دعوة لمقاطعة المطاعم ذات الأسعار المرتفعة

[nooora]

بسم الله الرحمن الرحيم


دعا عدد من النشطاء بموقع التواصل الإجتماعي تويتر إلى مقاطعة المطاعم والمقاهى التي تقدم خدماتها بأسعار عالية جداً ، مؤكدين أن المقاطعة هي الوسيلة الوحيدة لمحاربة إرتفاع الأسعار، وطالب المغردون الجهات المختصة بفرض أسعار معقولة ومنافسة للحد من المغالاة في الأسعار.

وأبدى مغردون إستغرابهم على إرتفاع الأسعار بلا مبررات مقنعة ، مؤكدين أن المنافسة بين المطاعم والمحلات التجارية أصبحت في رفع الأسعار وليس في نوع وجودة منتجاتها.

وأكدوا أن هناك مقاهى في أماكن مختلفة معروف أن أسعارها خيالية ورغم ذلك لا يوجد أي تذمر بل عند إفتتاح فروع جديدة لهذه المقاهى والمطاعم يتزاحم الناس عليها .

طرح المغرد حمد لحدان المهندي
" المشكلة في تغريدة له قال فيها :"الجميع اليوم يتحندى على اسعار مبالغ فيها لمطعم ، للاسف احنا اللي خليناهم يرفعون اسعارهم بقبولنا لاي شي ، احنا حتى الفواتير مانراجعها ."

وأكد المهندي أن السوق عبارة عن عرض وطلب ، مضيفاً أن أمر محاربة إرتفاع الأسعار بيد المستهلك وذلك عبر مقاطعته لمنتجات المطعم أو المتجر الذي يغالي في الأسعار.

وفي ردها على المهندي قالت عبير آل عبدالغني في تغريدتها: "والمستغرب ان هناك مقاهي في أماكن اخرى اسعار خيالية ولم نجد تذمراً بل تجد قبل افتتاح المطعم طابوراً في الانتظار".

المغرد عبد العزيز السليطي
إختصر الحل في جملتين حيث قال مغرداً:"الحل في يدنا لأحد يروح له". وعقب السليطي بتغريدة أخرى بيّن فيها مدى نجاح اسلوب المقاطعة مؤكدا أن معالجة غلاء الأسعار بيد المواطنين وليس الجهات المختصة، وضرب مثالاً على نجاح تجربة المقاطعة في كل من السعودية والكويت حيث قال في تغريدته :"لا ننتظر قرار نحن أصاحبه الكويت والسعوديه لهم تجارب كثيره في هذا الموضوع".

أما المغرد MrAlhajrii فقد وصف إرتفاع الأسعار بالخطير حيث قال في تغريدته :"أمر خطير لو سكتنا عن هالاسعار،، المقاطعه مش حل،، فرض أسعار معقوله ومنافسه واجبارهم خصوصآ انهم مايدفعون ضرائب".

ولكن المغرد يُرام
فكان لديه وجهة نظر مختلفة فيما يتعلق بفرض أسعار على منتجات المطاعم حيث غرد قائلاً :"مالك حق تفرض سعر معين على المطاعم. هو ما يبيع لك دجاجة عشان تثبت السعر، هو يبيع لك وصفته. ومن حقه يحط أي سعر لوصفته"

ثم أردف بتغريدة أخرى قال فيها: "إذا أنت ما أعجبك السعر تقدر بسهولة تمتنع تدخل المطعم. وتروح تشتري دجاجة بسعر السوق وتطبخها ببيتكم بوصفتك أنت".

وفي حالة من نقد الذات إتفق المغردون على أن بعض مرتادي المطاعم والمقاهي لديهم يد في إرتفاع الأسعار وذلك بعدم الإحتجاج عليها أو مراجعة الفواتير عند الدفع، ما يعتبر أمر محفز لزيادة الأسعار بالنسبة لأصحاب المطاعم والمقاهي.

جريدة الشرق القطرية

[شموخ دائم]

,

,


مرحبا

شكرا على الموضوع

محد ضيعنا الا نشطاء التواصل الاجتماعي

يسون للمطاعم دعايه ( وياخذون فلوس )
والناس تروح تصور
وبعدين يكتشفون الأسعار الغاليه الفاتوره توصل 1000 على اكل منظر لا طعم له ولا ذوق
:)

,

,

[شيخ الديرة]

الناس اللي تحب المكانات الغالية اكثر من الناس اللي تقبل بالاماكن المزدحمة

[وحيد-الشوق]

المشكله بعض المطاعم اسعارها غير معقوله ابداً واولهم سوق الوكرة التراثي وحماية المستهلك يقولون احنا مالنا خص في التسعير هل يعقل غرشة الماي الصغيره ب23 ريال في مطعم ايطالي !!!!! والهمبرجر في مطعم بيز ب80 ريال ويقولون في صحن كيما ب45 عسى ماشر والله بعض الفنادق ارخص وخدمتهم وايد احسن

بضيف نقطة محيرتني ووايد مستغرب منها بعض مواقف اللؤلؤة ليش 60 ريال وربعنا كلهم يصفون سياراتهم وحاطين خطوط صفره يعني اصلاً ممنوع الوقوف !! يأخي ال60 ريال عطها اي مسكين وايد احسن يكفي استغلال واهل قطر كل شيء يدفعون ماعندي مشكله بدفع بس على سنع وشيء يستاهل القيمة اما جذي لا والف لا

[راجي الْعفو]

يمدحون اكل البيت..خذو فكرة الاكلات و طبقوها في البيوت

افضل و صحي اكثر و أريح

[ساراام]

محد مضيعنا غير الزبو والدلع اوكي مرات الواحد يبي يغير جو

مافي مشكله روح بس مب يوميا شدعوه ولع هو

وكل مايفتح مطعم لازم الكل يجربه

بخصوص الاسعار المفروض حمايه المستهلك تتحكم بأسعار جميع المحلات ووكلات السيارات خاصه

والواحد لو حب يرفع السعر يقدم سبب لحمايه المستهلك مب يجيك اي واحد يرفع الاسعار بدون حسيب ولارقيب

نبي قانون زائد تطبيق للقانون

[qatarman8008]

انا السبب كله من صغار السن والمراهقين..
يتسابقون من اجل الحصول على كرسي في المطعم اللي ما ادري شاسمه ويصور فيه سناب..!!
ويطلع عليه الحساب اكثر من الف ريال ..!!
ونص الاكل ما كلوه ..!!

