مافي صراف .. من وين نسحب فلوس؟!!! [الأرشيف] - منتديات شبكة الأسهم القطرية

مشاهدة النسخة كاملة : مافي صراف .. من وين نسحب فلوس؟!!!

المحاميه

25-01-2017, 11:10 AM

السلام عليكم ورحمة الله وبركاته

بخصوص قرية الاحلام الي ف كتارا ...

اشوفها هالسنه صراحة افضل من السنه الي طافت...

طبعاً الاسعار كالعادة مرتفعة ومافي رقابة .. يعني بدل لايكون المكان ترفيهي وخدمي وينصب ف صالح الزائر بالاسعار الرمزيه ... نشوف العكس، وهو ان يكون فرصة لنهب الزائر وتعويض الخساير

ماعلينا انا بس عندي ملاحظه وحده ...
للمنظمين
الي قاموا بالاشراف على القرية ودراسة خريطتها واعتمادها الخ

قرية طول بعرض مافيها الا صراف واحد عند الباب الرئيسي !!!!! والمحلات والمطاعم ماياخذون الا كاش !!! والاسعار مرتفعه !!!!
يتغشمرون ولا شنو؟!
يعني الي خطط مافكر فهالنقطه؟!

لا والي يضحك اكثر .. ان هالصراف مب شغال

يعني يالي تعنيت وجيت اذا بوكك مب مليان بس تمشى فالقريه وخل الهوا يلفحك عقب ارجع بيتكم
يعني نظام .. شم .. ومش بوزك

بس هذي كانت ملاحظتي ... والسموحه اذا طولت عليكم
وشكراً

بريق الحق

25-01-2017, 11:20 AM

في داخل كتارا صوب المسرح الروماني

Rider

25-01-2017, 12:56 PM

الحل انكم ماترحون

fmmja

25-01-2017, 01:14 PM

انا فكرت ان ليش فعلا ماتكون الأسعار رمزيه
عقب شفت في ذهني صورة العمال اللي كانوا ينتظرون افتتاح شرف dj في قطر مول
ما ادري ايش العلاقة هههههههه صار كابوس

وحيد-الشوق

25-01-2017, 02:31 PM

وعليكم السلام ورحمة الله وبركاته

من اسوء مازرت في الدوحة السنة الماضية صراحه مكان خرابيط ولافي شيء سنع اكل غالي وتنظيم اي كلام

يمامـة

26-01-2017, 08:32 AM

المفروض مع التطور الحاصل في البلاد تكون هناك مكاين لاستخدام الكروت عند إقامة مثل هالمعارض لكل جناح او كشك!!

او توفير مكاين لصرف الفلوس في اكثر من مكان..

JN000N

26-01-2017, 08:45 AM

بومحمد911

26-01-2017, 09:34 AM

ليش ماينقلون السيارة داخل القرية اشوفه احسن واسهل لرواد القريه

ممنوع اللمس

26-01-2017, 10:46 AM

ولا مره رحت هناك
شكلي بروح اشوف

والحمد لله تم التنبيه علشان نجيب فلوسنا معانا
مادام مافي الا صراف واحد يعني خذ لك زحمه عليه

اللوز

26-01-2017, 01:15 PM

صحيح الكلا
صراف واحد لبنك qnb
والمكينة ما تشتغل
وكان الجو بارد
والحمد لله تم الشراء من قبل المحل وتوصيله الى البيت والدفع في البيت
لازم يكون هناك مكاين توضع بالقرب من المحلات
ونقطه هامة
وهي ان هذه السنة مسويين لفة متاهة علشان توصل للمطعم يعني اعتقد فكرتهم ان تمر على جميع المحلات علشان اتروح المطاعم بصراحة تعب يعني تبي محل مثلا 000 تمر من رقم 1 لين ما توصل وتخيل ان عندكم 300 محل تقريبا في المعرض

][ Q6r ][

27-01-2017, 01:18 AM

المشكله فيكم تدعمونهم بمخابيكم وكل سنه مطيحين عندهم واي مهرجان رحتووا له اي مبلغ تدفعونه
من جذي مستقلين الكل برفع الاسعار (:

بوخالد911

27-01-2017, 01:40 AM

ما أفكر أروح.
تجربة العام كانت مريرة.

