اتحدى شركة " Ooredoo " انها تنفذ هذا الاقتراح ...

[محمد11]

اتحدى شركة " Ooredoo " انها تنفذ هذا الاقتراح ...

الاقتراح هو اني اقدر اتحكم بالأنترنت او المكالمات في اغلاقه وفتحه ( عن طريق شركة Ooredoo )
وليس عن طريق الجوال ..

يعني النت يسكر بالتاريخ الفلاني ويفتح بالتاريخ الفلاني نفس نظام وقف الرقم !!

لان مهما ما سويت سكرت الجوال ولا حرقت الجوال وكلت الجوال وقت السفر لازم ف الفاتورة تجيك ( استخدام بيانات اثناء التجوال او استخدام مكالمات اثناء التجوال )
والمشكلة ان لو بفتح النت اثناء السفر الفاتورة بتكون من 1000 ريال وطالع ..

لكن تتفاجئ ان زياده ع الفاتورة 30 ريال 40 ريال خاطري اعرف هالمبلغ فاتح فيه شنو !! ولا بكلم من ..

طول السفرة استقبل مكالمات لأني مشترك في باقة اعتقد اني مفلسهم فيها .. اني استقبل المكالمات اثناء السفر " مجانا " والجوال نوكيا .. اتفاجئ ان في اتصال وانا في تايلند اني متصل افريقيا !!! والجوال ما في أي رقم !!!

المشكلة الجوال مسكر او مركب الجوال في هاتف نوكيا لا فيه نت ولا فيه أي شيء حده يطلع ليت !!



ف النهاية الرد بيكون ( السستم ) ما يغلط

[محمد11]

تذكرت شي ...

جاتني فاتورة انترنت في يوم من الأيام اثناء السفر ..

قلت لهم ان الجوال بدون كرت !!

قالت لي انت شابك ( Wifi ) قلت لهم أي نعم شابك !!

قالت لي عيل من ال Wifi crazy

انا هني الصراحه انصدمت بالرد ورحت اشيك على الرقم اني انا متصل اوريدو ولا متصل ( سوق السمك)

[توشيبا]

تذكرت شي ...

جاتني فاتورة انترنت في يوم من الأيام اثناء السفر ..

قلت لهم ان الجوال بدون كرت !!

قالت لي انت شابك ( Wifi ) قلت لهم أي نعم شابك !!

قالت لي عيل من ال Wifi crazy

انا هني الصراحه انصدمت بالرد ورحت اشيك على الرقم اني انا متصل اوريدو ولا متصل ( سوق السمك)

اماااااااااااااااااا؟

[محمد11]

اماااااااااااااااااا؟

أي والله العظيم

[بانغ بانغ]

نصب واضح

صارت لي قبلك

ملايين من ورانا

[معماري قطري]

قطعوا جوالي في بانكوك مع إني مسوي جوازات اوريدو شكثر ودفعوني 2000 ريال واتصالي كان دقايق

[بوNasser]

قطعوا جوالي في بانكوك مع إني مسوي جوازات اوريدو شكثر ودفعوني 2000 ريال واتصالي كان دقايق
نفس الوضع صادني في بانكوك, فتحت الجوال والبيانات بس لتفعيل جواز اوريدو

وخلال فترة انتظار التفعيل تم استهلاك 155 ميغابايت على كلامهم ( اكثر من الفين ريال)

( انا حاط الحد الأقصى 1000 ريال وبعدين يقطعون، الجماعة وصلوه ثلاثة الآف وشي وبعدين قطعوه )

الله المستعان

[alshammari]

نصيحة اللي يبي يسافر ويبي يستخدم جواز اوريدو يفعله من الدوحة قبل تطير الطيارة

توصله رسالة تفعيل ويكون بوضع امن

[Riku3]

تقدر .. انا متصل فيهم قبل السفر وقطعت رقمي الثاني على الاستخدام خارج الدولة .. من وصلت امريكا التلفون ماقبل يشتغل مع اي شبكة ، خذت كرت امريكي وشغلت الجوال وايفاي وخليت هالتلفون للنت بس وضمنت ان مستحيل يشتغل على اي شبكة وشبكت كل اجهزتي عليه ..

