افضل طريقة لتكسير الطوفه

[بوحارب]

السلام عليكم

الشباب خبراء المقاولات

عندي واجهة الصالة ابغي اكسرها لأني بوسع الصاله

بس ابي منكم طريقة غير عن التكسير بالمطرقه ياريت تفيدوني

لأن مثل ما انتوا عارفين التكسير بالمطرقة يسوي كرك في الجدران والديكورات:swoon2:

في انتظار ردكم لاهنتوا

[النهار]

الكريندر مافي غيره في نوع حق الاطوف والخرسانه
وهاي ماتحصله الا عند الشركات الكبيره
مره افتحوا لي طوفه على شكل قوس بهذه الطريقه بماكينة هيلتي كريندر

[بوحارب]

اسم الشركة لاهنت اللي اشتغلت لك يالنهاااااار

[khaldoon]

مثل ما قال النهار....اول شي قريندر علشان تفضل الحيطه عن المبنى و بعدين تقدر تكسرها بمطرقه

[لطيف الروح]

السلام عليكم
قبل اي تكسير للطوفه تأكد من خلال المخططات الإنشائية للبيت انه لايوجد عمود في نص الطوفة لأنه إذا وجد لن تستفيد من التوسعة
اما التكسير فيمكن باستخدام ورور كهربائي صغير على ان يبتدي بالأطراف للطوفه اللي جنب العمدان و الجسر و من ثم الباقي

[بوخالد911]

هلا

بعطيك جوال هندي او بنقالي تعاملت معاه
شغله زين

[معماري قطري]

بو حارب توك ساكن وتبي تكسر؟

الربع ما قصروا بس القريندر يحتر واللي يشتغل عليه بيقول لك التكسير سهل وهو سهل له وصعب عليك .. خلهم يرشون ماي عليه حتى تخف الحرارة ويسهل القص ولا يطير غبار ورش الماي شوي شوي مب برشر وكميات كبيرة .. ولو متشكك من وجود عمود اضرب بمطرقة ربر واسمع الصوت مكان العمود بيبين مكتوم ( مب مكتوم اللي نعرفه الصوت يعني ما يطبل ) ولو صادفت عمود حاول ما تقصه وقصه صعب بس لو قصيته ممكن يضعف البنيان عندك ويتشلخ أو يطيح جزء

للقريندر عدة أنواع من المناشير خذ نوع مناسب وكمية لو انكسر منشار يستخدم الثاني

[سعود.]

TNT !!!!!
الربع ماخلو شي الله يجزاهم خير .:nice:

مع الاخوان الي شاروا عليك بالقص ومعرفة مكان الاعمدة من خلال الخرائط الانشائية .
وبعد بيطلع لك الجسر ( اساقط ) تقدر تتغلب علية بديكورات اواواو عندك خيارات عدة .
اخيرا لاتنسى تحط نايلون ( سميك ) او سجاد قديم للحفاظ على الارضيه من التكسير المتساقط عليها .

[بوحارب]

مثل ما قال النهار....اول شي قريندر علشان تفضل الحيطه عن المبنى و بعدين تقدر تكسرها بمطرقه
يسلموا خلدون


السلام عليكم
قبل اي تكسير للطوفه تأكد من خلال المخططات الإنشائية للبيت انه لايوجد عمود في نص الطوفة لأنه إذا وجد لن تستفيد من التوسعة
اما التكسير فيمكن باستخدام ورور كهربائي صغير على ان يبتدي بالأطراف للطوفه اللي جنب العمدان و الجسر و من ثم الباقي
وعليكم السلام

تم التأكد من عدم وجود عمدان خرسانية

وبالفعل استعملت الورور الكهربائي

اشكرك


هلا

بعطيك جوال هندي او بنقالي تعاملت معاه
شغله زين
خلصنا يالدب ههههههههه


بو حارب توك ساكن وتبي تكسر؟

الربع ما قصروا بس القريندر يحتر واللي يشتغل عليه بيقول لك التكسير سهل وهو سهل له وصعب عليك .. خلهم يرشون ماي عليه حتى تخف الحرارة ويسهل القص ولا يطير غبار ورش الماي شوي شوي مب برشر وكميات كبيرة .. ولو متشكك من وجود عمود اضرب بمطرقة ربر واسمع الصوت مكان العمود بيبين مكتوم ( مب مكتوم اللي نعرفه الصوت يعني ما يطبل ) ولو صادفت عمود حاول ما تقصه وقصه صعب بس لو قصيته ممكن يضعف البنيان عندك ويتشلخ أو يطيح جزء

