بدون عنصرية ..... الوضع الطبي في قطر !!

[بانغ بانغ]

حسب نقاشي مع بعض الأصدقاء من يومين ....

بعض المواطنين ما يحصلون علاجات مناسبة في بعض المستشفيات بسبب الغاء التأمين الصحي

بالمقابل ، القانون يسمح لعلاج الزائرين من اهل المقيمين خاصة بعض الجنسيات الآسيوية

يعني ايجيب امه او ابوه زيارة ، ويتعالجون وعمليات وادوية ما يحلم فيها في بلاده

مب قادر احصل تفسير ...

اعيد واكرر " بدون عنصرية "

[حمد 2002]

حاسد الاسيوين الهنود والعمال على العلاج ..

الله يعين هالفقاره ويشفي كل مريض ..

[بانغ بانغ]

حاسد الاسيوين الهنود والعمال على العلاج ..

الله يعين هالفقاره ويشفي كل مريض ..

ههههه حمد اتكلم بشكل عام

ناس محتاجة وناس تيجي الدوحة للعلاج المجاني

عليهم بالعافية بس لازم ضوابط معينة

وين ذاك اليوم تحسد العامل ايجمع فلوس عالاشارات

ههههه وراك وراك

[بوخالد911]

في بعض العيادات
بيزاتك هي اللي تنفعك !!!

[MAZEN37]

الله يرحمك يا الشيخ خليفه بن حمد

[R 7 A L]

انت ماوضحت لنا الزائرين وين يتعالجون
في مستشفيات الحكومة ولا الخاصة ؟

[حمد 2002]

ههههه حمد اتكلم بشكل عام

ناس محتاجة وناس تيجي الدوحة للعلاج المجاني

عليهم بالعافية بس لازم ضوابط معينة

وين ذاك اليوم تحسد العامل ايجمع فلوس عالاشارات

ههههه وراك وراك


طيب ..

وشو الحل ؟

نمنع فيز الزياره ووممنوع الهندي ايجيب زوجته او امه او ابوه ؟

انت هالشكل بتخفض من ايرادات الداخليه من فيز الزياره وبتخفض من نسبه المبيعات بالاسواق عامه وبتقلل من الاقتصاد بشكل عام ..

صحيح العامل او الزاير بيستفيد من العلاج بس

انت بتسفيد منه من جميع الجوانب ..

[معماري قطري]

في بعض العيادات
بيزاتك هي اللي تنفعك !!!

شالفايدة لين لعبوا لعبتهم وحولوا المريض في اسعاف لين مستشفى حمد

انا اقول يشوفون اللوبيات الأجنبية شلون تشتغل وتسهل حق ربعهم ويساعدون القطري أولى

[بوخالد911]

وكل جنسية تساعد / تفزع لنفس الجنسية.

[حمد 2002]

في بعض العيادات
بيزاتك هي اللي تنفعك !!!

ممكن توضيح ماعلاقه ردك بالموضوع

[معماري قطري]

طيب ..

وشو الحل ؟

نمنع فيز الزياره ووممنوع الهندي ايجيب زوجته او امه او ابوه ؟

انت هالشكل بتخفض من ايرادات الداخليه من فيز الزياره وبتخفض من نسبه المبيعات بالاسواق عامه وبتقلل من الاقتصاد بشكل عام ..

صحيح العامل او الزاير بيستفيد من العلاج بس

انت بتسفيد منه من جميع الجوانب ..

يخلون العلاج بفلوس وبالسعر العادل والمتعارف عليه وفيز الزيارة 1000 منها ما تجيب تكلفة عملية كبيرة

[معماري قطري]

انت ماوضحت لنا الزائرين وين يتعالجون
في مستشفيات الحكومة ولا الخاصة ؟

براحتهم بس بمقابل ومقابل بالسعر العادي مب عملية ب 100 ريال

[حمد 2002]

يخلون العلاج بفلوس وبالسعر العادل والمتعارف عليه وفيز الزيارة 1000 منها ما تجيب تكلفة عملية كبيرة

واذا كان قصد الدوله دفع البلى وكسب الاجر ؟! لذلك تريد هالشيء وتبي تعالج الجميع باسعار رمزيه؟

