(( الاجازة الصيفية متعبه البديل اجازة شتويه ))

[شبح الصمت]

السلام عليكم ورحمة الله وبركاته ،،،


اهو ليس حلم وانما مجرد اقتراح ..

لماذا لا يتم تغيير اجازة الطلاب من اجازة الصيف الى اجازة الشتاء

الطلاب يبلشون دراسة من نص شهر 9 الى شهر 6
او حد يعدلي التواريخ ..

فلو كانت الاجازة السنوية للكادر الدراسي كامل اهو وقت الشتى والجو الحلو افضل

يعني من بداية السنه 1 ، 2 ، 3

الميزة الحلوه الي راح يستفيدون منها الكادر التربوي والطلاب واحنا كأولياء امور ..

1- اعكسو جدولهم مع جدول اجازات بعض الدول
2- عامل الجو
3- لو فكرو يسافرون في هالاوقات للخارج خلال شهر 1 لين 3 ما راح يصادف زحمة في الدول الي راح يروحون لها لانه احنا نعرف انه الناس تشرد من الحر في الخليج وتتجهة لدول اخرى تغير فيها جو .
4- راح تقلل من سفر الكثيرين في هالاوقات وذلك لعامل الجو المساعد


وحياكم الله .
والجو اليوم حلوو

والسموحه يمكن ما قدرت اوصل الفكرة بالمطلوب
بس اتوقع الكثير فهم علي
والي عنده آراء او مقترحات يحطها

[R 7 A L]

المفروض يشيلون الاسبوعين اجازة نص السنه والاسبوع الي شهر ابريل على شان الاجازة الصيفيه تطول

الجسم يتعب الصيف اخوي شبح والاستيعاب ينزل

[بانغ بانغ]

المفروض يشيلون الاسبوعين اجازة نص السنه والاسبوع الي شهر ابريل على شان الاجازة الصيفيه تطول

الجسم يتعب الصيف اخوي شبح والاستيعاب ينزل


اي والله صح

على الاقل حق كم سنة عشان رمضان يشقح وايعدي الصيف

[ذكي جدااا]

شي حلوووو. بس لو فكرتوا فيها من ناحية الجامعات العالميه تفتح ابوابها كل سنه شهر سبتمبر. يعني طلابنا اذا خلصوا امتحانات شهر واحد بالنسبة لطلاب ثالث ثانوي مثلا. بيظطرون يقعدون لين شهر تسعه عشان الجامعات بالخارج وبذلك بيكون تقريبا راحت عليهم سنه كامله تاخير

[شيخ الديرة]

لو فرضنا جدلاً ان الفكرة تم تطبيقها، هل ترضى ان تستمر الدراسة للسنتين بدون عطلة بسبب غياب عطلة الصيف تلك السنة، او تود ان تلصق الاجازة القديمة مع الجديدة ونعطل 5 شهور ؟

في الحالتين هناك سلبيات لا يمكن قبولها