المساعد الشخصي الرقمي

مشاهدة النسخة كاملة : اشراكم في كاميرات المراقبة على wifi


بوحارب
15-02-2017, 09:04 AM
السلام عليكم


افكر اركب كاميرات في البيت

ولقيت نوع بدون وايرات يشتغل على wifi

اشرايكم في هالنوعية !!

خصوصا انا ماحب تمديد الوايرات وتحفر الطوف يسبب لي قلق :(

حصلت هذا النوع في امازون وعجبني


https://www.amazon.com/dp/B01K1RUOSY?psc=1

واللي يعرف انواع ثانية ياريت يخبرني

وشكرا
بانغ بانغ
15-02-2017, 09:39 AM
ما تعمر تنفع حق فترة معينة

روح شرف دي جي عنده انواع طيبة
بوحارب
15-02-2017, 10:03 AM
ما تعمر تنفع حق فترة معينة

روح شرف دي جي عنده انواع طيبة

تقصد دي جي شرف ؟؟

فتحوا الفرع في قطر مول ولا للحين ؟
ya3coub
15-02-2017, 10:30 AM
ما انصحط فيها اذا ما تبي تحفر و كونديوت فالطوف عيل سوهم Expossed

و عادي ما بتأثر وايد على الشكل الخارجي بس نصيحه خلك مع الوايرات و الجهاز بنفسه يكون فيه وايرلس علشان تقدر اتشوف من الجوال اذا تبي

بس الأشاره اتكون وايرلس لين الجهاز ما انصح فيها بكلا الحالتين لازم تمد لهم كهرب اللهم كهربا و اشاره احسن من بس كهربا و الأشارة تكون وايرليس
فريج النجادة
15-02-2017, 10:56 AM
واهم شي انت من يحدد الرقم السري للدخول على البرنامج

وليس المحل !!! انتبة وانا اخوك
aloosh
15-02-2017, 01:25 PM
سهل الاختراق وبكل سهوله
بانغ بانغ
15-02-2017, 02:09 PM
تقصد دي جي شرف ؟؟

فتحوا الفرع في قطر مول ولا للحين ؟

نعم بوس
SouthK
28-02-2017, 04:52 PM
الكاميرا المذكورة مب ممتازة لكن تمشي الحال .. يفضل البحث عن اكثر من نوع و سعر سواء على الانترنت او محلي!
asulaiti
01-03-2017, 12:58 AM
بو حارب خلك على الكاميرات السلكية أفضل لك من الواي فاي ... وتقدر تشوفهم وايرليس على الآيفون أو الآيباد ..
ماعندك مشكلة ،، والتمديدات ترى الموضوع سهل .. استخدم محولات الـ Powerline في توصيلهم للراوتر الرئيسي عندك بدون تكسير طوف ...

لكن انتبه بوحارب .. إذا بغيت تطلب من أمازون أو غيره (يعني من الإنترنت) ما راح تقدر تدخلهم الدوحة إلا بعد موافقة وزارة الاتصالات ثم وزارة الداخلية ..
بعدها تاخذ أوراق الإفراج عنها إلى مكتب الشحن علشان يقدر يطلعهم من الجمارك ..

بالتوفيق لك ......
Charisma
01-03-2017, 01:22 AM
الواير افضل من الوايرلس ، ونصيحة لاتشبك الكامرات الداخلية عالنت ، خلها تسجيل محلي وترجع لها وقت الحاجه .

بالنسبة للكامرات خذ لك نوع IP ، ماراح يتعبك في التمديد كله الا واير cat6 .
الرايــق
03-03-2017, 09:26 AM
خذ العلم الاكيد اذا الي الان ماشريت
اذا داخلية للبيت انصحك بشدة بكاميرا اسمها سامسونج
وايرلس بس جودة عالية

SAMSUNG HD PRO
فيها خاصية جميلة جدا وهي انها تسجل 24 ساعه عالميموري كارد تقدر ترجع لها اي وقت بخلاف الشركات الثانية تحتاج تشترك في مواع تعطيك مساحة وغير تصوير اللايف
وفيها ايضا motion detection يعني تحدد الدريشة او الباب وعند حصول حركة مثلا واحد فتح الباب يجيك دايركت مسج عالجوال

الكاميرا شريتها من شرف ديجي فرع ازدان مول