هل يعقل وجود بطالة بين القطريين

[كاشف الغطاء]

السلام عليكم..

بادخل في الموضوع على طول

كلنا نعرف بوضع البلد الحالي وهي تشهد تقليص للميزانيات

واحنا نتقبل هالشي وواقفين مع حكومتنا في الحلوة والمرة

ولكن ان يتضمن تقليص الميزانيات إيقاف توظيف القطريين

واستحداث الوظايف لهم فهذا أمر غير مقبول وتخبط تعيشه وزارة التنمية أو الجهات المسؤولة عن التوظيف

اعداد الباحثين عن عمل تتزايد يوم بعد يوم

واستحداث الوظايف لو فيه جهة معينة تطلبك صار بالشهور

ليش مايكون فيه محاسبة لشركات القطاع شبه الحكومي اللي وظفت أجانب برواتب خيالية

ويلزمونهم بتوظيف قطريين مكان الأجانب

كمثال شبكة الجزيرة ومؤسسة قطر ومكتبة قطر الوطنية والمتحف الإسلامي وملف 2022 ومعهد الدوحة الخ..

هذا برأيي هو الحل للتخبط اللي صاير ومب مقبول ان القطري يتم بالشهور ينتظر وظيفة

والأخ الأجنبي (اللهم لا حسد) يتعين على وظيفة ممكن يقبل بأقل من نص راتبها

[technical]

بسم الله الرحمن الرحيم ، كلام ان الدولة تستحدث وظائف للاجانب ولا تستحدث وظائف للقطريين كلام مرسل ! والدليل البعثات التي يلتحق فيها الطلاب لكي يعودوا الى مراكز عملهم وهم متعلمين ! غير الإعلانات التي تطلب موظفين بين الأونة والأخرى .

ولكي يتم تدعيم ما اظنه ببيانات ، ضرورة ان تصدر وزارة التنمية الإدارية والعمل والشؤون الإجتماعية بيانات توضح الوظائف التي تم إستحداثها للقطرين مقابل تلك للإجانب لكي يتم لجم مثل هذه الإشاعات في مهدها، مع ضرورة تبيان عدد اولائك الأجانب الذين يقال انهم يتقاضون رواتب فوق التي يتقاضاها الذين على الدرجة الأولى أو على درجة وكلاء الوزاراء أو الوزاراء كما يشاع ، والسلام.

[ساراام]

انا اعرف وايد ناس توظفوا عن طريق التنميه الاداريه خلال الفتره الاخيره

وفي نفس الوقت وايد ناس يسوون مقابله ويرفضون الوظيفه لاسباب كثيره

مثل الراتب او المكان او بيئه العمل

لحد الحين انا مو عارف وين الخلل

على فكره اكثر اللي يتوظفون اصحاب الشهاده الثانويه

[R 7 A L]

فيه بطالة نعم والسبب رفض مكان العمل
خاصة الحريم اغلبهم يبون مدارس اماكن غير مختلطة
ولكن وزارة التنمية تبيهم في الاماكن الشاغرة التي تحتاج مواطنين

[غريب الدّار]

بسم الله الرحمن الرحيم ، كلام ان الدولة تستحدث وظائف للاجانب ولا تستحدث وظائف للقطريين كلام مرسل ! والدليل البعثات التي يلتحق فيها الطلاب لكي يعودوا الى مراكز عملهم وهم متعلمين ! غير الإعلانات التي تطلب موظفين بين الأونة والأخرى .

ولكي يتم تدعيم ما اظنه ببيانات ، ضرورة ان تصدر وزارة التنمية الإدارية والعمل والشؤون الإجتماعية بيانات توضح الوظائف التي تم إستحداثها للقطرين مقابل تلك للإجانب لكي يتم لجم مثل هذه الإشاعات في مهدها، مع ضرورة تبيان عدد اولائك الأجانب الذين يقال انهم يتقاضون رواتب فوق التي يتقاضاها الذين على الدرجة الأولى أو على درجة وكلاء الوزاراء أو الوزاراء كما يشاع ، والسلام.


انا اعرف وايد ناس توظفوا عن طريق التنميه الاداريه خلال الفتره الاخيره

وفي نفس الوقت وايد ناس يسوون مقابله ويرفضون الوظيفه لاسباب كثيره

مثل الراتب او المكان او بيئه العمل

لحد الحين انا مو عارف وين الخلل

على فكره اكثر اللي يتوظفون اصحاب الشهاده الثانويه


فيه بطالة نعم والسبب رفض مكان العمل
خاصة الحريم اغلبهم يبون مدارس اماكن غير مختلطة
ولكن وزارة التنمية تبيهم في الاماكن الشاغرة التي تحتاج مواطنين


:thumbup1::thumbup1::thumbup1:

[غريب الدّار]

