ياشباب انتبهوا من البنات الي يطلبون منكم فلوس

[قطري2022]

ملاحظة : لا اشجع العلاقات الغير مشروعة ، وانما امنع ان يزيد الخطا والاستغفال ويصبح فيه ضياع مستقبل وان تصرف مبالغ في طريق الحرام ، اليكم الموضوع :
انتشرت ظاهرة البنات اللي يطلبون مبالغ من الشباب بعد التعارف من اول يوم او ثاني يوم او بعد اسبوع وحتى بعد شهر ، انتبهوا ياشباب من هالحثالى ، بتقول لك البنت انها تنحرج تطلب من اي واحد وانها مب متعودة تطلب من احد بس لانها ارتاحت لك من جذي تطلب منك ، ترى هالكلام تقوله حق كل الي تتعرف عليهم ، وغير جذي الاولى ان المفروض انها تطلب من ابوها او امها واخوانها وخواتها او ربعها الي تعرفهم من سنين ، لان من قلة الذوق انها تطلب من شخص غريب ولو عندها كرامة وعزة نفس ماطلبت من شخص ماتعرفه الا من اسبوع ، مب منطقي ان كرامتها ماتسمح لها تاخذ من اختها او اخوها واسمحت لها كرامتها تاخذ من الغريب ااي عرفته من اسبوع او من شهر ، ونفس الشي في بنات يخدعونهم الشباب ويحملونهم سلفيات باسم الحب ، انتبهو انتو بعد يابنات من هالشباب النصابين ، ترى الي يحبج بيجي لج من الباب مب من خلف الكواليس ، والي يزعل ويقطعج لانج ماعطيتيه المبلغ الي يبيه فهذا مايحبج اساسا ويبي يستغلج ويكشخ على حسابج ، يعني ماخذج مقصة ، اتمنى الحذر من النصابين وعديمو الكرامة .

[Rider]

اخوي انت تقول بعد مايتعرفون يعني علاقة غير صحيحة مافيه شي اسمه بنت تتعرف على شاب انا كنت اتوقع تقول بنات يجون الشباب في اي مكان ويطلبون فلوس نفس ظاهرة طلعت من كم سنة بنات عربيات كانوا يجون حتى الدوائر الحكومية يطلبون لكن ياخوي تحذرنا من علاقة بين بنت وشاب

[قطري2022]

اخوي انت تقول بعد مايتعرفون يعني علاقة غير صحيحة مافيه شي اسمه بنت تتعرف على شاب انا كنت اتوقع تقول بنات يجون الشباب في اي مكان ويطلبون فلوس نفس ظاهرة طلعت من كم سنة بنات عربيات كانوا يجون حتى الدوائر الحكومية يطلبون لكن ياخوي تحذرنا من علاقة بين بنت وشاب

بس انا ماشجعت على علاقة غير صحيحة ، انا اعرف انها علاقة غير صحيحة لكن بدل مايصير غلطين ابيه يكون غلط واحد ، ع الاقل الواحد مايقط فلوسه في مكان غلط ويستغلفونه ، لاني اكره الاستغفال من مرة او رجال ، وسمعت قصص فعلا اعصب منها وانا ماكتبت هالتحذيز الا من حرقتي على الضحايا

[بريق الحق]

المنتدى شصاير فيه !!!

[معماري قطري]

يا ماشي درب الزلق تحمل من السلق

[الحياة الخالدة]

السلام عليكم ورحمة الله
هي سالفة التعارف من الأساس غلط .. وما يترتب على هالعلاقة الخاطئة يمكن يكون عقاب من الله ودرس .. وما نعتبرهم ضحايا ( من الجنسين )
جزاك الله خير

[تاجر كشخة]

ما بني على غلط فهو غلط الي الله ابتلاه بوحده خلها تخرفه علشان يصحى على نفسه

[قطري2022]

السلام عليكم ورحمة الله
هي سالفة التعارف من الأساس غلط .. وما يترتب على هالعلاقة الخاطئة يمكن يكون عقاب من الله ودرس .. وما نعتبرهم ضحايا ( من الجنسين )
جزاك الله خير
فعلا انا معاج اساسا خطا ، لكن يكفي ان هالضحايا اهلهم ماربوهم عدل ، يعني يطلعون ضحايا اهاليهم وبعد يطلعون ضحايا النصابين ؟ �� طبعا في حكمة انا مالفها تقول الابناء صفحة بيضاء ان لم يشكلها الوالدان شكلتها البيئة ، وحكمتي الثانية تقول التربية عملية تعويد ، يعني الاهالي هم المسوولين عن سلوك عيالهم ، ولحد يقول رفقاء السوء ، لان في عيال قي نفس الصف في ممنهم تاثرو برفقاء السوء ومنهم ماتاثرو ، والسبب ان الي ماتثرو اهاليهم عرفو يقنعون عيالهم بالاخلاق الصحيحة ، وادري بلقى هجوم شرس من بعض الاهالي بعد شوي ��

[R 7 A L]

يمكن هي تحس كانها تعرفه من زمان
او يمكن ارتاحت له من اول يوم وحبته
على شان كذا لازم يضحي على شانها ويدفع الغالي والرخيص لاجلها
هههههههه

[سالم الزهران]

كل آفة له آفة ادهى منها ( ادي ربنا وادي حكمته )

لذلك ،،،اللي يطيح في يدك يا فاتن لا توفرينه

الله يقويهم على هالخرفان

يا برد كبدي برداه ( ودي بعد توقعه شيكات )

[راجي الْعفو]

شكرا عالتنبيه،وهوفي محله


لان الشخص يضيع عقله في مثل هالعلاقات

وبالتالي يسوي اشيا لو شافها الشخص السليم بيقول هذا صاحي و لا مب صاحي ؟!

الله يجيرنا..

[قطري2022]

كل آفة له آفة ادهى منها ( ادي ربنا وادي حكمته )

لذلك ،،،اللي يطيح في يدك يا فاتن لا توفرينه

الله يقويهم على هالخرفان

يا برد كبدي برداه ( ودي بعد توقعه شيكات )
ههههههه ، هدي ترى الرحمة حلوة 😊

[قطري2022]

شكرا عالتنبيه،وهوفي محله


لان الشخص يضيع عقله في مثل هالعلاقات

وبالتالي يسوي اشيا لو شافها الشخص السليم بيقول هذا صاحي و لا مب صاحي ؟!

الله يجيرنا..
تدري انك انت اول واحد يفهمني ؟ شكلي بحطك في لستك الفي اي بي عندي ، بكرة العصر البنتلي عندك ï؟½ï؟½

[لطيف الروح]

جزاك الله خير على النصيحة
المشكلة اخوي ان بعض شبابنا الله يهدينا و يهديهم صارو صيد سهل في دبي لبنات من جنسية عربية
و كثير من شبابنا للأسف متزوج من هذه الجنسية باسم الحب

[القلب المؤمن]

الزبدة يعني قصت عليك وانحاشت بكم ؟

[قطري2022]

الزبدة يعني قصت عليك وانحاشت بكم ؟

اخوي انت تكلمني انا ؟

[راجي الْعفو]

تدري انك انت اول واحد يفهمني ؟ شكلي بحطك في لستك الفي اي بي عندي ، بكرة العصر البنتلي عندك ï؟½ï؟½

ياخي تسلم لي والله

ببطل باب الحوش ^_^

[سالم الزهران]

ههههههه ، هدي ترى الرحمة حلوة ��

هههههههههه لاهنت لطفت الجو يا قطري 2022

[راجي الْعفو]

الزبدة يعني قصت عليك وانحاشت بكم ؟

هذا ابتلاء بارك الله فيج

حتى انتي ما تسلمين منه لو ما عصمج ربج

فالواحد يسال السلامة

[قطري2022]

ياخي تسلم لي والله

ببطل باب الحوش ^_^

بس ترى اذا لقيت الباب مسكر ترى مب راجع مرة ثانية ، فحط طابوقة على كل ظرفة علشان الهوا مايسكر الباب ��

[وحيد-الشوق]

صياغة الموضوع وفحواه غريبة شوي

انت قلتها علاقة غير شرعية وخرابيط والغلط من الخرفان بس للعلم حسب الي سمعته من بعض الشباب سود الله وجوهم هم الي يقصون على البنات ويخلونهم يسحبون سلفيات ويجيبون لهم هدايا

[naklan]

هههههههه
ما أسس على باطل فهو باطل

[ضوى]

طريف الموضوع

[بومحمد المطاوعه]

الحمدلله والشكر من هالناس

[مفكر قطري]

استغفر الله ..
ترا صاحب الموضوع معاه حق.. لأن شخصيا شفت بعيني بنات مفلسين شباب وايد.. و كأنهم ساحرينهم استغفر الله ..*

[سعود.]

علاقه محرمه شرعآ .
والبعض يحاول يلطفها في ( زمن العجائب )
بمصطلح صديق او صديقه .
والنهاية ( الزنا ) والعياذ بالله .

[Qt.1]

المنتدى شصاير فيه !!!

اتصدق نفس التساؤل خطر في بالي اول ماشفت الموضوع !!

[مسك روز]

من حط نفسه سبوس

دامه دخل في طريق الحرام يتحمل اللي يجيه

[قطري2022]

اتصدق نفس التساؤل خطر في بالي اول ماشفت الموضوع !!

