خطوات التشطيب الصح

[Almuraikhi]

السلام عليكم
اخواني بغيت اعرف ايش الأفضل ابتدئ بالبرايمر والمعجون الداخلي وبعدين الأرضيات الداخلية ولا العكس ؟

[سعود.]

الافضل بعد التبليط .
وتخلية يحط نايلون على الارضيات نوع ( سميك ) حمايه لها .
قبل البرايمر صنفره للبلاستر وغسيل لها . قبل اصبغ اكد علية السقلات تكون بتواير على اساس ماتضر البلاط .

[معماري قطري]

لو بديت بالسقف وخلصت الجبس بعد البلاستر وممكن بنفس الوقت حد يسوي برايمر لأن كل ما عجلت بالبرايمر أفضل بس بشرط يكون البلاستر ناشف

إطلب السقالات بتواير وقفل للتواير تجي ثابتة ويقدرون يشتغلون ما يخربون بايبات الكهرب أو سو صبية حماية قبل وهذي بتكون أرضية صلبة ما عليك من أي نوع يستعملون وحتى لشغل التكييف أنظف وأقل غبار

وفي حالة بتسوي البلاستر حق الأرضية والتبليط حط بلاستيك حماية بس لتسوي قراوت الا بعدين وفوق البلاستيك حط أما ألواح خشب خفيفة أو جبس وبعدين خلص شغل السقف والجدران بس دوم أفضل البرايمر تشتغله أول شيء لحماية البلاستر

بعدين ترجع للحوائط بالمعجون وللسقف تخلصه بعد تركيب الدرايش وينصبغ وانت نازل على الحوائط وتبقى الحماية لين الأخير وتركيب القراوت بعد تنظيف بين البلاط .. أما في حالة سويت الصبية ممكن حسب شطارة اللي يشتغلون معاك تركيب البورسلان آخر شيء بعد الصبغ وتخليص السقف .. أحياناً يكون نوع رقيق أو سيراميك وتركيبه يحتاج وقت ونظافة والعمال قادرين على العناية بالجدران .. وتبي تفتك بنظافة وتركيب زين شوف مقاول واحد يسوي الشغلتين وينسق شغلة السقف

[Almuraikhi]

مشكورين اخواني على الردود
اخوي معماري أنا حاليا خلصت الجبس والبرايمر والدرايش باقي الأرضيات والمعجون ابتدئ بالارضيات أفضل قصدك ؟

[معماري قطري]

مشكورين اخواني على الردود
اخوي معماري أنا حاليا خلصت الجبس والبرايمر والدرايش باقي الأرضيات والمعجون ابتدئ بالارضيات أفضل قصدك ؟

صحيح أفضل والله يوفقك وسلم على الطيار بو ظاهر