المقاسات المناسبة للبورسلان

[$الملياردير$]

السلام عليكم .... أعضاء المنتدى الكرام ... حبيت استفسر عن المقاسات المناسبة للبورسلان في التركيب للصلات و الغرف مع العلم اني محصل عروض مختلفة .... ومن خلال تجربتكم بعد التركيب .... مع خالص تقديري و احترامي

[ضوى]

حسب تجربتي الخاصة لقيت انه مقاس 80*80 وايد فخم وراقي للصالات وغرف الاستقبال والميالس ، ومقاس الباركيه وخاصة بلاط الباركيه ووايد حلو ودافي لغرف النوم

[معماري قطري]

أي مقاس ينفع المهم تصميم وضعية التركيب ولو فيه بوردرات أو قطع زينة وسطية وحتى أوقات تقدر تخلط كم نوع وكم لون

لو عندك صالة معينة تبي تتخيل كيف الوضعية عطني المقاسات وباسوي لك مقترح

بعدين عندك الصالة الطوالية أو اللي تبي تعطيها طول ركب لها النوع الطويل في اتجاه الطول واللي مربعة لو تبي تضيع تربيعها ركب البلاط مربع على زاوية 45 درجة .. ولو تبي تكسر حدة لون ركب بلاطة بلون غير وحولها اللون اللي تبي تكسره

انا مركب لغرفة البنات بنفسجي على وردي وفيه عروق بمقاس 40 في 40 ووسط كل 8 بلاطات بلاطة سوداء فيها عروق بيضا

حصلت مرة عند تدمر بلاط رمادي وايد راقي وبسعر رخيص بس طار بسرعة شراه واحد للحوش كان 80 في 80 وسمكه حول 12 ملم

للمطبخ ركبت بلاط أبيض صغار 20 في 20 سيراميك وطلع حلو .. وفي الوسط ركبت بوردر غامرت فيه حوائط خليته ارضية .. ووسط هذا البوردر ركبت بلاط بني فاتح بزاوية 45 درجة بعد طلع حلو .. الأهم التركيب الجيد وعلى صبية سيراميك أو بورسلان صغير أو كبير لا تهتم

[$الملياردير$]

اختي ضوى شكرًا على مرورك و ردك الكريم

[$الملياردير$]

اخوي معماري قطري ... تدري الواحد يخجل من المعروف اللي تقدمة و دقة المعلومة و الجهد المبذول منك في الشرح و الكتابة .... الله يعطيك ع نيتك ياخوي ويبارك لك ... ويرزقك من حيث لاتحتسب .... اتعبت الناس من بعدك ...

[Azizuk]

مثل ماقال اخوي معماري والأخت ضوى

بالنسبة للصالات الطوليه تركب بلاط مقاس طولي تطلع احلا

أو مربع بمقاسات كبيرة

حالياً يوجد في السوق مقاس 120 * 60

ومقاس متر و 80 * 3 متر تسمى ألواح

ويوجد مقاس متر في متر و 90 * 90

الغرف بلاط الباركية حلو عليها وخاصه المقاسات الطويلة يوجد

مقاس 120 * 15 أو مقاس 120 * 20 أو 120 * 30

بس حاول ماتخلط بين اكثر من مقاسين.

مقاس واحد حلو مايصير عندك كمية قَص وهدر وايد

اما اذا اخذة ثلاث مقاسات راح تطر يصير عندك كمية هدر كبيره

المقاس الواحد يريح لو ينقص عليك بلاط في غرفه تقدر تركيبه في الغرفة الثانية

اما المقاسات المختلفه مع بعض راح تطر انك تقص وإلا تقدر تستخدم باقي البلاطة في غرفة ثانية

اذا حاب تركب باركية الفواصل خلها 2 مم تطلع احلا

مقاس تركيب 15 * 90 يتركب زي السلم تجي متوازية

اما المقاسات المختلفة في غرفة وحده متعبه شوي في التركيب مب اَي شخص يتقنها لازم تكون حذّر مع المبلط