اخر كم يوم قبل العودة اتصلت على اوريدو من امريكا ابي افتح الخط لان خلصت الرصيد الامريكي وكنت ناوي اشغل الخط واخذ جواز اوريدو :pic: ..

رد علي الموظف ما يصير لازم يكون بشكل شخصي هههههه .. اقوله انا صاف على جنب في امريكا ابي انترنت علشان اشغل جووجل ماب ابي اوصل البيت وانت تقولي لازم اكون في الدوحة ؟؟؟ عيل ليش حاطين رقم دولي للاستفسار ؟؟ ..

زين اني كنت منزل الخريطة Offline على جوالي الثاني وتذكرت .. رحت اقرب فرع حق t-mobile وجددت الاشتراك :/ .

[هيليوم]

تذكرت شي ...

جاتني فاتورة انترنت في يوم من الأيام اثناء السفر ..

قلت لهم ان الجوال بدون كرت !!

قالت لي انت شابك ( Wifi ) قلت لهم أي نعم شابك !!

قالت لي عيل من ال Wifi crazy

انا هني الصراحه انصدمت بالرد ورحت اشيك على الرقم اني انا متصل اوريدو ولا متصل ( سوق السمك)



ههههههههههههههههه

[نفسي عزيزه]

لن تستطيع هزيمة اوريدوا

حاولنا بكل الطرق والوسائل لكن غلبتنا بحيلهم

ماينصادووون ومراوغه قويه منهم بيطلعونك غلطان وبتدفع وانت تضحك فليش نحاسبهم ههههه

الله كريم :strong2:

[QATAR-2006]

الحمدلله غيرت فودافون اليوم :strong2:

[محمد11]

والله نصيحه للاخوان الي يبون يشتركون في جواز اوريدو…

كرت هلا ما عليكم امر. عبوه ب 100 ريال بس
واشترك ف الخدمه بعدها اتحدى اوريدو يبوقون مافي ال صفر ف الرصيد .. بعدها بتعرف اذا خلصت الرصيد

انا من بعد ماجاتني فاتوره 15 الف في 5 دقايق
عرفت لهم .. بس طلعتها من جبدهم

[محمد11]

تقدر .. انا متصل فيهم قبل السفر وقطعت رقمي الثاني على الاستخدام خارج الدولة .. من وصلت امريكا التلفون ماقبل يشتغل مع اي شبكة ، خذت كرت امريكي وشغلت الجوال وايفاي وخليت هالتلفون للنت بس وضمنت ان مستحيل يشتغل على اي شبكة وشبكت كل اجهزتي عليه ..

اخر كم يوم قبل العودة اتصلت على اوريدو من امريكا ابي افتح الخط لان خلصت الرصيد الامريكي وكنت ناوي اشغل الخط واخذ جواز اوريدو :pic: ..

رد علي الموظف ما يصير لازم يكون بشكل شخصي هههههه .. اقوله انا صاف على جنب في امريكا ابي انترنت علشان اشغل جووجل ماب ابي اوصل البيت وانت تقولي لازم اكون في الدوحة ؟؟؟ عيل ليش حاطين رقم دولي للاستفسار ؟؟ ..

زين اني كنت منزل الخريطة Offline على جوالي الثاني وتذكرت .. رحت اقرب فرع حق t-mobile وجددت الاشتراك :/ .

لا الشيخ .. القطع يكون اختياري تبي مكالمات ولا بيانات
المكالمات احنا محتاجينها اذا جاتنا اتصالات .. لان بعدها راح تشوف الرقم وتتصله من رقم البلاد الي فيها ..
لكن قطع كامل هاي صعبه مب من صالحك ..

[عايش فرحان]

هالشركة ما تقدر تأخذ منها لا حق ولا باطل .. حسبي الله عليهم .. زقوم في كبدهم ان شاءالله ..

