حد جرب البي ام 730 أربعة سلندر

[معماري قطري]

متردد ابيها للبيت هي والا الكدلك اسكاليد شرايكم؟

المشكلة 4 سلندر وسعرها 340 بس مكينتها قوية وتيربو 258 حصان وتصلح للسواق وللمشاوير واستهلاكها قليل للبترول

[وحيد-الشوق]

سيارة 4 سلندر ب340 اشوفه مبلغ وايد صراحه يمكن لو تلقاها مستعمله بتحصلها بسعر حلو والفئتين مختلفين كلياً كمقارنه الاسكاليد حلو وسيارة عائلية وفخمه

البي ام سيارات حلوة بس وقت البيعه تخذلك بالقو

[معماري قطري]

مشكور اخوي وحيد الشوق .. البي ام فيها فخامة زيادة مثل تبريد وتدفئة الكراسي الخلفية وسعة كبيرة وهيدروليك وشاشة وطاولة وضمان وصيانة 5 سنين أو 100000 كيلو

الكدلك 60000 أو 4 سنين صيانته

حصلت مستعملة استعمال خفيف ب 295 والكدلك قريب من هالسعر كان فيه عرض على 2016 ب 335 وصحيح ما فيه مقارنة بس محتار بين السيارتين

عندنا كدلك قديم وتجربتنا معاه طيبة ألحين في عامه العاشر والله يعطيه طولة العمر وهذا شيء يخليني بعد افكر في الصالون بس قلت اشوف لو حد جربها واللي خوفني عندهم 3 مسترجعين ما مشوا شيء أقل من 2000

شوف حتى تسارعها وصوت المكينة يبين هاديء ما ادري مقصرين على صوت الفيديو


https://www.youtube.com/watch?v=O027qjCd2YA

[معماري قطري]

حاولت احصل فيديو لتجربة عربية لكن ما حصلت هذي ماليزية ونفس السيارة بالضبط سوى المقود جهة اليمين .. القيمة أكيد في الفخامة والمكينة اقتصادية وسريعة كفاية وعندنا حدود السرعة 140


https://www.youtube.com/watch?v=ryxxRxENYDM

[بانغ بانغ]

بوعبدالله خذ لك تاهو اليديد .. فيه مواصفات خطيرة

اما البي ام حق سواق .. ما انصح

لو لك اوكي وتعطي السواق شي ثاني

[الســـهم]

السلام عليكم ورحمة الله وبركاته اخوي معماري ..

شوف هالموتر اللي فالرابط، كلها كم شهر وبيكون في خط الانتاج ..

https://www.ford.com/suvs/expedition/2018/

[ya3coub]

7440 جربناهم البزنس و الهايبر لاين اثنينهم روعه

بس الــ4 سلندر الاوبشن اقل و المكينه كان في تخوف بس اتوقع انها تستحمل كونها 240 حصان و اصلن بدي الـــ7 سريس اخف من الجيل السابق

انا اقول اطلب تست درايف و اذا احد عنده نصيحه يقولك خصوصا فالصيف اشلون مستواها


الكدلك اشوفه انسب دامه للدريول و عائلي و بتاع كلو نفس ما يقولون و فخم ايضا

[Saoud_]

صعده الكلدك غير عن البي ام

اذا حجم البي ام يكفيكم انا اقول خذه وانت مغمض
ولو العيله محتاجه مساحه اكبر حاليا او بال 3 سنين الجايه خذ لك كادلاك
والكدلك توه متغير قبل سنه تغير كامل وحلو من داخل

[وحيد-الشوق]

مشكور اخوي وحيد الشوق .. البي ام فيها فخامة زيادة مثل تبريد وتدفئة الكراسي الخلفية وسعة كبيرة وهيدروليك وشاشة وطاولة وضمان وصيانة 5 سنين أو 100000 كيلو

الكدلك 60000 أو 4 سنين صيانته

حصلت مستعملة استعمال خفيف ب 295 والكدلك قريب من هالسعر كان فيه عرض على 2016 ب 335 وصحيح ما فيه مقارنة بس محتار بين السيارتين

