ابي مشورتكم الوالد مريض سكر وربو افضل مستشفى لوسمحتوا

[ابوالعبد]

السلام عليكم ورحمه الله وبركاته

اول شي الله يشافي مرضاكم ومرضانا يالله يارب يا اخوان الوالد مصاب بداء سكري وربو تقريبا من 30 سنه الان هو عمره 59 سنه والله يطول بعمره وعمر والديكم المهم فتره من زمن تقريبا له 5 سنوات للاسف مايطلع اخراج يعني مايروح الحمام الا بواسطه العشرج يسويله كل صباح يادوب عشان ينزل الاخراج وديناه مستشفيات قطر و سعوديه. وسوينه لهمنظار يقولون مافيه شي وطبيعي لازم في شي الموضوع فناس نصحوني في الهند بنقلور بس مانعرف المستشفيات الكبيره الي مممن بتساعد ابوي وبتقدم له العلاج من كل شي سواء اربو او الاخراج بارك الله فيكم ابي مكان قوي ومايهمني كم الفلوس. وتكاليف الاهم هو بر والديني ورحمه الله والديكم جميعاض

[سعود.]

الله يشافي كل مسلم

الربو علاجة بأذن الله عند ( أم حمد ) سوق واقف .
بس اسكر ماراح افتي لك . جرب روح لها واستشيرها وخذ معك عنصر ( نسائي ) لنها لاتقبل دخول الرجال عليها من غير نساء .

موفق خير

[مختلف جداََ]

الله يشفي والدك

[بانغ بانغ]

الله يقومه بالسلامة ان شاء الله

اسال مختصين احسن

[نفسي عزيزه]

خل يشوف الغده الدرقيه يمكن خمول مثل والدتي مثل اعراض ابوك وبالعشرج بعد هي الله المستعان

[لطيف الروح]

الله يشفي والدك و جميع مرضى المسلمين
اخوي فيه الدكتورة / نجاح الزياني في البحرين استشارية و متخصصه في الجهاز الهضمي

[qatarman8008]

الله يشفيه ويشفي جميع امراض المسلمين..
بالنسبة لي العلاج بطريقتين..
الاولى لازم يروح مستشفى يسوي فحوصات شاملة عشان يعرف وين المشكلة بالضبط..
الحل الثاني لازم يغير طريقة حياته بشكل كامل وهذا اهم شي..
يغير الاكل اللي ياكله.. يمارس رياضة المشي نص ساعه يوميا ..
يكثر من الفواكه ويقلل من الخضار..

[nooora]

الله يشفيه ويعافيه

[راعي الاصفر]

اللة يشفية ويشفي جميع مرضي المسلمين

[معماري قطري]

الله يسلمك ويحفظ والدك ويشفيه

جرب الفايبوجل دواء سهل وعبارة عن ألياف بس غير مستساغ مع الماء .. لكن سووها له في الخلاط مع حبة برتقال بدون ازالة اللب الأبيض وبماي عطه مرتين يومياً مدة ثلاث أيام وبعدين تقدر تقلل لمرة وحتى تطوف يوم ورا يوم

البرتقال لمرضى السكر عجيب وحتى يخفف آلام العضلات والعظام وبعد عندك الغريب فروت وبعض الحمضيات المرة مثل الترني

التغذية مهمة جداً وخصوصاً الألياف وفيتامين سي والنباتيات بشكل عام

لو يحتاج دواء انسولين بعد لازم يداوم عليه وانا كنت اخذ ابرتين مخلوط يومياً يعني عن 4 إبر بس عرفت إن الظهر بعد الغداء يرتفع وايد حتى لو آكل شيء بسيط والله وفقني بدكتور ليبي مشتغل في لندن ومكتسب خبرة كبيرة في مستشفى الأهلي .. نصحني بأخذ إبرة ثالثة للغداء مع بعد غلوفاج بس الغلوفاج تعب معدتي شوي وخليته

مستشفى حمد العناية بالسكر عندهم وايد زينة بعد بس مواعيدهم شوي متعبة ويعطون الجهاز اللي يقيس بدون ابرة بس له سنسور بإبرة مثل الشعرة تدخل تحت الجلد وتتلزق ولا تحس بوخزتها تبقى 14 يوم .. بس لي سببت لي حكة مزعجة لأن عندي حساسية أصلاً .. دكتورة ليلى الهيل هناك كثير فاهمة وتساعد

ما انصحك توديه مكان لأن كل شيء متوفر والفايبوجل علاج آمن ورخيص وما يحتاج له لو رتب نظامه الغذائي خصوصاً العصير والشوربات

[العتوي]

نصيحه وده مستشفى الشفاء مقابل اللولو اللي بالمطار
دكاترتهم ممتازين

[Chanel]

اسأل الله العظيم ان يشفيه ويخليه لكم
بس في استشاري في الأهلي حمد العذبه باطنيه الكل يمدحه
وانا عن تجربه امدح دكتور محمد امين زبيب دكتور فاهم وينصح وله عياده خاصه

[فريج النجادة]

اسأل الله العظيم ان يشفيه

وجميع مرضى المسلمين امين

اخوي بارك الله فيك

لا تخلي المستشفى الكوبي

المستشفى فوق الممتاز من العناية والتشخيص والعلاج

وخصوصى كبار السن

https://www.hamad.qa/AR/Hospitals-and-services/The-Cuban-Hospital/Pages/default.aspx

تفضل هذا موقع وعنوان وتلفون المستشفى الكوبي

ولا تقولي ما رحت له

الله يقويك ويبارك فيك ويزيدك بر في الوالد يارب

[الصمت]

بالنسبة للسكر دكتور محمد الريشي في مستشفى الأهلي