[@north_star@]

صعب جدا مقاطعة هالنوع من المطاعم يعني الي بيقصد يروح مطعم معروف أكيد عارف انه غالي ومع ذلك يروحله

[النهار]

كل واحد عقله في راسه ويعرف خلاصه
هاي ياخوي سلوكيات عامة البشر في تاريخهم وحاضرهم،

[بانغ بانغ]

احسن عشان مب كل من هب ودب دش وضايق العالم

[البرونزي]

والله اشوف بعض المطاعم وخاصه الامريكيه مثل فرايديز وغيرها
اسعارها ثابته ومعقوله يعني خمس اشخاص الفاتوره تطلع من 300 لين 400
لكن المطاعم الحديثه وخاصه العربيه اسعارهم خرافيه

[7aayaahh1]

مو بس المطاعم إلي غالية وإلي المفروض نقاطعها .. وبعدين الناس عندنا مهوسيين بكل شي غالي حق الفشخرة والمفوشر

[بوخميس]

عيل هالمطعم التركي اللي حطوا صورة المنيو ماله

كيلو كباب بـ 800؟؟

انا اشتري الكيلو بـ 40 وأسوي الكباب حق هلي أو ربعي ولا أحلى.

حق 20 نفر يطلع لي أقل من 400 ريال

[alshammari]

محد مجبورياكل في هالمطاعم الغالية يوجد بدائل كثيرة

اما عاد موضوع المقاطعة احنا اخر شعب يفكر بالمقاطعة

[بوخالد911]

وسعر غرشة الماي توصل 29 ريال
خير ؟!؟!
لا يكون يايبينه من كوكب زحل ؟!؟!

[سالم الزهران]

اللهم لاتجعل بطني اكبر همي

انا اشوف اللي يحوس في المطاعم هو المحروم

[خوي الدرب]

هذا ليس ذنب المطاعم أنها تكون مرتفعة الأسعار
بل الذنب وكل الذنب على المستطعمين

طبقوا مقولة دعوها تقطن

[فارس قطر]

يازين مطعم البندروزا للعاءلات اكل حتى الاشباع بوفيه مفتوح ثلاث اشخاص الفاتورة 110 ريال

[معماري قطري]

مرة دخلت مطعم شفت الأسعار غالية واللي فيه يتملحسون وليت الأدبار

[معماري قطري]

يازين مطعم البندروزا للعاءلات اكل حتى الاشباع بوفيه مفتوح ثلاث اشخاص الفاتورة 110 ريال

شغلهم مرتب ونظيف ذكرتني به

[khaldoon]

يازين مطعم البندروزا للعاءلات اكل حتى الاشباع بوفيه مفتوح ثلاث اشخاص الفاتورة 110 ريال


تذكر زمان كان كل اهل قطر عليه الحين ما احد يطبه.....المشكله اكله كله تقريبا مب صحي و مقالي و دهون

[khaldoon]

دائما الاقي المطاعم العربيه و المحليه اغلى من المطاعم الاجنبيه و هذا السبب انه في اقبال على المطاعم الاجنبيه رغم اي دعوه لمقاطعة المطاعم....الحلو انه يقولون قاطعوا و ما اعطونا بديل ...

طالما وجبة الكنتاكي كاملة مثلا 21 قطعه ب 106 ريال يعني تكفي عيلة فانسى المقاطعة...

من الاشياء اللي احب انكم تعرفونها انه زمان لما كنا نبني المجمعات في اللؤلؤه كان احد المطاعم اللي يجونه اغنى ناس في البلد و من ضمنهم السفراء و الطباخين اوروبيين مب هنود و الا من الفلبين والا من افريقيا ....يعني من 8 سنوات تقريبا تلاقي فاتورة شخصين عاديين بدون مهايط ب 700 ريال غير المشروبات الروحيه اللي توصل سعر اغلى قنينه عنده ب 11000 ريال

المهم هذا المطعم و بسبب ضيق المطبخ نوعا ما يحط صناديق الخضار و الفاكهة و الكاسات مكشوفين خارج حدود المطعم يعني بمرر الخدمات بره المطبخ و ممر الخدمات ممكن تحصل فيه فيران و غبار غير انه اي احد ماشي يشوف هالاشياء ...شوفتهم بعيني و بشكل يومي

[خوي الدرب]

مرة دخلت مطعم شفت الأسعار غالية واللي فيه يتملحسون وليت الأدبار



:app2::app2::app2:
:app2::app2:
:app2:

[بومحمد المطاوعه]

محد مجبورياكل في هالمطاعم الغالية يوجد بدائل كثيرة

اما عاد موضوع المقاطعة احنا اخر شعب يفكر بالمقاطعة

اي والله انك صادق


اخر شعب يفكر بالمقاطعه
الامن رحم ربي بتشوف كم واحد مقاطع

تبي شعب جامد للمقاطعه

عندك الشعب السعودي و الكويتي*

قلب واحد للمقاطعه

[لـبـيـه]

والله ياجماعه البلا مب فيهم البلا في الناس الي تجيهم

هم يرفعون الاسعار والغريبه تزاحم الناس على المطاعم المبالغه في اسعارها مادري فيهم مرض الغرور والكبرياء او ايش

[وليف الشوق]

انا لو افتح معطعم كان تفكيري كله بيكون في المادة اكثر من جودة الطعام لاني عارف الدخل الكبير اللي راح اخذه من الزبائن اللي تدفع
(( وماتتكلم ولا تشتكي ولا تدقق على الفاتورة ولا تنتقد ولا تقول ولا تعيد ولا تزيد ))
ياااخوان لازم نمنع انفسنا من الذهاب للمطاعم اللي اسعارها فوق ماتتخيلون وصدقوني ناس ممكن تدفع وناس اللي يجيبون عيالهم وضيوفهم وعوايلهم شلون راح تدفع وبكم ؟؟؟

[يمامـة]

بما ان في ناس تحب تبين انها تاكل في مطاعم غالية .. وان الناس لازم يكونون مستويات.