[معماري قطري]

الله يرحمك يا الشيخ خليفه بن حمد

الله يرحمه صحيح ما قصر مع الأجانب بس الأجانب خذوا حقهم وزيادة والقطري ما يحصل غرفة يتنوم فيها ولا موعد قريب .. بشوفة عيني انتظر موعدي ويجي واحد عربي عندهم دخول بين المواعيد وانا موعدي منتظره فوق الشهرين واحصل علاج بدون نفس والدكتور من جنسيته أكيد بيهتم بعلاجه .. انا بانتظر ساعة بس يدخلوني بين المواعيد ويهتمون بي

[معماري قطري]

واذا كان قصد الدوله دفع البلى وكسب الاجر ؟! لذلك تريد هالشيء وتبي تعالج الجميع باسعار رمزيه؟

تدفع البلاء عن مواطنيها أولى

وصراحة في بعض المرافق الصحية قمنا نشوف تطور وعناية ونتمنى المزيد

[السيف5]

الوضع الطبي في قطر بصراحة مزري

كان عندي موعد بمستشفى رميله لعلاج اللثة وانا مريض قديم

اتعالج من اكثر من سنة باللثة ولكن المشكلة وقت موعدي مرضت بانفلونزا شديدة ومارحت الموعد

وبعد ماصرت بخير اتصلت بخدمة نسمعك لأخذ موعد ثاني وبعد معاناة مع خدمتهم عطوني موعد بعد

تسع شهور من موعدي السابق..كله على قولتهم من الزحمة مع اني متابع علاجي معهم

[Azizuk]

الغريب في الامر معاي واحد اسيوي في الدوام وتوه ماتثبت في العمل

المهم بعد ثلاث شهور جرت زوجته وعطيته يومين اجازة المهم رجع داوم

الا طالب اجازة الأسبوع الجاي أقول له خير ايش عندك الا يقول لي زوجتي بقينا لها موعد وبتسوي عملية

بققت عيوني أقول له زوجتك جايه زيارة ومافيا شي شلون بسرعة لقيت موعد وبتسوي عملية وانت لين الحين ماتثبت في العمل


الا يضحك يقول لي لا انا مضبط لها موعد من قبل في صديق مسوي مواعيد حق زوجتي

ومره ولدي محتاج عملية وكنت بسافر للعمل وحاولت معاهم الا موعد بعد ثلاث شهور يوم طلبت من في اللي قبل ولدي وليش موعد متاخر الا كلهم عيال اجانب

واقتاض على الموظف الا يطلع لي موعد بعد عشرين يوم شوف الفرق من ثلاث شهور الى عشرين يوم

والعملية الثانية سويتها له في الأهلي عند الدكتور عبد العظيم مقابل ثمن

بس أني محتاج أسويها بسرعة ومالي خلق على مواعيد حمد

القهر أني حالياً احتاج علاج بس كل ماتذكر زحمة حمد ومواعيدهم والاشكال اللي أشوفها هناك أتضايق

مافي الا اصبر على الالم وأروح برا اكشف وأتعالج

القهر ان الإمكانيات والمستشفى على مستوى عالي والدولة مب مقصره بس للأسف حمد كأنه سوق حراج لما تدخله ماتحس انك داخل مستشفى من الإزعاج وريحت هالاجانب اعوذ بالله شي مقرف

الوالده مره جايه من برا علاج ومركبة كلى والمفروض يوفرون لها غرفة عزل اول ماتوصل

وحياتكم اول يومين في حاطينها بطوارئ حمد

وبعد هوامش مع المسلماني من اول يوم وراح معنا فوق غرفه غرفة يدور بين الأدوار وماقدر يوفر غرفة

مع العلم السفارة مرسلة فاكس بتفاصيل المريضة ولازم توفير لها غرفة عزل اول الأيام

اخر شي يالله يالله بعد طلعت روح لقينا لها غرفة في القمة بعد يومين

والله أقول لهم خلها تطلع تروح البيت افضل لها لا تأخذ عدوه من مرضى الطورائ الدكتور مب راضي يصرفها

