اختيار استشاري

[Abu-hmood]

مايخفى عليكم ان اختيار المكتب الهندسي هو بدايه نجاح تنفيذ حلمك في بناء بيت العمر ولازم يكون ذا خبرة وسمعة جيدة وان يكون على درجة عالية من الثقة ويفضل يكون هو نفسه مكتب التصميم والي يضمن التنفيذ طبقاً للمواصفات القياسية وبكذا راح يوفر لي التكلفة الزايدة عن اخطاء وسوء التنفيذ لانه راح يكون عين المالك ورقيبة على المقاول

اما شركة المقاولات فهي راح تكون شركة اخوي واللهم لك الحمد تم بناء بيت واحد من اخواني عن طريق شركته واثنين من ربعي والحمد لله راضي عن شغله عشان كذا ان قررت ابني عنده لكن في مشكلة بسيطه انه ماقط بنا بيت فيه قبو (البيسمنت) عشان كذا احتاج استشاري شاطر وفاهم يكون معاهم اول بأول لأني اخاف من المشاكل الي اسمعها من الشباب دايمً القبو راح يوفر علي مساحة في البيت واحس انه بيريحني في المستقبل

فيه مكتب مسوي حق واحد من الربع تصميم بــ 7000 ريال واشوف سعره ممتاز


اتمنى منكم ترشحون لي كذا مكتب استشاري شاطر ويخاف الله

احتياجاتي راح اذكرها ان شاء الله في وقت لاحق

[معماري قطري]

شرحت كل هذي الأُمور أو حاولت أشرحها في موضوع العقود المثبت

يتراوى لي ألحين أغلب المشاريع الكبيرة والمتوسطة تصممت والاستشاريين ممكن تفاوضهم وتحصل سعر مناسب .. الجودة ما يقدر عليها الا المكتب المتكامل واللي عنده مهندسين قدامى وكبار احتكوا بمشاريع كثيرة

سمعت عن مكتب جديد سويسري وقريت موجز الأعمال اللي بيقوم بها حق واحد من الربع وكان فرق كبير عن مكتب غالبية اللي فيه مصريين وحاولنا نفاوضهم يضيفون بند التقارير المصورة ما رضوا .. قال المهندز مالهم وانا ادلعه بالمهندز قال إحنا يجينا التقرير من المقاول ونعتمده .. يعني هو يجلس ويحط رجل على رجل والمقاول يسوي حتى الاشراف

وغير كثير مكاتب محترمة بس أكيد سعرها غالي والتفاوض ينزله لازم

[سعود.]

شركة اخوك اول مرة يشتغلون في ( القبو ) ينخاف منهم .
مكاتب اتصميم ابو 7 الاف اخاف منهم .

[معماري قطري]

شركة اخوك اول مرة يشتغلون في ( القبو ) ينخاف منهم .
مكاتب اتصميم ابو 7 الاف اخاف منهم .

القبو أي شركة تقدر تبنيه بس حسب المخططات والتفاصيل .. المشكلة لو المخططات ناقصة وتفاصيل العزل مب مذكورة هنا المقاول يقترح حلول لو عنده تجربة أو عنده فورمان خبرة .. المالك في الغالب بيختار السهل والرخيص من الحلول وكذلك المقاول قليل الخبرة بيسوي الشغل غلط وبيختار حلول غلط أو صح لكن تفاصيلها غلط

والاستشاري لو المشرف شاطر بيشوف حلول وبيغطي عيوب التصميم وبيشرح للمقاول كل صغيرة وكبيرة وبيتابع معاه على أرض الواقع .. أما الاستشاريين الرخاص الموجودين عندنا للأسف الحكومة تنصفهم على الملاك لو استوى شيء غلط والمالك اشتكى ما يحصل لا حق ولا باطل .. مثل ذاك البشمهندز اللي يقول لي المقاول يكتب التقرير واحنا نعتمده

[معماري قطري]