مستوى خاص فيهم ومستوى خاص باللي ما دونهم.. انسي موضوع المقاطعة!!


فكرة المقاطعة اتيي من القضاء على جشع التجار سواء كانت عندي إمكانية ولا ما عندي..

فمن غير المعقول.....> اشتري صحن فيه 6 حبات روبيان على 110 ريالات!!
وكيلو الروبيان الغالي منه 60 ريال!!

ومن غير المعقول يبيع علي البيبسي على 30 ريال!!

ومن غير المعقول معكرونة مسلوقة في ماي مع كريمة جاهزة ونكهة ماجي ونوعين من الجبن
يقدمها لك ب 80 ريال!!


ليش؟

[راجي الْعفو]

من العجيب الغريب

ان الشخص اللي يروح لهالمطاعم الغاليه

هو نفسه الشخص اللي تريق بيض و جبن و كرك الصباح

ويتمدح في الصندقه

وشبع !!!


^_^

[ضوى]

بصراحة انا اروح جميع انواع المطاعم لكن قبل لا ادخل اشوف المنيو والاسعار ناسبتني دخلت ماناسبتني مع السلامة

هاي الثقافة اللي لازم نتعودها ونعود عيالنا عليها لانه محد قلبه على حلالك غيرك والا حماية المستهلك وغيره مايهمهم هاي شي يخصك انت بس ، غالي مهب لازم تروح هاي اقرب رد ينرد عليك منهم وانا اشوف معاهم حق ، كل شي غالي خلوه لهم ، لكن في وجود دفيعة وتحب الشو مانقول الا الله المستعان وعلينا من انفسنا وهم حرين بيتحاسبون بروحهم محد بيتحاسب معاهم

[معماري قطري]

:app2::app2::app2:
:app2::app2:
:app2:



مشكور خوي الدرب أكيد عجبتك يتملحسون .. لا وعطيتهم كاش يعني أكل اتيكيت وعلى البحر والوجبة ما تشبع

[معماري قطري]

بصراحة انا اروح جميع انواع المطاعم لكن قبل لا ادخل اشوف المنيو والاسعار ناسبتني دخلت ماناسبتني مع السلامة

هاي الثقافة اللي لازم نتعودها ونعود عيالنا عليها لانه محد قلبه على حلالك غيرك والا حماية المستهلك وغيره مايهمهم هاي شي يخصك انت بس ، غالي مهب لازم تروح هاي اقرب رد ينرد عليك منهم وانا اشوف معاهم حق ، كل شي غالي خلوه لهم ، لكن في وجود دفيعة وتحب الشو مانقول الا الله المستعان وعلينا من انفسنا وهم حرين بيتحاسبون بروحهم محد بيتحاسب معاهم

زين سويتي

انا والله متعجب من مفتشين البلدية .. يدققون في كل شيء الا نظافة الأشخاص .. وثيابهم بعضهم قذرة وريحتهم تفطس

ذكرت هالسالفة واعيدها عن كنت نازل عندي السكر وادور مطعم سريع وقفت عند مطعم هندي أو معصرة اعتقد واللي جاني كان الغمص في عينه .. من شفته نسيت الجوع ولفيت لين حصلت مطعم غيره

[معماري قطري]

بما ان في ناس تحب تبين انها تاكل في مطاعم غالية .. وان الناس لازم يكونون مستويات.

مستوى خاص فيهم ومستوى خاص باللي ما دونهم.. انسي موضوع المقاطعة!!


فكرة المقاطعة اتيي من القضاء على جشع التجار سواء كانت عندي إمكانية ولا ما عندي..

فمن غير المعقول.....> اشتري صحن فيه 6 حبات روبيان على 110 ريالات!!
وكيلو الروبيان الغالي منه 60 ريال!!

ومن غير المعقول يبيع علي البيبسي على 30 ريال!!

ومن غير المعقول معكرونة مسلوقة في ماي مع كريمة جاهزة ونكهة ماجي ونوعين من الجبن
يقدمها لك ب 80 ريال!!


ليش؟

هنا تجي ثقافة المستهلك وتفاهة تفكير البعض وهم يعرضون نفسهم للاستغلال

الواحد يكون وسط وما فيه أحسن من أكل البيت .. الهمبرغر نشتريه أحياناً من الملحمة ونوصيهم بدون شحم وعقب وبتتبيلة معينة ونسويه في البيت بسهولة وسرعة ولا أحلى مطعم يسوي مثله وبقيمة بسيطة لو بنحسبها

[معماري قطري]

انا لو افتح معطعم كان تفكيري كله بيكون في المادة اكثر من جودة الطعام لاني عارف الدخل الكبير اللي راح اخذه من الزبائن اللي تدفع
(( وماتتكلم ولا تشتكي ولا تدقق على الفاتورة ولا تنتقد ولا تقول ولا تعيد ولا تزيد ))
ياااخوان لازم نمنع انفسنا من الذهاب للمطاعم اللي اسعارها فوق ماتتخيلون وصدقوني ناس ممكن تدفع وناس اللي يجيبون عيالهم وضيوفهم وعوايلهم شلون راح تدفع وبكم ؟؟؟

واحد فاتح مطعم سندويشات .. صندقة صوب مزرعة العطية مبيعاته يومياً فوق 30000 ريال والربح خيالي لأن تكلفة السندويشات رخيصة

أذكر خلال دراستي لكورس اقتصاد ذكر لنا مدرس تكلفة البيتزا كم وكانت تباع بحدود 10 دولارات .. وقال هذي الحسبة شاملة التكلفة كاملة من أُجور ومواد وكل شيء .. تخيلوا 70 سنت وتنباع بما يساوي 1000 سنت يعني الربح 1400%

[يمامـة]

هنا تجي ثقافة المستهلك وتفاهة تفكير البعض وهم يعرضون نفسهم للاستغلال

الواحد يكون وسط وما فيه أحسن من أكل البيت .. الهمبرغر نشتريه أحياناً من الملحمة ونوصيهم بدون شحم وعقب وبتتبيلة معينة ونسويه في البيت بسهولة وسرعة ولا أحلى مطعم يسوي مثله وبقيمة بسيطة لو بنحسبها

اخوي معماري انت كم عمرك؟....................> شيبت خلاص وشفت الدنيا..http://www.pic4ever.com/images/129fs238648.gif

عيالنا غير عني وعنك .. عيالنا من حقهم يطلعون ويجربون و يشوفون الحياة كما يتمنونها
لأنهم بيوصولون مرحلتنا وبيفكرون مثلنا اليوم لكن عيالهم ما بيفكرون مثلي ومثلك ومثلهم في مثل هالمرحلة..

