مطاعم و ملاعق و سكاكين وصحون و اكواب من الفضة !!

[يمامـة]

بسم الله

كثيرة هي المطاعم التي استحوذت على اذواقنا وسرقتنا من بيوتنا...

فصرنا مع التغيير الكبير الحادث في المجتمع نتبادل الزيارة الى مطاعم متنوعة
رغبة في الحصول على وجبة إفطار لذيذة او غداء دسمة او عشاء شهي.. الى هنا الامر عادي..

ولكن الامر غير العادي..

أن نأكل في اواني من الفضة.. هالني بكل صراحة ما نبه اليه احد ابنائي الكبار
عندما اصطحبنا لتناول وجبة الإفطار في احد الكافيهات في احد المجمعات الكبيرة الى
ان الاواني من فضة.. وطلب تغييرها جميعها وعدم تقديم أي مشروب او طعام او ملاعق
في اواني مصنوعة من الفضة..

وتكررت زيارتي لمثل هذا المكان وفي كل مرة اجد "أهل قطر" مسيطرين على المكان
و الطلبات تمر من امامي وقد وضعت في اواني الفضة..

فتبرعت و طلبت محادثة المدير المسؤول عن المكان خاصة بعد تبديل المشروب من كاس
فضة الى كوب للطبات الخارجية مصنوع من الورق .. فأتى الي رجل من جنسية عربية.
وضحت له حرمة اكل الطعام او تقديمه في اواني من الفضة وان الامر هذا مخالف للدين ومخالف
لشرعنا ولا يجوز لنا الجلوس في هذا المكان والاكل فيه ما دمت تقدم لنا الطعام في اواني من فضة..

قال لي: لقد تم تنفيذ طلبك وتم تبديل المشروب.. قلت له: المشروب يوضع في كوب من الزجاج وليس من الورق
فأنت تهتم لاسلوب التقديم.. فان لم تكن تهتم لما قدمت اطباقك ومشروباتك وكل أدوات الطاولة باواني من الفضة..
فلماذا عند مطالبتنا باحترامنا لامر ديننا تقدم لي المشروب في كوب من القرطاس المقوى؟

ونبهته و طلبت منه الى تبديل اواني التقديم الى ما يوافق شرعنا وديننا.. الى هنا انتهى الامر بالنسبة لي..

الا ان الامر لم ينتهي لمن يقومون بزيارة مثل هذا المكان او الأماكن الأخرى..
وما زال الكافيه على ما هو عليه من تقديم الطعام و الشراب في اواني من الفضة بالإضافة
الى الملاعق والشوك والسكاكين..

نحن كمستهلكين ما هو واجبنا تجاه مثل هذه التصرفات المخالفة؟

والناس الذين يرتادون مثل هذه الأماكن هل يعلمون او يجهلون الامر؟

وهل علينا نشر اسامي مثل هذه المطاعم حتى نجبرهم على التغيير..
ام ننطوي في زاوية عدم التشهير مغبة المحاسبة قانونيا..ونترك الامر على ما هو عليه؟

[مسك روز]

الله يهديج اختي الحين هي جات ع الاواني الفضه

عندج مطعم لبناني في اللؤلؤه يقدم الخمر في زجاجات من الكريستال يبلفيت تمويه ( شفته بعيني محد قال لي )

وبعدين ماشاءالله عليج شلون فرقتي بين الفضه والستيل انا مافرق صراحه زين نبهتيني :threaten:

[ALKASER]

الله يهديج اختي الحين هي جات ع الاواني الفضه

عندج مطعم لبناني في اللؤلؤه يقدم الخمر في زجاجات من الكريستال يبلفيت تمويه ( شفته بعيني محد قال لي )

وبعدين ماشاءالله عليج شلون فرقتي بين الفضه والستيل انا مافرق صراحه زين نبهتيني :threaten:

اشلون عرفت انه خمر؟ يمكن شي ثاني لان الخمر ممنوع في اللؤلؤة... ما يصير تحكم على الشكل الا اذا حد جربه قدامك او قالولك انه خمر... الا اذا عندك خبرة في الخمر وانواعه وماركاته, هاي شي ثاني! لا تنشرون الاشاعات بارك الله فيكم!

[مسك روز]

اشدخل الخبره ياخي اسلوبك مثل ......

الحين الياهل يعرف يفرق بين الخمر والعصير ماتشوف أفلام اجنبيه اوحتى عربيه ؟

اذا ماعندك رد عدل اسكت احسن

والكل يعرف ان فنادق قطر وبعض مطاعمها فيها خمر هالشي مب جديد ولا غريب علينا

والغرشه الكريستال كان فيها خمر واللي يشربون أجانب والعصير كان في غرشه ثانيه مايبيلها ذكاء

[بريق الحق]

يمامه المشكلة مب فقط في هذي
أكواب بعض المطاعم الي تبيع خمور خوفي البعض يَصْب الخمر داخلها بعد

[captin]

اشلون عرفت انه خمر؟ يمكن شي ثاني لان الخمر ممنوع في اللؤلؤة... ما يصير تحكم على الشكل الا اذا حد جربه قدامك او قالولك انه خمر... الا اذا عندك خبرة في الخمر وانواعه وماركاته, هاي شي ثاني! لا تنشرون الاشاعات بارك الله فيكم!


صدقت أخوي ربعنا من كثر ما هم فاضيين وماعندهم شغل كلن يفتي على كيفه وكلن يطلع اشاعات
وكلن يضخم الأمور ليت ربعنا مشغولين في شي مفيد في مجال عملهم او هوايات مثل القرأة والرياضة واعمال التطوع
وغيرها من امور تنفع البلاد والعباد.