معماري قطري

27-01-2017, 02:21 AM

كتارا لي سنين ما طبيته اللي بيوديني بادعي له

ya3coub

27-01-2017, 08:08 AM

الي اعرفه من العام و ناس طلبو مني اتابع طلبهم قبل ما يوصلون الدوحة

في مكاين متوفره للكرت فالمحلات

الشي الثاني بحسب علمي و عملي ببعض الفعاليات و الكل يعرف حاليا المهرجان و الإجازة يعني في فعاليات وايد من سبق لبك كان لازم يطلبون المكاين من قبل للصراح الألي + الي سمعته تم توقين السيارات الي عبارة عن atm كونها غير عمليه و الإكتفاء بعدد بسيط مقارنة بالسابق.

فالي بيروح و اجازة يعمل حسابه على زيارتين زياره يشوف و زياره يشتري و الحريم لا تشيلون كمية كبيرة من الفلوس معاكم

المحاميه

30-01-2017, 07:38 AM

هيييييه الله كريم
ناس عندهم القريه التراثيه والقريه العالميه وحديقة الزهور وحديقة الفراش وليغو لاند وموشن جيت والخ الخ الخ الخ
واحنا قاصين علينا بهالمكان الـ(اي كلام) حق فتره محدده بعد وغالي ومافي تنظيم

سكتي بس
شي يحر
ايه والله عمار يادبي
خلنا احنا على قرية الاحلام الي مافيها صراف .. بس تشفط فالفلوس .. لا وسمعت وحده تقول حق الهندي الي يبيع فالكشك .. انا مب قطريه .. عشان رافع الاسعار .. عدال اشدعوه عاد احنا الي راقدين ع بنوك ومب مضايقتنا الاسعار .. !!!

المحاميه

30-01-2017, 07:42 AM

في داخل كتارا صوب المسرح الروماني

لا اقصد القريه الي مسوينها على صوب .. ماقصد كتارا بكبره ..
روح دورها وعطنا رايك .. بس على قولت اختي .. القريه ماتصلح حق شباب ..

الحل انكم ماترحون

نعم؟!؟
اوكي مب رايحين ..
عاد انت اقترح عليهم يبطلونلنا اماكن شكل دبي .. واحنا نوعدك ان مانطب هالقريه .. وشكراً

انا فكرت ان ليش فعلا ماتكون الأسعار رمزيه
عقب شفت في ذهني صورة العمال اللي كانوا ينتظرون افتتاح شرف dj في قطر مول
ما ادري ايش العلاقة هههههههه صار كابوس

ههههه شر البلية مايضحك...
نبي اسعار معقوله .. مب اسعار خياليه ...
يعني مب معقوله شعر البنات ب 15 والنفيش ب 15
وين قاعدين؟!؟
هو سعره الصجي بريال او ريالين .. اوكي خلهم يزيدون شي معقول .. يعني مثلا ب 5 مب 15
وعود البطاطا اخبره ب 10
لكن عندهم ب 15
وقس على ذلك باقي المحلات والبضايع ..
والله اشكره .. يبون يربحون من ورانا ..
يعني الواحد صعب يطلع من هناك الا وهو مطير الف وطالع ..

المحاميه

30-01-2017, 07:45 AM

وعليكم السلام ورحمة الله وبركاته

من اسوء مازرت في الدوحة السنة الماضية صراحه مكان خرابيط ولافي شيء سنع اكل غالي وتنظيم اي كلام

ايه العام كان توزيع المحلات خرابيط
السنه اشوفها ارتب
بس لازم يعدلون كمن شي ..

المفروض مع التطور الحاصل في البلاد تكون هناك مكاين لاستخدام الكروت عند إقامة مثل هالمعارض لكل جناح او كشك!!

او توفير مكاين لصرف الفلوس في اكثر من مكان..

المفرووووض ...
لكن مادري اشلون يفكرون ..

ليش ماينقلون السيارة داخل القرية اشوفه احسن واسهل لرواد القريه

ليش ينقلونها ... خل يحطون وحده ثانيه وثالثه ورابعه ..

المحاميه

30-01-2017, 07:48 AM

ولا مره رحت هناك
شكلي بروح اشوف

والحمد لله تم التنبيه علشان نجيب فلوسنا معانا
مادام مافي الا صراف واحد يعني خذ لك زحمه عليه

زحمه
ومكانه غلط
وتوقع تخلص الفلوس الي فيه اصلاً ..