للقريندر عدة أنواع من المناشير خذ نوع مناسب وكمية لو انكسر منشار يستخدم الثاني
مرحبا بش مهندس

تخبر الموضوع اللي نزلته قبل كم شهر كنت اسأل اذا ابي اوسع الصاله

هذا الشغل

ازلت الطوفة في الواجهه الأمامية للصاله ومديتها مترين ونص تقريبا في الحوش

وتم تكسير الطوفة بدريل كهربا عود والحمدلله ماسوى كرك في البيت ولا شي

مع اني كنت خايف الجبس يتأثر بس ابشرك الأمور كلها طيبة

الحين ابغي نصيحتك اشرايك اسوي واجهة الصالة من الخارج حجر او بلاستر وخلاص !!

وابغي شركة upvc تسوي لي باب وشباك فقط

وابي قرنتي ماي المطر ما يدخل بس :(


tnt !!!!!
الربع ماخلو شي الله يجزاهم خير .:nice:

مع الاخوان الي شاروا عليك بالقص ومعرفة مكان الاعمدة من خلال الخرائط الانشائية .
وبعد بيطلع لك الجسر ( اساقط ) تقدر تتغلب علية بديكورات اواواو عندك خيارات عدة .
اخيرا لاتنسى تحط نايلون ( سميك ) او سجاد قديم للحفاظ على الارضيه من التكسير المتساقط عليها .

اشكرك يا راعي التي ان تي هههههه

[راجي الْعفو]

ماشاءالله بو عبدالرحمن صِرْتُ تكسر طوف بورور

خلاص اذا عندي شغله ولا شي بكلمك ع طول ^_^

[معماري قطري]

مرحبا بش مهندس

تخبر الموضوع اللي نزلته قبل كم شهر كنت اسأل اذا ابي اوسع الصاله

هذا الشغل

ازلت الطوفة في الواجهه الأمامية للصاله ومديتها مترين ونص تقريبا في الحوش

وتم تكسير الطوفة بدريل كهربا عود والحمدلله ماسوى كرك في البيت ولا شي

مع اني كنت خايف الجبس يتأثر بس ابشرك الأمور كلها طيبة

الحين ابغي نصيحتك اشرايك اسوي واجهة الصالة من الخارج حجر او بلاستر وخلاص !!

وابغي شركة upvc تسوي لي باب وشباك فقط

وابي قرنتي ماي المطر ما يدخل بس :(






زين سويت وبالمبارك انهاء الجزء المهم

نصيحة لو الواجهات الزجاجية كبيرة عندك وبدون عازل في الجدران ركب تكييف وتدفئة سبلت من فوجي .. عجيب تضبطه على الحرارة اللي تبي ويكيف أو يدفي حسب الحاجة

بالنسبة للواجهات الزجاجية عجبني شغل شركة حنين وهي شركة بلجيكية لها فرع مع شركة الدرويش يسوون ألمنيوم بتصاميم تقدر تخليها مفتوحة بدون ستاير لو حبيت ومنظرها كثير حلو ونقوشاتها اسلامية أو ورقية أو الأُوروبية القديمة فترة الباروك والرومان ومكشوفة تطلع كثير حلوة ومتقنة .. وباقي الشركات ما يقصرون

الواجهة تعتمد على خطتك وميزانيتك ممكن تسويها حجر حتى لو الباقي صبغ تعطيك شكل مغاير للواجهة وتجديد وممكن تسويها صبغ لو الباقي حجر وممكن تسويها نفس الباقي بس التجديد أحلى .. ولو تحب تركب الفلين بتشكيلة الحجر بعد فكرة والشركة في محطة بو هامور ودوم انسى اسمها عند عزيز يو كي وكالتها وبيعطيك ميزة العزل للحوائط ( عزل حراري )