الاستشاري حتى اسلوب اقناعه للمالك قوي وبعضهم ما يرضون بالغلط ويطلبون توقيع المالك على الاختيار الغلط أو ينسحبون من المشروع

[Abu-hmood]

شركة اخوي صار لها عشر سنوات في البناء بس ماعمرهم بنا بيت فيه قبو عشان كذا متخوف اما من ناحية شغلهم انا واثق كل الثقه لاني شايف اكثر من 3 بيوت والشغل ماشاء الله

طبعاٍ ما اسوي دعايه والله :)

[Abu-hmood]

ومثل ماقال اخوي معماري الاستشاري لو كان شاطر وصاحي للمشروع اكيد بيكون منتبه على كل خطوة يسويها المقاول

[Abu-hmood]

وبصراحه انا ماسألتكم عن استشاري شاطر وفاهم الا عشان افتك من نوعية الباشمهندز مثل ماقال اخوي معماري

ابو واحد عن تجربة وثقه وخايف الله عشان كذا مالي من بعد الله الا انتو الي ممكن تنصحوني وتوجهوني للطريق الصحيح

[سعود.]

انا في البناء احاسب من اصغر الامور
( قلبي اصغير لايحتمل )

اشوف ان تشوف شركة لها في القبو افضل .
لايصير بيتك ( حقل ) تجارب .
الاستشاري يمكن يكون مش 100‎%‎ . يمكن يمشي بعض الاشياء وخصوصا بانه مش كل يوم على راسهم .

ولك القرار .

[معماري قطري]

انا في البناء احاسب من اصغر الامور
( قلبي اصغير لايحتمل )

اشوف ان تشوف شركة لها في القبو افضل .
لايصير بيتك ( حقل ) تجارب .
الاستشاري يمكن يكون مش 100‎%‎ . يمكن يمشي بعض الاشياء وخصوصا بانه مش كل يوم على راسهم .

ولك القرار .

جدران القبو تختلف ومواصفاتها تختلف ولا تحطها الشركة الا تكون شركة مبتكرة مثل اللي تشتغل في الأبراج بس مختصة بالأساسات شركة سويسرية .. لذلك الحاجة لإستشاري يصمم قبل وشركة تنفذ واستشاري يشرف على التنفيذ

ذكرت قبل فيه خرسانة بلورية ما تحتاج عزل ولا يدخلها الماء وهذي لو فرضاً حد بيطلبها تجيه مشحونة كمواد وطريقة خلطها وتنفيذها .. الموجودة عندنا خرسانة القابرو مع الاسمنت المقاوم للأملاح مع الحديد المغلف .. هذي لازم وقت تنفيذ قوالب الخشب والحمايات وتركيب الحديد مع البسكوتات ببعد مناسب عن أطراف الصبية الخرسانية .. لازم الحديد يكون غير مجروح ولازم تثبيت القوالب يكون جانبي مثلاً ولو اضطرينا لعمل تثبيت من خلال الجدران لازم تنسد الفتحات بعدين صح وبمواد قوية ما تنفتح لتسريب الماء

خطتنا من الأفضل تحتوي على تصريف تحتي للمياه وعلى مناور مفتوحة على البيسمنت منها نقلل التصاق الأرض بالجدران وبالتالي انتقال الرطوبة للداخل ولجسم الجدار وتخريبه ومنها نعمل نوافذ سفلية أو حدائق نازلة للغرف السفلية تحت الأرض .. كذلك ما نرفع أرضية الدور الأرضي كثير بطريقة دخول مزعجة ومرهقة للبيت لأننا نفذنا النوافذ نازلة .. وشرحت طريقة تصريف المياه حول وتحت أساسات البيسمنت كم مرة وكذلك من خلال اليوتيوب في يوتيوبيات البناء

بعض الاستشاريين يسوي جدران البيسمنت بعرض 40 سم لكن تخترقها المياه لأن طبيعة الخرسانة اسفنجية ومتعطشة للماء .. الأهم هي الحماية الخارجية والتصريف ببايب تحت الأرض ومنهول وهذي حلول تكنولوجية سهلة ولا تحتاج خسائر انشائية جدار 20 سم حتى لو كان طابوق مدعم بحديد وخرسانة في الفتحات كافي وزيادة