يقول لازم تتم تحت الملاحظة

حتى طلبت منه يؤديها اَي مستشفى اخر الأهلي عيادة الدوحة الخور أو الوكرة مب راضين يقول المستشفيات الثانية ماعندهم الإمكانيات الأطباء اللي نفس حالتها

انا افضل فتح مستشفى للمواطنين فقط

وعن الدفاع الزايد عن الأجانب خذو. حقهم ولعبو فينا بزيادة

والله في بلادة مايحلهم بتاير السرير اللي ينام عليه في المستشفى ومحد يعالجه ابلاش

والقهر ان واحد مريض وعشرة يجون يزورونه

وإذا خلّصونا من الزيارة يقعدون في صالة المستشفى يسولوف يفكرون روحهم في لوبي فندق قاعدين وعيالهم يلعبون ويصارخون كأنها حديقة مب مستشفى

ابريطانيا وأمريكا ماتعالج مواطنينها زي مايتعامل عندنا بالعلاج وهم دول متقدمة وغنية

المقيم والأجنبي اللي موظف في الحكومة يتعالج في مستشفيات الدولة

اما اللي جاي على القطاع الخاص لا والله خل القطاع الخاص يدفع له في المستشفيات الخاصة

وشبعنا كلام دافعة بلاء

[سعود.]

تدفع البلاء عن مواطنيها أولى

وصراحة في بعض المرافق الصحية قمنا نشوف تطور وعناية ونتمنى المزيد

عمي من 3 اسابيع تقريبا تعب علينا
ودوه عياله لطواري وبعد الكشف والتخطيط اتضح انه يحتاج قصطره ( القلب )
تم يومين ( كاملين ) في حمد مدري الطواري !!!!
لين حصلوا له غرفة في الرميلة ( القلب ) .

[الشمالي111]

الوضع عندنا وخصوصا في مستشفى حمد تعبان مره جلست من الساعه ثمان الصبح لين الساعه خمس وانا معاهم علشان غرفة واخر شي تكنسلت العملية ثاني مره دشيت عليهم بالواسطه وعلى طول الغرفة جاهزه وبالفعل الاجانب عندنا ماخذين حقهم وزيادة

[Rider]

كاس العالم بيجعل قطر جنة حق هؤلاء الوافدين ماحد يبغي يزعلهم عيل بكره من بيشجع المنتخبات المشاركة بس الله المستعان

[R 7 A L]

براحتهم بس بمقابل ومقابل بالسعر العادي مب عملية ب 100 ريال


شدعوة يابوعبدالله عملية بـ 100 ريال
مايصير ياخوي
قول فتح ملف يمكن اما عملية صعبة

[بانغ بانغ]

ايصبحكم بالخير

حمد الله يرحم والديك لا تلعوزنا

القصد ان الإجراءات تسمح بعلاج اهل وافدين

احنا ما قلنا لا تعالجونهم ... بس اشدعوه ايضبط حق امه وابوه قبل لا يجون لا ولزيارة

واحد من الريع ايقول اخوه طاح عليهم في دولة خليجية متقدمة .... يوم راح المستشفى الخاص مالهم قالوا له ادفع اول ... وفعلا ودوه المشفى الحكومي وجنونه لين عالجوه وبتدخل من القنصل

وهني تعال وأعالج وعمليات

اخوي مازن احنا ما اجحفنا حقوق المقيميين لكن في ضوابط

وانا ذكرت اول شي الاسيويين وما قلت العرب ، عليكم بالف عافية بينا وعندنا والله

[غريب الدّار]

حسب نقاشي مع بعض الأصدقاء من يومين ....

بعض المواطنين ما يحصلون علاجات مناسبة في بعض المستشفيات بسبب الغاء التأمين الصحي

بالمقابل ، القانون يسمح لعلاج الزائرين من اهل المقيمين خاصة بعض الجنسيات الآسيوية

يعني ايجيب امه او ابوه زيارة ، ويتعالجون وعمليات وادوية ما يحلم فيها في بلاده

مب قادر احصل تفسير ...

اعيد واكرر " بدون عنصرية "

والله يابانغ هذا شي انا مب قادر افهمه !!

