لا تدخل التقاطع حتى يكون المخرج خالياًُ

[م. عبدالعزيز]

السلام عليكم ورحمه الله وبركاته

اتمنى من ادارة المرور وضع لافته على جميع تقاطعات مدينة الدوحة مكتوب عليها بخط واضح العبارة المذكورة في العنوان اعلاه ، علشان مايصير ازدحام مروري عند الاشارة بسبب سيارة وحدة واقفه على التقاطع.

وشكرا.

[R 7 A L]

ممكن رسمة توضيحية
انا مافهمت اي تقاطع تقصد

[معماري قطري]

أكيد كل تقاطع وهذا مكتوب عند بعض التقاطعات لتطوف الا الطريق سالك .. يعني لو زحمة ومشيت في الوسط وفتحت الاشارة للطريق الثاني اللي فيه تكون معترضهم

[مستـريــح البـــال]

أخوي علامة المربعات المرسومه على الأرض عند الاشارات تعني ذلك ،،

المفروض أنها لغة مفهمومه للكل ،، حتى لعدم مجيدي اللغة العربيه والانجليزية ...

الخلل كل الخلل في الالتزام ..

[غريب الدّار]

أخوي علامة المربعات المرسومه على الأرض عند الاشارات تعني ذلك ،،

المفروض أنها لغة مفهمومه للكل ،، حتى لعدم مجيدي اللغة العربيه والانجليزية ...

الخلل كل الخلل في الالتزام ..
:thumbup1:

[فيصل99]

اتمنى تفعيل مخالفة الوقوف في الخط الأصفر
لأنه البعض مايستوعب الإرشادات إلأ إذا دفع

[مرتبش]

الخطوط موجودة.. والمرور محذرين صار لهم سنة من دخول الاشارة الغير سالكة وان الكاميرات بتصورهم وبتخالف ..لكن هل في تفعيل طبعا لا .. لو في تفعيل بتشوف الالتزام في الشارع

[Riku3]

الكل يعرف انه غلط بس المشكلة في احترام القانون ..

انا ممكن اتفهم لو طلع الشخص بالغلط .. بس اكثر الناس يطلعون متعمدين لدرجة ان صارت قدامي ان شخص ركب الرصيف علشان يتجاوز شخص واقف بسبب الزحمة .. والمتجاوز مسك الهرن بدون توقف وركب الرصيف ووقف جنبه وصارخ وعقبها تجاوز !!! ..

والمشكلة الثانيه ان لما اوقف علشان المنطقه المخططه تفضى .. احصل الي في الخطوط الثانية يجون جدامي وياخذون مكاني الي انا ناطره يفضى .. وهذا يخلي الي وراي يتنرفز .. ومع الوقت تلاقيني لا شعورياً اطلع بسبب المتجاوزين ..

اول مره اسوق في امريكا كنت واقف على تقاطع كبير بحجم الاشارات الي عندنا .. ومافيه اشارات ضوئية .. شفت سيارة مسرعه من الجهه الثانيه فما طلعت .... من وصل الاشارة وقف علشان اطلع انا استغربت شلون بنص الليل وبدون مراقبة ومع هذا الكل يحترم القانون ويتعاملون في الشارع باحترام !! .. نفس الشي في التقاطعات الصغيرة تلاقي كل واحد يوقف ويطلعون بالدور ..مب عندنا البقاء للاقوى !!! ..

اتمنى يفعلون الكيمرات لمثل هالمخالفات للمتعمدين وما يتصيدون على الناس .. الدخول غلط .. القيادة برعونه .. القيادة ببطئ .. مسك التلفون عند القيادة خصوصاً الي يقرون المسجات !! .. مب مثل قبل كم يوم شرطي ماسك الدفتر وواقف عند وقت الشاي في شارع المطار القديم التجاري !! .

[مشاكل]

انا اجد ان هناك خلل في مدارس تعليم سواقة السيارات متمثلاً بالمدربين
كثير من خريجي تلك المدارس وخصوصاً في الاونه الاخيرة تجدهم يحملون نفس الافكار واللي تمثل تجاوز ومخالفة لقوانين المرور منها :
1- السير بسرعة بطيئة على الخط السريع وعدم فتح الطريق لمن خلفه
2- الخروج من الدوار مباشرة على الخط السريع
3- في الشوارع اللي تحتوي على اربع خطوط تجد السائق يمشي في المسار الثالث مع ان المسار الاول والثاني فاضي
4 - عدم اعطاء الاشارة في حال تغيير المسار
5- مسك بريك مفاجئ بمجرد ان يرى الاشارة الضوئية الخضراء بدأت ترمق
6- تجاوز السائق من خانة الى خانة والقفز فوق الاخرين بحثاً عن الطريق الاسرع
7- دخول المربع الاصفر عند الاشارات حتى لو كان الشارع المتجه له ممتلئ
8- التوقف المفاجئ في حال شاف قدامه رادار حتى لو كان ماشي بالسرعة القانونية
9- الدخول والخروج المباشر من المخارج والمداخل من اقصى اليمين الى اقصى اليسار والعكس

انا متأكد بل متيقن ان احد اهم اسباب الزحمة والمترتبة من عمليات عرقلة السير ماذكر اعلاه ،،، واللوم كل اللوم يأتي بالدرجة الاولى على مدارس تعليم السواقة اللي المفروض مايتخرج منها الا بعد الاختبار الحقيقي لما ذكر اعلاه

والله المستعان

[شيخ الديرة]

تشديد العقوبات المادية والمجتمعية لمن يخالف القانون هو الحل الأمثل والأنجع لكل هذه المخالفات

عقوبة قاسية على شخص واحد سوف ينتقل خبرها بسرعة يغار منها تويتر

[سعود.]