نبي صور بعد

[Azizuk]

لا وين ماشالله اخوي سعود غطى على الحين

هو يعرفهم احسن مني

هي شركة هلاكو مكتبهم فوق سوبرماركت رجنسي مقابل ارمكس في طريق السوق المركزي

وحاليا يشتغلون في بيت سعادة وزير الصحة سابقا عبدالله القحطاني

باني ماشالله قصر خلف ارمكس واحلياً يشتغلون في التركيب

قربو يخلصون البلاستر اللي حاب يشوف شغلهم يقدر يشوف الشغل كيف صاير

سماكة الفلين تختلف على حسب اللي تختاره من 3 سنتيمتر الى 15 و 20 سنتيمتر

[معماري قطري]

لا وين ماشالله اخوي سعود غطى على الحين

هو يعرفهم احسن مني

هي شركة هلاكو مكتبهم فوق سوبرماركت رجنسي مقابل ارمكس في طريق السوق المركزي

وحاليا يشتغلون في بيت سعادة وزير الصحة سابقا عبدالله القحطاني

باني ماشالله قصر خلف ارمكس واحلياً يشتغلون في التركيب

قربو يخلصون البلاستر اللي حاب يشوف شغلهم يقدر يشوف الشغل كيف صاير

سماكة الفلين تختلف على حسب اللي تختاره من 3 سنتيمتر الى 15 و 20 سنتيمتر

اسمها يخرع من هشكل ما احفظه

ولد عمي بعد باني بطريقتهم وبيته وايد مريح وجوه حلو .. جرب اخوه قبل في المجلس وألحين انتشرت الطريقة وأرخص من الحجر بس تحتاج بلاستر خاص وسمك معين يحمي الفلين

الطريقة مستخدمة في أمريكا من زمان شفت مقطع فيديو لقصر في لاس فيجاس مسوينه بالفلين حتى الحوائط .. والأعمدة جدام ضخمة ولا كلفتهم شيء مقارنة بالخرسانات والطابوق

[سعود.]

[B]
لا وين ماشالله اخوي سعود غطى على الحين

هو يعرفهم احسن مني

هي شركة هلاكو مكتبهم فوق سوبرماركت رجنسي مقابل ارمكس في طريق السوق المركزي

وحاليا يشتغلون في بيت سعادة وزير الصحة سابقا عبدالله القحطاني

باني ماشالله قصر خلف ارمكس واحلياً يشتغلون في التركيب

قربو يخلصون البلاستر اللي حاب يشوف شغلهم يقدر يشوف الشغل كيف صاير

سماكة الفلين تختلف على حسب اللي تختاره من 3 سنتيمتر الى 15 و 20 سنتيمتر

ههههههههههه

عاد هذي الشركة ( جيرانك ) يوم وقعت معهم كانت الميزانية تسمح وقعت البيت كامل خارجي تصميم ( روماني ) .
وكلمتهم من فترة يمكن اسوي الواجهه فقط . التشطيبات مشكلة omen
واتوقع اخر شي بتصل فيهم واتفق على دريشة وحدة فقط هههههههههه .

[Azizuk]

المعذرة ياخوان اسم الشركة هالكو

اخوي سعود صلح لي الاسم

تسلم ياسعود

[سعود.]

الله يسلمك يا ( ابا سعود ) .

[معماري قطري]

المعذرة ياخوان اسم الشركة هالكو

اخوي سعود صلح لي الاسم

تسلم ياسعود

ضحكني الاسم هلاكو والا هالكو سيم سيم كله هلاك

[بوحارب]

مشكورين جميع معماري وسعود وابوسعود ماقصرتوا

بالنسبة للفلين المشابه للحجر كم تقريبا سعر المتر

وهل يركبونه على البلاستر ولا على الطابوق دايركت ؟

امس كلمت البيت الأزرق وقالي المتر يبدا من 85 ريال للحجر (صناعي)

واليوم العمال يسألون ها نسوي بلاستر برع ولا وقلت لهم برع لا بس داخل لين اقرر

[بوحارب]

بش مهندس معماري

قصرك ان مكيفات فوجي تشتغل دفايه في نفس الوقت !