[معماري قطري]

وبصراحه انا ماسألتكم عن استشاري شاطر وفاهم الا عشان افتك من نوعية الباشمهندز مثل ماقال اخوي معماري

ابو واحد عن تجربة وثقه وخايف الله عشان كذا مالي من بعد الله الا انتو الي ممكن تنصحوني وتوجهوني للطريق الصحيح

زين اللي سويته والله يوفق اخوك وشركته وتبي الصج الدعاية ضرورية للشركة الجيدة وهي في نفس الوقت تشجيع لبذل المزيد وشركات شكثر تستاهل الدعاية ومنتجات كذلك وشركات بالعكس لازم نحذر منها والأهم عقدنا يكون واضح ومفصل للأخير

من الاستشاريين اللي اشتغلت معاهم في عدة شغلات وارتحت لهم مع إن في الأخير عطوا ربعي اللي رحت معاهم وتناقشت مع الاستشاري سعر تشريدي بس حتى يروحون وما يجون .. مؤكد هذي الطريقة يعتمدونها لأنهم مزحومين ومشغولين في مشاريع كبيرة .. بس يبي لهم تفاوض وألحين ممكن خف الضغط عليهم من ناحية التصميم بس الاشراف قالوا لي عندهم رقم مهول من المهندسين ما اذكره كم .. ومكتب ثاني بعد قال نعطي رواتب 8 ملايين شهرياً تبينا ناخذ مشاريع فلل نضيع وقتنا فيها

الأول غالبية اللي فيه وادارته هنود وله فوق 35 سنة في قطر هو اتحاد قطر للتخطيط والثاني ام زد اند بارتنرز هم مصممين ومشرفين على توسعة فيلاجيو وأكيد المكاتب كثيرة وذكرت منها الكثير واذكر ثلاثة منهم وواحد لولد عمي قال لي لا ترسل لنا حد لأننا ما نسوي مشاريع صغيرة .. لكن دوم السعي ورا هذي المكاتب ومقابلة مسؤولينها يجيب نتيجة ونحصل عقد مرضي لنا ولهم مثل مكتب عمار في السد ومكتب المهندسون العرب - محرم باخوم وغيرهم كثير .. المكتب العربي للشؤون الهندسية - ابراهيم الجيدة ومديره ومالكه من كبار المعماريين القطريين ومصمم برج برزان بعد سوبر جيد .. شفت تصميم لبيت المالك وهله حوله حول 5 فلل مجتمعة في حوش واحد تصميم خيالي .. مكتب المانع وشركاه .. مكتب سيكو لعيال الزعيم العطية ( الله يرحم ابوهم )

بس مكتب اتحاد قطر للتخطيط مكتب عنكبوتي فيه كل التخصصات والمهندسين مثل النمل فيه .. حتى غلف ديزاين كونسبت وهو مكتب معماري قوي يسوي خدماته عند اتحاد قطر للتخطيط ( في السابق وألحين ممكن الوضع تغير )

[سعود.]

مكتب تصميم يصمم وقبل الاعتماد يشوفها الاستشاري والمقاول . بعدها يعتمدها
بشرط مقاول له في بناء القبو . اشوف كذا اضمن له .
( بيت العمر )

[سعود.]

[b]

جدران القبو تختلف ومواصفاتها تختلف ولا تحطها الشركة الا تكون شركة مبتكرة مثل اللي تشتغل في الأبراج بس مختصة بالأساسات شركة سويسرية .. لذلك الحاجة لإستشاري يصمم قبل وشركة تنفذ واستشاري يشرف على التنفيذ