عندنا كدلك قديم وتجربتنا معاه طيبة ألحين في عامه العاشر والله يعطيه طولة العمر وهذا شيء يخليني بعد افكر في الصالون بس قلت اشوف لو حد جربها واللي خوفني عندهم 3 مسترجعين ما مشوا شيء أقل من 2000

شوف حتى تسارعها وصوت المكينة يبين هاديء ما ادري مقصرين على صوت الفيديو


https://www.youtube.com/watch?v=O027qjCd2YA

العفو اخونا معماري واضح البي ام مب هينه تسارعها يعتبر جيد جداً لسيارة 4 سلندر البي ام مشكلتها صالون وانا تعقدت من الصوالين بسبب شوراعنا والحفريات

استخير وشوف وشو الانسب لك بس انا صوتي يروح للكدلاك رغم عدم حبي للامريكي

[naklan]

بوعبدالله اشرد من ألبي ام
اذا خاطرك في سيارة المانية المرسيدس
اهون شوي من آلبي ام لوخيرت بين السيارتين
أخذ الكدلك ابرك فكر في الصيانة والبيع
بعد الاستعمال تلقى الكدلك افضل

آلبي ام بعد شرائي لل 750il واستعمالها
كرهت ال 12 سلندر والوكالة بكبرها ابعد عن
الرنج والبي ام مش سيارات استعمال
دائم

موفق يالغالي

[naklan]

بوعبدالله أخذ انفنتي qx80
عندي في دبي تقول طيارة مريحة وقوية
وعائلية درجة اولى

ملاحظة رخيصة وتحب راعيها
هههههه

[معماري قطري]

بوعبدالله أخذ انفنتي qx80
عندي في دبي تقول طيارة مريحة وقوية
وعائلية درجة اولى

ملاحظة رخيصة وتحب راعيها
هههههه

هلا إخوي نقلان

جربتها قبل في أمريكا صحيح جيدة

المجموعة اللي يبونها مب متحمسين متحمسين للبي ام بس وطارت فلوس البي ام على شوية اسمنت وشوية طابوق في المستشفى الأهلي نشوف بعد التوزيع شيصير

[معماري قطري]

بوعبدالله خذ لك تاهو اليديد .. فيه مواصفات خطيرة

اما البي ام حق سواق .. ما انصح

لو لك اوكي وتعطي السواق شي ثاني

عيال الجيدة ربعي تهقى بيعطوني خصم والا بيزيدون السعر .. بعدين سواقنا يحليله يحافظ على السيارة والتاهو صج ضبطوه

وحيد الشوق .. المرسيدس الإي الجديد 4 سلندر ال 200 مواصفات وسط ب 290000 واعتقد ما عندهم صيانة معاه ووكالتهم كما يقال من أتعس الوكالات

[معماري قطري]

السلام عليكم ورحمة الله وبركاته اخوي معماري ..

شوف هالموتر اللي فالرابط، كلها كم شهر وبيكون في خط الانتاج ..

https://www.ford.com/suvs/expedition/2018/

عليكم السلام ورحمة الله وبركاته

وصباح خير وحلو بارد على الجميع

هذي السيارة جربتها أجار اسبوع في اورلاندو كرهتني حياتي .. النوع القديم والجديد أكيد بيكون أفضل ومحسن وبالنسبة للأمريكي أما تاخذ الأعلى وبغالي أو لا .. كنت اسميها الكبت وسوت لي كبت عن الشعور بالانتعاش وانت تسوق سيارة مريحة

[معماري قطري]

7440 جربناهم البزنس و الهايبر لاين اثنينهم روعه

بس الــ4 سلندر الاوبشن اقل و المكينه كان في تخوف بس اتوقع انها تستحمل كونها 240 حصان و اصلن بدي الـــ7 سريس اخف من الجيل السابق

انا اقول اطلب تست درايف و اذا احد عنده نصيحه يقولك خصوصا فالصيف اشلون مستواها


الكدلك اشوفه انسب دامه للدريول و عائلي و بتاع كلو نفس ما يقولون و فخم ايضا

حي الله المهندس ورفيق المهنة

258 حصان ينطح حصان والحمد لله احتياجنا حق شخصين باقي البيت كلنا نسوق

فكرة التست درايف جيدة وصج شوارعنا وسواقة البعض ما تصلح للصالون .. عند واحد من الربع 740 من يضرب حصاة صغيرة في الطريق ينشق التاير وتبديله ياخذ حول 2000 ريال