وحنين بطلع رقمهم واخذ عرض سعر منهم

اشكرك جزييل الشكر

[Azizuk]

التدفئة في المكيفات نوعين

النوع الاول والمتعارف عليه اللي هو نفس الدفايه العادية

أسياخ أو المنت ( وكيل ) تشتغل زي الدفايه وتتوزع الحرارة بمروحة المكيف العادي وهذي دائمة بعد فترة تخترب

اما النوع الثاني يعمل بغاز المكيف العادي

يعمل بالطرد العكسي داخل الكمبرسر في حالة تشغيله من بارد الى حار

ويعتبر النوع الثاني المعتمد في أمريكا وأوروبا من ناحية الكفاءة والجودة وقوة التدفئة

[بوحارب]

تسلم عزيز

الظاهر مب مركب اللي فيه تدفئه لأن اتوقع جونا ما يحتاج

وانا واحد من المخلصين لماركة الجنرال حق عبدالحميد

اشوفه مسسسكت

[Azizuk]

مشكورين جميع معماري وسعود وابوسعود ماقصرتوا

بالنسبة للفلين المشابه للحجر كم تقريبا سعر المتر

وهل يركبونه على البلاستر ولا على الطابوق دايركت ؟

امس كلمت البيت الأزرق وقالي المتر يبدا من 85 ريال للحجر (صناعي)

واليوم العمال يسألون ها نسوي بلاستر برع ولا وقلت لهم برع لا بس داخل لين اقرر


فلين عادي ابيض على حسب السماكة المطلوبة يتثبت ابراغي في الحائط

وبعدها يتلبس بشبك البعض يحطه تقريباً مترين من الارض عشان يتماسك في البداية مع البلاستر

وبعضهم يلبس الحائط كامل وهذا يعتبر افضل

بس اذا انت راح تركب الفلين مايحتاج بلاستر

وإذا البلاستر من ضمن العقد خلهم يضربون البلاستر يحفظ لك البيت وبعدها ركب عليه الفلين وتصير عندك حمايته اكثر

لان المقاول ماراح يرجع لك الفلوس لو تلغي البلاستر أو راح يتعير

عاد انت وطريقتك معاه

انا من اشوف الي مسوي معاه عقد اَي ان كان يتغير كلامه وشكله مب خاصم القيمة أقول له كمل شغلك مادام ان محسوب وبعدين أسوي اللي ابيه

في كذا موقف العمال اذا درو أني راح أسوي شي بعد مايبون يتعبون نفسهم ويخسرون يقولون لي خلاص انت بتسوي خذي

وانا اصر على اتفاقي معاهم لان في الاخر ماراح يخصمون من القيمة

اخوي سعود عنده معلومات اكثر عن هذا النوع من الشغل

وراح يفيدك بالاسعار

بس اللي اعرفه سعرهم مب رخيص تقريباً قريب سعر الحجر

[معماري قطري]

بش مهندس معماري

قصرك ان مكيفات فوجي تشتغل دفايه في نفس الوقت !

وحنين بطلع رقمهم واخذ عرض سعر منهم

اشكرك جزييل الشكر

ايه اخوي والبرد صج فترته بسيطة بس بيريحك وايد لكن لو بتركب فلين بيعطيك عزل زين ولو الواجهات الزجاجية عليها ستاير سميكة نفس الشيء بيكون المكان دافيء .. انا مكتبي والبنتهاوس عندي مب معزولين ولو تدخل وقت البرد تقول ثلاجة خصوصاً المكتب متصل بالبيت من جهة وحدة بس وبارز على أعمدة يعني معرض للبرد من فوق وتحت ومن ثلاث جوانب كلها درايش بستائر خشبية وغالب الوقت مفتوحة .. ومواجه شمال .. الدفاية حاطها على 27 وكل شوي تشتغل