ذكرت قبل فيه خرسانة بلورية ما تحتاج عزل ولا يدخلها الماء وهذي لو فرضاً حد بيطلبها تجيه مشحونة كمواد وطريقة خلطها وتنفيذها .. الموجودة عندنا خرسانة القابرو مع الاسمنت المقاوم للأملاح مع الحديد المغلف .. هذي لازم وقت تنفيذ قوالب الخشب والحمايات وتركيب الحديد مع البسكوتات ببعد مناسب عن أطراف الصبية الخرسانية .. لازم الحديد يكون غير مجروح ولازم تثبيت القوالب يكون جانبي مثلاً ولو اضطرينا لعمل تثبيت من خلال الجدران لازم تنسد الفتحات بعدين صح وبمواد قوية ما تنفتح لتسريب الماء

خطتنا من الأفضل تحتوي على تصريف تحتي للمياه وعلى مناور مفتوحة على البيسمنت منها نقلل التصاق الأرض بالجدران وبالتالي انتقال الرطوبة للداخل ولجسم الجدار وتخريبه ومنها نعمل نوافذ سفلية أو حدائق نازلة للغرف السفلية تحت الأرض .. كذلك ما نرفع أرضية الدور الأرضي كثير بطريقة دخول مزعجة ومرهقة للبيت لأننا نفذنا النوافذ نازلة .. وشرحت طريقة تصريف المياه حول وتحت أساسات البيسمنت كم مرة وكذلك من خلال اليوتيوب في يوتيوبيات البناء

بعض الاستشاريين يسوي جدران البيسمنت بعرض 40 سم لكن تخترقها المياه لأن طبيعة الخرسانة اسفنجية ومتعطشة للماء .. الأهم هي الحماية الخارجية والتصريف ببايب تحت الأرض ومنهول وهذي حلول تكنولوجية سهلة ولا تحتاج خسائر انشائية جدار 20 سم حتى لو كان طابوق مدعم بحديد وخرسانة في الفتحات كافي وزيادة

وعلى اساس كلامك أعلاة قلت له مكتب تصميم ابو 7 الاف ينخاف منه . ناهيك عن شركة اول مره تنفذ قبو .

[معماري قطري]

[b]

وعلى اساس كلامك أعلاة قلت له مكتب تصميم ابو 7 الاف ينخاف منه . ناهيك عن شركة اول مره تنفذ قبو .

كلامك أكيد صح بس قصدت الشركة عندنا في الغالب تنفذ المخططات وما تسوي شيء من عندها بالعكس تحاول توفر في كل شيء

أحد الاخوان مهندس بس تخصصه ما يؤهله للتصميم ولا للاشراف غير في تخصصه واللي قليل يستخدم للبناء .. أنشأ هو واخوانه شركة حتى تبني بيوتهم وكنت ضد الفكرة وانصحه بعدم المغامرة لكن بنوا كلهم في وقت واحد تقريباً ووفروا كثير لكن طلعت مشاكل كان ممكن يتفاداها بسهولة .. بعدين اضطروا يبنون مرة ثانية وأجروا بيوتهم السابقة واعتقد سووا لها صيانة عظمى

[Abu-hmood]

الله يعطيكم العافية بصراحة خليتوني اتردد بخصوص البنيان مع ان شركة اخوي معروفة عن بعض الناس الي هي doha project trading

[سعود.]

Up 2 u

موفق

[معماري قطري]

الله يعينك القرار صعب بس تأكد أي مقاول يكون حقاني ولا يخسر نفسه ويسوي المتفق عليه واللي تعرفه أو يقرب لك ممكن يكون ناصح لك قبل العقد وبيساعدك مهما يكون بحدود

توكل على الله بس خل اتفاقك واضح ومواصفاتك مفصلة لآخر درجة وخل استشاري يتابع وان شاء الله تستفيد وتفيد اخوك وتنقل لنا تجربتك والله يوفقكم

[Abu-hmood]

راح امر على بعض الشركات الي نصحني فيها اخوي معماري

وشاكر لكم اخوي معماري والشيخ سعود

[معماري قطري]

راح امر على بعض الشركات الي نصحني فيها اخوي معماري

وشاكر لكم اخوي معماري والشيخ سعود

العفو يا اخوي ولو تبغي أرقام مدراء شركات مقاولات قوية ومختصة ينصحونك بالأفضل حسب خبرتهم عندي ومب شرط تتفق معاهم فقط تقابلهم وتسئلهم