[bohilal191]

والله نصيحه للاخوان الي يبون يشتركون في جواز اوريدو…

كرت هلا ما عليكم امر. عبوه ب 100 ريال بس
واشترك ف الخدمه بعدها اتحدى اوريدو يبوقون مافي ال صفر ف الرصيد .. بعدها بتعرف اذا خلصت الرصيد

انا من بعد ماجاتني فاتوره 15 الف في 5 دقايق
عرفت لهم .. بس طلعتها من جبدهم

المشكلة رقمك الرئيسي فاتورة وانا معاك اذا كان الرقم الرئيسي هلا شوفوا ياجماعة الخير انا لما اسافر اشترك في جواز اوريدوا وسكر البيانات وخلي الجوال بس استقبال وارسال للمكالمات والحمدلله ولا مره زادوا علي لأني اعرف لهم واحسب أول بأول وماعتقد في أحد عنده طولة بال مثلي إني اشيك كل نص ساعة على الرصيد من خلال تطبيق اوريدوا

[بوخالد911]

يا ريت يطبقونها.

بس جذب كلمهم في تويتر.

[سعود.]

نصيحة اللي يبي يسافر ويبي يستخدم جواز اوريدو يفعله من الدوحة قبل تطير الطيارة

توصله رسالة تفعيل ويكون بوضع امن


صدقت والله

[بوخالد911]

وخلوا اختيار الشبكات يدوي.

[shadad]

اشتراك اوريديو حق النت يعتبر فخ بمعنى الكلمة. يدرون ان الناس بتطوف الليمت. يعني فاتورتك 250 مثلا يقولك : يالذيب ولا يهمك نعطيك لميت لين 600 ريال وعقب نوقفه. زين ما ابيه 600 خلوه يوقف على الليمت صح. ما في فايدة.

لحسن الحظ انظمة هواتف اندرويد وايفون - اعتقد موجوده بالايفون - تسمح لك تحط ليميت للانترنت. يعني مثلا انذار او تنبيه على حد معين وتوقفه هي من عندها على قريب الحد تقريبا للاحتياط. هذا راجع لتعديلاتك ورغبتك. انا الاحظ اكبر نكبه في موضوع الفواتير هي الخاصه بالانترنت. الانترنت يخلص وهني يحسب عليك زيادة واحسب انت الميقا بكذا ريال.

[بانغ بانغ]

سمعت شركة زين بيشتغلون في الدوحة ؟

صحيح او لا ؟

[معماري قطري]

سمعت شركة زين بيشتغلون في الدوحة ؟

صحيح او لا ؟

لو بيشتغلون بس محمول وبيتمنون لو ما اشتغلوا .. سمعت إن فودافون ينتفون شعرهم من الخسائر ويفكرون في الشردة

[معماري قطري]

نفس الوضع صادني في بانكوك, فتحت الجوال والبيانات بس لتفعيل جواز اوريدو

وخلال فترة انتظار التفعيل تم استهلاك 155 ميغابايت على كلامهم ( اكثر من الفين ريال)

( انا حاط الحد الأقصى 1000 ريال وبعدين يقطعون، الجماعة وصلوه ثلاثة الآف وشي وبعدين قطعوه )

الله المستعان

والله مأساة وهناك تشتري كرت برخيص وتتصل كل مكان ويبقى شغال لين ترجع قطر

وصلوا للعالمية على حساب القطري والا هناك أرباحهم محدودة جداً والعميل ماخذ حقه من عيونهم

[اتصالات_103]

السلام عليكم ورحمة الله،
في حالة كان لديك مشكلة أو شكوى مع مقدم الخدمة ولم يقم مقدم الخدمة بحلها، يُرجي الاتصال بالخط الساخن لحماية المستهلك بهيئة تنظيم الاتصالات (103) أو عبر التطبيق الهاتف الجوال الخاص بهيئة تنظيم الاتصالات "أرسل" .