تخلي السلم بين بلاطه وبلاطه اكثر مسافة 30 سنتيميتر عشان يطلع شكلها حلو

طبعاً كل ماقلت وزادة بين بلاطه وبلاطه بالنسبة لبلاط الباركيه تطلع احلا

وإذا حاب تركب بلاط للغرف مربع مقاس 60 * 60 احلا مقاس


هذا مخطط لعملية تركيب بلاط الباركيه

99394

99395

99396

99397

[Azizuk]

اذا حاب تشوف بلاط مركب بحجم مقاسات كبيرة روح مطعم المجلس بطريق سلوى مركب بلاط بمقاسات كبيرة

بس على شرط تتركب وتحتها صبه خرسانية

وتركب بمادة الغراء من النوع الممتاز

لان سماكة الألواح تجي خفيفه 6 مم

هذا النوع صورة لون المركب في مطعم المجلس

99398

99399

حالياً نزلت في السوق ألوان احلا

[سعود.]

المكان الي تفكر فيه تركيب ( باركيه )
لازم تبلغ فيه المبلط عن نوع الباركيه الصناعي يحتاج نزول الارضية 1سم والطبيعي 2سم

[Azizuk]

المكان الي تفكر فيه تركيب ( باركيه )
لازم تبلغ فيه المبلط عن نوع الباركيه الصناعي يحتاج نزول الارضية 1سم والطبيعي 2سم


اخوي سعود انا قصدي باركه سيراميك و بورسلان

انت قصدك الخشب مثل ماتفضلة لازم نزول في الارضيّة وتبليط بلاط شعبي والبعض يقول لو تركب سيراميك من النوع الرخيص أو بورسلان افضل

[سعود.]

عارف قصدك اخوي ( ابا سعود )

وانا عطيت نصيحة عامه .

ومبارك عليك الحيا . بكرا بشيك على اغراضك الي حولنا
ههههههههه

[Azizuk]

عارف قصدك اخوي ( ابا سعود )

وانا عطيت نصيحة عامه .

ومبارك عليك الحيا . بكرا بشيك على اغراضك الي حولنا
ههههههههه


الله يبارك فيك

اي والله ودي ازورهم اشف اخرتها معاهم

من سبوع وقعت على التصميم والله يستر منهم

المشكلة مكانهم بعيد على

وسبحان الله فكرت موقعهم بيكون قريب مني الا طلع صوبكم

انت محل النفس ياسعود

الا تعال ماتبي من التيرم عندي رولتين جدد يمكن تحتاج تستخدمها

[سعود.]

هههههههههههه

ماتقصر يابوسعود

[معماري قطري]

الله يوفق سعود وبوسعود

[معماري قطري]

اخوي معماري قطري ... تدري الواحد يخجل من المعروف اللي تقدمة و دقة المعلومة و الجهد المبذول منك في الشرح و الكتابة .... الله يعطيك ع نيتك ياخوي ويبارك لك ... ويرزقك من حيث لاتحتسب .... اتعبت الناس من بعدك ...

والله يبارك لك ويوفقك ويرحم والديك

أوقات نشوف في الممرات الطويلة فواصل تجميلية جاية بالعرض تعطينا احساس بتقصير الطول الكبير .. مثل ممرات المستشفيات والمطارات وتكون بلون حاد أكثر ونقش مثل مستشفى حمد اللي بيدخل ممره بيلاحظ بس التركيب كان سيء وطاحت قطع كثيرة .. وأوقات نشوف مجلس واسع نلاحظ حتى لو سجاد يكون فيه بوردر قرب الكراسي وتشكيلة في الوسط أو سجادة ثانية تقسم المساحة الكبيرة لمساحات متجهة نحو المركز

البعض يسوي رخام أو بورسلان وفي الوسط يخلي مستطيل مقصوص وفيه سجادة بحشوة من تحت منتفخة شوي تعطي شكل وفخامة ولو ما توجد غرفة للصلاة ممكن تستخدم هذي السجادة

[سعود.]