[Abu-hmood]

العفو يا اخوي ولو تبغي أرقام مدراء شركات مقاولات قوية ومختصة ينصحونك بالأفضل حسب خبرتهم عندي ومب شرط تتفق معاهم فقط تقابلهم وتسئلهم

ماتقصر وراح اتواصل معك في القريب العاجل

[Abu-hmood]

اخوي معماري عندك شركة للأمور هذي

[معماري قطري]

اخوي معماري عندك شركة للأمور هذي

لا والله شغلي كله حكومي وعرفت الكثير من الأشخاص ومن الشركات والاستشاريين من خلال الشغل وحالياً شبه متقاعد أو بانتظار التقاعد

وانا اعطي عدة شركات والمالك عليه بالبحث بينها والاتفاق لو ارتاح لهم

[Abu-hmood]

كم اسعار التصاميم عند الشركات الي ذكرتهم


Sent from my iPhone using Tapatalk

[Abu-hmood]

الاسعار التقريبيه للتصميم وهل يفرق السعر اذا كان مع البيسمنت


Sent from my iPhone using Tapatalk

[معماري قطري]

يا اخوي لكل مكتب حسبته وقوانينه وكل وقت يفرق السعر حسب حاجتهم للشغل واتفاقك مع المكتب لازم يمر بمراحل وعدة زيارات .. هذا اللي اعرفه عن المكاتب المحترفة وبعضها يسعر لك بحدود 5% وتحت من التكلفة التقديرية للبناء

وبعض المكاتب عندها رواتب كبيرة للمهندسين واجارات ولازم تدخل مبلغ معين لهذي الأُمور

قبل عرفت عن مصمم معماري بس والكلام من حول 10 سنين يخلص لك رخصة البلدية المبدئية وانت بعدين تكمل الباقي وياخذ 50000 على التصميم وعنده فلبيني يسوي موديل من الفلين .. شغله أكثر بشوي من الشغل اللي أسويه هنا ببلاش

اللي ياخذ مقترح ويوديه حق استشاري أكيد بيسعر له أقل لأنه بيكون خلاص متفق إن ما فيه تغيير بعضهم يغيرون دوم ويعطلون الاستشاري وكثير من الاستشاريين يرفضون فلل ويسعرون غالي حتى الناس تشرد منهم

[معماري قطري]

كشغل حكومي بعضهم يسعرون لنا من 400 ألف وطالع لين مبالغ فلكية حسب المشروع وحجمه .. وتحصل اللي يشتغلون فيه عدد كبير ويجون من الخارج ويأجرون مبنى وسكن لموظفيهم فلازم يسعرون تسعير مناسب .. حتى بعض المشاريع تستمر لين 10 سنين وأكثر لين يخلصون منها مثل المطار مثلاً خذ وقت طويل في طور التصميم والمسح الجيولوجي بعده التنفيذ وادارته والاشراف .. وفازت بالعقد شركة تصميم أمريكية باكتيل اسمها على ما اذكر .. مستحيل مكاتب الفلل تشتغل فيه

[Abu-hmood]

شباب متى انسق مع شركة المكيف المركزي قبل التصميم ام بعد التصميم

[سعود.]

قبل التصميم
واذا عندك مصعد ايضآ قبل

[Abu-hmood]

انا كلمت شركة ميتسوبيشي وقالي انه التصميم اول فما ادري الاخ فاهم الشغله ولا مضيع

طبعاً مكانهم مقابل محطة التيسير قريب اشارات قطر الديكور

[سعود.]

بيجيك رد مفصل من الاخوان .

او انزل شوي تحت بتحصل مواضيع تفيدك عنها .