لا مانع من التغيير .. يعني مب لازم كل وجبة برجر تكون من البيت..
مب لازم كل وجبة ستيك تكون من البيت..

مب لازم كل وجبة استاكوزا تكون من البيت..

بس ما يصير 8 اشخاص يدفعون 3600 ريال وجبة غدا..
او 4000 ريال على كم قطعة ريش يقطعها الشيف جدامك من الضلع بكبره ويرش عليه ملح!!

او تدفع 80 ريال على ميني برجر بعير!!

واخرتها متحسس منها وتتعالج من الحبوب اللي يطلع في جسمك والالتهاب اللي يصيدك منه!!

فمثل هالمطاعم اللي تبالغ في أسعارها.. وتبالغ في الجشع هي المطالبة في مقاطعتها..
حتى لو الواحد الله منعم عليه بفضله وكرمه..

[حليتان*]

انا الا اجرب هالمطعم ابي اجوف شفيه زود

[ya3coub]

انا مع و وضد لما انروح شباب و اتوهق بفاتوره بــ5000 و شوية و اهو مطعم مو وااااو

و مره ثاني ادفع بمطعم اخر فوق الـ3000

اكيد ضد بس بعد الواحد يجرب مره و توبه من بعد ما تلسبني الفاتوره بس بعد في ناس نفسي فيهم عيب يحبون يجربون و يجربون كل الأطباق السبيشال و اهي الي اتكون اغلى بحكم مابي اروح مطعم و اخذ عنده شوربه او باستا او شي عادي ممكن ألقاه بأي مكان اركز على الوجبات الي تميزه عن غيره

غير بعض المشروبات يعني غرشه السوجيني <<< لأني من مدمنينه

سعرها الأصلي 177 ريال قطري فالمطاعم تنباع على 350 ~ 600 ريال قطري و الأفريج فالأغلب 480 ريال قطري بأغلب المطاعم هاي بنفسها نصب و غيره كثير


قررت ابتداءئا من هالسنة و هايالشهر الثاني و قاعد احاول ما امكن اني اوفر بحيث الطلعات هاذي تكون مرتين فالشهر على الأغلب و ان شاء الله اقدر اقتصد فالمستقبل

[ya3coub]

اخوي معماري انت كم عمرك؟....................> شيبت خلاص وشفت الدنيا..http://www.pic4ever.com/images/129fs238648.gif

عيالنا غير عني وعنك .. عيالنا من حقهم يطلعون ويجربون و يشوفون الحياة كما يتمنونها
لأنهم بيوصولون مرحلتنا وبيفكرون مثلنا اليوم لكن عيالهم ما بيفكرون مثلي ومثلك ومثلهم في مثل هالمرحلة..

لا مانع من التغيير .. يعني مب لازم كل وجبة برجر تكون من البيت..
مب لازم كل وجبة ستيك تكون من البيت..

مب لازم كل وجبة استاكوزا تكون من البيت..

بس ما يصير 8 اشخاص يدفعون 3600 ريال وجبة غدا..
او 4000 ريال على كم قطعة ريش يقطعها الشيف جدامك من الضلع بكبره ويرش عليه ملح!!

او تدفع 80 ريال على ميني برجر بعير!!

واخرتها متحسس منها وتتعالج من الحبوب اللي يطلع في جسمك والالتهاب اللي يصيدك منه!!

فمثل هالمطاعم اللي تبالغ في أسعارها.. وتبالغ في الجشع هي المطالبة في مقاطعتها..
حتى لو الواحد الله منعم عليه بفضله وكرمه..


صحيح كلامج و اتفق معاج 200% اغلب نقاشاتي مع الوالد و الوالده اتكون فالمطاعم و بسبب الأكل بحيث اني معلي اخواني حسب كلامهم عالصرف و لما نطلع كعيله بدونهم او معاهم كله اماكن حلوة و راقيه

من جهتي اقولهم انتو والدينا و اذا احنا نروح هالأماكن ندري انكم ما تروحونلها بنفسكم كونها Over Priced بس كعيله خل نطلع و نستانس و نغير جو

يوصل الأكل و ناكل و نتفق على انه الجيل و العمر يلعب دور اهم لهم نظره بالإقتصاد و احنا انقول مافيها شي لو مره كل اسبوع او اسبوع و ترك نطلع مع بعض لين ما تجي الفاتوره الي تندفع منا احنا العيال انا او احد من اخواني و يبتدي النقاش مرة اخرى بأنه صج مكان حلو و هادي و مافيه زحمه و اكله لذيذ فالأغلب بس ما يستاهل و يستمر النقاش لين نرد البيت !!!!

اذا 8 اشخاص 3600 اشوفه سعر معقول جدا جدا

يعني 450 للشخص

بعض مطاعم السوشي اثنين يطلعون ب1700 و خرده مو زبو بس عندنا مطاعم وايد و في مطاعم ما تستاهل و الناس طايحين فيها و في مطاعم محد يدري عنها الواحد يجرب و يشوف و يدفع نفس ما انذكر فوق للي يبيه و الشي الي يخليه يرجع

عصير مثلا او وجبه او هدوء او منظر او برزنتيشن الأكل و غيره كلها تجتمع و يكون لها سعر

[khalid Qtr]

ما له داعي نجرب كل مطعم جديد، خاصة المطاعم غير المعروفة اللي تضرب أسعار خيالية.
شخصيًا عندي قائمة مطاعم أكلها ممتاز وأسعارها مناسبة جدًا، فرايديز، آبل بيز، ناندوز، باندروزا، تشيليز، المجلس، فينيسيا، البيت الكويتي.
جربت غيرهم وصارت عندي قناعة أنهم الأفضل، والوجبات اللي يسويها غيرهم بـ 250 يسوونها أحسن منه وبأقل من 100 ريال، مثال بسيط للفرق، 2 ستيك في فرايديز، الفاتورة: 160 إلى 180 ريال، 2 ستيك في تشيز كيك فيكتوري، الفاتورة: 290 إلى 310 ريال! فرق معتبر بالنسبة لي، والفرقية أخليها لشي ينفعني ولا أدفعها عشان "شو".