الله يوفق سعود وبوسعود


ومن قال يابوعبدالله

[$الملياردير$]

مثل ماقال اخوي معماري والأخت ضوى

بالنسبة للصالات الطوليه تركب بلاط مقاس طولي تطلع احلا

أو مربع بمقاسات كبيرة

حالياً يوجد في السوق مقاس 120 * 60

ومقاس متر و 80 * 3 متر تسمى ألواح

ويوجد مقاس متر في متر و 90 * 90

الغرف بلاط الباركية حلو عليها وخاصه المقاسات الطويلة يوجد

مقاس 120 * 15 أو مقاس 120 * 20 أو 120 * 30

بس حاول ماتخلط بين اكثر من مقاسين.

مقاس واحد حلو مايصير عندك كمية قَص وهدر وايد

اما اذا اخذة ثلاث مقاسات راح تطر يصير عندك كمية هدر كبيره

المقاس الواحد يريح لو ينقص عليك بلاط في غرفه تقدر تركيبه في الغرفة الثانية

اما المقاسات المختلفه مع بعض راح تطر انك تقص وإلا تقدر تستخدم باقي البلاطة في غرفة ثانية

اذا حاب تركب باركية الفواصل خلها 2 مم تطلع احلا

مقاس تركيب 15 * 90 يتركب زي السلم تجي متوازية

اما المقاسات المختلفة في غرفة وحده متعبه شوي في التركيب مب اَي شخص يتقنها لازم تكون حذّر مع المبلط

تخلي السلم بين بلاطه وبلاطه اكثر مسافة 30 سنتيميتر عشان يطلع شكلها حلو

طبعاً كل ماقلت وزادة بين بلاطه وبلاطه بالنسبة لبلاط الباركيه تطلع احلا

وإذا حاب تركب بلاط للغرف مربع مقاس 60 * 60 احلا مقاس


هذا مخطط لعملية تركيب بلاط الباركيه

99394

99395

99396

99397

مشكور اخوي العزيز على جهدك وردك المدعوم بالصور ....الله يبارك لك و يوفقك ويسخر لك

[$الملياردير$]

المكان الي تفكر فيه تركيب ( باركيه )
لازم تبلغ فيه المبلط عن نوع الباركيه الصناعي يحتاج نزول الارضية 1سم والطبيعي 2سم
جزاك الله خير اخوي سعود الغالي ع النصيحة بس اتوقع اني بعض الغرف بتكون بورسلان بتشكيلة الباركية

[$الملياردير$]

هل عند اختيار بورسلان الصالة تحت و فوق ... لازم اختار لون رخام الدرج ....عشان تماشي الالوان بين الدرج و الصالة و الا..... اقصد قبل التركيب

[معماري قطري]

هل عند اختيار بورسلان الصالة تحت و فوق ... لازم اختار لون رخام الدرج ....عشان تماشي الالوان بين الدرج و الصالة و الا..... اقصد قبل التركيب

والله إذا مب محتد على الرخام ركب بورسلان .. مع الوقت يتشمخ وتبهت لمعته الا لو بتركب نوع قوي ومحمي بطبقة خاصة بعد بتحتاج تجدد الحماية كل وقت