صحيح الكلا
صراف واحد لبنك qnb
والمكينة ما تشتغل
وكان الجو بارد
والحمد لله تم الشراء من قبل المحل وتوصيله الى البيت والدفع في البيت
لازم يكون هناك مكاين توضع بالقرب من المحلات
ونقطه هامة
وهي ان هذه السنة مسويين لفة متاهة علشان توصل للمطعم يعني اعتقد فكرتهم ان تمر على جميع المحلات علشان اتروح المطاعم بصراحة تعب يعني تبي محل مثلا 000 تمر من رقم 1 لين ما توصل وتخيل ان عندكم 300 محل تقريبا في المعرض

ايه والله .. شكلك رحت ف نفس اليوم الي كان فيه الصراف مايشتغل وكان الجو جداً بارد .. مأساه ..

انا بصراحه اعجبتني فكرة المتاهه لانها تجبرك تمر على كل المحلات وتشوفهم بشكل مرتب .. احسن من العام .. كل محل طاير ف صوب
شي شفنا وشي ماشفنا ..
هالطريقه اسهل وماتضيع ..
اختلاف اراء بس اشوفها انسب ..

المحاميه

30-01-2017, 07:53 AM

[ q6r ][;10520915']المشكله فيكم تدعمونهم بمخابيكم وكل سنه مطيحين عندهم واي مهرجان رحتووا له اي مبلغ تدفعونه
من جذي مستقلين الكل برفع الاسعار (:

مانبي ندعمهم
بس والله قولنا شنسوي؟!؟
نبي نغير جو ونستانس مع العرب .. نقول خلنا نشوف شالجديد ونستغل الجو الزين بس للاسف ننصدم بالاسعار ..

ما أفكر أروح.
تجربة العام كانت مريرة.

روح السنة وعطنا رايك ..

كتارا لي سنين ما طبيته اللي بيوديني بادعي له

ودوه ياجماعه .. تاخذون اجر .. ويعطينا رايه ..

الي اعرفه من العام و ناس طلبو مني اتابع طلبهم قبل ما يوصلون الدوحة

في مكاين متوفره للكرت فالمحلات

الشي الثاني بحسب علمي و عملي ببعض الفعاليات و الكل يعرف حاليا المهرجان و الإجازة يعني في فعاليات وايد من سبق لبك كان لازم يطلبون المكاين من قبل للصراح الألي + الي سمعته تم توقين السيارات الي عبارة عن atm كونها غير عمليه و الإكتفاء بعدد بسيط مقارنة بالسابق.

فالي بيروح و اجازة يعمل حسابه على زيارتين زياره يشوف و زياره يشتري و الحريم لا تشيلون كمية كبيرة من الفلوس معاكم

انا مريت كذا محل ياخوي وماحصلت atm
وتوهقت ذاك اليوم .. خذت شي بسيط .. واضطريت ازورهم يوم ثاني بعد ماعبيت البوك ..
وحتى المطاعم ماتاخذ بطاقه
يعني لازم اعبي بوكي وامشي .. طريقه تقليدية وايد .. المفروض يعيدون النظر ف الموضوع ..

بوحارب

30-01-2017, 08:07 AM

والله يبيلي امر عليها اشوف وش عندهم

بس انتوا لازم تشترون يعني

يعني ما ينفع تتمشون بدون ما تتسوقون !

دااانة قطر

30-01-2017, 11:11 AM

السلام عليكم ورحمة الله وبركاته

بخصوص قرية الاحلام الي ف كتارا ...

لا والي يضحك اكثر .. ان هالصراف مب شغال

يعني يالي تعنيت وجيت اذا بوكك مب مليان بس تمشى فالقريه وخل الهوا يلفحك عقب ارجع بيتكم
يعني نظام .. شم .. ومش بوزك

بس هذي كانت ملاحظتي ... والسموحه اذا طولت عليكم
وشكراً

وعليكم السلام ورحمة الله وبركاته

هذا اللي سويته يوم الخميس تمشيت في الدهاليز شوي تاخذين يمين شوي يسار شوي تدورين ماتعرفين شلون
المهم ماشفت شي مميز يخليني ارد له بس قلت يمكن ارد اشوف الاوتلت المصغر شسالفته لانه ماكان جاهز
بصراحة ليت يكون في تنظيم نفس درب الساعي عندنا ونفس القرية العالمية في دبي

المحاميه

30-01-2017, 01:29 PM

والله يبيلي امر عليها اشوف وش عندهم

بس انتوا لازم تشترون يعني

يعني ما ينفع تتمشون بدون ما تتسوقون !

