حق الجار على الجار

[LSBU]

والله اكتب الموضوع وانا على السرير ماقدرت انام عدل لنة دوامي يوميا من 4:30 الفجر اصحى
ويحتاج دوامي لتركيز و راحة حتى استطيع انتج لكن للا سف ماقدرت انام بسبب ازعاج جيراني طول الليل تقريبا حتى الساعة الواحدة فجراً وللاسف العائلة هذي بالذات كل يوم عندهم مناسبة الحين بسبب الاجازة كل يوم يتجمعون عندهم حريم وشلات و اغاني شي يمرض الجيران والله والمشكلة اني ما اقدر اشتكي لنة مهب حلوة بحقي اشتكي عليهم وهم جيراني يليت الحريم الي يبون يسهرون على الاغاني يروحون يحجزون قاعة بعيد عن المناطق السكنية ويسهرون هم وشياطينهم على الشلات والاغاني و للاسف هذا يثبت لنا انة مالهم دور الرجال عندهم

اتمنى اتمنى منع الاغاني والشلات الخايسة الي فجروا روسنا فيها في المناطق السكنية

[R 7 A L]

المفروض ياخوي تدق باب بيتهم وتكلمهم
واكيد راح يتغير الوضع

[الحياة الخالدة]

لا حول ولا قوة إلا بالله .. الله يهديهم ويصلحهم
مالك إلا تكلم راعي البيت ياخوي قبل التوجه بالشكوى عليهم
صحيح الجار له حق .. لكنه بالمقابل المفروض يراعي جاره وما يأذيه .. واللي يسوونه فيه أذية لأنفسهم أولاً .. وبالتالي لك ولغيرك ممن يسكن حواليهم اللي فيهم المريض وكبير السن والمحزون وغيره وغيره
الله يكون في عونك ويفرجها عليك

[Rider]

للأسف في هذا الزمان من النادر جار يحترم جاره

[LSBU]

المفروض ياخوي تدق باب بيتهم وتكلمهم
واكيد راح يتغير الوضع

مشكلتي انا طبعي الخجل والله اني استحي اكلم صاحب البيت اقولة قول لحريمك يسكرون الازعاج الي عندهم بس هو مايفهم المفروض من نفسة يفهم وما اعتقد انة رجال انا والله ما ارضاء وبعض جيراني المحترمين والله سنين معهم عمرهم ما ازعجونا اذا عندهم حفلة او اي شي يحجزون قاعة للحريم لنهم يراعون جيرانهم بعكس هولاء الناس اوكي حتى الساعة 10 بنتحمل لكن حتى وحدة منتصف الليل والله شي مؤذي انا سحبت على الدوام اليوم خسرت قوت يومي وخسرت الدولة ساعات عملي لها بسبب ازعاج الي ما يصحون من النوم الا الظهر

لو الناس هولاء يبون يسمعون اغاني وشلات مب مشكلة ينزلون على الصوت بحيث ما يزعجون جيرانهم والناس الي حولهم ساكنين لازم يعرفون انة في بشر سكنين جنبهم

اتمنى وزير ان شاء الله يحط قرار منع الاغاني الصاخبة المزعجة والشلات المعفنة في المناطق السكنية لنة والله هذا ضرار في امور كثيرة

[LSBU]

للأسف في هذا الزمان من النادر جار يحترم جاره

الله المستعان

[LSBU]

لا حول ولا قوة إلا بالله .. الله يهديهم ويصلحهم
مالك إلا تكلم راعي البيت ياخوي قبل التوجه بالشكوى عليهم
صحيح الجار له حق .. لكنه بالمقابل المفروض يراعي جاره وما يأذيه .. واللي يسوونه فيه أذية لأنفسهم أولاً .. وبالتالي لك ولغيرك ممن يسكن حواليهم اللي فيهم المريض وكبير السن والمحزون وغيره وغيره
الله يكون في عونك ويفرجها عليك

كلام صحيح والله يهديهم ويسامحهم

[غريب الدّار]

هذا يثبت لنا انة مالهم دور الرجال عندهم


بهالجملة انت خليتهم مايسوون بيزة مع انك قلت ان مب حلوة تشتكي عليهم وهم جيرانك بس رزّلت فيهم