[الماريّة]

البلا من اصحاب السوشيال ميديا

كل اكله يصورةنها باحتراف ويعلنون والمشكله الصحن كبر قوطي الروب

وروح شوف في الكويت تطلب صحن يطلع لك يكفي اكثر من شخص
والسعر رخيص

فعلا صار همنا بطونا للاسف

وكلها اكلات سهله وبسيطه ويغيرون اساميها بأسامي اجنبيه وفرنسيه
عشان يجذبون الزباين

/

[toyota]

المقاطعه صعبه احنا شعب نحب الزبوووو والمفوشر بصراحه ،،

ومشاهير السوشل ميديا لين راحو هالمطاعم ( لحد يزعل ) مب خسرانين شي يا انه رايح يسوي دعايه للمطعم

وياكل ببلاش ويصور ودعايه ويا انه معزوم من معجبينه وفي كلا الحالتين مب خسران شي هو

لحد يزعل من كلامي وانا اقول البعض منهم مب الكل ،،

[مخطط قطري]

ممكن اعرف اي مطاعم تقصدونها غاليه انا انا دايمن ف مطاعم الفنادق 5 نجوم ومطاعم الًؤلؤه عمره مامر على مطعم غالي الاسعار جدا مناسبه ومعقوله بعضها يستاهل والبعض الاخر مايسوى،،،،،
الي يستاهل انا دايمن فيه ولا اعتقد بقاطعه
يعني انا استوعبً مثلا مطعم مشهور واكلهً ناطع وفيه لذه اغلى من الفنادق ال5 نجوم لانه يستاهل
بس مطعم اكله الله يعز النعمه فاشل ومايبقى وجامع الطالح والصالح هذا يستاهل المقاطعه مب عشان سعره عشان جوده الطعم،،،
يليت الي يشوف مطعم غالي بنسبه له يقولنا اسمه لانه مثلا مطاعم كتارا كلها اسعار رمزيه اشوفها سكر باشا واللبناني مادري الفلسطيني الي هناك مايحضرني اسمه وزعفران ولوزار وغيرهم كلهم اسعار منخفضه جدا
اللؤلؤه اسعار عاديه الفنادق كلها بعد ووين المطاعم الغاليه علمونا!

[مخطط قطري]

ما له داعي نجرب كل مطعم جديد، خاصة المطاعم غير المعروفة اللي تضرب أسعار خيالية.
شخصيًا عندي قائمة مطاعم أكلها ممتاز وأسعارها مناسبة جدًا، فرايديز، آبل بيز، ناندوز، باندروزا، تشيليز، المجلس، فينيسيا، البيت الكويتي.
جربت غيرهم وصارت عندي قناعة أنهم الأفضل، والوجبات اللي يسويها غيرهم بـ 250 يسوونها أحسن منه وبأقل من 100 ريال، مثال بسيط للفرق، 2 ستيك في فرايديز، الفاتورة: 160 إلى 180 ريال، 2 ستيك في تشيز كيك فيكتوري، الفاتورة: 290 إلى 310 ريال! فرق معتبر بالنسبة لي، والفرقية أخليها لشي ينفعني ولا أدفعها عشان "شو".

اتفق معاك في موضوع تشيز فيكتوري طعمه دون المستوى بس سعره عادي مش غالي يعني مستحيل ارجع اكل فيه لانه طعمه اقل من عادي

[naklan]

كل واحد عقله في راْسه
وحلاله في جيبه وما حد وصي
على الناس*

[naklan]

اتفق معاك في موضوع تشيز فيكتوري طعمه دون المستوى بس سعره عادي مش غالي يعني مستحيل ارجع اكل فيه لانه طعمه اقل من عادي

مطعم جيز كيك تعبان وما يسوى
جربته في لوس انجلس اغتريت المطعم بالحجز وطابور طويل
وبعد ما جربته ما عجيني اكله وغالي على الفاضي

[معماري قطري]

مطعم جيز كيك تعبان وما يسوى
جربته في لوس انجلس اغتريت المطعم بالحجز وطابور طويل
وبعد ما جربته ما عجيني اكله وغالي على الفاضي

انا يدوخني الجيز كيك الدايت احس اني عنتر وانا اتقاتل معاه

[معماري قطري]

اخوي معماري انت كم عمرك؟....................> شيبت خلاص وشفت الدنيا..http://www.pic4ever.com/images/129fs238648.gif

عيالنا غير عني وعنك .. عيالنا من حقهم يطلعون ويجربون و يشوفون الحياة كما يتمنونها
لأنهم بيوصولون مرحلتنا وبيفكرون مثلنا اليوم لكن عيالهم ما بيفكرون مثلي ومثلك ومثلهم في مثل هالمرحلة..

لا مانع من التغيير .. يعني مب لازم كل وجبة برجر تكون من البيت..
مب لازم كل وجبة ستيك تكون من البيت..

مب لازم كل وجبة استاكوزا تكون من البيت..

بس ما يصير 8 اشخاص يدفعون 3600 ريال وجبة غدا..
او 4000 ريال على كم قطعة ريش يقطعها الشيف جدامك من الضلع بكبره ويرش عليه ملح!!

او تدفع 80 ريال على ميني برجر بعير!!

واخرتها متحسس منها وتتعالج من الحبوب اللي يطلع في جسمك والالتهاب اللي يصيدك منه!!

فمثل هالمطاعم اللي تبالغ في أسعارها.. وتبالغ في الجشع هي المطالبة في مقاطعتها..
حتى لو الواحد الله منعم عليه بفضله وكرمه..