[ya3coub]

نحن كمستهلكين ما هو واجبنا تجاه مثل هذه التصرفات المخالفة؟

مثل ما سويتي اختي يمامه تستنكرن و تطلبين شي يماشي ذوقج و اخلاقج و حتى التزامج الديني
و تكلمين و توصلين صوتج للمسؤول و اتبلغينه هالشي



والناس الذين يرتادون مثل هذه الأماكن هل يعلمون او يجهلون الامر؟
بصراحه توني بعد ردي هذا بروح ادور لأن اول مرة اسمع هالشي الي اعرفه الأكل فالذهب للرجال و لبس الذهب بس الي حرام
بس الفضه اول مرة فحياتي اعرف هالشي عندنا فالبيت اطقم عالأغلب فضه او ستينلس ما اعرف الوالده عندها اطقم vvip محد فينا كفو يلمسهم و بعضهم من قبل ما انولد و محافظه عليهم بكبت خاص و الخ .... و مثل ما تفظلتي اغلب المطاعم الي بمستوى معين اثاثها و اوانيها اتكون من ماركات معروفه حتى الصحون




وهل علينا نشر اسامي مثل هذه المطاعم حتى نجبرهم على التغيير..
ام ننطوي في زاوية عدم التشهير مغبة المحاسبة قانونيا..ونترك الامر على ما هو عليه؟

اهني على حسب عن نفسي شكوى مثل هاي ما تهمني كفرد كيعقوب بس لو شيء ثاني و بالنسبة لي كبير و بنظر عيني شي عادي لا بتكلم و بحاول ما امكن يوصل صوتي اذا شفت بأنه ما تم من خلال المطعم و ادارته عقبها بكتب الأسم لأنها سمعه و لأني دفعت حق الوجبه فمن حقي اتكلم عن تجربتي معاهم و بحط الأسم و عادي

[الدوحه1]

الله يهديج اختي الحين هي جات ع الاواني الفضه

عندج مطعم لبناني في اللؤلؤه يقدم الخمر في زجاجات من الكريستال يبلفيت تمويه ( شفته بعيني محد قال لي )

وبعدين ماشاءالله عليج شلون فرقتي بين الفضه والستيل انا مافرق صراحه زين نبهتيني :threaten:


ياخوي ممنوع بيع الخمر في مطاعم اللؤلؤه ..

Pearl Qatar will not reverse its ban on alcohol at the development despite several international restaurants closing down, a senior executive of the managing company has told Arabian Business.

[يمامـة]

مثل ما سويتي اختي يمامه تستنكرن و تطلبين شي يماشي ذوقج و اخلاقج و حتى التزامج الديني
و تكلمين و توصلين صوتج للمسؤول و اتبلغينه هالشي



اشكرك يا يعقوب على المشاركة .. وعلى التأييد..


بصراحه توني بعد ردي هذا بروح ادور لأن اول مرة اسمع هالشي الي اعرفه الأكل فالذهب للرجال و لبس الذهب بس الي حرام
بس الفضه اول مرة فحياتي اعرف هالشي عندنا فالبيت اطقم عالأغلب فضه او ستينلس ما اعرف الوالده عندها اطقم vvip محد فينا كفو يلمسهم و بعضهم من قبل ما انولد و محافظه عليهم بكبت خاص و الخ .... و مثل ما تفظلتي اغلب المطاعم الي بمستوى معين اثاثها و اوانيها اتكون من ماركات معروفه حتى الصحون


شوف يا يعقوب.. انا ما اعرف كم عمرك.. لكني بقول لك تجربتي مع ولدي البكر اللي له اليوم 28 سنة الله يحفظه و لاحظت انه ما يدري
ان الاكل والشرب في اواني من الذهب والفضة حرام وان كانت مطلية.. العام في مثل هالوقت كنا كلنا داشين مطعم " ام شريف" اللي صوب برج خليفة
من دخلنا المطعم لاحظت ان القفاش و السكاكين و الشوك فضة.. قبل ما نروح صوب الطاولة اللي حاجزينها لنا.. وقفت في النص وسألت البيج بوس
قلت له: ملاعقكم وشوككم وساكينكم من فضة؟ قال لي: نعم يا مدام.. قلت له ممكن اتبدلها لنا قبل ما نقعد. قال لي على راسي.. قلت في خاطري:
مابيها على راسك ابيها على الطاولة لأن بناكل فيها :court:..