وعلى فكرة صار تحايل في الموضوع من قبل البعض وفي جريدة تناولت هالموضوع ان في بعض المقيمين يجيبون اهاليهم زيارة بس علشان يتعالجون في مستشفيات الدولة

لكن مادري شاللي يصير
والمشكلة ان هالشي سبب ضغط على المرافق الصحية على الجميع


الله كريم

[بانغ بانغ]

اخوي رحال

العملية سهلة

انه يدفع مقابل هالخدمات

اما اللي عنده اقامة فممكن التامين ماله يدفع

تدري والله بعضهم ماخذين قطر medical hub

[بانغ بانغ]

والله يابانغ هذا شي انا مب قادر افهمه !!

وعلى فكرة صار تحايل في الموضوع من قبل البعض وفي جريدة تناولت هالموضوع ان في بعض المقيمين يجيبون اهاليهم زيارة بس علشان يتعالجون في مستشفيات الدولة

لكن مادري شاللي يصير

الله كريم

بالضبط شيخنا هاي المقصد

[غريب الدّار]

تدري والله بعضهم ماخذين قطر medical hub

لأن الوضع يساعد يابانغ

الوضع نفسه يساعد

لو لقيت أي دولة فيها نفس الأنظمة صدقني يمكن اسوي نفس الشي

[بانغ بانغ]

يخلون العلاج بفلوس وبالسعر العادل والمتعارف عليه وفيز الزيارة 1000 منها ما تجيب تكلفة عملية كبيرة

حل قابل للتفكير به

[ناسداك]

اعتقد انه في رسوم للعلاج بس رمزية هذا ما اعرف عنه

[بانغ بانغ]

الوضع الطبي في قطر بصراحة مزري

كان عندي موعد بمستشفى رميله لعلاج اللثة وانا مريض قديم

اتعالج من اكثر من سنة باللثة ولكن المشكلة وقت موعدي مرضت بانفلونزا شديدة ومارحت الموعد

وبعد ماصرت بخير اتصلت بخدمة نسمعك لأخذ موعد ثاني وبعد معاناة مع خدمتهم عطوني موعد بعد

تسع شهور من موعدي السابق..كله على قولتهم من الزحمة مع اني متابع علاجي معهم

الله يعينك

ومثل ما قال اخونا عزيز دليل واضح

[@north_star@]

انا اللي أعرفه انه أي زائر أو أي شخص ما عنده بطاقة صحية يدفع مبلغ ورسوم محددة من قبل وزارة الصحة وقيمة الدوا أكثر من الشخص العادي ومستحيل بدون دفع واذكر من فترة كنت بمستشفى الرميلة وكان قدامي على الكاشير واحد من جنسية عربية دفع قيمة الدوا حول 800 ريال حق أمه .

[الدوحه1]

على طاري المستشفيات الحكوميه امس كنت في مستشفي القلب وشوفوا وش معلقين؟؟

بدلا من انهم ينصحون المرضى بالامتناع نهائيا عن شرب الخمر ينصحونهم بالتقليل ؟؟؟ يعني اذا كنت تشرب واصل بس خف من الكميه!!

كلمت الممرضات وعل طول شلوها وقالوا هاي شغل "الفليبينيات"



http://gulf-up.com/do.php?img=250714 (http://gulf-up.com/)

http://gulf-up.com/do.php?img=250715 (http://gulf-up.com/)

[Riku3]

المفروض يتساهلون في استقبالهم بالمراكز الصحيه للامراض العادية .. اما العيادات الخارجية فيحولونهم للمستشفيات الخاصة او يحطون اسعار خاصه ..

بس انا مستغرب من شي ... اعرف واحد كان جايب هله الدوحة زيارة علشان تولد لان عندها مشكلة في الحمل وبلاده امكانياتهم ضعيفه وخاف على الياهل .. ورفضوا استقبال زوجته في الطواري لما تعبت .. لين جاي يوم الولادة دخلوها !! .. يمكن لانه مب هندي او فلبيني omen ..

كنت في امريكا العام .. ووديت الاهل الطواري علشان التهاب في العين .. صكوني 400 دولار بس دخول وفحص الدكتورة الي ما كمل 10 دقايق .. التأمين رجعلي 300 لان في 100 دولار مقطوعه عن كل حالة .

