حد يقدر يساعدني في جدول لـ سويسرا (7-8 أيام)

[S.T.Y.L.E]

السلام عليكم

حد يقدر يساعدني في جدول لـ سويسرا (7-8 أيام) - مع زوجتي
يعني زيورخ وانترلاكن ( و زلامسي اذا قريبه )

انا ماقد رحت اوروبا من قبل بس بريطانيا
وشيكت كذا موضوع فالنت لكن الاغلب كان مركز على المزارع والقطارات والتنقلات بين بلد لين بلد

ودي بجدول يكون حلو وفيه اماكن منوعه ( بحيرات ، العاب ، سوق ، مصانع ..الخ )
ومايكون فيه تنقلات بعيده وايد
واذا تعرفون مرشد / سايق سعره معقول تسوون فيني خير

اتمنى مساعدتكم

[ضوى]

تبي رايي زيورخ شيلها كلش من الجدول ، مافيها شي كلش ، انترلاكن حواليها مناطق تجنن تقدر منها تنزل على لوزيرون ولوقانو اذا تبي تبات تقدر واذا تبي ترد تقدر وحواليها بحيرات تجنن مثل البحيرة الزرقاء وبحييرة اوشن اللي فيها الزحلاقية الصيفيه بعد تجنن وعندك شلالات ترامبل باخ والقطار البخاري واشياء ناسيتها ايه قمة جنغفرو كلها تقدر تطلع لها من انترلاكن يعني تخلي هالمدينة نقطة انطلاق لك ، ونصيحة اجر لك سيارة صغيرة واطلع براحتك وتعال براحتك ولا تتقيد بسايق واصلا السواق غاليين هناك والسواقة من اروع مايكون ، وازرق لك يوم لميلانو او يومين تسوق فيها لين تشبع عقب رد لانترلكن وجهز امورك للردة

[بعيد النظر]

اذا تبي نصحيتي .. خلك على المانيا والنمسا ..
وخل سويسرا حق الأيام الجاية ان شاء الله ..


وانصحك تاجر وتسوق .. السواقة هناك ممتعة وحلوة !

[ذكي جدااا]

مرحبا اخوي. انا دايما اروح سويسرا وبقترح عليك الجدول الآتي
الحجز يكون دوحة زيورخ والرجوع يكون من جنيف دوحة.
اول ماتوصل زيورخ تستأجر من المطار سياره وخلنا نقول اول ليلة تبات بزيورخ. اليوم الثاني تحرك لمنطقة انترلاكن وخلي السكن بقرية جرايندالوالد وخليكم اربع ليالي. مش معناته ان الأربع ليالي تقعدون بالقرية ولكن تكون هي مكان السكن والسنتر لكم ومنها تسوون جدولكم بحيث يوم تروحون لوزيرن ويوم البحيرات ويوم السنتر حق انترلاكن ويوم تطلعون قمة جبل يونفيرو. بعد انترلاكن تخلي اخر ثلاث ايام جنيف للسكن ومنها يوم تروح شامونيه بفرنسا ويوم تروح مصنع الشوكيلت نستله ويوم تتمشون بجنيف. يعني بيكون الجدول ليلة زيورخ. اربع ليالي انترلاكن والسكن بجراندالوالد. وثلاث ليالي جنيف. بس مثل ماقلت لك اماكن السكن تكون فقط كمركز للتنقل للقرى والأماكن المحيطه منها. ونصيحة لازم يكون عندك سياره. اذا بتستخدم القطار راح يفوتك الكثير لان السواقه بسويسرا غير.

[الكفــــــو]

تبي رأي مجرب أكثر من مرة

زيورخ مدينة إقتصادية

خلك على سويسرا ( إنترلاكن ، شامونيا ، إيفيان ) بعدين ( آنسي ) الفرنسية قريب منها .