جربت بعد دايكن من تدمر حق حوض السباحة تبريد وتدفئة وكله يختربون صناعة صينية

[معماري قطري]

تسلم عزيز

الظاهر مب مركب اللي فيه تدفئه لأن اتوقع جونا ما يحتاج

وانا واحد من المخلصين لماركة الجنرال حق عبدالحميد

اشوفه مسسسكت

بتشيب وبتحب الدفء

[معماري قطري]

يقولون لي انت أول قطري يبي تدفئة كله الأجانب يشترون تدفئة يعرفون مصلحتهم

[Azizuk]

تسلم عزيز

الظاهر مب مركب اللي فيه تدفئه لأن اتوقع جونا ما يحتاج

وانا واحد من المخلصين لماركة الجنرال حق عبدالحميد

اشوفه مسسسكت

جنرال متوفر عندهم مكيف حار وبارد النوع القديم بوً 2 ونص وسعرة في حدود 4600 ريال

والنوع الجديد بارد فقط ب 4700 ريال

يفرق النوع الجديد نوع الغاز المستخدم

وقوة دفع هواء اعلى 4 سرعات

مدى تغطية تبريد مسافة 15 متر

المكيف القديم 7 أمتار تغطية مساحة

[سعود.]

ماخليك شي اقولة اخوي ( بو سعود ) .

اخوي ( بو حارب ) ما تطول عليك اذا تمر عليهم وتعطيهم التصميم ويعطونك عرض سعر . السعر يفرق عندهم كذا نوع
( كلاسيك + مودرن + روماني ) وووالخ يفرق السعر على حسب التصميم وديكورات الخارجية . وعندهم عينات وصور شغلهم واحلا شي يعطونك ( عصا ) بيسبول ويخلونك تضرب عينة تشوف مدى صلابتها :app2:

علي طاري العزل ( ماجد المحميد ) منزل فيديو من يومين بداية ( موجة ) البرد في ( الرياض ) خارج منزلة درجة الحرارة 3 c وداخله 21 c . بس للامانة ماقال ايش نوع العزل .

اتوقع نظام جدارين وبينهم عازل ( اصوف الصخري ) لانة دوم ينصح به . البرد الي جانا خلانا نفتح اكثر على العزل واخونا الكبير ( ابا عبدالله ) دوم ينصح به . وخبراء الطقس يتوقعون في السنوات القادمة البرودة تزيد وتزيد من كمن سنة دول الخليج ماتعرف الثلوج الان اغلب شمال السعودية وبعض المناطق الوسطى حتي ( المدينة المنورة ) . والكويت والامارات بعد وصلهم .

[Azizuk]

زي أوروبا قبل ماتعرف المكيفات والحين المكيف عندهم حتى في السيارات والبيوت

عادي في المستقبل عندنا في الخليج ركب سنترال هيتر بالزيت داخل البيت

خبق الطوفه عندنا مافي اسهل منه وتتمدد البيبات ويتركب لك راديتر في كل غرفة

والسخان على الغاز من الحين جهز له تانكي غاز وقود 4 آلاف لتر

أو في ذاك الوقت اللي بيصير عندنا برد ونحتاج تدفئه مركزية وقود بتوصل الغاز للبيت

أسل مره محلات كمال عن سخانات ماي الفنادق الا يضحك يقول الفنادق يركبون لها سخان يشتغل بالغاز كبير يسمونه مرجل لان الكهرباء مايغطى حجم فندق كبير زي الشيراتون أو اَي فندق

لا بعد بتحصل بعض البيوت فيها فاير بليس fire places with chimney

لا يجيك صبي صغير فقير لابس قبعة ينظف لك المدخنة من السواد

[سعود.]

الله يعين

[معماري قطري]

ماخليك شي اقولة اخوي ( بو سعود ) .