[b]أكيد كل تقاطع وهذا مكتوب عند بعض التقاطعات لتطوف الا الطريق سالك .. يعني لو زحمة ومشيت في الوسط وفتحت الاشارة للطريق الثاني اللي فيه تكون معترضهم

عاد لعبتك يابوعبدالله ( usa )

في ( la ) تقاطع بدون اشارات ضوئيه ؟؟
الاولوية للي جاي قبل .
شهرين ونص ولا شفت اي حادث ولازحمة .

[غير البشر]

أكيد كل تقاطع وهذا مكتوب عند بعض التقاطعات لتطوف الا الطريق سالك .. يعني لو زحمة ومشيت في الوسط وفتحت الاشارة للطريق الثاني اللي فيه تكون معترضهم


المشكله حتى لو المرور موجودين مايخالفونهم
فأنا بصراحه اتصرف من حالي
اذا الطريق من حقي والسيارات مقفلين التقاطع
تطيح قدامي جميع القوانين واطلع حتى لو مخالف

[معماري قطري]

[B]

عاد لعبتك يابوعبدالله ( usa )

في ( la ) تقاطع بدون اشارات ضوئيه ؟؟
الاولوية للي جاي قبل .
شهرين ونص ولا شفت اي حادث ولازحمة .

ايه قف حق الاربع جهات واللي يوقف وقفة كاملة قبل له الحق يمشي .. هذي لو تتطبق عندنا وتتركب كاميرا عليها في الفرجان بنفتك من الدوارات الصغار

[معماري قطري]

المشكله حتى لو المرور موجودين مايخالفونهم
فأنا بصراحه اتصرف من حالي
اذا الطريق من حقي والسيارات مقفلين التقاطع
تطيح قدامي جميع القوانين واطلع حتى لو مخالف

شوف إخوي عمري ما تخالفت في أمريكا لهالسبب وتصير يتسكر التقاطع لسوء التقدير بس الناس عندها حس ولا يستقصدون المرور والتقاطع مليان .. العام في ألمانيا كم مرة تصير لي ولغيري بشوف عيني ويتعاملون مع الموقف بهدوء ولو واحد واقف ما يدخل حد عليه من جنب ويطلع في مساره

[معماري قطري]

المفروض يطبقون قانون عند كل علامة قف الواحد لازم يوقف بالكامل ( يوقف التاير عن الدوران حتى لو أجزاء من الثانية ) ويتلفت ويشوف الطريق ويمشي لو سالك

[شيخ الديرة]

شوف إخوي عمري ما تخالفت في أمريكا لهالسبب وتصير يتسكر التقاطع لسوء التقدير بس الناس عندها حس ولا يستقصدون المرور والتقاطع مليان .. العام في ألمانيا كم مرة تصير لي ولغيري بشوف عيني ويتعاملون مع الموقف بهدوء ولو واحد واقف ما يدخل حد عليه من جنب ويطلع في مساره

لا اتفق معك ان البشر يختلف هناك عن هنا، واخوك دارس هناك وعايش فترة طويلة، والدليل لما يفلت القانون كيف الناس تتصرف في الطوارئ وغيرها.

الفرق الحق هو قوة تطبيق القانون، هناك لما تمر من جنبك دورية الشرطة تبقى تستغفر الى ان يتعدوك، وهنا تسبقهم ولا معتبرهم موجودين

انفاذ القانون هنا يحتاج الى صحوة حقيقية تعطي المخالف درس ينتقل بالجينات الى احفاد احفاده!!!

[غير البشر]

شوف إخوي عمري ما تخالفت في أمريكا لهالسبب وتصير يتسكر التقاطع لسوء التقدير بس الناس عندها حس ولا يستقصدون المرور والتقاطع مليان .. العام في ألمانيا كم مرة تصير لي ولغيري بشوف عيني ويتعاملون مع الموقف بهدوء ولو واحد واقف ما يدخل حد عليه من جنب ويطلع في مساره


ياريتنا نتعلم منهم

بصراحه انا ماقدر استحمل سيارات مسكره الدرب ومش ذنبي انتظر الاشاره تفتح لهم
لو سياره وحده فتحت الدرب كانت طافت اكثر من عشرين سياره

بالنسبه هالشي مايعنيني
لاني بأختصار طايف طايف :d