[Abu-hmood]

يعطيك العافية

[معماري قطري]

شباب متى انسق مع شركة المكيف المركزي قبل التصميم ام بعد التصميم

بعد التصميم بتطيح في مشاكل والمفروض الاستشاري ينسق ويوضح لكن ما يبي يتعب نفسه همه يخلص الرخصة وياخذ الرز ويروح وانت تبتلش

كتصميم مبدئي الإستشاري الفاهم يقدر ياخذ احتياطاته من حيث الارتفاعات والأبيام المخفية ومن حيث مساحة المصعد ولو كبر شوي أفضل للتهوئة ويتم تثبيت المصعد داخل بحديد خاص وحتى لو يتركون فراغ وراء يكون جيد للتهوئة ولازم تسوي فتحات في بيت المصعد فوق وتحت لدخول هواء بارد وخروج الهواء الحار .. وأفضل تحط المصعد متوسط في البيت ولا يكون جداره ملامس للخارج تدخله حرارة الشمس + حرارة المكينة .. لو احتديت على وضعه مقارب للحائط الخارجي سو عزل جيد وتهوئة جهة داخل البيت

[Abu-hmood]

يا اخوان الي يعرف مكتب السد وين مكانه لا يبخل علينا

[معماري قطري]

يا اخوان الي يعرف مكتب السد وين مكانه لا يبخل علينا

أسهل شيء تتصل برقمهم حاول تشوفه في الاستعلامات

[Abu-hmood]

مالقيته مسجل عندهم

[معماري قطري]

مالقيته مسجل عندهم

مع إنه مشهور وله مدة شغال .. أعتقد مكتب السد للاستشارات الهندسية لازم تعطيهم الاسم كامل

بس المكتب اللي حصلته بعد قوي وزين انهم فاضيين يتابعون معاك توكل على الله وورتب امورك معاهم

[سعود.]

44655586

هذا رقمهم

[Abu-hmood]

تسلم ياسعود :telephone:

[Abu-hmood]

مساكم الله بالخير

اليوم كان متواصل معي واحد من الشباب وقالي حاول تاخذ تصميم المصعد من الشركة الي تناسبك عشان مكتب الاستشاري يسويلك الغرفه بالضبط في التصميم وماتتبهذل معاهم

لان الاستشاري اليوم عطاني مخطط مبدائي للبيت وقالي المصعد بيكون عندك من الدور الارضي والبيسمنت والاول بدون البنت هاوس حسب كلامه عشان تقل التكلفه وبنفس الوقت قال فيه مصاعد مايحتاج تسوي لها غرفه فوق البيت

ابي رايكم في الموضوع وتنصحوني بافضل شركتين مصاعد عشان افاضل بينهم

فيه ناس قالو فوجي وناس ميتسوبيشي وناس قالو اطلس وسعر اطلس افضل من غيره

[معماري قطري]

مساء النور اخوي حمود

كلام صديقك صحيح وذكرته فوق المفروض استشاريك ينسق العملية ويحط المتطلبات كلها .. بعدين لو البنتهاوس مهم وبتتردد عليه خل المصعد يوصله ولو مب مهم وللخدم مثلاً ممكن تسوي مثل ما قال لك الاستشاري .. لو ناوي تستثمر البيت في وقت لاحق المصعد مهم لكل الأدوار ولا تنسى حالياً فيه دراسة لزيادة البنتهاوس ل 70% من مساحة السطح

المصاعد متسوبيشي أفضلها لكن ما يمنع تفاضل بينهم وتقرر وشو الأنسب لك

[Abu-hmood]

هل بالاستاذ معماري

انا حاولت اتواصل مع اكثر من شركه بس مايردون وبكذا لازم امر عليهم واشوف الي يناسبني

وفيه شركه ردو علي الي هم اطلس وقالو السعر للبيسمنت والارضي والاول مع البنت هاوس والمصعد راح يكون روم لس وراح يكلف 110,000 الاف وعجبني الروم لس ان مكينته المانية والمصعاد كامل حسب كلامهم كله اوروبي ولو حبيت اسوي عقد صيانه مابعد الضمان راح يكلفني سنوياً 5000 ريال شامل كل شي وفيه شغله عجبتني في المصعد راح يخلونك تركب شريحه وتتواصل معاهم على مدار 24 ساعه لو صار اي مشكله في المصعد