قعدنا وبدلوا لنا كل شي فيه فضة.. لكن وين المشكلة صاروا يسرفسون لنا بالفضة.. او يحطون لنا طبق والقفشة من فضة او كماشة الاكل من فضة..
اهنيه طلبت التغيير.. فقال لي ان كل الملاعق الستان ستيل اللي عندهم هم اللي حطوها لنا وما عندهم غيرها( حسيتها قوية واايد)
رفضت هالشي.. اهنيه تدخل ولدي البكر اللي كان قاعد في ويهي وهو مب عاجبه رفضي..
وقال لي: يمة ترى عادي مافيها شي.. قلت له حرام ما يجوز شنهو عادي؟!!
قال لي: من قال انه حرام وليش؟ ومن متى؟ قلت له: راجع دينك وبتعرف انه حرام.. بينما هو يحاول يشبك في النت ويبحث عن شي
بدا له صدمة من اول مرة كان ما زال يحاول يثنيني عن رفضي للسرفيس بأي شي فيه فضة.. وما رضى يسكت لأنه مقتنع اني غلط..
فجاه صوت من اليسار وكان اخوه اللي اصغر منه بسنة وقال له: خلاص يا اخوي قالوا لك حرام يعني حرام " وهذا هو ولدي الثاني اللي في قطر طلب
يشلون الفضة من على الطاولة في الكافيه اللي عزمنا فيه "..( اثنينهم تلقوا نفس التعليم وبنفس المدارس ).. استمر ولدي البكر في البحث
ووجد صحة كلامي وبلع العافية وسكت.. اشوي جاه اتصال وطلع هو وخوانه الاثنين يسلمون على واحد اماراتي وهم رادين
سبقتهم عائلة كويتية مكونة من ام واربع بنات او 3 مب متذكرة.. وكانوا سفور الا الام مغطية راسها بكبوس بو حجاب من غير رقبة..
وقعدوا مقابلي على طول واي كلمة بيتكلمونها بنسمعها .. فاللي حصل ان في لحظات لقينا اعتراض من الام واحدى بناتها على وجود
الفضة على الطاولة.. وياهم البيج بوس وتم يقنعهم انه الموجود مب فضة 100% وبدى يفتي لهم انه عبارة عن قشرة خفيفة من الفضة وانه مب حرام
فتحول من مدير للجراسين الى مفتي في تحليل الاكل في اواني الفضة هذا اذا كان مسلم من الأساس .. واقتنعت الام وبنتها ..فقال لي ولدي سلك لها المسكينة..
قلت له في ذمتها وذممنا اللي ندخل مطاعم مشبوهة.. فرد علي مع ان اشكالهم ما توحي انهم يدققون على مثل هالامور... فقلت له مب شرط..
الانسان مربوط مع ربه بملايين الحبال في اذا اقطعوا حبل او حبلين او 10 فباقي الحبال اتم مربوطة ..

فبرجع لك و بقول لك طبيعي جدا اشوفك تقول ما اعرف ان حرام.. حالك من حال ولدي الكبير وحال الكثيريين اللي شفتهم في الكافيه
ما اعتقد انهم يدرون ان حرام او ما اعتقد أصلا منتبهين انه فضة..



اهني على حسب عن نفسي شكوى مثل هاي ما تهمني كفرد كيعقوب بس لو شيء ثاني و بالنسبة لي كبير و بنظر عيني شي عادي لا بتكلم و بحاول ما امكن يوصل صوتي اذا شفت بأنه ما تم من خلال المطعم و ادارته عقبها بكتب الأسم لأنها سمعه و لأني دفعت حق الوجبه فمن حقي اتكلم عن تجربتي معاهم و بحط الأسم و عادي

ارجع واشكرك على ابداء رايك و توضيح موقفك تجاه أي امر يحتاج الى وقفة لتصحيح الخطأ..

[نفسي عزيزه]

الخمر ممنوع فالؤلؤه للتذكير فقط*

[نفسي عزيزه]

بالنسبه لاواني الفضه والذهب شلون الدوله سامحه بهالشي غريبه

ان شاء الله تكون فيه لفته لهالموضوع المهم الي يخالف تعاليم ديننا الحنيف

[يمامـة]

يمامه المشكلة مب فقط في هذي
أكواب بعض المطاعم الي تبيع خمور خوفي البعض يَصْب الخمر داخلها بعد

هو بشكل عام المفروووض ما ندخل مطاعم تبيع خمور ..
هذا هو المفروض.. لكن في الدول الغربية يضطرون الناس يدخلون مثل هالمطاعم..

وعلشان نكون واضحين مع نفوسنا.. مستحيل المطعم بيصب لك ماي في قلاص شارب منه شخص قبلك فيه ماي..

بمعنى ان القلاص اللي بتشرب منه يكون مغسول وجاهز للاستخدام مرة ثانية..

ومن ثم لو فرضنا جدلا انه القلاص مشروب فيه خمر ( نقول مثلا) مجرد ما ينغسل القلاص
تروح النجاسة عنه.. فعادي تشرب منه القلاص.. لكن الواحد يشرب ماي في قلاص مشروب فيه
خمر وهو بعده ما انغسل هالشي غلط..


وبعد نقطة جدا مهمة يا اخوي بريق الحق يتهاونون فيها اللي يسافرون الدول الغربية ونقع فيها والله يغفر لنا زلاتنا..
في الإسلام ما يجوز تاكل لحم مشوي على شواية انشوت عليها لحوم الخنزير.. ما يصير ناكل باستا مطبوخة في طابي
انطبخ فيه باستا بالخمر من غير ما ينغسل هالطابي.. في الإسلام ما يصير ناكل ستيك لحم إسلامي يتقلب بقباضة لحم
يقلبون فيه ستيك لحم خنزير..

مثل هالامور عيالنا وكثيرين من الناس ما يلقون لها بال.. ويستحلون الاكل والشرب على نجاسة الخنزير او الخمور..

[يمامـة]

بالنسبه لاواني الفضه والذهب شلون الدوله سامحه بهالشي غريبه

ان شاء الله تكون فيه لفته لهالموضوع المهم الي يخالف تعاليم ديننا الحنيف

الدولة سامحة بالخمور .. فما يات على الاواني يا نفسك عزيزة..

المشكلة احنا اللي بيدنا الخيار.. كيف ممكن ننتعامل مع مثل هالاماكن وكيف ممكن تكون لنا وقفة
لفرض ما يحرمه الله من تداوله بكل يسر دون رفض مننا..