[MAZEN37]

الحين كيف عروض اوريدو مميزة وافضل وارخص في البلاد الثانيه وهنا في البلد الام اقل وغاليه

[عايش فرحان]

شركة أوريدو لديها 117 مليون مشترك حول العالم، والغريب أن يأتي حوالي 75٪‏ من دخل الشركة من 3 ملايين مشترك فقط، وحوالي 25٪‏ من الدخل من 114 مليون مشترك.
الـ 3 ملايين هم سوق قطر، لذلك هو أهم سوق عند أوريدو، وهو سبب الصراع بين «فودافون» وشركة الألياف الضوئية من جهة، و«أوريدو» من جهة أخرى، لأن نزول حصة «اوريدو» في السوق القطري يعني تعرض 75٪‏ من دخلها للخطر.
وللأسف مازالت «فودافون» وشركة الألياف الضوئية تخسران، حتى يومنا هذا، و«أوريدو» هي التي تربح بسبب سوق قطر فقط.
مع العلم ان المجلس الأعلى للاتصالات اغلب أعضاءه مرتبطين تاريخيا ووجدانيا بكيوتل سابقاً و وأريدوا حالياً..

( منقول بتصرف من مقال للكاتب احمد السليطي ).

[Me&OnLy]

الشكوى لله شتقول بعد العجيب في اوريدو قبل 100 ريال انترنت تقعدك 20 يوم او 25 يوم الحين زين لو وصلت اسبوع احس يبي يعوضون التقشف الي صاير على حساب العملاء اسلوب رخيص وعقليه خبيثه

[Riku3]

الشكوى لله شتقول بعد العجيب في اوريدو قبل 100 ريال انترنت تقعدك 20 يوم او 25 يوم الحين زين لو وصلت اسبوع احس يبي يعوضون التقشف الي صاير على حساب العملاء اسلوب رخيص وعقليه خبيثه
انا بعد حاس بهالشي صراحه .. الانترنت صار اغلى الفترة الي فاتت والا شسالفة .. حتى انترنت الشركة صار بطيء فجأة من كم شهر ولما اتصلت فيهم يقولون تجاوزت البيانات المسموحة فيصير الانترنت ابطئ وبعد ما تنزا الفاتورة ترجع السرعه العادية لين تتجاوز البيانات !! .. انترنت مفتوح وحق شركة شلون تحط علي كمية بيانات وهالشي ما صار الا الفترة الاخيرة !! ..

نفس الفكرة مع جواز اوريدو .. من فترة كنت ماخذ كرت برع قطر غير محدود لمدة شهر بـ 60 دولار .. تميت شهر ماخذ راحتي وما وصلت 6 جيجا .. من شغلت جواز اوريدو اخر كم يوم شوي طيرت نص البيانات في يوم !! .

حتى الابلكيشن حق اوريدو من فترة جربت اطلب الـ 10 ميجا المجانية الي عارضينها .. طيرت 3 او 4 ريالات بس علشان ادخل افتح الابلكيشن واضغط العروض واختار العرض !! .

[مرتبش]

للاسف شي يفشل
شركة ارباحها بالمليارات.. تشتغل في عدة دول.. واخرتها يخصمون عليك 30 ريال لخدمة رنات ونغمات .. ماسمعت فيها ولاتدري عنها وبدون موافقة.
يعني هذي طريقة للربح والا ايش بالضبط

[الزعفراني]

اللي تجيهم فواتير انترنت اضافيه وهم مسافرين بالرغم من اشتراكهم في جواز اوريدو عندهم اشكاليتين :

1- إنه يخلي جواله يشبك على اي شبكة بشكل آلي ، يعني حسب التغطية المتوفرة في المنطقة . ويتفاجىء ان هالشبكة مش هي الشبكة المشغلة لاوريدو ، الحل بالنسبة لهالنقطة هو الدخول على اعدادات الخلوي وتعديل اختيار الشبكة إلى يدوي بدل آلي .. بمعنى اول ما توصل البلاد اللي انت فيها تختار الشبكة اللي مذكورة في مسج جواز اوريدو اللي يطرشونه لك ، في هالحاله لو مافي تغطية للشبكة ذي ما راح يدور على شبكة ثانيه بكيفه لكن راح يسألك قبلها .


