مستشفى الوكرة ( مجرد تساؤل )

[مختلف جداََ]

السلام عليكم

ولدي تعور في عينه و وديته طواري الوكرة ، تخيلو إنه مافي أي دكتور أخصائي في العيون في قسم الطواري .
قالوا لي جرب العيادات الخارجية ، رحت عيادة العيون اللي في العيادات الخارجية الوكرة ،
الأخت هناك جزاها الله خير شرحت لي انه الخميس مافي عيادة عيون و انه كل دكاترة العيون الخميس عمليات .

يا قسم طوارئ الوكرة هل يعقل مافي دكتور متخصص في العيون ؟

اخر شي قالوا لي وده طواري مستشفى حمد

شرايكم ؟

عجبي !!!

[ولد العرب]

استعجل عليه وده لو بفلوس الاهلي الدوحه عمادي

الله يسامحهم مستشفى الوكره

[مختلف جداََ]

شكلي رايح العمادي ولو اني ما ادانيهم

[مختلف جداََ]

شرايكم اوديه عند فهد القحطاني

[ولد العرب]

شرايكم اوديه عند فهد القحطاني

وده معروف فهد

[مختلف جداََ]

رايح له

[الحياة الخالدة]

الله يعينك ويشافي ولدك
اللي أسمعه إن الدكتور فهد شاطر
اتصل بالعيادة وانت في الطريج .. تأكد إنه موجود

[مختلف جداََ]

الله يسمع منج

ربج ييسر

[ya3coub]

الله يعينك على طواري حمد للأسف

من الأحد أ×وي ينطر سرير فالعناية المركزه مافي لحد الحين

و امس 4 ساعات ولا جا الدكتور لأنه دكتور واحد على اكثر من غرفه طوارئ و الأولوية للي احتمال بيموتوم و في حاله الوفاه.!!!!!!

و الي من ذوي الأحتياجات الخاصه ماله اي اولوية :) اليوم خامس يوم له فالطواري على جهاز تنفس ما يقدرون يشيلونه و لحد الحين سرير واحد فالعنايه ما فضى حسب كلامهم و لما زرت العناية قال بأن من الضغط محولين مرضاهم على الطواري و على العنايات الأخري مثل عنايه الحوادث و اذا جا شخص مصاب بحادث بيدخلونه و يطلعون الشخص إلى الطواري من جديد



ألف لا باس على ولدك و ان شاء الله يا رب انه هالحادث او العوار ما يأثر على النظر بإذن الله تعالى طهووور

[النهار]

مايشوف شر ولدك
روح المغربي ياخوي

[أبو سعود]

من عشره أيام أبنتي قامت من النوم وما تقدر

تفتح عينها

فكرت أخذها لقسم الطوارئ بالوكره بس تذكرت

جاري قال لي في شهر مايو الماضي


أنه ذهب لقسم العيون بهذا الشهر لكي يأخذ

موعد له بالعيون

لكنه تم أعطاءه موعد بعد سنه بالضبط

أي في شهر مايو القادم


قلت سأخذها على عياده خاصه معروفه وبتحمل

تكاليف العلاج


ولا أن تأخذ موعد بعيد ولا أن أرى

عين أبنتي تتعب


والحمد لله تم علاجها والحمد لله هي بخير الآن


لكن اللي قهرني بهذا الموضوع :


عند ذهابي لهذه العياده الخاصه المعروفه مرتين ؛

أنا كمواطن أدفع وأتحمل تكاليف العلاج

بينما كنت أشوف زحمه بهذه العياده ومعظمهم

من المقيمين ولا يدفعون تكاليف العلاج

وأنما يوقعون على أوراق التأمين لأن جهات عملهم

بالدوله تتحمل تكاليف التأمين الصحي لهم


ونحن المواطنين ( أهل البلد )


تم ألغى التأمين الصحي عنا

[بانغ بانغ]

ما يشوف شر

صحيح كلامك صارت حق ولدي من سنتين نفس الشي

[ya3coub]

السلام عليكم

ولدي تعور في عينه و وديته طواري الوكرة ، تخيلو إنه مافي أي دكتور أخصائي في العيون في قسم الطواري .
قالوا لي جرب العيادات الخارجية ، رحت عيادة العيون اللي في العيادات الخارجية الوكرة ،
الأخت هناك جزاها الله خير شرحت لي انه الخميس مافي عيادة عيون و انه كل دكاترة العيون الخميس عمليات .

يا قسم طوارئ الوكرة هل يعقل مافي دكتور متخصص في العيون ؟

اخر شي قالوا لي وده طواري مستشفى حمد

شرايكم ؟

عجبي !!!

مغربي مكلف بس زين و علاج او لا قدر الله اذا احتاج عمليه فوريه