[نمر بن عدوان]

الله يهديج اختي الحين هي جات ع الاواني الفضه

عندج مطعم لبناني في اللؤلؤه يقدم الخمر في زجاجات من الكريستال يبلفيت تمويه ( شفته بعيني محد قال لي )

وبعدين ماشاءالله عليج شلون فرقتي بين الفضه والستيل انا مافرق صراحه زين نبهتيني :threaten:

الخمر ممنوع في اللؤلؤه شلون حكمت ان الي في الزجاج خمر ؟!

[نمر بن عدوان]

يمامه المشكلة مب فقط في هذي
أكواب بعض المطاعم الي تبيع خمور خوفي البعض يَصْب الخمر داخلها بعد

مافي اي مطاعم في قطر تبيع خمور غير الفنادق 5نجوم .

[نفسي عزيزه]

والله صادقه يـ اليمامه

الله يهدينا جميعا وتكون عندنا مقاطعه لمثل هالاماكن لان لو لم تتم المقاطعه فكيف يتعض مستحيل لكن سبحان الله الانسان ضعيف مرات يتجاهل ويستصغر حجم المعصيه والذنب الله يهدينا جميعا

وشكرا لهالموضوع المهم جدا

[نمر بن عدوان]

اختي يمامه شلون عرفتي ان الاواني فضه لان هناك مطاعم تقدم الاكل في اواني مطليه بالفضه وهي شبيهه باالاواني الفضه الخالصه طبق الاصل ؟

[يمامـة]

الله يهديج اختي الحين هي جات ع الاواني الفضه

عندج مطعم لبناني في اللؤلؤه يقدم الخمر في زجاجات من الكريستال يبلفيت تمويه ( شفته بعيني محد قال لي )

وبعدين ماشاءالله عليج شلون فرقتي بين الفضه والستيل انا مافرق صراحه زين نبهتيني :threaten:

ويهدي الجميع يا مسك الروز..

هو بشكل عام اللي اعرفه ان اواني الذهب والفضة عليها دمغة تبين مقدار الذهب اللي فيه..
فقط يلجأ البعض الى الغش ليوحي ان هالاواني من ذهب او الفضة بوضع هالدمغات.. لكن الشركات
المتخصصة في بيع مثل هالاواني لها اسمها وماركتها اللي مستحيل تفرط فيها بالغش..

حضرت عرس مع اختي الكبيرة.. من قعدنا توني ابي ابلع الموجود على الطاولة.. الا انتبه ان طقم الشوك والسكاكين
والقفاش من فضة.. قلبت في قفشة ولقيت دمغة.. حطيتها على صوب وقلت ورق العنب بيدي وحولت صبعي قفشة
ولحسته عقب كم غرفة من الحمص واللبنة .. و لا كلت شي ثاني لأني كفاية عندي اني شفت الدمغة اللي دورت عليها
بعد شكي من لون الاطقم المحطوطة..

فالفضة تختلف عن الستان ستيل هالشي ما يبي له كلام.. الفضة تيي مطفية.. الستان ستيل اييج بو لمعة ممكن تعدلين كشختج فيها..

اما بخصوص الخمور والؤلؤة.. ما مرت علي هالسالفة.. والاخوان تجاوبوا مشكورين معاج..

[يمامـة]

اختي يمامه شلون عرفتي ان الاواني فضه لان هناك مطاعم تقدم الاكل في اواني مطليه بالفضه وهي شبيهه باالاواني الفضه الخالصه طبق الاصل ؟

في الكافيه اللي دخلناه مع ولديد الثاني.. قبل ما نحكم سألهم.. هذا من فضة .. قالوا له ايه.. قال لهم ممكن تبدلونه قالوا له بالانجليزي على الخشم..

المدير اللي كلمته.. قلت له اغراضكم من فضة.. قال لي ايه.. هو مطلي بفضة.. قلت له خلاص يعني حرام..

فالاعتراف يكون منهم يا اخوي نمر .. المطلي بالفضة حرام مثل لما تاكل بالفضة نفسها..

اما بخصوص انها تكون مطلية بفضة لخداع الناس على أساس انها فضة وهي مب فضة بينما راعي المطعم يقول فضة..
احنا ناخذ بظاهر الاعتراف وهو انه فضة.. اما ما دون ذلك احنا مب مسؤولين عنه..

[toyota]

على قولة حسين بن عاقول ،، يانبويه نبوية ,, كباية مَيّه في قلاص ��������

[يمامـة]

والله صادقه يـ اليمامه

الله يهدينا جميعا وتكون عندنا مقاطعه لمثل هالاماكن لان لو لم تتم المقاطعه فكيف يتعض مستحيل لكن سبحان الله الانسان ضعيف مرات يتجاهل ويستصغر حجم المعصيه والذنب الله يهدينا جميعا

وشكرا لهالموضوع المهم جدا

اللهم امين .. والعفو يا نفسك عزيزة.. نسأل الله ان ينفعنا بما علمنا ونساهم في نشر ما تعلمناه مؤجرين بإذنه تعالى..

[يمامـة]

على قولة حسين بن عاقول ،، يانبويه نبوية ,, كباية مَيّه في قلاص ï؟½ï؟½ï؟½ï؟½ï؟½ï؟½ï؟½ï؟½

يا زين زمن الزلق.. حده حسيونه اكلهم لحم جلاب في قواطي وهو ينكر انه لحم جلاب..
اليوم تقول لهم الفندق الفلاني يبيع خمور ليش تروحون تشربون عصاير في أماكن تفتخر ببيع الخمور..
يقولون ماله خص ذيه شي وذاك شي ثاني..