2- الاستخدام المفرط لملفات الفيديو والصور والصوتيات .. يعني تخيل مثلا تشغل مقطع يوتيوب بو دقيقتين بجودة عاليه يمكن يوصل حجم البيانات إلى 100 ميغا مثلا وانت ماتدري .. او مثلا تصور سنابات او تتصفح سناب ( أم المصايب سناب ) .. لان نفس الشي يستهلك بيانات ، ونفس الشي قروبات الواتس اب السنداره اذا يطرشون فيديوهات وصور .. ، حل هالمشكلة تدخل من اعدادات الهاتف الخلوي .. وتلغي تفعيل برنامج اليوتيوب وبرنامج سناب وانستقرام مثلا .. بمعنى هالبرامج ما تشتغل الا اذا فيه اتصال وايرلس .. لكن ع الشبكة ما راح يشتغلون .. وتدخل اعدادت الواتس اب وتعدل اختيار تنزيل الملفات بشكل آلي إلى الاختيار اللي انت بنفسك تنزل الفيديو او الصورة في الواتس اب ..يعني مافي شي راح تستقبله في القروبات من الملتيميديا الا باختيارك انت .

هذي تقريبا اساس المشكلة للي يعانون من ارتفاع الفواتير في السفر .. غير كذا الناس ما تعرف شلون الحسبة والتكلفة مرتفعه .. لان استخدام الواحد ميغا الاضافي بعد انتهاء رصيد الباقة ممكن يكلفك 55 ريال .. الواحد ميغا يعني ولا شي .. يعني ممكن تستقبل صورة وحدة في الواتس اب حجمها 6 ميغا .. يعني بتدفع 6*55 ريال = 330 ريال ..!!!!!!!!! تخيل بس صورة وحده 330 ريال .. فما بالك لو مقطع فيديو في سناب او في يوتيوب .. او قول 60 صورة تستقبلها من قروبات الواتس اب ( صباح الخير ) و ( ومساء الخير ) و ( الحب من نظرة مع صورة ورده وكوب كوفي من كوستا ) :)



أجمل الحلول .. تاخذ كرت من البلد اللي انت فيها .. غالبا ارخص من اوريدو بمليون مره .. وفعل عليه باقة انترنت ..

وتسكر تجوال كرتك القطري .. وتخليه بس للاتصالات .. اللي يتصل عليك لا ترد عليه .. كلمه من كرت البلد اللي انت فيها ..

والمكان اللي تتواجد فيه اذا متوفر الواي فاي .. اشبك عليه جوالك .. او في الفندق قبل النوم خذ راحتك واحرق النت :)

وتقدر تقلب جوالك اللي فيه كرت البلد اللي انت فيها الى هوتس بوت .. يعني جوالك يصير كنه مودم وايرلس .. وتشبك جوالك القطري عليه .. :)

الحلول كثيرة .. وممكن من ضمنها ترفع باقتك الشهريه مثلا باقة 750 ريال عندهم امتيازات للتجوال اظن .. وفودافون بعد اظن عندهم باقة 1000 ريال .. كل شي مفتوح وانت مسافر استقبال وارسال غير وانترنت غير محدود ..


اتمنى قدرت اوضح لكم واحدد لكم المشكله وين .. والحلول :)

تحياتي واشواقي ...

[bohilal191]

اللي تجيهم فواتير انترنت اضافيه وهم مسافرين بالرغم من اشتراكهم في جواز اوريدو عندهم اشكاليتين :

1- إنه يخلي جواله يشبك على اي شبكة بشكل آلي ، يعني حسب التغطية المتوفرة في المنطقة . ويتفاجىء ان هالشبكة مش هي الشبكة المشغلة لاوريدو ، الحل بالنسبة لهالنقطة هو الدخول على اعدادات الخلوي وتعديل اختيار الشبكة إلى يدوي بدل آلي .. بمعنى اول ما توصل البلاد اللي انت فيها تختار الشبكة اللي مذكورة في مسج جواز اوريدو اللي يطرشونه لك ، في هالحاله لو مافي تغطية للشبكة ذي ما راح يدور على شبكة ثانيه بكيفه لكن راح يسألك قبلها .