وهذا اللي اسويه حتى من كنت صغير .. كان راتبي قوي والحمد لله وللمطاعم الغالية نسبياً بس الجيدة وقت .. كنت اطبخ بروحي في البيت وريوقي الا في وقت الاختبارات اتريق برا وفي مطعم عادي 5 دولار حده

يوم تزوجت أثناء الدراسة شوي قمت اروح مطاعم غالية .. وكنت من زوار مطعم لافراندا خارج الشيراتون الشبه دايمين ومطعم في ماريوت الخليج نسيت اسمه بس يوم شفت قراش الخمور محطوطة على الثلج في البوفيه طابت نفسي

ألحين اسمع عن أرقام فلكية ولا ابي عيالي ولا انا نبذر نعمة الله علينا فيها .. هذي مطاعم استغلال اللي بالآلاف .. ومثل ما قلت البدائل موجودة

[معماري قطري]

البلا من اصحاب السوشيال ميديا

كل اكله يصورةنها باحتراف ويعلنون والمشكله الصحن كبر قوطي الروب

وروح شوف في الكويت تطلب صحن يطلع لك يكفي اكثر من شخص
والسعر رخيص

فعلا صار همنا بطونا للاسف

وكلها اكلات سهله وبسيطه ويغيرون اساميها بأسامي اجنبيه وفرنسيه
عشان يجذبون الزباين

/

صدقتي والا كل أكله يسونها في البيت وبنظافة

الحمد لله الوعي جيد عند غالبية النساء ويجربون أكلات حتى ما كنا نعرفها قبل

[وحيد-الشوق]

ممكن اعرف اي مطاعم تقصدونها غاليه انا انا دايمن ف مطاعم الفنادق 5 نجوم ومطاعم الًؤلؤه عمره مامر على مطعم غالي الاسعار جدا مناسبه ومعقوله بعضها يستاهل والبعض الاخر مايسوى،،،،،
الي يستاهل انا دايمن فيه ولا اعتقد بقاطعه
يعني انا استوعبً مثلا مطعم مشهور واكلهً ناطع وفيه لذه اغلى من الفنادق ال5 نجوم لانه يستاهل
بس مطعم اكله الله يعز النعمه فاشل ومايبقى وجامع الطالح والصالح هذا يستاهل المقاطعه مب عشان سعره عشان جوده الطعم،،،
يليت الي يشوف مطعم غالي بنسبه له يقولنا اسمه لانه مثلا مطاعم كتارا كلها اسعار رمزيه اشوفها سكر باشا واللبناني مادري الفلسطيني الي هناك مايحضرني اسمه وزعفران ولوزار وغيرهم كلهم اسعار منخفضه جدا
اللؤلؤه اسعار عاديه الفنادق كلها بعد ووين المطاعم الغاليه علمونا!

انا اختلف معاك ولاتقارن وضعك بغيرك حتى لو احنا ناكل في مطعم ب1000 ريال او 600 ريال لشخصين ممكن نشوفها معقوله كمطعم في فندق 5 نجوم لكن مب عند الكل ترى في ناس ماتقدر تدفع 200 في مطعم لشخصين عنده عيال والتزامات ومصاريف انا مثلاً اشوف بعض الفنادق اسعارهم معقوله مثلاً كقهوة وحلويات وبعض الخفايف بس ستيك ب300 وجبة مشاوي ب150 لشخص واحد انا ما اشوفه رخيص صراحه

[aloosh]

محد مجبور على المطاعم اذا عزابي فهو في بيت الكبير واذا متزوج فهو في بيته
المطعم مشروع ربحي بيطلع منك كل فلس يصرقه في المطعم
و 99% من المطاعم اكل بايت او مبرد من لحم واسماك ودجاج والسلطه نفس الشي وينه الاكل الصحي والله يعلم مددى نظافه المطبخ وانا متاكد انه مو نظيف

لو حد بيقول اتاخر في دوام ترى فيه رؤساء تنفيذين يتغدون في العمل بس مو في قطر ذابحنا السحى علشان كذا ما فيه تقدم


المهم اكل في بيتك احسن من المطعم واوفر وانظف وما تشتهي نفسك دلع نفسك في بيتك

[يمامـة]

وهذا اللي اسويه حتى من كنت صغير .. كان راتبي قوي والحمد لله وللمطاعم الغالية نسبياً بس الجيدة وقت .. كنت اطبخ بروحي في البيت وريوقي الا في وقت الاختبارات اتريق برا وفي مطعم عادي 5 دولار حده

يوم تزوجت أثناء الدراسة شوي قمت اروح مطاعم غالية .. وكنت من زوار مطعم لافراندا خارج الشيراتون الشبه دايمين ومطعم في ماريوت الخليج نسيت اسمه بس يوم شفت قراش الخمور محطوطة على الثلج في البوفيه طابت نفسي

ألحين اسمع عن أرقام فلكية ولا ابي عيالي ولا انا نبذر نعمة الله علينا فيها .. هذي مطاعم استغلال اللي بالآلاف .. ومثل ما قلت البدائل موجودة
صحيح كلامك في عدم تبذير النعمة واتفق معاك في هذي.. بس هذا ما يعني ان نفرض على عيالنا الاكل في البيت لو حبوا يغيرون وياكلون من برع
وخاصة لو الأسعار معقولة..

وبمناسبة الحديث عن الأسعار ودورنا في توجيه عيالنا..

الفترة السابقة من كم شهر طايحين عيالنا في نوع من أنواع الكوكيز هابين فيه هبة.
و كنت ارافق ولدي علشان يشتري منه له او اذا بياخذ حق المدرسة في أيام البيع والتبرعات..
ما ادري شلي خلاني انتبه للسعر يومها.. لقيت علبة من 12 حبة على 85 ريال يمكن..
و حجم الحبات يادوب لقمة للي حلجه كبير.. وفوقه تقيمي للطعم و ريحة الكويكز 0 من 10..

بديت اظهر امتعاضي من ريحة الكويكيز أولا ومن الطعم ثانيا.. ولما لقيت بو العيال يوافقني الراي
ركزت على المبالغة في سعر المنتج نفسه!!
وقلت حرام تندفع فلوس على منتج بمثل هالتقييم بالنسبة لي كأقل تقدير.. فمب أي شي ينباع لازم تشترونه..