ليش هالتساؤل �� ، مايصير بدل مايطيحون في غلطتين نخليهم غلطة وحدة ؟

[ساراام]

للاسف هالايام البنات يبيعون نفسهم عشان الفلوس

[بـن عدوان]

صاحب الموضوع تكلم عن شي واقعي وموجود

اغلب الاعضاء للأسف يستنكر الموضوع ويدخل في امور ثانية وكأنه هالشي مب قاعد يصير

لا ترى يصير !!

وكلامه في محله

[Rider]

صاحب الموضوع تكلم عن شي واقعي وموجود

اغلب الاعضاء للأسف يستنكر الموضوع ويدخل في امور ثانية وكأنه هالشي مب قاعد يصير

لا ترى يصير !!

وكلامه في محله

الله يهديك ياابن عدوان أي يستنكر واي كلامه صح يقول بنت تتعرف على ولد يعني صداقة غير شرعيه الي يوصل نفسه هالمواصيل يستاهل الي يجيه لكن لو كان يقول انتبه ياشباب ترى فيه بنات يجون لكم في أي مكان ويطلبون منكم فلوس بنقول له شكرا على التنبيه على العموم صاحب الموضوع الله يجزاه خير عدل عليه

[khaldoon]

يا شباب ارجوكم ما تغيروا الموضوع عن مساره و اكلتوا صاحب الموضوع بقشوره.....الزبده و البعص شخصن الموضوع و اعتبره تجربه شخصية لصاحب الموضوع

الزيدة .... صاحب الموضوع ييوصل رسال: تبي تدخل في علاقة غير شرعية و انت تعرف انها حرام كيفك.......بس حاول انك لا تكون خروف

[Alm@n$ei]

لابد من التحذير لان هالحالات منتشرة . فتحوا عقولكم شوي صاحب الموضوع ينصح وكلامه واقعي واللي دمر المجتمع سكوتنا او التغاضي عن واقع المشكلة ولا كأنها تحصل في المجتمع

[معماري قطري]

للاسف هالايام البنات يبيعون نفسهم عشان الفلوس

الله يحفظ بنات المسلمين ويهداهم ويبعدهم عن الفتن

[قطري2022]

اشكركم من اعماق القلب يللي فهمتوني ، انصدمت يوم اتهمني واحد اني انا الي انقص علي ، ومعلومة عني ابي اضيفها ، جاتنا فترة قامت تجينا اتصالات من دولة خليجبة والي يتصلون اسيوين وكانو يقولون ربحتو فلوس وبعثولنا الفين ريال علشان نرسل لكم الفلوس ، على طول حاولت اوصل لرقم الشرطة عندهم وبلغتهم لاني خفت على غيري ، هذي خصلة المسلم لما يخاف على بلاده وعلى اخوه المسلم او حتى غير المسلم ، هذا ردي على الي اتهمني اني انضحك علي ، جذي اكون حميت ذوي التفكير المحدود من انهم يطيحون بالفخ ، ومثل ماسويت في سالفة اتصالات النصابين سويته الحين مع الي يمشون في الغلط ، والي ماشي في الغلط احتمال يتوب بعدين بس بيتم مديون قد شعر راسه بسبة وحدة انصبت عليه لانه كان تفكيره محدود و ومحد انصحه ، ووقتها بيقول ليتني لقيت احد يوعيني ، وانا الحين ابي انقذه من هالمصيبة الي بتخرب مستقبله وبتخليه يعيش مديون .

[دااانة قطر]

العنوان ضحكني
برجع بعد ما اقراه

[qtr qtr]

بيض الله وجهك اخوي قطري 2022 على خوفك وحرصك لاخوانا واللي يقول ان انضحك عليك ترى هو انضحك عليه ولا ماكان اتهمك . محشوم اخوي وللبقيه .

[قطري2022]

بيض الله وجهك اخوي قطري 2022 على خوفك وحرصك لاخوانا واللي يقول ان انضحك عليك ترى هو انضحك عليه ولا ماكان اتهمك . محشوم اخوي وللبقيه .
ووجهك ابيض اخوي الكريم واشكرك على تفاعلك معاي يطولي عمرك

[بانغ بانغ]

وسائل التواصل الاجتماعي لها دور كبير في انحراف الطرفين من شباب وصغار وكبار

فعلا دام الواحد طايح في الحرام وياكثرهم روحوا شوفوا الشباب مع البوفلبن في القهاوي والمطاعم ووووو

اقل تقدير الرجال قاعد ينصح وهذا واقع لحد يتهرب منه

[قطري2022]