........

بس جد لازم يشوفون حل مع مشاكل المواعيد .. كل شي تطور في قطر الا الوضع الطبي بس غيرو الديكورات ! ..

ولدي من عمر شهر لين 3 شهور وانا كل كم يوم في الطواري بسبب مشاكل في الهظم .. وكل مره الدكتور يتفلسف "غير نوع الحليب" وكل مره يقول اسم جديد .. بعد معاناة كتبولي تحويله لمستشفى حمد وبعد شهر انتظار اتصلوا يقولون موعدي بعد 6 شهور !!!! .. حسبي الله ونعم الوكيل 6 شهور دبل عمره :swoon2: !! ..

كم دقيقه يبيله ينفحص من الدكتور علشان يعرف مشكلته ؟؟؟ .. ومن كل هالناس الي معبيه مواعيد تمتد الى 180 يوم !!!! ..

الحمد لله بعد معاناة تعدل وضعه مع حليب مستخلص من الماعز بس غالي العلبه بـ 82 ريال :swoon2: .. وخل موعدهم لهم !! .

بس من فترة اكتشفت ان في حليب مستورد خاص يصرف للاطفال الي عندهم حساسيه او مشكلة مع انواع الحليب العادية !!!! ... ليش ولا دكتور كتبلي اياه او حتى اقترحه علي !! .. حسب كلام الناس ان مخشوش حق عيالهم @_@ .. ما ادري صج والا لا .

[بوخميس]

العلاج مب مجاني لزوار قطر

بالعكس، يدفعونهم 150% من التكلفة الفعلية للأدوية و(400) ريـال لكل يوم في المستشفى، وهذا انا اشوفه حتى مع السوريين اللي جايين بتأشيرات زيارة.

أما المقيم فيدفع حوالي 20% من تكلفة الدواء الفعلية و(100) ريـال للإقامة في المستشفى يوم واحد.

أما اللي ما يدفعونه شيء هو اللي يتحول طواري عن طريق الاسعاف، لأنها حالات انسانية طارئة وعاجلة

[راعي الكورفت]

القطري ماعنده الا مستشفيات الحكومه ويتنقع بالشهور.

الوافد العربي يدفعونه لو راح حكومه أو خاص.

اما الهنود والأوروبين فهم بالاساس عندهم تأمين صحي ماخذينه من شركاتهم.
والتأمين الصحي يعالجهم بالمجان ويغطي العمليات لهم ولافراد اسرتهم حتى لو جايين زياره في اي مركز طبي خاص.

أما المساكين (العمال) فمالهم إلا الله.

[وحيد-الشوق]

حاسد الاسيوين الهنود والعمال على العلاج ..

الله يعين هالفقاره ويشفي كل مريض ..

طيب ياحمد اذا بنجي للحسد والحق !!!!

ليش مستكثر على الثانوي يعطونه بيت مثل الجامعي وليش حاسد القطري المتجنس من الستينات والخمسينات ياخذ ارض وقرض حاله من حال باقي القطريين ولا العمال كاسرين خاطرك والقطري مايهمك

[جراسا]

لمعلوماتكم،الاجانب الزائرين ما يقدروا يتعالجوا في المراكز الصحية،بدون فلسفة الله يرضى عليكم

[غريب الدّار]

طيب ياحمد اذا بنجي للحسد والحق !!!!

ليش مستكثر على الثانوي يعطونه بيت مثل الجامعي وليش حاسد القطري المتجنس من الستينات والخمسينات ياخذ ارض وقرض حاله من حال باقي القطريين ولا العمال كاسرين خاطرك والقطري مايهمك

الموضوع عن الوضع الطبي او قوانين الإسكان ؟؟!

