نظام الاسكان للرجال أم للنساء؟

[المحاميه]

السلام عليكم

الكل يعرف ان نظام الاسكان ينطبق على المتزوج السينير ..

لكن السؤال .. هل ممكن المره تستفيد من هالنظام اذا كانت سينير؟!؟

انا الي اعرفه مايصير .. وان هالحق حصري للرجل ..
لكن لي صديقه تقول انها متأكده ان المره السينير ممكن بعد تستفيد من هالنظام .. وتقول انها اسألت دوامها وقالولها يصير ..

انا احترت واستغربت ..
ممكن توضيح اذا حد يعرف ؟!؟
وشكراً

[بوحارب]

وعليكم السلام

غلطانه رفيجتج

[ذكي جدااا]

وعليكم السلام. حبيت أوضح شغله انه مافي شي اسمه سينير وغير سينير هالنظام تغير من زمان. الحين الكل الجينير نفس السينير.

[لبيبة]

وعليكم السلام ورحمة الله وبركاته،

ما لها ، تعيش عند من يعولها.

[المحاميه]

مشكوريين عالتوضيح


ذكي جداً ايش تقصد؟

[سوبر]

وعليكم السلام ورحمة الله وبركاته،

ما لها ، تعيش عند من يعولها.
افرض ان اللي يعولها غير مستفيد من نظام الاسكان
المفروض ان المرأة القطرية تستحق اسكان حكومي وخصوصا اذا كانت متزوجه وزوجها مب مستفيد من نظام الاسكان الحكومي (يعني احد الزوجين يستفيد فقط )

[حـ ن ـيـ ن]

ينطبق على السينير المتزوج فقط ، أما الجينير لا يستفيد من ذلك ..ومن المفترض أن أحد الزوجين يستفيد إن كان احدهما سينير ..

[ذكي جدااا]

مشكوريين عالتوضيح


ذكي جداً ايش تقصد؟
ماادري اذا انا فهمت موضوعك صح. بس اللي اقصده قانون السينير كان بالسابق يستحق ارض وقرض كبار موظفين. والجينير يطّلع له بيت شعبي. بس هالقانون تغير من زمان مافي شي اسمه سينير وجينير. الحين الكل يستحق القرض والأرض سواء سينير او جينير. اتوقع انتي تقصدين ra

[شموخ دائم]

,

,


مرحبا



انا بشرح عن البيوت السكن الملك وليس عن ra الايجار

انفتح السكن للفئتين لفتره محدده والكثير اخذ ارض وقرض من السيدات

وكان للأسف هناك الكثير من الخروقات في القانون والتجاوزات من البعض

ومن ثم تم إيقاف هذا الموضوع لاعاده ( الدراسه ) والنظر فيه من جديد وما زال ( معلق )

احب اضيف شغله

ان هناك حالات ( خاصه ) يراعها النظام

ممكن السيده تأخذ اذا ما كان لها من يعولها ولديها أطفال وهناك اشتراطات لهذا الموضوع

وهذي تسمى حالات خاصه وهناك لجنه ( مختصه بدراسه كل حاله على حده )

ويرفع فيها للوزير للموافقه


المنزل للعائله وليس لكل شخص

اما للزوج

او للاب

وبالتالي جميع افراد الاسره فيه



لذلك اذا احد اخذ لا تستغربين

فهذا معناه انهم اخذوا من خلال حالات خاصه تنطبق عليهم الشروط

يعني ليس للجميع

ولكن مراعاه للظروف الشديده لدى البعض

أتمنى وضحت بعض الجوانب

الي ترضي الحيره والاستغراب

:)

,

,

[المحاميه]

ينطبق على السينير المتزوج فقط ، أما الجينير لا يستفيد من ذلك ..ومن المفترض أن أحد الزوجين يستفيد إن كان احدهما سينير ..


المفترض؟!؟
وضحي اختي ..

[المحاميه]

,

,


مرحبا



انا بشرح عن البيوت السكن الملك وليس عن ra الايجار

انفتح السكن للفئتين لفتره محدده والكثير اخذ ارض وقرض من السيدات

وكان للأسف هناك الكثير من الخروقات في القانون والتجاوزات من البعض

ومن ثم تم إيقاف هذا الموضوع لاعاده ( الدراسه ) والنظر فيه من جديد وما زال ( معلق )

احب اضيف شغله

ان هناك حالات ( خاصه ) يراعها النظام

ممكن السيده تأخذ اذا ما كان لها من يعولها ولديها أطفال وهناك اشتراطات لهذا الموضوع

وهذي تسمى حالات خاصه وهناك لجنه ( مختصه بدراسه كل حاله على حده )

ويرفع فيها للوزير للموافقه


المنزل للعائله وليس لكل شخص

اما للزوج

او للاب

وبالتالي جميع افراد الاسره فيه



لذلك اذا احد اخذ لا تستغربين

فهذا معناه انهم اخذوا من خلال حالات خاصه تنطبق عليهم الشروط

يعني ليس للجميع

ولكن مراعاه للظروف الشديده لدى البعض

أتمنى وضحت بعض الجوانب

الي ترضي الحيره والاستغراب

:)

,

,


يعطيك العافيه على شرحك الوافي ..

بس كان قصدي على بيوت الايجار .. الي تأجرلك بيت عن طريق الاسكان ..
هذا كان قصدي ..

اذا عندك خلفيه عن الموضوع ياريت تشاركنا ..

[حـ ن ـيـ ن]

المفترض؟!؟
وضحي اختي ..

أسوة بالعلاوة الزوجية التي يأخذها أحد الزوجين ( الرجل أو المرأة )

من المفترض أن المرأة المتزوجة ان كانت سينير تستحق ra لأنها لا تصرف للزوج إذا كان جينير

لكن للأسف تم تفسير القانون ( الموظف ) فقط الرجل وليس المرأة ...

[المحاميه]

أسوة بالعلاوة الزوجية التي يأخذها أحد الزوجين ( الرجل أو المرأة )

من المفترض أن المرأة المتزوجة ان كانت سينير تستحق ra لأنها لا تصرف للزوج إذا كان جينير

لكن للأسف تم تفسير القانون ( الموظف ) فقط الرجل وليس المرأة ...

ايوه
يعني انتي تفترضين

الله يسهل ان شاء الله ويعين الجميع
واتوقع انهم بيعيدون النظر في هالنقطه في القريب ..

[حمد 2002]

الاسكان اتوقع او المفروض يعطون المطلقات والارامل سكن عند الحاجه اما
الي مب محتاجه وتبي بدل سكن او سكن

اتوقع ماله داعي من وجهه نظري

تحياتي ..