعرف اذا يقدم الواحد مرة ومرتين وثلاث هل كل مرة لازم تقرير جديد من الدكتور ولا يقدم على اساس التقرير الاولي بغيت اعرف للفائدة بس مع الشكر

[وحيد-الشوق]

كلمت الدكتور وقلت له ابي تقرير للجنة الطبية وانتظر ايش بيقول
ومادري هل هذا من حقي اطلب التقرير وهل الدكتور ممكن يرفض لان اشوفه مارد على طلبي

هذا ابسط حق من حقوقك والواجب على الدكتور يكتب لك ماتشعر او تعاني منه بطريقه مفصله وترى بعض الدكاتره يتهربون من سالفة التقارير ومايحبون سيرتها وللأسف بعضهم يستغفلون المريض وما يكتبون تقرير عدل

[الدوحه1]

كلم الوزير واشرح له حالتك او تشوف لك "واو" عشان يقعدونك في البيت!!! انا اعرف واحد صار له اكثر من 7 سنوات قاعد في البيت ومافي شي"مثل الحصان"؟؟؟ مع ان تم استدعاء جميع ممن هم في وضعه للعوده الى العمل ولكن يمكن هو الوحيد اللي ماستدعوه؟؟؟؟

[شيخ القبيلة]

كلم الوزير واشرح له حالتك او تشوف لك "واو" عشان يقعدونك في البيت!!! انا اعرف واحد صار له اكثر من 7 سنوات قاعد في البيت ومافي شي"مثل الحصان"؟؟؟ مع ان تم استدعاء جميع ممن هم في وضعه للعوده الى العمل ولكن يمكن هو الوحيد اللي ماستدعوه؟؟؟؟


غريب اخوي شلون 7 سنوات قاعد في البيت !!!! واسطة يعني ولا عمالة فايضة؟؟

[الدوحه1]

غريب اخوي شلون 7 سنوات قاعد في البيت !!!! واسطة يعني ولا عمالة فايضة؟؟


ياخوي على حسب علمي ان تم الغاء مايسمى بالبند المركزي/العماله الفايضه من عدة سنوات وتم استدعاء جميع الموظفين اللي جالسين في بيوتهم للعوده الى العمل واللي يرفض يحول على التقاعد بناء على طلبه!!!!!

انا مثلك مستغرب شلون هالموظف قاعد في البيت من 7 سنوات ولم يتم استدعائه للعوده الى العمل مثل غيره من الموظفين؟؟؟؟؟؟

واكيد وزارة التنميه عندهم علم بالموضوع لان تم ربط "الحضور والانصراف" لجميع الجهات الحكوميه بالوزاره واكيد شافوا ان الموظفه مايداوم او يمكن ان جهة عمله "تتستر" على الموظف!!!!!
حد يعرف الجواب؟؟؟؟

[وحيد-الشوق]

ياخوي على حسب علمي ان تم الغاء مايسمى بالبند المركزي/العماله الفايضه من عدة سنوات وتم استدعاء جميع الموظفين اللي جالسين في بيوتهم للعوده الى العمل واللي يرفض يحول على التقاعد بناء على طلبه!!!!!

انا مثلك مستغرب شلون هالموظف قاعد في البيت من 7 سنوات ولم يتم استدعائه للعوده الى العمل مثل غيره من الموظفين؟؟؟؟؟؟

واكيد وزارة التنميه عندهم علم بالموضوع لان تم ربط "الحضور والانصراف" لجميع الجهات الحكوميه بالوزاره واكيد شافوا ان الموظفه مايداوم او يمكن ان جهة عمله "تتستر" على الموظف!!!!!
حد يعرف الجواب؟؟؟؟



عادي واسطة او مدير عود قاله خلك في البيت وامورك طيبة