وابي أوضح شغلة يااخوان :
مااعتقد ان رفض العمل لأي سبب يدخل تحت البطالة


لأن البطالة (أعتقد) هو وضع يكون فيه الشخص بلا وظيفة لعدم وجود وظيفة أصلا
وليس بسبب رفض الوظيفة

يعني مايجوز ان مثلا نص المجتمع رافض العمل في أماكن معينة واجي انا أقول في بطالة !!!! لا مافي بطالة

في رفض للعمل (على اختلاف الأسباب أو المبررات)


وجهة نظري والله اعلم

[khalid525]

اقتراح جميل هذه النوعية من المؤسسات التقطير فيها يتم ببطء ،
واشوف الحل الوحيد عشان وزارة التنمية الادارية تعلن عن اعداد العاطلين عن العمل وعن نسبة البطالة هو ان الباحث عن العمل ولم يجد وظيفة يتم اعطائة راتب الى ان يجد وظيفة ، هنا راح كل الاطراف تتحرك والاحصائيات بتكون واضحة ، الفلوس دايما توضح الامور الغامضة .

طبعا هذا الراتب او الاعانة يكون مبلغ لا يثني الباحث عن العمل من البحث المتكرر وبنفس الوقت يتم محاسبة وزارة التنمية اذا زادت الميزانية .

[ابوالعبد]

في بطاليه وعندي قريبي بكالريوس اداره صارله سنه بطالي المهم السبب الاجانب وياكثرهم خصوصا الوظايف الي يقدر القطري يشتغل فيها ليش البنوك كله اجانب الغالبيه اجانب وملبسينهم ثوب واغتر وبعد القطريه طيران كله اجانب. و بعد المستشفيات ونقول ليش الطرق زحمه وليش وليش وسبب تتدرون من شنو للاسف الات ار الغالبيه من الاجانب ويوظفون ربعهم واسطات الحل هو تفنيش الاجانب الي القطري يقدر يشتغل شغلته يعني كول سنتر ليش اجيب اجنبي طيب القطري يقدر يشتغلها وسهلع لا يبيلها شهاده ولا شي الي عنده عداديه او ثانويع يشغلونه فيها وبتوفيق مجرد رأي

[ya3coub]

من حق الموظف الي انظلم بجهة عمله و تعلم درس انه يرفض لما يجيله عرض او يقدم على وظيفه و يلقى الراتب او الدرجة او ألخ أقل من المكان الي اهو فيه

من جهة اخرى من حق الخريج انه يرفض لما يشوف بأن العرض الي اقبلوه عليه اقل من الموظفين الي بثنوية عامه

في نسبه بطاله عالية نوعا مقارنه بالسابق

نظرا لتوقف التوظيف من سنة و نص تقريبا و اعرف خريجين ممتازين ما خلو مكان ما قدمو عليه الواسطات شغاله و مو متأثره

البعض توهم بدت تجيهم عروض بس ايضا اقل من الوضع العادي بعض الجهات بدت تحضر المعارض المهنية بس اصلن ما يبون احد اللهم اثبات وجود الجهة و سحب سيفيات لقاعده بيانات يمكن حتى ما يكلفون على نفسهم فيها.

فالجهة الأخرى في ناس سبحان اللله ربي مسخرلهم و موفقهم وين ما حطو يدهم البركه موجودة الله يزيدهم و يوفقهم يا رب.

اعترف انه قطر فيها بطاله و للأسف بطاله مو من ناس فاشله انما من خريجين و بعضهم متميزين و بأن فرص العمل قلت عن قبل وايد

[الســيل]

والله ياخوك زوجتي صار لها اربع سنوات وهي تدور علي وظيفة

علي ايام برج برزان قالو لها لو انتي جامعية كان توظفتي بسرعه ويوم خلصت الجامعه

قالو لها حاليا نوظف بس ثانويه

وين الخلل مادري ........

[BLING-QTR]

الجهات اللي ذكرتها شبه مستحيل التوظيف عندهم

عندنا بطاله وللاسف ناس كثير تحسب ان سبب البطاله هل قطر شريطيه ما يبون خلط ما يبون كرف ما يبون وظيفه عاديه يبون مناصب ودلع وراتب قوي لا يبه نبي وظيفه مالنا شروط صار لي سنه ادور عالجهات بأوراقي وانا عندي دبلوم إداره وبكالريوس من المدينه التعليميه ووزارة التنميه اللي كانوا يتصلون لي كل شهر مره للترشيح الحين اختفوا ما عاد لهم اثر وآخر اتصال سألت البنت انتوا على كثر ما رشحتوني محد اتصل لي ردها كان احنا مالنا سلطه عليهم نرشح بس واغلب الاوقات هم يوظفون من طرفهم طيب يا بنت الناس لو وظيفه متاحه للثانويه رشحيني لها ما عندي مانع