لين ياني ولدي وقال لي ماما ابي 100 ريال او 80 ابي اخذ كوكيز حقنا في ميلس بيت يدي..
قلت له نفس الكوكيز؟ قال لي ايه.. قلت له اسفة مب دافعة لك حق هالكوكيز.. أولا طعمه وريحته الله يزيد النعمة..
ثانيا وهو الأهم عندي سعره ما يسوى وابيك تتعلم انك ما تسمح لهم يستغلونك علشان بطنك http://www.pic4ever.com/images/electricf.gif

وعلشان افهمه ان الموضوع عندي مب موضوع بخل او تقصير للفلوس تجاهه.. كانت عندي 50 ريال كاش..
وطلبت من اخته تعطيه 100 ريال.. وقلت له هذيه لك بس من غير ما تأخذ هالكوكيز مرة ثانية..
لأني اتفق معاك في أهمية توضيح دورنا في توجيه عيالنا لما المبالغ تزيد على لقمة تسد البطن وكان الله غفورا رحيما..

[7llo]

ياشيخ مافي مطعم يحط اسعار غاليه الا اذا كان ايجاره مرتفع ,, والايجارات الي مرتفعه كثير انتو عارفين وين اماكنها , بالمختصر المطاعم الرخيصه موجوده المطاعم المتوسطه موجوده والمطاعم الغاليه موجوده (الي يبي يفوشر ويصور بيروح الاماكن الغاليه)

[يمامـة]

صحيح كلامج و اتفق معاج 200% اغلب نقاشاتي مع الوالد و الوالده اتكون فالمطاعم و بسبب الأكل بحيث اني معلي اخواني حسب كلامهم عالصرف و لما نطلع كعيله بدونهم او معاهم كله اماكن حلوة و راقيه

من جهتي اقولهم انتو والدينا و اذا احنا نروح هالأماكن ندري انكم ما تروحونلها بنفسكم كونها Over Priced بس كعيله خل نطلع و نستانس و نغير جو

يوصل الأكل و ناكل و نتفق على انه الجيل و العمر يلعب دور اهم لهم نظره بالإقتصاد و احنا انقول مافيها شي لو مره كل اسبوع او اسبوع و ترك نطلع مع بعض لين ما تجي الفاتوره الي تندفع منا احنا العيال انا او احد من اخواني و يبتدي النقاش مرة اخرى بأنه صج مكان حلو و هادي و مافيه زحمه و اكله لذيذ فالأغلب بس ما يستاهل و يستمر النقاش لين نرد البيت !!!!

اذا 8 اشخاص 3600 اشوفه سعر معقول جدا جدا

يعني 450 للشخص

بعض مطاعم السوشي اثنين يطلعون ب1700 و خرده مو زبو بس عندنا مطاعم وايد و في مطاعم ما تستاهل و الناس طايحين فيها و في مطاعم محد يدري عنها الواحد يجرب و يشوف و يدفع نفس ما انذكر فوق للي يبيه و الشي الي يخليه يرجع

عصير مثلا او وجبه او هدوء او منظر او برزنتيشن الأكل و غيره كلها تجتمع و يكون لها سعر

3800 يا وليدي يعقوب.. ممكن انت تشوفه مبلغ معقول.. لأنك ما تعيل اسرة ولا تعيل بيت ولا تعرف مثل هالمبلغ
اشكثر ممكن ايأكل من الناس..

اهنيه الفرق ما بينك وما بين تفكير والدينك ربنا يبارك لهم في أعمارهم..

انا كأم ما عندي مانع عيالي الاثنين المتزوجين كل يأخذ زوجته و يروحون مطاعم بمثل هالاسعار او اغلى..
لأنهم في بداية حياتهم الزوجية وبداية مسؤولياتهم الاسرية فمن حقهم انهم يمتعون قبل ما تزيد عليهم المسؤوليات..

لكني ضد دفع مثل هالمبالغ والحمد لله ان مثل هالامر ما تكرر بعد دخولي مطعمين أسعار اكلنا تعدت المبلغ المذكور وفي الأخير
ما لقيت في الاكل ما يميزه بحيث اني اتشجع ادفع مثل هالمبلغ او يندفع لي و اكل مجاني..

فرفضت و بقوة وبوالعيال بعد وقف معاي وقفة قوية وقال حرام مثل هالمبالغ تنصرف على اسم المطعم مب
على جودة الاكل او نوعيته!!

فاحنا صرنا ندفع لاسم المطعم في غالب الأوقات مب لجودة الاكل... ومثل هالشي فيه استغلال لنا..
وشخصيا ارفض الاستغلال هذا..
فبدل 8 ما ياكلون وجبة غدى على 3600 بنأكل 30 واحد ذبيحتين تلم خمس اسر او 6 اسر او 7 او 8..

وفي نقطة جدا مهمة يا يعقوب..
احنا لازم نفهم شنهو الشي اللي يونس بطونا مب يونس عيوننا لما نختار نوع الاكل اللي بناكله..
صحيح مرات كثيرة المكان له دور في اكمال الصورة العامة للوناسة.. لكن بعد ايماننا و قناعتنا من اعماقنا
للي ممكن يخلق لنا هالوناسة له دور في تقنين الصرف اللي ماله داعي على مطاعم تلهط من جيوبنا
وفي الأخير اللحم هو اللحم والدياي هو الدياي ويمكن سندويش كيمة مع شاي كرك او بيبسي يسواه بمراحل..

[دايموند]

ممكن اعرف اي مطاعم تقصدونها غاليه انا انا دايمن ف مطاعم الفنادق 5 نجوم ومطاعم الًؤلؤه عمره مامر على مطعم غالي الاسعار جدا مناسبه ومعقوله بعضها يستاهل والبعض الاخر مايسوى،،،،،
الي يستاهل انا دايمن فيه ولا اعتقد بقاطعه
يعني انا استوعبً مثلا مطعم مشهور واكلهً ناطع وفيه لذه اغلى من الفنادق ال5 نجوم لانه يستاهل
بس مطعم اكله الله يعز النعمه فاشل ومايبقى وجامع الطالح والصالح هذا يستاهل المقاطعه مب عشان سعره عشان جوده الطعم،،،
يليت الي يشوف مطعم غالي بنسبه له يقولنا اسمه لانه مثلا مطاعم كتارا كلها اسعار رمزيه اشوفها سكر باشا واللبناني مادري الفلسطيني الي هناك مايحضرني اسمه وزعفران ولوزار وغيرهم كلهم اسعار منخفضه جدا
اللؤلؤه اسعار عاديه الفنادق كلها بعد ووين المطاعم الغاليه علمونا!