الله يغفر لنبوية ان كانت حية او ميتة ويرحم قحطة ويرحمنا اذا ما صرنا الى ما صار اليه..

[toyota]

هههههههه من افضل المسلسلات بصراحه درب الزلق ،،
حسينووه كان تاجر عود بس لعب به الزمن ههههههه
غلام هذا شنو ؟ هزززا لهم كلب ،، اسكت اسكت فضحتنا هذا لحم مال خروف مال غنم ههههه
الله يرحم اللي توفى منهم ويرحمنا برحمته اللهم امين

[يمامـة]

هههههههه من افضل المسلسلات بصراحه درب الزلق ،،
حسينووه كان تاجر عود بس لعب به الزمن ههههههه
غلام هذا شنو ؟ هزززا لهم كلب ،، اسكت اسكت فضحتنا هذا لحم مال خروف مال غنم ههههه
الله يرحم اللي توفى منهم ويرحمنا برحمته اللهم امين

تشعر بعبق البراءة في مثل هالاعمال .. وما تلقى انهم يدسون لك السم في العسل..
حتى فسادهم الفني كان بريء..

اللهم امين ويرحمنا كلنا..

[ya3coub]

اشكرك يا يعقوب على المشاركة .. وعلى التأييد..



شوف يا يعقوب.. انا ما اعرف كم عمرك.. لكني بقول لك تجربتي مع ولدي البكر اللي له اليوم 28 سنة الله يحفظه و لاحظت انه ما يدري
ان الاكل والشرب في اواني من الذهب والفضة حرام وان كانت مطلية.. العام في مثل هالوقت كنا كلنا داشين مطعم " ام شريف" اللي صوب برج خليفة
من دخلنا المطعم لاحظت ان القفاش و السكاكين و الشوك فضة.. قبل ما نروح صوب الطاولة اللي حاجزينها لنا.. وقفت في النص وسألت البيج بوس
قلت له: ملاعقكم وشوككم وساكينكم من فضة؟ قال لي: نعم يا مدام.. قلت له ممكن اتبدلها لنا قبل ما نقعد. قال لي على راسي.. قلت في خاطري:
مابيها على راسك ابيها على الطاولة لأن بناكل فيها :court:..

قعدنا وبدلوا لنا كل شي فيه فضة.. لكن وين المشكلة صاروا يسرفسون لنا بالفضة.. او يحطون لنا طبق والقفشة من فضة او كماشة الاكل من فضة..
اهنيه طلبت التغيير.. فقال لي ان كل الملاعق الستان ستيل اللي عندهم هم اللي حطوها لنا وما عندهم غيرها( حسيتها قوية واايد)
رفضت هالشي.. اهنيه تدخل ولدي البكر اللي كان قاعد في ويهي وهو مب عاجبه رفضي..
وقال لي: يمة ترى عادي مافيها شي.. قلت له حرام ما يجوز شنهو عادي؟!!
قال لي: من قال انه حرام وليش؟ ومن متى؟ قلت له: راجع دينك وبتعرف انه حرام.. بينما هو يحاول يشبك في النت ويبحث عن شي
بدا له صدمة من اول مرة كان ما زال يحاول يثنيني عن رفضي للسرفيس بأي شي فيه فضة.. وما رضى يسكت لأنه مقتنع اني غلط..
فجاه صوت من اليسار وكان اخوه اللي اصغر منه بسنة وقال له: خلاص يا اخوي قالوا لك حرام يعني حرام " وهذا هو ولدي الثاني اللي في قطر طلب
يشلون الفضة من على الطاولة في الكافيه اللي عزمنا فيه "..( اثنينهم تلقوا نفس التعليم وبنفس المدارس ).. استمر ولدي البكر في البحث
ووجد صحة كلامي وبلع العافية وسكت.. اشوي جاه اتصال وطلع هو وخوانه الاثنين يسلمون على واحد اماراتي وهم رادين
سبقتهم عائلة كويتية مكونة من ام واربع بنات او 3 مب متذكرة.. وكانوا سفور الا الام مغطية راسها بكبوس بو حجاب من غير رقبة..
وقعدوا مقابلي على طول واي كلمة بيتكلمونها بنسمعها .. فاللي حصل ان في لحظات لقينا اعتراض من الام واحدى بناتها على وجود
الفضة على الطاولة.. وياهم البيج بوس وتم يقنعهم انه الموجود مب فضة 100% وبدى يفتي لهم انه عبارة عن قشرة خفيفة من الفضة وانه مب حرام
فتحول من مدير للجراسين الى مفتي في تحليل الاكل في اواني الفضة هذا اذا كان مسلم من الأساس .. واقتنعت الام وبنتها ..فقال لي ولدي سلك لها المسكينة..
قلت له في ذمتها وذممنا اللي ندخل مطاعم مشبوهة.. فرد علي مع ان اشكالهم ما توحي انهم يدققون على مثل هالامور... فقلت له مب شرط..
الانسان مربوط مع ربه بملايين الحبال في اذا اقطعوا حبل او حبلين او 10 فباقي الحبال اتم مربوطة ..

فبرجع لك و بقول لك طبيعي جدا اشوفك تقول ما اعرف ان حرام.. حالك من حال ولدي الكبير وحال الكثيريين اللي شفتهم في الكافيه
ما اعتقد انهم يدرون ان حرام او ما اعتقد أصلا منتبهين انه فضة..



ارجع واشكرك على ابداء رايك و توضيح موقفك تجاه أي امر يحتاج الى وقفة لتصحيح الخطأ..