للاسف جهه من الجهات المعروفه كلموني لمقابله فجأه وصلني ايميل شكرا على حضور المقابله وكلام كثير وآخره اعتذار طيب من اللي جاكم المقابله قريني يا جماعه ولا من لهالدرجه وصل فينا الحال وجهه ثانيه الطابق كامل من جنسيه عربيه وحده واللي قابلتني منهم احنا قسمنا متعب حتى بريك اكل ما نقدر نطلع ثلاث مرات حاولت تقنعني ان اصرف نظر وين التقطير ووين ما عندنا بطاله من هل قطر غير اللي اعرفهم معرفه شخصيه خريجين المدينه التعليميه وبريطانيا من سنتين يدورون وظايف ولا حد راد عليهم

ما عدنا صغار نطلب فلوس من اهلنا ورانا التزامات ورانا مصاريف احيانا ما نطلع لان نستحي نطلب فلوس بترول واللي يضحك اكثر ان الاسبوع اللي فات كان فيه معرض مهني فالمدينه التعليميه اكثر من تسعين جهه موجوده اغلبهم بس تدريب والباقي دوروا لكم وظيفه فموقعنا لقيتوا شي يناسب مؤهلاتكم كلمونا طيب ليه جايين وانتوا ما عندكم شي حتى موقعكم ما فيه شواغر

القلب متروس والله اني صرت اقدم وظايف فدبي وبرع بسبب الحال اللي وصلنا له لكن الله كريم لا هني محصلين ولا برع يردون علينا

السموحه طولت هالموضوع قاهرني

[بوخالد911]

والله ياخوك زوجتي صار لها اربع سنوات وهي تدور علي وظيفة

علي ايام برج برزان قالو لها لو انتي جامعية كان توظفتي بسرعه ويوم خلصت الجامعه

قالو لها حاليا نوظف بس ثانويه

وين الخلل مادري ........

الله يسهل عليكم

هالاسطوانة البايخة يا ريت يتم تفنيش اللي يرددها

[كاشف الغطاء]

اقتراح جميل هذه النوعية من المؤسسات التقطير فيها يتم ببطء ،
واشوف الحل الوحيد عشان وزارة التنمية الادارية تعلن عن اعداد العاطلين عن العمل وعن نسبة البطالة هو ان الباحث عن العمل ولم يجد وظيفة يتم اعطائة راتب الى ان يجد وظيفة ، هنا راح كل الاطراف تتحرك والاحصائيات بتكون واضحة ، الفلوس دايما توضح الامور الغامضة .

طبعا هذا الراتب او الاعانة يكون مبلغ لا يثني الباحث عن العمل من البحث المتكرر وبنفس الوقت يتم محاسبة وزارة التنمية اذا زادت الميزانية .

بصراحة هذا الحل الأفضل مثل ماقلت ولازم يتم تطبيقه، احنا القطريين فينا عزة نفس صعب الواحد لين وصل عمر التخرج من الجامعة يطلب من ابوه

[راجي الْعفو]

وعليكم السلام و رحمة الله و بركاته

العسكرية فاتحين أبوابهم على مصراعيها للي مضطر للوظيفه ومحتاج

[ya3coub]

الجهات اللي ذكرتها شبه مستحيل التوظيف عندهم

عندنا بطاله وللاسف ناس كثير تحسب ان سبب البطاله هل قطر شريطيه ما يبون خلط ما يبون كرف ما يبون وظيفه عاديه يبون مناصب ودلع وراتب قوي لا يبه نبي وظيفه مالنا شروط صار لي سنه ادور عالجهات بأوراقي وانا عندي دبلوم إداره وبكالريوس من المدينه التعليميه ووزارة التنميه اللي كانوا يتصلون لي كل شهر مره للترشيح الحين اختفوا ما عاد لهم اثر وآخر اتصال سألت البنت انتوا على كثر ما رشحتوني محد اتصل لي ردها كان احنا مالنا سلطه عليهم نرشح بس واغلب الاوقات هم يوظفون من طرفهم طيب يا بنت الناس لو وظيفه متاحه للثانويه رشحيني لها ما عندي مانع

للاسف جهه من الجهات المعروفه كلموني لمقابله فجأه وصلني ايميل شكرا على حضور المقابله وكلام كثير وآخره اعتذار طيب من اللي جاكم المقابله قريني يا جماعه ولا من لهالدرجه وصل فينا الحال وجهه ثانيه الطابق كامل من جنسيه عربيه وحده واللي قابلتني منهم احنا قسمنا متعب حتى بريك اكل ما نقدر نطلع ثلاث مرات حاولت تقنعني ان اصرف نظر وين التقطير ووين ما عندنا بطاله من هل قطر غير اللي اعرفهم معرفه شخصيه خريجين المدينه التعليميه وبريطانيا من سنتين يدورون وظايف ولا حد راد عليهم