انا صراحة غامرت في الألوان والأحجام وطلعت مغامرتي الحمد لله محسوبة صح .. مثلاً تحت صالة توزيع صغيرة بين المجلسين ومدخل البيت ومدخل الصالة هذي سويتها بلون أسود بعروق .. نسيت اسمه بس هو في الأصل غرانيت نادر ايطالي وغالي جداً المتر وقت 2004 كان بحدود 7400 للغرانيت بس هذا طبقة قرانيت من نفس النوع تقدر تقول قشرة مدعمة بعجينة سيراميك تحت وكان ينباع ب 200 ريال للنخب الثاني و 700 ريال للأول عند العمودي وانا ركبت الثاني والثاني ما يركب زيرو جوينت تحتاج مونة وحطيت مونة ايبوكسي سودا ولا تغيرت للحين .. المجلسين واحد صغير سويته سجاد بنقوش مع أندرلي وواحد بورسلان 50 في 50 وكملت معاه الصالة التحتية وسويت نعلات من نفس النوع عند معمل رخام قصوها ووتر جت وحفوا أطرافها

ممكن لو حبيت تركب نعلات خشب على البورسلان بس تحتاج لحمايتها ضد الماء ولخط رفيع في الزاوية السفلية من السيليكون أبيض أو شفاف حتى ما تدخل حشرات تحت ولا تبين مفتوحة .. وحتى لباقي النعلات هذا ضروري المونة صعب تحطها أو شبه مستحيل وتنفك لكن السيليكون فعال ويتم وفيه مرونة يغطي الفتحة البسيطة دوم .. بعد فيه نعلات سيراميك جاهزة وفيه عندك النعلات المعمولة من الرخام أو الحجر وهذي تعطي فخامة غير وممكن تسويها بسمك شوي عريض وتسوي فيها أقواس مثل بعض الفنادق وتعطيها ارتفاع مضاعف 25 سم أو أكثر

الطريقة السائدة هي عمل نعلات من السيراميك والبورسلان لنفس النوع ونفس اللون وعمل خشب للسجاد

وحركة حلوة لو تحب تسويها حتى تفصل كل مكان عن الثاني مثلاً لو عندك صالة مفتوحة على غرفة طعام مفتوحة على مدخل ومفتوحة على المطبخ وتبي تعطي كل مكان لون غير وتصميم مقارب بس غير .. تقدر تركب فاصل نحاس في الأرض أو كروم بحدود 1 سم وحتى للفصل بين السجاد والبورسلان فيه نوع غير تقدر تستخدمه

[$الملياردير$]

جزاك الله خير اخوي بوعبدالله .... وبيض الله وجهك

[سعود.]

جزاك الله خير اخوي سعود الغالي ع النصيحة بس اتوقع اني بعض الغرف بتكون بورسلان بتشكيلة الباركية

ومن قال اخوي

[معماري قطري]

جزاك الله خير اخوي بوعبدالله .... وبيض الله وجهك

الله يجزيك الجنة

[Azizuk]

نصيحه ياأخواني

اللي بيركب بورسلان على شكل باركبه بأحجام مختلفة ينتبه

يتأكد من الكميات كافيه وطريقة التركيب بالطريقة الصحيحة

اللي صار معاي علمت المبلط على طريقة التركيب

ونفذنا تطبيق عملي في الدور الأرضي

ركبنا البلاط بدون غراء تجربة واتفقنا بين المسافات عشان ماتصير كمية هدر كبيرة

والاتفاق ان يتركب بمقاس 65 سنتيميتر

يعني تتركب الاحجام 15 بعدها 20 وبعدها 30

وبعدين يبتدي 20 / 15 / 30

المهم ان يستخدم 3 مقاسات كل مره

اللي صار عندي ان استخدم 20 / 30 / 15 بعدين 30 / 20 / 15

وصار عندي نقص شديد في مقاس 30 للغرف الثانية

وزاد عندي مقاس 20 / 15

التركيب طلع حلو في التشكيلة مافي كلام

بس نقص على للغرف الثانية مقاس 30

الحين يا أني اركب مقاس 15 / 20 للغرف الباقية

أو

أني اطلب طلبية ويبي لها مب اقل من شهرين الى ثلاث شهور لين توصل

لان حتى المقاسات الباقيه ممكن ماتكفي لازم تنحسب الكمية قبل التركيب

اللي يخرب على الواحد غرفة الدرسنغ تكون متصلة مع الغرفة ومفتوحة والبلاط لازم يكون متصل نفس المقاس مع الغرفة

انصح كل واحد يركب بلاط الباركيه مايخلط مقاسات يعني يشيل من راْسه ان يركب ثلاث مقاسات ويوهق روحه حتى لو البلاط متوفر في الدوحه

وخاصه ان الشركات اللي توفر ثلاث مقاسات تكون غاليه في السعر

[سعود.]