اشكرج على ردج أختي يمامه والله يبلغج فعيالج و عيالهم ايضا و يباركلج فيهم و نعم التربية.

و شاكرلج ردج و تنبيهج ايضا فالردود الي عن الأكل برع

شي ما قد خطر فبالي ولا حتى التفكير فيه اللهم مسلسلات مصاصين الدماء الي يهمهم الفضه.

[toyota]

تشعر بعبق البراءة في مثل هالاعمال .. وما تلقى انهم يدسون لك السم في العسل..
حتى فسادهم الفني كان بريء..

اللهم امين ويرحمنا كلنا..

اي والله ايام الزمن الجميل

[يمامـة]

اشكرج على ردج أختي يمامه والله يبلغج فعيالج و عيالهم ايضا و يباركلج فيهم و نعم التربية.

و شاكرلج ردج و تنبيهج ايضا فالردود الي عن الأكل برع

شي ما قد خطر فبالي ولا حتى التفكير فيه اللهم مسلسلات مصاصين الدماء الي يهمهم الفضه.

اعفوك يا يعقوب.. وربنا يرزقك ويانا الذرية الصالحة اللهم امين..
وينفعنا بما علمنا .. تحية لك..

[معماري قطري]

أولاً شكراً لج على غيرتج الدينية وتوضيح هذا الشيء للكثيرين اللي ما يعرفونه ونتمنى شيخ يتدخل يوضح لنا شالحل في مثل هذي الحالات وأكيد شبهة والبدائل الحلال 100% موجودة

ثانياً لازم يكون عندنا وعي وثقافة ونوضح للمدير ونقول له باي باي ونقدم شكوى لحماية المستهلك لو البديل ما يناسبنا .. والمفروض هذي المطاعم وبعضها عالمية يكون عندها معايير مزدوجة ويسئلون المستهلك شيفضل .. بعضها تطبخ بنوع معين من الخمور والمفروض مكتوب واضح في المنيو وبعضها تطبخ بدهون كثيرة مشبعة أو لحم أو سمك مملح وشديد الملوحة أو صلصة كثيرة السكر وهذي صحياً ما تناسب شريحة كبيرة ولازم كذلك توضح

( وينكم يا مفتشين البلدية والمرخصين ) هذي أُمور تحتاج ترتيب وكتابة واضحة .. هناك مطاعم في بعض البلدان تلتزم بصرامة القوانين وتوضح محتويات الوجبة حتى من الكيلو كالوري أو الوحدات الحرارية ومن وين مصدرها

لاحظت خلال زيارتي الأخيرة لإيلي فرانس في الستي سنتر إنه استوى كله مختلط وقبل قسم للعائلات وقسم للعامة وهذا انفتاح ما اتمناه ويفترض النظام يحدد مكان فيه شوية خصوصية

[معماري قطري]

ما ننسى الاعلان المكتوب على مكدونالد بأن بعض الوجبات تحتوي مواد مسرطنة

[nooora]

يزاج الله خير على التنبيه . اي والله لا يجوز هذا .. ان شاءالله الكل ينتبه لهذا الامر

[مخطط قطري]

يجماعه الخير حسب اطلاعي انه مايجوز ومنهى عن الاكل في اواني الذهب واكيد فيه حكمه ربانيه في ذلك بس اواني الفضه ماعرف الناحيه الشرعيه بس لاتصلح للاكل فيها لانها تتحلل مع الوقت وينقلب لونها اسود وخصوصا لمن تتفاعل مع الاكل الساخن بشكل مستمر وهي صحون ناقله للامراض والجراثيم ويقدر الواحد يتاكد من السيد قوقل عن مدى صحه الكلام

[معماري قطري]

يجماعه الخير حسب اطلاعي انه مايجوز ومنهى عن الاكل في اواني الذهب واكيد فيه حكمه ربانيه في ذلك بس اواني الفضه ماعرف الناحيه الشرعيه بس لاتصلح للاكل فيها لانها تتحلل مع الوقت وينقلب لونها اسود وخصوصا لمن تتفاعل مع الاكل الساخن بشكل مستمر وهي صحون ناقله للامراض والجراثيم ويقدر الواحد يتاكد من السيد قوقل عن مدى صحه الكلام

الفتاوي لها جهات مختصة ورجال دين تقدر تسالهم بالتلفون أو شخصياً أو تاخذ معلومة من موقع تابع لهم .. أما الانترنت كثرت فيها المواقع اللي ما ندرى مدى مصداقيتها

[الصدق منجاة]

http://fatwa.islamweb.net/fatwa/index.php?page=showfatwa&Option=FatwaId&Id=6144

[Dana’1]

ان الاكل والشرب في اواني من الذهب والفضة حرام وان كانت مطلية..

أنا اعرف من ايام الدراسه إن آنية الذهب والفضه محرمه،، بس لما اكون بمحل أواني اشوف قطع جميله وغالبا تكون مطليه واحتار من صوبها خصوصا إن أكثر من محل يقول مو حرام لانها مطليه فحترت

وسالت شيخ مفتي عن الاواني المطليه بالذهب والفضه وكان رده بالضبط
(اذا كان لونا لا يجتمع منه شيء لو حك فلا حرج)
حيرني اكثر بصراحه هههههه انا شدراني يطلع منه خام اذا حك او لا!!

[نفسي عزيزه]

اي شي مشكوك فيه تركه افضل

[العرابي]

الله يعطيك العافيه اختي اليمامه

ماتوقعت في مطاعم ممكن تستخدم الفضه في الصحون والملاعق .....

