- افضـل بنك في قطر ؟

[Q A T A R I]

-


استفسـار ونبي نفيـد فيه الجميع ..

ش احسن بنك في اعتقادك في قطر ؟

من حيث

- خدمـة العملاء ؟
- البنك اللي يقدم .. اكبر فائدة لـ الوادئع او حساب التوفيـر؟
- البنك اللي يقدم .. اقل فائدة على القروض الشخصية او التمويلية ؟

واذا ماعندك فكرة عن اي نقاط من اللي فوق
عطنا تجربتك مع بنكك من وجهة نظرك .. عشان ننقل عندك.

ننتظركم..

[ساراام]

دايما نسمع بأن المصرف هو الاحسن

لكن مادري هل هالشي تغيير او لا

[aloosh]

البنوك كلها واحد تخضع للبنك المركزي وكلها تخضع لفوايد وكلها تستخدم الفيزاء ومعروف شركه الفيزا ربويه بحته
معاد عرفنا لها

[بوخالد911]

كلهم ( عنبر أخو بلال )

الله يرحم الوطني الإسلامي
كان بنكا مميزا فعلا.

[monatee]

صعبة تلاقي الشروط هاذي في بنك واحد

من ناحيه خدمة العملاء والتسهيلات qnb وانت مغمض

اقل فوائد تحصلها في البنوك الاسلاميه بالاضافه الى qnb اذا كان في عروض

اكبر فائدة للودائع للاسف ماعندي علم

بالتوفيق

[بوحارب]

دايما نسمع بأن المصرف هو الاحسن

لكن مادري هل هالشي تغيير او لا

ولا يحترمون العميل ولاشي

طق منهم

[بعيد النظر]

كلهم نفس الشي صراحة ..
و qnb هو اللي يفرق !


بس للأسف ربوي

[ضوى]

صار لي عشرين سنه مع المصرف ومرتاحه اخر راحه واي مشكله صغيرة معاهم ماتخليني انكر تميزهم في خدمتي الحمد لله

[ya3coub]

بالنسبه لي مصرف الريان بس في مميزات فQNB نفس الفيرست و التحويل عن طريق الابلكيشن للويسترن يونيون من احسن ما يكون

Sent from my LG-H990 using Tapatalk

[Q A T A R I]

-


ليش الحين فيه بنكين كثير النقاش عليهم..

مصرف الريان ، ومصرف قطر الاسلامي

ش اللي ميز الريان عن المصرف..

من وجهة نظري ومن اللي اشوفه : مصرف قطر الاسلامي مادري شفيهم..
اضمنوا اكبر شريحة عملاء واضمنوا انهم اكبر بنك اسلامي في الدوحة وتمو يرافسون العملاء
وقاموا يسيئون للعميل ،، وهذا غلط جداً . الناس تدريجياً قاعدة تنفر من مصرف الاسلامي

[Q A T A R I]

صار لي عشرين سنه مع المصرف ومرتاحه اخر راحه واي مشكله صغيرة معاهم ماتخليني انكر تميزهم في خدمتي الحمد لله





تدرين اختي..
تقريباً كل السيدات بالمصرف يمدحون فيه . لانهم قاعدين يوفرون لهم اقسام سيدات
لدرجة الحين اطلقوا خدمة تخص خدمة السيدات فقط..

لذالك ما الومكم يوم تشيدون في المصرف..

اما قصة العشرين سنة معاهم.. مادري ليش تذكرت
المثل اللي يقول : امسك مجنونك لا يجيك اللي اجن منه..

[Q A T A R I]

ولا يحترمون العميل ولاشي

طق منهم





بوحارب تصدق..

عيب المصرف . على كبره والمفروض يكون عند الهقوات..

لا اتصلت لهم تبي بطاقتك وانت فرعك في قلعة وادرين..
قالوا لك روح استلمها من فنار !!!
اجل ش له فاتحين فرعكم!!!!


اما بخصوص خدمة العملاء حدث ولا حرج...
تتصل له تبي تسآل عن عملية بنكية
يقولك اخوي راجع الفرع . مانقدر نعطيك الجواب
وهو اصلاً يبي الفكـة ومايبي يعور رآسه

للاسف . اللي فوق من باب تجربة ..

حتى خدمة التميز عندهم مهب لذاك الزود ..

[Q A T A R I]

صعبة تلاقي الشروط هاذي في بنك واحد

من ناحيه خدمة العملاء والتسهيلات qnb وانت مغمض

اقل فوائد تحصلها في البنوك الاسلاميه بالاضافه الى qnb اذا كان في عروض

اكبر فائدة للودائع للاسف ماعندي علم

بالتوفيق




مشكلة بنك قطر .. اعتقد الفائدة مش ثابتة
وهذا العيب الكبير ..

وما اعتقد فيه احسن من البنوك الاسلامية في التمويل..
بس يمكن يكون بنك قطر , زين في الفوائد
لانه طرق استثماراته ماتحكمها ضوابط شرعية

[Q A T A R I]

بالنسبه لي مصرف الريان بس في مميزات فQNB نفس الفيرست و التحويل عن طريق الابلكيشن للويسترن يونيون من احسن ما يكون

Sent from my LG-H990 using Tapatalk





هذا الرد اللي ادور عليه..
ابي واحد يتكلم عن البنك .. ويعرض المزايا اللي فيه..

تصدق عجيبة سالفة الويسترن يونيون..
وهاذي جداً زينة للناس اللي يسافرون ويحتاجون سيولة بسرعة..

حلوة هالخدمة.

[بوخالد911]

بروة
رحته لان رفيجي مناك ونافعني.

الأبليكشين ع الايفون حلو اقدر أحول لعملاء من داخل بروة وقطر والعالم.

[ذكي جدااا]

-


استفسـار ونبي نفيـد فيه الجميع ..

ش احسن بنك في اعتقادك في قطر ؟

من حيث

- خدمـة العملاء ؟
- البنك اللي يقدم .. اكبر فائدة لـ الوادئع او حساب التوفيـر؟
- البنك اللي يقدم .. اقل فائدة على القروض الشخصية او التمويلية ؟

واذا ماعندك فكرة عن اي نقاط من اللي فوق
عطنا تجربتك مع بنكك من وجهة نظرك .. عشان ننقل عندك.

ننتظركم..

مرحبا اخوي بالنسبة لفوائد الودائع والتوفير اتكلم عن العام الماضي لانه كل سنه يتغير. العام كان بروه افضل بنك وبعده الريان وبعده الدولي. بالنسبة للفائدة للقروض الشخصية الدولي العام كانت عروضه ممتازه. بالنسبة للتطبيق اشوف تطبيق الدولي ممتاز بالنسبة للتحويلات حتى خدمة ويسترن يونيون موجوده بتطبيقهم وتستخدمها وانت بالبيت يعني مايحتاج تروح مكاتب صرافة وتحويل.

[راعي الدتسن]

الريان.. سرعه في الخدمة.. توزيع الافرع.. مافي زحمة.. الابليكيشن رهيب

[فريج النجادة]

مزايا المصرف

1- تطبيق المصرف على الجوال
فية كثير من الخدمات
دفع الفواتير وتحويل الاموال الى جميع دول العالم
والتحويل الى الجمعيات الخيرية
التحكم في الفيزاء ورفع سقف المبلغ

بخصوص المشتريات فهو ينافس بقوة باقي البنوك

[فريج النجادة]

المصرف له 40 فرع في قطر

والكبينات المصرف حدث ولا حرج

تجدها في كل مكان في قطر اين ما ذهبت