الله يعينك اخوي ( بو سعود )
ومشكور على التوجيه
انا حاليا مطلع الدفان للفيلا وقريب ببلط شكلة بيصير عندي
( بلاليط )
:fight:[/B]

[Azizuk]

الله يعينك اخوي ( بو سعود )
ومشكور على التوجيه
انا حاليا مطلع الدفان للفيلا وقريب ببلط شكلة بيصير عندي
( بلاليط )
:fight:[/B]

بلاليط احسن من الخبيص

اذا بلاطك مربع أو مستطيل ان شاالله امورك طيبه

وحتى اذا باركيه مقاس واحد ماعندك اَي مشكلة

الخوف من المقاسات المختلفة

[معماري قطري]

بلاليط احسن من الخبيص

اذا بلاطك مربع أو مستطيل ان شاالله امورك طيبه

وحتى اذا باركيه مقاس واحد ماعندك اَي مشكلة

الخوف من المقاسات المختلفة

عملية حسابها سهلة بوسعود

اللي يحتفظ بفايل الاوتوكاد يقدر يسويها بنفسه لو عنده خبرة بسيطة .. عندك مقاس غرفة معينة ومقاس أي غرفة جنبها والمقاسات المختلفة للبلاط أو الباركيه تسوي مستطيلات بألوان لو حبيت تفرق بينها وتصفها على المخطط .. خل نفترض رسمتك كبيرة ومعقدة وزارة مثلاً وسويت التوزيع وصعب تقعد تعد بعيونك ولازم تغلط .. فيه أمر اسمه count هذا من تختار الرسمة كلها يعد لك القطع قطعة قطعة ولو تكون مسميها ومسويها بلوكات بعد تكون بشكل واضح وفي جدول

دوم تزيد بين 10 أو 5% إحتياط للتكسير أو القص الغلط

[معماري قطري]

انا قايل من زمان واكرر اللي عنده مكان معين عارف مقاسه وعارف مقاس البلاط اللي بيحطه يعطيني المقاسات وباسوي له الحساب والتصميم كيف بيبين في الأرضية أو الحائط .. بس تسلمني نظيف اسلمك نظيف مثل ما قال حبيب السيسي عادل امام

[Azizuk]

انت دوم ماتقصر يابوعبدالله مع الأعضاء

بس انا كنت مع الفورمن ومعلمته الطريقة على ارض الواقع وأعطيته نموذج مخطط من الكتالوج

هذا التخطيط كان في الدور الارضي

وطلبت منهم ان يشتغلون في الدور الاول والأرضي وآخر شي يشتغلون في البنتاهاوس

عشان لو سمح الله صار عندي نقص اشتري اَي نوع من الدوحه متوفر وأركبه

بس قال لي احنا حسبنا كمية البلاط الموجود وان يكفي

وراح نبدأ في البنتاهوس اول واحنا نازلين عشان مانوصخ لك البيت

المهم هم ابتدو الشغل بس اخطأو ان استخدمو مقاس 30 اكثر من المقاسات الثانية

لو مشو على كلامي وابتدو في الدور الاول والأرضي وخلو البنتاهوس اخر شي افضل

ومثل ماقلت سابقاً ان استخدمو مقاس 15 / 20 / 30 المجموع 65 سنتيميتر

بعدين على طول استخدمو مقاس 20 / 30 / 15 المجموع 65 سنتيميتر

واستخدم بعدها مقاس 15 / 30 / 20

يُبين لنا ان استخدام مقاس 30 اكثر*

وكثرة استخدام مقاس 30 هذا اللي سبب النقص

صحيح ان في الاخر المقاس الكلي يطلع 65 سنتيميتر

الحمدالله على كل حال

نتعلم من الأخطاء

[معماري قطري]