لا مب لازم نتسوق
لكن اذا مرينا وشفنا وشدنا شي او عجبنا اكيد بناخذه وقلنالكم الاسعار مرتفعه وماياخذون بطاقه ومافي صراف ..
ههه نبوق ولا شسالفه ..

المحاميه

30-01-2017, 01:31 PM

وعليكم السلام ورحمة الله وبركاته

هذا اللي سويته يوم الخميس تمشيت في الدهاليز شوي تاخذين يمين شوي يسار شوي تدورين ماتعرفين شلون
المهم ماشفت شي مميز يخليني ارد له بس قلت يمكن ارد اشوف الاوتلت المصغر شسالفته لانه ماكان جاهز
بصراحة ليت يكون في تنظيم نفس درب الساعي عندنا ونفس القرية العالمية في دبي

انا بعد كنت رايحه اخذ فكره
واحب اخذ من البخور والعود خصوصا اذا من برا او ماعندهم محل الخ ..
فعجبني كمن شي وكانت المشكله مثل ماذكرت ..

وزين ماسويتي ..
بس فكرة الدهليز هذي يازتلي انا بصراحه .. مرتبه ماتضيع ..

يمامـة

30-01-2017, 03:31 PM

[ Q6r ][;10520915']المشكله فيكم تدعمونهم بمخابيكم وكل سنه مطيحين عندهم واي مهرجان رحتووا له اي مبلغ تدفعونه
من جذي مستقلين الكل برفع الاسعار (:

ما بغينا نتفك من الخليجيات وأسعار عبيهم.. طبوا علينا الاتراك والمباااااالغة في أسعار المواعين..

ما ادري من قص عليهم و قال لهم ان الخليج درب الثراء السريع!!

المحاميه

31-01-2017, 06:43 AM

ما بغينا نتفك من الخليجيات وأسعار عبيهم.. طبوا علينا الاتراك والمباااااالغة في أسعار المواعين..

ما ادري من قص عليهم و قال لهم ان الخليج درب الثراء السريع!!

شافوا مسلسلاتهم لها شعبيه كبيره والناس فجأه سوت زحمه ف بلادهم .. قالوا بس ذيله يحبونا .. خل نستغلهم
اعتقد جذي الموضوع :)

راجي الْعفو

31-01-2017, 07:56 AM

مافي الا نتعلم الصنعة بنفسنا و نستغني عن أهل الجشع اللي قاصين علينا

وعقبها نروح نبيع عليهم بنفس الاسعار اللي كانوا يقصون علينا بها

نطالب بإنشاء مدارس للبنين و البنات للأعمال الحرفية

البنين في التجارة و الصناعة، نوعا ما جيد

بس البنات مدري هل لهم مدارس مثل هذي ..

Charisma

31-01-2017, 09:35 AM

نتوجه بالشكر لصاحب فكرة وضع صراف آلي واحد " متعطل " في قرية الاحلام ، وذلك أنطلاقا من مبدأ الحفاظ على جيوب أولياء الأمور ، وهذا ان دل فإنما يدل على التكاتف الغير مباشر بين معشر الرجال . :yes:

واللي مايدري عن هالقرية .

المحاميه

31-01-2017, 10:14 AM

عوآآآآشـي

31-01-2017, 10:40 AM

المحاميه

31-01-2017, 01:28 PM

انا رحت لها وشفتها متاهه واتابع السهم ويوم وصلت لاخر المحلات بغيت اشتري وقالي كاش
وان المكينه الوحيدة عند بوابة الدخول خذت كرك ب خمس ريال
ورجعت من نفس الطريق مشوااار والله
كملت طريقي وطلعت منها

ههههه
عادي يتروالي هذا حال الاغلبيه ..
الله يعين الجميع
بس الحركه بركه
والمشي زين ..
بس الكرك مب زين هههه :)