اسعار رمزية عاااااد...قوييييييييية

[الحاقول]

بعض المطاعم عندنا أسعارها اغلى من مطاعم اوروبا

[مهرة]

..

مع الأسف محد (مربح) هالمطاعم التعبانه إلا العزابيه والأغلبية للشباب ولا البنات يدفعون رواتب التاجرات وخدمهم وتعزز لنفسها وتقول شغل بيت أو ماتعلم باسم (مارثا ستيوارت) الي ماخذه منها وشغلها كله كندر ونوتلا,, غير الي يجيك (لوح بطول وعرض) ويسوي دعايات للمحلبية.!! وأختنا دكتورة الموضة والصرعات الفاشونية بدعايات صفرا صالون مهجور عبي ملونه وعيادة متخصصة لرعاية حيواناتكم الأليفة عندهم (مناكور وبديكور) للكلاب عزكم الله.!

بالله عليكم هذول اشكال اتابعونهم وتتخذونهم (قدوة).! لدرجة اني (اسافر) وراهم واجرب المطاعم الي وصونا عليهم,, ترا هم ماشافوا السما ومقضينها شوبنق إلا من ورا الإعلانات هم حاليا يعيشون الطفرة البوهيمية الي جتهم فجأة من وراكم وماعندهم أي خلفية عن الأكل وانواعه مايعرفون ان (اللبنه) نوع من أنواع الألبان عبالهم كريمة الرد فلفت.! واليوغارت غير الروب..

وأسعار بعض المطاعم صج مبالغ فيها والجودة تحت مستوى (كافتيريا) الجامعه مثلاً وليس حصراً .!!
الناس أو الشباب بالأخص يروحون يسدون الجوع مخنفر يحس بصراع بين مخه وبطنه بياكل اي شي مايطالع المنيو أصلا أو يتقهوى على قولته ويحط فوق الفواكة بقلاوة وكرك وطلع وهو مستااااانس منفضين جيوبه:ok: وأنصحكم تروحونه والله عجيب>> لأنه كل الطعم فيبي غيره يتوهق:rolleyes2:

[مهرة]

اسعار رمزية عاااااد...قوييييييييية


فاهمه ومقدره علامات الأستفهام القوية الي على راسج.!! ومنهم علامات التعجب بعد ,,

وفعلا مطاعم كتارا للأسف عادية جدا على أسعارهم لازم تكون الجودة جيدة على الأقل مانبي نطالبهم فوق (طاقتهم وامكانياتهم) وشيلي من الحسبة المطعم الإيطالي والمطعم الأرماني لأنهم بكلمة وحدة (يفشلون) أذا اعتبرنا انه معلم (كتارا) يعد من المعالم السياحية المهمة في الدولة,, أذكر عائلة كويتية ينشدون عن (سكر باشا) وكان مسكر ذاك الوقت وقالوا جيناه على أساس انه أفضل مطاعم كتارا.!! ومطعم المدينة في اسطنبول أفضل منه بكثير ,, اقترحت عليهم (جباتي وكرك) أفضل من العودة بخفي حنين.:rolleyes2:

*تويست:
ممكن افتح مطعم بأسعار (نارية) والجودة بكل المعايير بركانية تفجر كل الحواس في وقت واحد وتلهب حاسية التذوق وتحفر في الذاكرة الطعم الخنفشاري لمدى الحياة فقط للذواقة للناس الذويقة الي تجي فاهمة (معنى) الطبخ فن وغالي ورفيع المستوى مب (سلق بيض).!

هل من شريك؟

[Bo jassim 33]

اذا ماحد راح المطاعم الغاليه هذه :


اشلون بيكون شكل الانستغرام والسناب شات ؟؟

[(عبدالله)]

من شهر يوليو 2006 إلى ديسمبر 2010 كنت من رواد المطاعم بشكل يومي ما في مطعم الا واجرب منه

من يناير 2010 إلى مارس 2014 خففت من روحة المطاعم والاكل منها بسبب ضيق الوقت مع زيادة الالتزامات (بناء منزل + دراسة الماجستر)

من ابريل 2014 إلى الآن .. ما أكل من كانتين الشركة إلا نادرأ (مرة كل 3-4 شهور) وما أروح مطعم إلا بالكثير وجبة وحدة في الأسبوع.. وعودت نفسي على اكل البيت

النتيجة..

(1) وزني اعتدل

(2) صحتي تحسنت (كنت معرض للكوليسترول والآن الحمدلله في المستوى الصحي).

(3) وفرت وقت في حياتي اليومية أمارس فيه هواياتي (تقريباً ساعتين إلى 3 يوميا).

(4) وفرت فلوس.

والحمدلله :)

[qatarman8008]

لما نقول مطاعم غالية..
شنو تعريف المطاعم الغالية..
او بصيغة اخرى تطلع فاتورة الشخص الواحد كم ..؟؟

[nooora]

لما نقول مطاعم غالية..
شنو تعريف المطاعم الغالية..
او بصيغة اخرى تطلع فاتورة الشخص الواحد كم ..؟؟

يمكن تطلع فاتورة على شخص 500 ريال لكن على شي ما يستاهل
وفاتورة مطعم اخر 100 ريال على شي يستاهل...

[جمال اليافعي]

لا تحاتون الاسعار بتتدبل مع الضريبه الانتقائية الي بتنزل شهر 4 او اخر السنه ، غير عن ال 5%

[بوعلاوي]

الحمدالله من زمان مقاطع المطاعم اللي اسعارهم غاليه ، اروح مطعم شعبي او هندي او معصره اكل حتى الاشباع سعر الوجبه اقل من 30 ريال