الموضة الجديدة .. مياه افيان في الاعراس .............

[مستثمر رشيد]

http://i1.wp.com/jeleeb.com/wp-content/uploads/2013/04/زجاجات-ايفيان.jpg

حضرة العديد من الاعراس ولاحظت ظاهرة بدة تنتشر بقوة في المجتمع وهي توزيع مياه افيان (غراش زجاجية) على طاولات العرس

ممكن البعض يعلق ويقول "عرسهم وهم حرين فيه"

ولكن استفساري هو "ايش الفرق بين مياه الصحة العادية مثل الريان ومياه افيان ؟؟؟

اليست كلها مياه صحية ومعقمة ...

يا جماعة ترى النعمة زوالة ... ولابد من تغيير ثقافة البذخ السائدة في مجتمعنا ...

فنحن جميعا محاسبون عليها

[مستـريــح البـــال]

لا استصيغ ايفيان ،، واتضايق عندما لا اجد غيره في المطاعم ،،،

ولكن بشكل عام الفكره هي نفس فكرة ، لماذا تأخذ ذباح " سوري أو عربي " للعزايم والأعراس وليس استرالي ؟؟ نفس المنطق ..

[معماري قطري]

قصدك اخوي حضرت لأن حضرة هي الصفة أو الإسم مثل يقال حضرة جنابكم

تحريم الفضة والذهب في الأواني يعني تحريم التبذير .. انا واحد من الأشخاص اللي لو فتحت قرشة ماء ما اخليها الا مخلصها مراعاة للحرام والحلال .. أوقات اخذها معي وامشي بها من مطعم أو مكتب لأن معروف بتنرمي محد بيشرب بعدي

[حليتان*]

الحين جات ع الماي !!!

المهم الماي من الشركة المنظمة للطاولات ا

[شموخ دائم]

,

,


مرحبا

الله يعطيك العافيه وشكرا على الموضوع

العرس مناسبه طيبه والجماله فيها شي طيب

يعني اذا بروح عرس ( بلبس احسن ما عندي )
واذا بروح البر بلبس لبس عادي

كذلك العرس بيحطون شي زين ( جمل ) على الطاوله وتقدير للضيوف
واذا الأيام العاديه بنشرب ماي عادي
:)

ما اشوف فيها تبذير او ( مبالغ فيه )

افيان الناس تشربه من سنوات طويله وليست موضه

انا اشرب ماي ( بيريه )

ماي مرتب وفيه ستيم وصحي




وانا اتفق معاك لازم نراعي عدم التبذير

والحمدالله الان الصالات هذي وفرت على الشباب الكثير

جزاهم الله خير على الفكره وعلى الأسعار

,

,

[رُفق المجنّا]

عتبي ع انك اقتصرت الموضوع ع إيفيان والموضوع اكبر وأوسع

اليوم تيسّرت المادة وصار الهياط سيد الموقف ، بعد ما كان القعود تشوفه في المناسبات الكبيرة وخاطي عزيمة اليوم صرنا نشوفها في الاسبوع مرة ومرتين

الجمالة زينة ولكن ع سنع وفِي وقتها ، الله يديم النعمة ويجعلنا من الشاكرين

[مسك روز]

الفرق ان مياه ريان رخيصه ومحليه ، وايفيان غاليه ومستورده ..

شوفيني يام عزوز احط الغالي !!

[khalid525]

اذا غني ومب مكلف نفسه فوق طاقتها مافيه خلاف بس المشكلة الكل صار يبي يقلد و يسوي عمره غني والسالفة كلها قروض وديون ، والمصيبة دايما يحطون مشكلة تاخر الزواج في المهور الغالية .

[Azizuk]

ضحكتني

مره حضرت اجتماع الا حاطين حق أعضاء مجلس الادارة ماي إيفيان واكو بيني وماي غازي بيرير

واحنا حاطين لنا ماي ريان :victory:

عنبو حتى الماي في عنصريه

[قطري2022]

ماشوف له داعي ايفيان ، والتجمل حلو يكون بالمعقول ، اما نكشخ بماي صراحة شي مبالغ فيه ، والله انقهر من تكاليف العرس اساسا ، واحد يبي يعرس يروح يقط مليون ولا مليون ونص ، ياجماعة .ترى الفلوس ماتجي بسهولة ، اشلون الواحد يطاوعه قلبه يقط هالمبلغ في كم ليلة ؟ مشكلتنا الاسلام عندنا صلاة وصوم بس ، لكن مانطبق اخلاقه وحكمته ولا تثقفنا بتعاليمه ، ومن الاخر ياجماعة وكاش ، تفاهة وصغر عقل بعض الحريم هم الي وصلو تكاليف العرس لهالمواصيل ، والطامة الكبرى يوم الكشخة تكون من سلفيات او من الراتب الي على القد ، واكتشفت بعد الهدايا الي يهدونها البنات لبعض في كل مناسبة ترى غالبا كل وحدة تضغط على نفسها ماديا علشان تهدي رفيجتها ، من الاساس كل وحدة ترحم نفسها واتركم من هالفشخرة الخداعة والكذابة