الظاهر اللي باعك غلط في الحسبة وحسب لك الكميات مقسومة على المساحة الكلية .. يعني ثلث المساحة الكلية 15 وثلثها 20 وثلثها 30 .. تماتيك يطلع لك عدد ال 15 ضعف الثلاثين وعدد العشرين 150% عن عدد الثلاثين .. والفيلسوف اللي يركب يقول لك اتبعنا كلامك ونقص وبينقص سرعة

المفروض يكون حق كل خط 30 خطين 15 وخط ونص 20 حتى يوازنها صح

بص حضرتك

وهذا لفائدة الجميع وللأسف مسؤولين المبيعات بعضهم يصلحون لكراج سيارات مب سيراميك وباركيه

يحكمك تصميم التركيب وهو اللي يحكم الكميات قطعة قطعة .. هذا مثال دارج للباركيه القطعة الكبيرة وسط وحولها قطعتين وسط وبعدين قطعتين صغار من كل جنب .. يعطينا لمساحة معينة بنحتاج 4 أضعاف عدد الصغيرة مقارنة مع الكبيرة وانا اتكلم عدد مب مساحة وضعفين عدد الوسط عن الكبيرة يعني بنسبة 1 : 2 : 4 بالتدريج من الكبيرة للصغيرة .. لو المساحة اللي نحتاج نحط فيها باركيه 20 في 20 متر = 400 متر مربع شلون نحسب عدد القطع حسب هذي التركيبة؟

نحسبها حسب مساحة كل قطعة 15 ملم اتوقع للصغيرة في 65 سم .. تعطينا بعد التحويل مساحة 0.00975 متر مربع وفي المتر .. وفي المتر المربع نحتاج 102.56 + الهالك 5% = 108 قطع تقريباً ولكل 7 متر نحتاج 4 متر مربع من الصغيرة

المتوسطة مساحتها 0.013 وللمتر نحتاج 77 قطعة تقريباً + 5% = 81 قطعة ونحتاج مترين لكل 7 متر من الكمية

الكبيرة نحتاج 54 قطعة للمتر المربع ونحتاج 1 متر من كل 7 متر كمية .. نشوف مضاعف ال7 لحد ما نوصل 400 نحتاج 57.14 من الكبيرة يعني نحتاج عدد بالضبط 3086 قطعة وبنضمن ما ينقص ممكن يزيد شيء بسيط

للمتوسطة نحتاج 9257 قطعة .. طبعاً بيعطيك الكمية بالكرتون المقرب لهذا العدد وبزيادة شوي

هذي صورة التوزيعة والعدد يختلف أكيد لو اختلفت المساحة

http://i.imgur.com/Tcx8nfL.png

[معماري قطري]

التوزيع كذلك بعضها تجي مقطوعة أما ثلث أو ثلثين أو كاملة حتى تجي كل حزمة متداخلة في بعض وتقريباً ما يطلع عندك هالك .. اللي بتقص منها الثلث يبقون الثلثين تركبهم في الصفة اللي فوقها وبعدين تركب كاملة

أحد الإخوان أسس شركة لتركيب الغرانيت الله يرحمه توفى السنة .. كان يسوي التصميم كلوحة فنية بألوان ونوعية كل قطعة على الرسم وبعينات موجودة عنده ويرسل التصميم لمصنع مختص في البرتغال .. ويرسل له كونتينر بالقطع مقصوصة قص ليزر ومرقمه تركب قطعة قطعة بكل سهولة وبربح كبير جداً