اخوي ( بو حارب ) ما تطول عليك اذا تمر عليهم وتعطيهم التصميم ويعطونك عرض سعر . السعر يفرق عندهم كذا نوع
( كلاسيك + مودرن + روماني ) وووالخ يفرق السعر على حسب التصميم وديكورات الخارجية . وعندهم عينات وصور شغلهم واحلا شي يعطونك ( عصا ) بيسبول ويخلونك تضرب عينة تشوف مدى صلابتها :app2:

علي طاري العزل ( ماجد المحميد ) منزل فيديو من يومين بداية ( موجة ) البرد في ( الرياض ) خارج منزلة درجة الحرارة 3 c وداخله 21 c . بس للامانة ماقال ايش نوع العزل .

اتوقع نظام جدارين وبينهم عازل ( اصوف الصخري ) لانة دوم ينصح به . البرد الي جانا خلانا نفتح اكثر على العزل واخونا الكبير ( ابا عبدالله ) دوم ينصح به . وخبراء الطقس يتوقعون في السنوات القادمة البرودة تزيد وتزيد من كمن سنة دول الخليج ماتعرف الثلوج الان اغلب شمال السعودية وبعض المناطق الوسطى حتي ( المدينة المنورة ) . والكويت والامارات بعد وصلهم .

تعقيب على كلامك إخوي سعود العزل الحراري ينفع للبرد والحر وثاني شيء مهم ينفع لديمومة البناء وحماية هيكل البناء من التأثيرات الحرارية بس لازم نسويه صح ونغلف كل الهيكل الخرساني بالعازل

[معماري قطري]

زي أوروبا قبل ماتعرف المكيفات والحين المكيف عندهم حتى في السيارات والبيوت

عادي في المستقبل عندنا في الخليج ركب سنترال هيتر بالزيت داخل البيت

خبق الطوفه عندنا مافي اسهل منه وتتمدد البيبات ويتركب لك راديتر في كل غرفة

والسخان على الغاز من الحين جهز له تانكي غاز وقود 4 آلاف لتر

أو في ذاك الوقت اللي بيصير عندنا برد ونحتاج تدفئه مركزية وقود بتوصل الغاز للبيت

أسل مره محلات كمال عن سخانات ماي الفنادق الا يضحك يقول الفنادق يركبون لها سخان يشتغل بالغاز كبير يسمونه مرجل لان الكهرباء مايغطى حجم فندق كبير زي الشيراتون أو اَي فندق

لا بعد بتحصل بعض البيوت فيها فاير بليس fire places with chimney

لا يجيك صبي صغير فقير لابس قبعة ينظف لك المدخنة من السواد

ليسمعكم البرد ويشرد

[معماري قطري]

انا بس المكتب حاط فيه تدفئة لأنه مب معزول .. ووضعه غريب ما حصلت له تفسير وقت الصيف اقصر على المكيف ولا يحتر وايد .. السقف قرميد والجدران طابوق طيني ومثل ما ذكرت معرض للجو من فوق وتحت ومن الجوانب الا جانب ملتصق بالبيت غير عن واجهات زجاجية كبيرة .. باقي البيت دفاه زين والعيال للحين المكيفات يشغلونها

[Azizuk]

ليسمعكم البرد ويشرد

خلنا يابوعبدالله عايشين الدور وفرحانين بالبرد

وقاعدين نخطط للمستقبل :wizard:

[سعود.]

تعقيب على كلامك إخوي سعود العزل الحراري ينفع للبرد والحر وثاني شيء مهم ينفع لديمومة البناء وحماية هيكل البناء من التأثيرات الحرارية بس لازم نسويه صح ونغلف كل الهيكل الخرساني بالعازل

كلام جميل

[معماري قطري]

خلنا يابوعبدالله عايشين الدور وفرحانين بالبرد

وقاعدين نخطط للمستقبل :wizard:

طلعت بثوب صوف خفيف وكانت السيارة باردة شغلت الدفاية نزلت شوي ورجعت ركبت شغلت المكيف

كلها كم يوم والحر قادم ومن أيام نقول ما كنه شتاء

واللي يهمني فكرة العزل توصل وهو حماية للبيت حتى الشلوخ الحرارية تختفي وتوفير في طاقة التكييف والتدفئة وكذلك إطالة لعمر المكيفات وهي تشتغل براحتها وتقصر على الثرموستات وراحة حرارية للساكنين