2- الاستخدام المفرط لملفات الفيديو والصور والصوتيات .. يعني تخيل مثلا تشغل مقطع يوتيوب بو دقيقتين بجودة عاليه يمكن يوصل حجم البيانات إلى 100 ميغا مثلا وانت ماتدري .. او مثلا تصور سنابات او تتصفح سناب ( أم المصايب سناب ) .. لان نفس الشي يستهلك بيانات ، ونفس الشي قروبات الواتس اب السنداره اذا يطرشون فيديوهات وصور .. ، حل هالمشكلة تدخل من اعدادات الهاتف الخلوي .. وتلغي تفعيل برنامج اليوتيوب وبرنامج سناب وانستقرام مثلا .. بمعنى هالبرامج ما تشتغل الا اذا فيه اتصال وايرلس .. لكن ع الشبكة ما راح يشتغلون .. وتدخل اعدادت الواتس اب وتعدل اختيار تنزيل الملفات بشكل آلي إلى الاختيار اللي انت بنفسك تنزل الفيديو او الصورة في الواتس اب ..يعني مافي شي راح تستقبله في القروبات من الملتيميديا الا باختيارك انت .

هذي تقريبا اساس المشكلة للي يعانون من ارتفاع الفواتير في السفر .. غير كذا الناس ما تعرف شلون الحسبة والتكلفة مرتفعه .. لان استخدام الواحد ميغا الاضافي بعد انتهاء رصيد الباقة ممكن يكلفك 55 ريال .. الواحد ميغا يعني ولا شي .. يعني ممكن تستقبل صورة وحدة في الواتس اب حجمها 6 ميغا .. يعني بتدفع 6*55 ريال = 330 ريال ..!!!!!!!!! تخيل بس صورة وحده 330 ريال .. فما بالك لو مقطع فيديو في سناب او في يوتيوب .. او قول 60 صورة تستقبلها من قروبات الواتس اب ( صباح الخير ) و ( ومساء الخير ) و ( الحب من نظرة مع صورة ورده وكوب كوفي من كوستا ) :)



أجمل الحلول .. تاخذ كرت من البلد اللي انت فيها .. غالبا ارخص من اوريدو بمليون مره .. وفعل عليه باقة انترنت ..

وتسكر تجوال كرتك القطري .. وتخليه بس للاتصالات .. اللي يتصل عليك لا ترد عليه .. كلمه من كرت البلد اللي انت فيها ..

والمكان اللي تتواجد فيه اذا متوفر الواي فاي .. اشبك عليه جوالك .. او في الفندق قبل النوم خذ راحتك واحرق النت :)

وتقدر تقلب جوالك اللي فيه كرت البلد اللي انت فيها الى هوتس بوت .. يعني جوالك يصير كنه مودم وايرلس .. وتشبك جوالك القطري عليه .. :)

الحلول كثيرة .. وممكن من ضمنها ترفع باقتك الشهريه مثلا باقة 750 ريال عندهم امتيازات للتجوال اظن .. وفودافون بعد اظن عندهم باقة 1000 ريال .. كل شي مفتوح وانت مسافر استقبال وارسال غير وانترنت غير محدود ..


اتمنى قدرت اوضح لكم واحدد لكم المشكله وين .. والحلول :)

تحياتي واشواقي ...

هذا بالضبط اللي أسويه لما أسافر وازيد عليه اني أركب كرتي في جوال نوكيا وكرت البلد اخليه حق النت وأشغل عليه واتس أب رقمي القطري يعني اتصالاتي من كرت البلد والواتس اب من رقمي القطري

آخر سفرة لي حق بانكوك خذت كرت نت فيه 12 جيجا بـ799 بات يعني تقريبا 79 ريال وحرق في النت لمدة 6 أيام وقبل ما أرجع قطر شيكت على الرصيد طلع المتبقي 5 جيجا:eek5:

[naklan]

السلام عليكم ورحمة الله،
في حالة كان لديك مشكلة أو شكوى مع مقدم الخدمة ولم يقم مقدم الخدمة بحلها، يُرجي الاتصال بالخط الساخن لحماية المستهلك بهيئة تنظيم الاتصالات (103) أو عبر التطبيق الهاتف الجوال الخاص بهيئة تنظيم الاتصالات "أرسل" .

يزاك الله خير اخوي
تم حفظ الارقام

[SouthK]

الحمد لله .. اوريدو يحاولون يسحبون اي شي مني لكن انا لهم بالمرصاد .. وايد صارت و خذوا لكن لما تصيدهم بتعرف اشلون تتصرف!