[Abdulraman]

الخليجيين عندنا علاجهم بالمجان وخاصتا الطواري ويستاهلون
انا في ابوظبي رحت طواري مستشفى حكومي وتفاجأة الموظفه تقولي عليك رسوم الملف ورسوم الادويه

[غريب الدّار]

لمعلوماتكم،الاجانب الزائرين ما يقدروا يتعالجوا في المراكز الصحية،بدون فلسفة الله يرضى عليكم

مايقدروا ؟ ابيسيريش هيك :)



وعلى فكرة صار تحايل في الموضوع من قبل البعض وفي جريدة تناولت هالموضوع ان في بعض المقيمين يجيبون اهاليهم زيارة بس علشان يتعالجون في مستشفيات الدولة



هاذي إضافة بسيطة لموضوع اخوي الحبيب بانغ ، تفضلوا :


زائرون يتحايلون على القانون للعلاج :
http://www.raya.com/home/print/f6451603-4dff-4ca1-9c10-122741d17432/163939cb-8fee-4881-9c88-92d377b5b7b4

[جراسا]

مايقدروا ؟ ابيسيريش هيك :)

هاذي إضافة بسيطة لموضوع اخوي الحبيب بانغ ، تفضلوا :



http://www.raya.com/home/print/f6451603-4dff-4ca1-9c10-122741d17432/163939cb-8fee-4881-9c88-92d377b5b7b4

فعلا،انا اتكلم من منطلق عملي في مؤسسة الرعاية الصحية الأولية،عادة الزائرين الاجانب يتم توجيههم للعلاج اما في طوارئ حمد او المستشفيات و العيادات و المراكز الخاصة

[Azizuk]

الله يشفي كل مريض سوى مسلم أو كافر

زائر أو مقيم

بس العجيب كيف المقيم والزائر يحصل موعد بسرعة ويتعالج

والمواطن مواعيد بعد ست شهور ومافي غرفة ومن هذا الكلام

هذا غير ان فئة العمال مايتقيد باوامر الأمن والسلامة اثناء العمل

مايلبس خوذة وإلا حذاء ونظارة واقية وملابس عمل

وتصيبه إصابة عمل بسبب الاهمال وده المستشفى متكسر وإلا حالة مرضية قوية مايقدر يطلع منها

عندي شركة مقاولات يشتغلون عندي في البيت وكان فيها عامل كل كم سنة يقص له صبع من أصابعه وياخذ تعويض من التامين على 36 الف

تقريباً ويسجلها اصابه عمل

احنا نقول مب مشكلة الواحد يتعالج المريض الله يشفيهم

بس المواطن لا ينهظم حقه في العلاج

وبعدين تقولون حسد ماحسد

انا اسميها عنصرية ضد المواطن

[جراسا]

الخليجيين عندنا علاجهم بالمجان وخاصتا الطواري ويستاهلون
انا في ابوظبي رحت طواري مستشفى حكومي وتفاجأة الموظفه تقولي عليك رسوم الملف ورسوم الادويه
على فكرة ايضا الخليجي الزائر،عليه رسوم في المراكز الصحية ،ما دام ما عنده بطاقة شخصية قطرية و بطاقة صحية يتم تحصيل رسوم عليه،و اذا كانت بطاقته منتهية الصلاحية ايضا يتم تحصيل رسوم عليه

[ناسداك]

بس في فئة من العمال و الموظفين حالتهم المادية صعبة حتى رسوم الاقامة ما يقدرون عليها و بعدين هم يدفعون اسعار الخدمات و مراجعة الطبيب و اسعار الادوية

[يمامـة]

لو خصصوا مستشفى خاص للقطريين.. اووو أيام خاصة للقطريين ما كنا شفنا القطري يعاني..

الواحد ما يعترض على ان ليش المقيم يتعالج في البلاد.. الشكوى على ان الزاير يحصل مواعيد وعمليات وغرف!!

وفي المقابل القطري يصعب عليه هالشي..


حتى في عمليات التجميل..

شاب قطري سوى تكميم وخسر كليوجرامات كثييرة.. واللي حصل انه كان بحاجة الى عملية تجميل وشد وازاله الجلد..

وعلى يدي حاولت احصل له موعد ما لقيت مواعيد عند نفس الطبيب.. واشوي الا اشوف نفس الطبيب في الجزيرة
يتكلم عن عملية تجميلية في رميلة لاندونسية فقدت وزنها من بعد التكميم!!!!!!

انصدمت من ان القطري ما حصل وهو ولد البلاد.. والمقيم محصل مع انها عملية تجميل مب حاجة بيموت لو ما فضلوه على القطري!!