عموما :
اخوي بصراحة هاذي مشكلة لأن الجار فعلا له حق على جاره

لكن الحين انت تقول مب عدلة انك تشتكي على جيرانك
يعني تحفظ حق جارك

لكن هل هم احترموا الحق هذا ؟


بس قبل هذا كله اخوي انا من رايي اتكلمهم في البداية بالتي هي احسن علشان يمكن (والله اعلم) مب عارفين بالضرر اللي عليك يعني يمكن يقولون دام محد تكلم فالوضع عادي


لكن انا معاك ان الوضع حساس شوي والله يعينك

[عاشق العديد]

الله يعينك .. والله

الحمد لله المنطقه الي انا فيها كل ابوهم اعرفهم من سنين وكله ناس كبار وماعندهم بزران ..

لكن شتقول ولا شتسوي هو فعلن اذيه ..

أغاني وشيلات طول الليل ..

عشان تبعد نفسك من الشبه ..

اكتب ورقه وحطها عند باب البيت وامش ..
او سيارة راعي البيت .. بسلوب تخليه يستحي من نفسه ..

[mr. abdulla]

امحق جار.. طرش واحد من العيال يطق بابهم و يقولهم أبوي يسلم عليكم و يقولكم قصروا على الموسيقى او طرش الخادمة اول ما تسمع الأغاني.. يمكن يستحون شوي... و اذا ما نفع الحال أشتك عليهم و لا تستحي... هم ما استحوا

[شيخ الديرة]

اتفق مع الجيران الآخرين وروحو تكلموا مع الرجل الكبير في البيت، لا تدخل المعركة وحدك مادام هناك من يحتفل بنصرك

[مستـريــح البـــال]

مثل ما قالوا الاخوان ،، تعال لهم بالكلمة الطيبه لعل وعسى ينحل الموضوع ويحسون على دمهم ،، وتجنب لخسارة جار (يمكن متوقع ان الصوت ما يوصل ويزعج حد ،، اقول يمكن)

ولا تنسى اذا كانوا هم راعيين البيت فوجودهم دائم ،، فتكلم معاهم قبل ،، علشان الذمة والضمير ،، وعلشان ما تتحسف لو لم يفلح على قطع العلاقه بعد أي اجراء قانوني ..

[سالم الزهران]

ياخذون عنكم انطباع انكم راقين ، يتمادون

ياخذون فكرة انكم ( نظاميين/ شرسين ) يتأدبون


الله يعينكم

[بوحارب]

اختصرتي الموضوع الرجل عندهم ماله اي قيمة ولا يستحي على وجهه

عسا ماشر بيتي كل يوم فيه حفله واغاني وشلات ومصخره والصوت واصل لأخر الفريج

تبي نصيحتي اشتكي عليهم واللي ما يحشمكم ما يستاهل الحشيمة

[nooora]

اخوي اذا موضوع حساس انك تكلمهم عن طريقة الشيبه او تكلم امام مسيد .اكيد ابوهم اخوانهم يصلون ف المسيد والشيخ يكلمه بطريقه غير مباشرة. الله يعينك .. لا تشتكي الا بعد كم محاوله منك

[ضوى]

اتوقع لو كلمت راعي البيت راح يكون في تجاوب ، وبعدين هم جيرانك هل اشتكيت منهم من قبل ؟ ولو كنت تشتكي من زمان ليش الحين انزعجت دامك راضي وساكت كل هالمدة ؟ ولو انه هالازعاج جديد ومؤقت فأنا اشوف انك تكلم راعي البيت يخففون الازعاج لانه الجو جميل اكيد والقعدة حلوة بالحوش

[MAZEN37]

اكتب مكتبوب على الباب بدون اسم ووضح فيه تكرما واكتب كلام طيب واكتب من جيرانك وخل الموضوع مبهم بداية
وان ما رد انتقل للخطه البديله

[ماجد]

