"طلب نصيحه من العارفين عن البوسنة" وشُكراً

[ضليع التبريد]

عندي صديق يبي يشتري له فيلا في "البوسنة" ويطلب فائدة ونصيحه من العارفين المجربين في المنطقة ... لا تبخلون عليه يالعارفين بالمنطقه،، وشُكراً مقدماً

[وحيد-الشوق]

اول شيء يسأل نفسه ماهو غرض الشراء وهل السعر مناسب فعلا ً؟ هل بيعيش هناك ؟ ولابيروح 3 مرات في السنة وبتم مهجوره فتره ؟! ولا يبي استثمار والثانية ما انصح فيها لأن هالدول مانعرف شيصير فيها من قدام نفس تركيا

[راعي الاصفر]

بلد جميل وهادي وأهل البلد طيبيين

[بانغ بانغ]

بيت خالتي شارين

انصحك فيها ولا تركيا

[383 STROKER]

البوسنة لا يوجد فيها قانون التملك الحر للاجانب. في طرق للتملك عن طريق شركة بوسنية مثلا يقوم المالك بفتح شركة في البوسنة وبعدين شركته تتملك الفيلا. بس لازم يفتح سجل تجاري ويكون عنده شركته نشاط تجاري قائم.

[nooora]

بيوت خشبيه حلوة تعيش فيها .. لكن ف ثلوج

[راعي الاصفر]

فية شركة اماراتية هي اللي تبيع ملك شيخ من الامارات الشمالية

[ضليع التبريد]

شُكراً على آرائكم الطيبة

[ضوى]

في منطقة تبعد عن سراييفو حول الساعة مجمع كبييير رااائع فلل على بحيرات اصطناعية صاحبها كويتي من الكندري ، الفلل ثمنها حول 600 الف والشقق بين 300 و400 تقريبا حسب كبرها وماخذين اراضي كبيرة حواليهم يبون يسوون فيها مشاريع مثل مدينة العاب وسوق ومدري شنو ، فكرت اخذ فيها وكنت خلاص على وشك بس عقب فكرت فيها اشكثر باروح البوسنة ؟ كم مرة في السنة ؟ وانا من النوع اللي ماحب احد يقعد بمكاني يعني كاستثمار ويتاجر في الاوقات اللي مانحتاجها دورتها براسي ولقيت اني ماراح استفيد الا استجمام كم يوم في السنة وهالشي اقدر اسويه واستمتع وادفع مبالغ اقل بوايد

اللي شايف نفسه يبي يستثمر يتوكل عىل الله لانه صج البوسنة صايرة سياحية درجة اولى ماتوقعت كمية الاجانب اللي فيها للسياحة ويقولون في الربيع اكثر والشتا ناس تدرو رياضات التزحلق فكل وقت يكون فيه دوس عليها