مشكوره على التنبيه كنت ادش المطاعم ولا فكرت اسال ان كانت الصحون من فضه او لا ماتوقعت حد يستخدمها لانها حرام واتمنى منع استخدامها في المطاعم

الله يكفينا شر الفتن يوم شفت موضوعك تذكرت المواتر المطليه من الذهب الله يصلح الحال

[Charisma]

شكرا على التنبية اخت يمامة ، وأتمنى ذكر اسم المطعم في هالحالة ماعتقد ان الموضوع بيكون تشهير ، لان المطعم نفسه أرتضى التقديم بهالطريقة .


يبقى السؤال : هل بالأمكان رفع شكوى على المطعم لأستخدامة الفضة ؟

[يمامـة]

أولاً شكراً لج على غيرتج الدينية وتوضيح هذا الشيء للكثيرين اللي ما يعرفونه ونتمنى شيخ يتدخل يوضح لنا شالحل في مثل هذي الحالات وأكيد شبهة والبدائل الحلال 100% موجودة

ثانياً لازم يكون عندنا وعي وثقافة ونوضح للمدير ونقول له باي باي ونقدم شكوى لحماية المستهلك لو البديل ما يناسبنا .. والمفروض هذي المطاعم وبعضها عالمية يكون عندها معايير مزدوجة ويسئلون المستهلك شيفضل .. بعضها تطبخ بنوع معين من الخمور والمفروض مكتوب واضح في المنيو وبعضها تطبخ بدهون كثيرة مشبعة أو لحم أو سمك مملح وشديد الملوحة أو صلصة كثيرة السكر وهذي صحياً ما تناسب شريحة كبيرة ولازم كذلك توضح

( وينكم يا مفتشين البلدية والمرخصين ) هذي أُمور تحتاج ترتيب وكتابة واضحة .. هناك مطاعم في بعض البلدان تلتزم بصرامة القوانين وتوضح محتويات الوجبة حتى من الكيلو كالوري أو الوحدات الحرارية ومن وين مصدرها

لاحظت خلال زيارتي الأخيرة لإيلي فرانس في الستي سنتر إنه استوى كله مختلط وقبل قسم للعائلات وقسم للعامة وهذا انفتاح ما اتمناه ويفترض النظام يحدد مكان فيه شوية خصوصية

ويجزيك خير الجزاء يا اخوي معماري قطري..

بالفعل امر محتاج الى وقفة.. توني من كم أسبوع حضرت عرس لقيت الملاعق و الشوك والسكاكين من النوع
اللي تثير شبهة انها فضة.. مع وجود دمغة بالأرقام.. بس وايد كانت صغيرة الأرقام وما قدرت اميزها او الاحظها..
واشعقبه انتبهت؟
بعد خراب البصرة.. عقب ما زطيت وشبعت وبلعت فيه العافية.. انتبهت للشوك والملاعق..

فكانت معاي وحدة وراهم حفل زواج عقب كم شهر.. نبهتها للنقطة هذي وقلت لها ترى ذنب كل من بياكل
فيها في رقبتكم نبهوا الفندق اللي بتسوون فيه حفلتكم.. اللهم اني بلغت اللهم فاشهد..


اما بخصوص الأمور الثانية من المنتجات الضارة او المحرمة في الاكل نفسه.. يبي لنا صرامة من الجهات
المخولة بمتابعة مثل هالامور.. لانهم هم المسوؤلين امام الله لوقف مثل هالتجاوزات..

اما بالنسبة للاختلاط اليوم اغلب الناس بروحهم ما عادوا يبون حواجز.. كل شي يبونه مفتوح..
فشي طبيعي بتلقى الغاء الأقسام الخاصة للعوائل..

[يمامـة]

يزاج الله خير على التنبيه . اي والله لا يجوز هذا .. ان شاءالله الكل ينتبه لهذا الامر

جميعا اللهم اميين..

أتمنى مثلج ان ينتبه الكل لمثل هالامر..

[يمامـة]

يجماعه الخير حسب اطلاعي انه مايجوز ومنهى عن الاكل في اواني الذهب واكيد فيه حكمه ربانيه في ذلك بس اواني الفضه ماعرف الناحيه الشرعيه بس لاتصلح للاكل فيها لانها تتحلل مع الوقت وينقلب لونها اسود وخصوصا لمن تتفاعل مع الاكل الساخن بشكل مستمر وهي صحون ناقله للامراض والجراثيم ويقدر الواحد يتاكد من السيد قوقل عن مدى صحه الكلام
الاثنين ما يجوز تاكل وتشرب فيهم يا اخوي مخطط قطري..

وبعض المطاعم او الفنادق تفتخر باطقمها اللي من فضة او مطلية بالفضة ..
لذلك يا اخوي التنبيه واجب في مثل هالامور .. وربي يعيننا و يوفقنا على عدم الوقوع في مثل هالامور..

[يمامـة]

أنا اعرف من ايام الدراسه إن آنية الذهب والفضه محرمه،، بس لما اكون بمحل أواني اشوف قطع جميله وغالبا تكون مطليه واحتار من صوبها خصوصا إن أكثر من محل يقول مو حرام لانها مطليه فحترت

وسالت شيخ مفتي عن الاواني المطليه بالذهب والفضه وكان رده بالضبط
(اذا كان لونا لا يجتمع منه شيء لو حك فلا حرج)
حيرني اكثر بصراحه هههههه انا شدراني يطلع منه خام اذا حك او لا!!