اخوي الافضل انك تواجة جارك فيس تو فيس او تتصلة وتسلم علية بالطيب وتقولة السالفة

اذا ماتغير الوضع بلغ الشرطة لان الازعاج ممنوع قانونا في الاحياء السكنية واذا الرجال طلع

مالة سنع على اهلة الحكومة ماتقصر ياخوي قدم بلاغ ازعاج وبيسنعونهم

[JAKOOR]

كلامك صحيح اخوي نفس الشي صار معي امس*والبيت
كان بعيد بشكل نسبي لكن اصوات الشيلات توصلنا والوضع استمر لين ظ¢ فالليل فالله يكون في عون البيوت القريبه والملاصقه لهم

[ساراام]

انا كنت مركب مكيف سبلت بملحقي وعقب غيرته وندوز والحين مادري عن حد كلش ههه

المهم حاول تكلم اي حد تشوفه ولو يكون راعي البيت احسن وحاول تشرحله والله يعينك

[بانغ بانغ]

نصيحتي روحوا للشرطة وهاي اكثر احتراما للطرفين

لان لو كلمتوهم وهم بهالوقاحة بيقولون مب شغلكم ومن هالكلام الفاضي

الحين بعض الجيران ما يحترمون حد .

كان عندنا جار ومعهم حالة مرض شديد لأحد اولادهم والجار الثاني امسوين ملشة حق ولدهم وموسيقى وإزعاج لين الفجر وراحوا لهم كلموهم وكلموني لاني اقرب لهم من حيث العلاقة ومافي فايدة ... كيف اقنع حريم ومعهم ابوهم واعيالهم

بأذني سمعتهم ايقولون يا رب تقلب فرحهم عزا ....

بعد اسبوعين ولدهم الكبير توفى في حادث وابوه كان مسافر وكانت صدمة في الوكرة ذيك الايام مع انهم كانوا جدا محترمين بس شغل حريم وطقطقة

[بوخالد911]

اقناعهم كذا مرة بان هالشي ×××
اطلب الفزعة

[مخطط قطري]

الموضوع انا ماقريته كامل ومعاك في نقطه الازعاج محد يتقبله وفيها قله ادب وذوق بس استوقفتني بعض الامور الهامه و اسمحلي اقولك الله يعين جارك عليك شلخته تشلخ وطعنته في رجولته ليتك مشتكي عليه ابرك من الي قاعد تسويه هذا مب خجل هذا خوف الي فيك ،،، دامه جارك له الحق في الاعراف والتقاليد وحتى في الي اهم منهم الدين والشرع ترى الجار له مكانه عظيمه والرسول صلى الله عليه وسلم وصى عليه
يعني انت لو رايح له وردك او غلط عليك او كان وقح في جوابه معاك انا هنيه مالومك في اي شي تسويه بس دامك ماكلمته وهشكل تكلم في الرجال انا اشوف انك مخطي واغتبته وسويت العن من الي سواه فيك يعني بالميزان انت مخطي اكثر منه،،،،
في الكويت حصل نفس موقفك تقريبا من عشرات السنين وقصه حقيقيه نفتح مساحه للقراء للاستفاده منها واخذ العبر والدروس نزل بدوي في منطقه سكنيه راقيه يسكنها الطبقه المخمليه في الكويت في هذاك العهد يسمونها الاندلس وكان ضرب الهاون بعد صلاه الفجر لاعداد القهوه يزعج قصير البدوي جاره وكان كل مايمر هالجار على مجلس البدوى يصر عليه البدوى يشرب عنده القهوه ويقدع عنده وكان الجار مطنش ومنزعج من ضرب الهاون ومايلبى دعوه البدوى في شرب فنجال القهوه وبعدها بايام اشتكى الجار على البدوي في مركز الشرطه واستدعو البدوي والجار في المركز عشان يحلون الخلاف والجار عنده الله يعزكم كلاب مزعجه تنبح طول الليل وقال البدوي للضابط تم فالك طيب من بكره ماراح تسمع ضرب الهاون وعينو شخص يراقب الوضع بمدى التزام البدوي بهالشرط وتفاجو بصوت الكلاب المزعجه وشلون البدوي متحمل هالازعاج من جاره المشتكي عليه