وسائل التواصل الاجتماعي لها دور كبير في انحراف الطرفين من شباب وصغار وكبار

فعلا دام الواحد طايح في الحرام وياكثرهم روحوا شوفوا الشباب مع البوفلبن في القهاوي والمطاعم ووووو

اقل تقدير الرجال قاعد ينصح وهذا واقع لحد يتهرب منه

جزاك الله خير يا بانغ على تفهمك ، فعلا اغلب افراد المجتمع يخشون مشاكل كبيرة في المجتمع والبعض الاخرينتقد الي بحاول يصحح افكار المجتمع ، وتصحيح الافكار يبيله جرأة ويبيله ناس تساعد في حل المشاكل

[Charisma]

تبي الصراحه اخوي قطري ؟ طريقة طرحك للموضوع خطأ ، يعني كأن الفكرة تقول : دام مافي تخرفن أستمر وخلك حريص.

كان ممكن تطرح الموضوع بشكل تحذر فيه من العلاقات الغير شرعية أكثر من تحذيرك للشباب بالأنتباه ، وممكن تذكر مساوء مثل هالعلاقات وأضرارها من نصب واستغلال ..إلخ .

[بومحمد911]

ما بني على باطل فهو باطل

[7aayaahh1]

العلاقات المحرمة موجودة شئنا أم أبينا ، ما نحط روسنا بالرمل وندعي المثالية ، المشكلة ليست في المال لكن في الشرف والسمعة والنفسية والشك إلي يدخل كل شخص يقوم بعلاقة محرمة والإنسان إللي يبتي على خطأ ما راح يجتي غير الخطأ مهما حاول يصلح .. دايما أنصح إلي أنا مسؤولة عنهم .. لا تترك صلاتك ولا تقيم أي علاقة محرمة وراح تكون في السليم

[قطري2022]

تبي الصراحه اخوي قطري ؟ طريقة طرحك للموضوع خطأ ، يعني كأن الفكرة تقول : دام مافي تخرفن أستمر وخلك حريص.

كان ممكن تطرح الموضوع بشكل تحذر فيه من العلاقات الغير شرعية أكثر من تحذيرك للشباب بالأنتباه ، وممكن تذكر مساوء مثل هالعلاقات وأضرارها من نصب واستغلال ..إلخ .

يعطيك العافية ياكريزما ، موضوع ان انصح على عدم دخول علاقات محرمة هذا صعب جدا انك تقنع من موضوع واحد ، لان النصايح في كل مكان وتفريلا كل يوم وكل خطبة جمعة وبرامج تلفزيونية وبعد تاخذ لها وقت على ما اتاثر ع الي ماشي خطا ، وانا انسان واقعي وعملي وعارف ان اختمال كبير اسلوبي مابياثر بشكل كبير ، من جذي ركزت على نقطة انا اشوف نفسي اني اقدر عليها وسهل حلها في نفس الوقت��

[العقل المدمر]

صياغة الموضوع وفحواه غريبة شوي

انت قلتها علاقة غير شرعية وخرابيط والغلط من الخرفان بس للعلم حسب الي سمعته من بعض الشباب سود الله وجوهم هم الي يقصون على البنات ويخلونهم يسحبون سلفيات ويجيبون لهم هدايا



وهاي اللي اسمع عنه بعد
دوم البنت غبية ومقصوص عليها ودوم هي الضحية
والا الشباب من وين لهم فلوس وهم يلعبون ع 1000 وحدة غير السفر والسيارات اللي يلعبون فيها :con2:



ليش هالتساؤل �� ، مايصير بدل مايطيحون في غلطتين نخليهم غلطة وحدة ؟


عالاقل هالغلطة تخلي الواحد يوعى حق نفسه ويتوب ويعرف انه على غلط بدل لا يستانس ويتمادى


تبي الصراحه اخوي قطري ؟ طريقة طرحك للموضوع خطأ ، يعني كأن الفكرة تقول : دام مافي تخرفن أستمر وخلك حريص.

كان ممكن تطرح الموضوع بشكل تحذر فيه من العلاقات الغير شرعية أكثر من تحذيرك للشباب بالأنتباه ، وممكن تذكر مساوء مثل هالعلاقات وأضرارها من نصب واستغلال ..إلخ .


صح
انت كنك قاعد تعلمهم يمارسون الحرام بطريقة صح
وشلون يتجنبون مساوئ الغلط عشان يمارسونه وهم مرتاحين

[Locale]

الحلو في الموضوع ان الموضوع وصل 5 صفحات

[معماري قطري]

يودوا فلوسكم يا شباب لحد يبوقكم العبوا بأمان

انا اقول اقطعوا السالفة من أساسها وتزوجوا واستروا بنات بلادكم واستروا نفسكم

[الكفــــــو]

موضوع لايستحق النشر


دع مايُريبك إلى مالايريبك