هو بشنهو بيحك القفشة.؟
الحين الخاتم لو حكيتيه ممكن يطلع لج منه ذهب؟
احتما تتقشر او تتحول الفضة او الذهب مع مرور الزمن او عدم جودة العمل
هل هذا يجيز لنا ان نشتري مثل هالاواني بحجة انها ما تتقشر او ممكن يتغير لونها مع الزمن؟

مجرد ما ينقال انها مطلية فضة او ذهب.. نبتعتد عنها وكان الله غفورا رحيما..

والله يعيننا مرات على فتاوى بعض المشايخ اللي الواحد يبي له مراجع من المشايخ يفسرون له فتوتهم..



اي شي مشكوك فيه تركه افضل

اتفق معاك وبقوة..


الله يعطيك العافيه اختي اليمامه

ماتوقعت في مطاعم ممكن تستخدم الفضه في الصحون والملاعق .....

مشكوره على التنبيه كنت ادش المطاعم ولا فكرت اسال ان كانت الصحون من فضه او لا ماتوقعت حد يستخدمها لانها حرام واتمنى منع استخدامها في المطاعم

الله يكفينا شر الفتن يوم شفت موضوعك تذكرت المواتر المطليه من الذهب الله يصلح الحال

ويعافيك اخوي العرابي..

اللهم آمين يارب.. بعض المحلات أصلا تقول لك هذا مطلي فضة او ذهب عيار 18
واعتقد ان ما خانتني ذاكرتي كل قطعة ملطية بذهب او فضة لها رقم خاص يحدد نوع الطلي
او يحدد نوع الذهب المستخدم في صناعته..
وان شاء الله بحاول استجمع وقتي وابحث بشكل أوسع عن النقطة هذه و ارفق المعلومات في الموضوع هذا
ان الله كتب..


شكرا على التنبية اخت يمامة ، وأتمنى ذكر اسم المطعم في هالحالة ماعتقد ان الموضوع بيكون تشهير ، لان المطعم نفسه أرتضى التقديم بهالطريقة .


يبقى السؤال : هل بالأمكان رفع شكوى على المطعم لأستخدامة الفضة ؟

للحين عندي شك انه تشهير :shy:

سؤالك ابحث عن إجابة له.. واذا الإجابة نعم.. وين ممكن الواحد يشتكي..؟

[يمامـة]

تنبيه آخر ..

حفلات الزواج المقامة في الفنادق لما تكون خدمة المعازيم على الطاولات اغلب الفنادق الكبيرة
يحطون الملاعق والشوك والساكيكن من الفضة..

في عرس في احد الفنادق.. بنتي اسألت اللي يسرفسون وقالت لهم هل الأشياء هذي ستان ستيل ولا فضة؟
مع انها تدري من شكلها انها فضة( صارت عندها نوع من الخبرة من زود ما نتكلم في الموضوع)
قالت لها كلها فضة.. قالت لها في إمكانية تبدلونها لنا؟
وكنا 6 اشخاص .. وبدلوها لنا كلها ويابوا لنا ستان ستيل؟؟

لذلك يرجى من اللي بيسوون حفلات الزواج في الفنادق التنبيه على عدم وضع الفضة..

اللهم اني بلغت اللهم فاشهد..

[بعيد النظر]

يزاج الله خير ..
وعن نفسي انا وهلي من نقعد ..
سيدة نطالب بالتبديل .. والغريب ..
ان نص اللي في المطعم ولا يدرون شالسالفة !
اهم شي انه ياكل ويصور ..

[يمامـة]

يزاج الله خير ..
وعن نفسي انا وهلي من نقعد ..
سيدة نطالب بالتبديل .. والغريب ..
ان نص اللي في المطعم ولا يدرون شالسالفة !
اهم شي انه ياكل ويصور ..

جميعا اللهم آمين..

للأسف في حفلات الزواج لما ننبه ان الملاعق و الشوك من فضة..
يكون رد البعض " في ذمة اللي حاطينهم"

أكيد أصحاب الحفل ما عندهم علم.. في هذه الحالة في ذمة ناس مب مسلمين يجهزون
لنا الافراح هذي.. فكيف نحطها في ذممهم وهم مالهم ذمة في الدين؟!!

فياليت من خلال هالموضوع يتم الانتباه للمخالفة الشرعية اللي تحصل في هالحفلات..

[Qtr37]

ذكرتيني
مرة وحدة من الفااااشينيستااات، سوت دعاية محل من المحلات "الفاخرة" وان عندهم أواني من الذهب " الخالص" والفضة، وكتبت لها ع الخاص انه حرام التناول في اواني الذهب والفضة، طبعا شافت وما ردت..
الحين لو مادحتها كانت كبشرت ونشرت المدح لكن مايبون يخربون على نفسهم طبعا..

[يمامـة]

ذكرتيني
مرة وحدة من الفااااشينيستااات، سوت دعاية محل من المحلات "الفاخرة" وان عندهم أواني من الذهب " الخالص" والفضة، وكتبت لها ع الخاص انه حرام التناول في اواني الذهب والفضة، طبعا شافت وما ردت..
الحين لو مادحتها كانت كبشرت ونشرت المدح لكن مايبون يخربون على نفسهم طبعا..

كل بينسدح في قبره وبيتحاسب على اعماله..

اللي عليك سويته وخبرتها.. عاد بريت ذمتك.. ..

وهذا اللي نتمنى كلنا ان نسويه.. نقول للصح صح وللغلط غلط..
والهادي رب العالمين..

وجزاك الله كل خير على تنبيهها..