ما عدنا صغار نطلب فلوس من اهلنا ورانا التزامات ورانا مصاريف احيانا ما نطلع لان نستحي نطلب فلوس بترول واللي يضحك اكثر ان الاسبوع اللي فات كان فيه معرض مهني فالمدينه التعليميه اكثر من تسعين جهه موجوده اغلبهم بس تدريب والباقي دوروا لكم وظيفه فموقعنا لقيتوا شي يناسب مؤهلاتكم كلمونا طيب ليه جايين وانتوا ما عندكم شي حتى موقعكم ما فيه شواغر

القلب متروس والله اني صرت اقدم وظايف فدبي وبرع بسبب الحال اللي وصلنا له لكن الله كريم لا هني محصلين ولا برع يردون علينا

السموحه طولت هالموضوع قاهرني

كلامك صحيح أخوي
الله يعينكم أخوي و اعرف من ربعي الي بنفس حالتك و عن المعرض كوني كنت فيه و امثل اخد الجهات و عضو بـــأربع جهات اخرى كانت موجوده
في منهم الي تسجيل حضور لا أكثر ولا اقل و في الي يوظفون

بس ترا التوظيف ما يصير علشان المعرض يعني العارضين ما يضمنونلك وجود وظيفه حاليا لك. الشركات الكبيره عندهم توظيف يوميا بحسب حاجتهم و النقص بنفس الوقت مثل هالمعارض فرصه لعمل قاعده بيانات سريعه في حاله النقص علطول يسون مقابله و يتواصلون مع الي كانو مقدمين حتى لو كانت من فتره.

و انا كنت من الناس الي اسئل و اشوف الشخص و عقب اقوله قدم عندنا و عند غيرنا و هذا الموقع و حط بياناتك او عندنا فرص تدريب, و في جهات بدون ذكر اسامي كانت عليهم الزحمة ليش لان طابعين طلبات و اي شخص يجيهم سوائا فالتخصصات الي يبونها او لا علطول قدم و سلم السيفي او عب بياناتك ترا العالم تطور, انا ليش اضيع وقتي و وقتك اول اسئلك عن تخصصك اقولك طبيعه الشغل عندنا اذا انت مستعد و عقبها اقولك توكل عالموقع.

الله يوفقك يا رب و عقب هالصبر يا رب تحصل الي بخاطرك أخوي


وعليكم السلام و رحمة الله و بركاته

العسكرية فاتحين أبوابهم على مصراعيها للي مضطر للوظيفه ومحتاج

مادري اضحك او شو أقول أخوي راجي
جو عندنا الدوام و ما شاء الله رتبه تاج و ثلث نجوم و نبيكم و كلكم مهندسيت مشاريع و سايت و كلن متميز بدوامهو الخ الي له خاطر
قلت لهم انا بشوف و واحد من المهندسين عندنا , بس انه عن طريق دوامنا كونه اهم الي يبونا.

لا الدوام يردون عليهم ولا علينا و فالمعرض المهني الأسبوع الي طاف عندهم للمهندسين فوق السبعين طلب بس تعبئه اوراق , قدرت اوصل للشخص الي جانا و اتصلت فجواله بعد ثلاث اسابيع و انا اخلي مسجات له فالمكتب و ابلغ الي معاه بأن يتصل و كله عالفاضي.
رد علي بأنه في اجتماع و بيرد على بس بخصوص شنو و بلغته و طبعا ليومك لا حياه لمن تنادي.


العسكرية تجيهم اوامر و يفتحون مثل ما تفظلت على مصراعينهم الأبواب بس لما يجيك عميد او عقيد و يقولك بأن نسبه القطريين فالجيش رقم قليل جدا و يبون الخبرات الشابهه و بعدين يختفي.

و من ربعنا المهندسين الي راحو في ناس انظلمو و في ناس للأسف اشرطو عليهم تقديم الإستقاله و عقب سنة و نص كلموهم يدخلون, العسكرية زينه و انا مو ذدها الكل وده يخدم بلاده بس البروسس فيها بطيء جدا جدا جدا حتى لما الواحد يتحمس يرجع للواقع من تأخيرهم و يقول الحمد الله انه مو معاهم ننطر لين يتعدلون.

[كاشف الغطاء]

وعليكم السلام و رحمة الله و بركاته

العسكرية فاتحين أبوابهم على مصراعيها للي مضطر للوظيفه ومحتاج

اخوي اذا الكل اشتغل عسكري من اللي بيشتغل مدني وبيخدم البلاد كقطري في الجهات الأخرى
ومع احترامي للنظام العسكري ولكن اللي يصيدها هو المرشح وبس
مواليد 97 ضباط وانت اذا تتوظف بدون شهادة أو كنت موظف في مكان ثاني خلاص راحت عليك
هذي وجهة نظر..