وبكره بمر كذا شركه وبشوف الي عندهم وبطرح لكم اسعارهم ان شاءالله

[معماري قطري]

والله عرض جيد والشريحة تخليك تتصل طواريء من المصعد أي وقت لو صار شيء فكرتها جيدة ومهتمين بالعميل

أول مرة اسمع عن شركة أطلس وعن الاتصال هذي شركاتنا الرقم الرسمي أوقات يحطونه زينة ويردون على أرقام ثانية .. لكن يبي لك زيارات ونقاش ومفاوضة والسالفة طويلة وهم للأسف يصعبونها والا المفروض عندهم نموذج تشوفه وتشوف مكينته وتشوف شهادة المنشأ وكل شيء يكون واضح .. ولو طلبت الرسومات وشروطهم الهندسية كلها وحدة يعطونك اياها بدون عقد وحتى صيغة العقد موجودة في الكمبيوتر يسحبونها ويعطونك تشوف وتقرر

[مرتبش]

سؤال.. الحين اذا بغيت استشاري اشراف.. هل هو مسؤول عن تشييك التصميم؟ ايجاد الاخطاء مثل عدم تطابق الخدمات مع المعماري او الانشائي.. حساب قوة الكهرباء وتعديلها مثلا ..حساب قوة التصميم الانشائي .. يعني بوجه عام شنو اللي يسويه المشرف وشنو اللي مايسويه والمفروض يسويه
ودمتم سالمين

[معماري قطري]

لو كان الاستشاري قوي وصاحب ذمة أكيد بيشيك وبيبدي رايه في البداية وبينبهك وبينبه المقاول ولازم توصلون لحل تتفقون عليه كتابياً مع تعديل التصاميم

لكن استشاريينا للأسف ما فيه قانون يلزمهم والمفروض القانون موجود ويلزمهم .. حتى المقاول يفترض يدقق ويعلمك لو فيه عدم توافق

[معماري قطري]

ودوم ركز على العقد

[Abu-hmood]

شباب ممكن حد يقولي وين موقع شركة المكيفات يورك وموقع ترين وموقع كرير

[معماري قطري]

شباب ممكن حد يقولي وين موقع شركة المكيفات يورك وموقع ترين وموقع كرير

الإستشاري المفروض يرسل لهم التصميم على الايميل وينسق معاهم وينسق الاجتماع معاك وتقرر معاه شالمناسب .. لو تقول للاستشاري ثرى هذا جزء من شغله يسويه وهو يضحك .. وتحصل عند الاستشاري الجيد لستة بكل المختصين في السوق ويتابع كل جديد .. حتى الأسعار عنده تحديث لها دوم

[Abu-hmood]

جزاك الله كل خير بشوف بكره الاستشاري مع ان ودي انا الي امر واعرف الامور واخذ معلومات وفكره بنفس الوقت عن الي بركبه عندي في البيت

[معماري قطري]

جزاك الله كل خير بشوف بكره الاستشاري مع ان ودي انا الي امر واعرف الامور واخذ معلومات وفكره بنفس الوقت عن الي بركبه عندي في البيت

ما يمنع تاخذ المعلومات بسهولة عن طريق الاستشاري ولو كنت ناسي شيء الاستشاري يوضحه ولازم بتكون مناقشات فترة وعلى مرات لين تستقر وتوقع العقد ويكون الاستشاري المنسق وفاهم شاحتياجات الشركة ومحددها في عقد المقاول

[معماري قطري]

تأكد إخوي بو حمود إن الاستشاري يشوف الصورة الشاملة وانت يمكن تركز على جزئية معينة ويمكن تنغش بسهولة لكن الكلام والعقد في حضور وباشراف الاستشاري هو الصحيح .. انا والحمد لله عندي خبرة واعرف لهم ما اعتمد على نفسي في التكييف استشاري ومختص تكييف