[معماري قطري]

ماشوف له داعي ايفيان ، والتجمل حلو يكون بالمعقول ، اما نكشخ بماي صراحة شي مبالغ فيه ، والله انقهر من تكاليف العرس اساسا ، واحد يبي يعرس يروح يقط مليون ولا مليون ونص ، ياجماعة ترى الفلوس ماتجي بسهولة ، اشلون الواحد يطاوعه قلبه يقط هالمبلغ في كم ليلة ؟ مشكلتنا الاسلام عندنا صلاة وصوم بس ، لكن مانطبق اخلاقه وحكمته ولا تثقفنا بتعاليمه ، ومن الاخر ياجماعة وكاش ، تفاهة وصغر عقل بعض الحريم هم الي وصلو تكاليف العرس لهالمواصيل ، والطامة الكبرى يوم الكشخة تكون من سلفيات او من الراتب الي على القد ، واكتشفت بعد الهدايا الي يهدونها البنات لبعض في كل مناسبة ترى غالبا كل وحدة تضغط على نفسها ماديا علشان تهدي رفيجتها ، من الاساس كل وحدة ترحن نفسها واتركم من هالفشخرة الخداعة.

قبل فترة مطلعين اوباما رايح يتغدى في مطعم عادي همبرغر وبيرجع البيت الأبيض

اللقمة الطيبة والشراب الطيب الله يبارك فيه مع إني من محبين هذي المياه واخذها من وقت لوقت لكن غلت كثير بدون سنع

[العقل المدمر]

من صجكم ماي افيان صار تبذير
اتوقع انه ارخص شي ممكن ينحط في عرس

[معماري قطري]

من صجكم ماي افيان صار تبذير
اتوقع انه ارخص شي ممكن ينحط في عرس

اخشوشنوا فالنعم زوالة

[العقل المدمر]

اخشوشنوا فالنعم زوالة

فالقول المنسوب إلى عمر في هذا المعنى المذكور في السؤال غير ثابت عنه، والتمتع بما أنعم الله به على المرء فيما يباح جائز، وإن ترك ذلك زهدا وتواضعا لله تعالى واقتداءا بالنبي صلى الله عليه وسلم أثيب على ذلك

[nooora]

مثل ما تفضل احد الاخوة العرس مناسبة طيبه والواحد يقدم الافضل للضيوف ... لكن نركز على نقطة مهمه الا وهي النية . الحين هو نيته وشو مظهر او اكرام الضيف . او خايف حد ينتقده ضاغط على روحه طالب خدمة 5 نجوم والي نشوفه هذه الايام ان خايفين من كلام الناس همهم رأي الناس ومديونين وحالتهم حاله

[وحيد-الشوق]

البلاء مب في الماي ياخوي بل في سعر القاعة والفسق والمخاسير الي مالها داعي على شيء بيروح وغير ملموس وماتشوفه بعينك عقب الا في الصور :)

[وحيد-الشوق]

ضحكتني

مره حضرت اجتماع الا حاطين حق أعضاء مجلس الادارة ماي إيفيان واكو بيني وماي غازي بيرير

واحنا حاطين لنا ماي ريان :victory:

عنبو حتى الماي في عنصريه

ههههههههههههههه معاك حق صج عنصرية ومب حلوة الحركة تصرف وشيء غريب حطوا للكل ماي من نفس النوع وخلاص

[aloosh]

هذا ليس من المعرس وانما من الجهه المنظمه وهو نوع من الانفراد لشركه بشي مميز
هو دافع على العرس 100 الف او 200 جات على غرشه ماي ما اعتقد تبذير

[سالم الزهران]

الدين أمرنا بتيسير الزواج و الوليمة

وامرنا بتعظيم الصدقة ( لن تنالوا البر حتى تنفقوا مما تحبون ).

لكن نحن عكسنا الآية !

[نمر بن عدوان]

انا قررت ماراح اسوي عرس لعيالي الا على الضيق يعني الاهل بس شغلة ام 10000 ريال وباقي المبلغ راح اتبرع فيه لزواج اي محتاج سواء في البلد او الخارج .

[دايموند]

تقصدون عرس الحريم والا الرياييل؟

اذا عرس الحريم فهاي من زمان ومثل ماقالت العضوة الي قبلي هذا للاسف ارخص شي تلقاه ع الطاولة ..في اشياء ثانيه مبالغه فيها بعد...!!