[معماري قطري]

صعده الكلدك غير عن البي ام

اذا حجم البي ام يكفيكم انا اقول خذه وانت مغمض
ولو العيله محتاجه مساحه اكبر حاليا او بال 3 سنين الجايه خذ لك كادلاك
والكدلك توه متغير قبل سنه تغير كامل وحلو من داخل

مجرب وعندنا عمره 10 سنين الله يعطيه الصحة لذلك انا محتار

[معماري قطري]

العفو اخونا معماري واضح البي ام مب هينه تسارعها يعتبر جيد جداً لسيارة 4 سلندر البي ام مشكلتها صالون وانا تعقدت من الصوالين بسبب شوراعنا والحفريات

استخير وشوف وشو الانسب لك بس انا صوتي يروح للكدلاك رغم عدم حبي للامريكي

صحيح للأسف شوارعنا تعبانة والفورويل استوت له هيبة من زمان

حلاة البي ام في بلادها

[معماري قطري]

بوعبدالله اشرد من ألبي ام
اذا خاطرك في سيارة المانية المرسيدس
اهون شوي من آلبي ام لوخيرت بين السيارتين
أخذ الكدلك ابرك فكر في الصيانة والبيع
بعد الاستعمال تلقى الكدلك افضل

آلبي ام بعد شرائي لل 750il واستعمالها
كرهت ال 12 سلندر والوكالة بكبرها ابعد عن
الرنج والبي ام مش سيارات استعمال
دائم

موفق يالغالي

الله يوفقك وشكلي باسمع نصيحة مجرب

بس غالبية اللي خذوا مرتاحين للصيانة ألحين يمكن قصدك قبل

[ya3coub]

بوعبدالله اشرد من ألبي ام
اذا خاطرك في سيارة المانية المرسيدس
اهون شوي من آلبي ام لوخيرت بين السيارتين
أخذ الكدلك ابرك فكر في الصيانة والبيع
بعد الاستعمال تلقى الكدلك افضل

آلبي ام بعد شرائي لل 750il واستعمالها
كرهت ال 12 سلندر والوكالة بكبرها ابعد عن
الرنج والبي ام مش سيارات استعمال
دائم

موفق يالغالي

يمكن لأنه 12 سلندر أخةي مافي منها وايد السيارة قطع غيارها ما تكون متوفره و غريبه بس المرسيدس ما انصح




عيال الجيدة ربعي تهقى بيعطوني خصم والا بيزيدون السعر .. بعدين سواقنا يحليله يحافظ على السيارة والتاهو صج ضبطوه

وحيد الشوق .. المرسيدس الإي الجديد 4 سلندر ال 200 مواصفات وسط ب 290000 واعتقد ما عندهم صيانة معاه ووكالتهم كما يقال من أتعس الوكالات

أخوي معماري صحيح بس ممكن تنزل اكثر من هالرقم بالنسبة للـــــE class و حلوة السيارة بس مثل ما ذكرت انها غالية و وكالتها الله لا يوريك و بعد سيرفسهم غالي
يقولون على نهاية السنة احتمال بأن يكون في مزود خدمه صيانه منافس لهم

السيرفس غالي جدا مقارنه بالوكاله في دول ثانية و خصوصا الكويت و البحرين

ابشرك سوو صيانه تدفع مبلغ للسيرفس مقدم فوق سعر السيارة

اللي يميز البي ام انه 5 سنين ما تحاتي اي شي فالسيرفس و بعدها تبتدي تدفع او حتى تبدل السيارة بوحده جديده والله يوفقك يا رب

[راعي ارقام]

السلام عليكم

شباب اللي اعرفه انه اكثر السيارات الحديثة راحة تصير تيربو و تونتيربو يعني ماله داعي ل ال 6 سلندر وال 8 سلندر تقنية حديثة وتوفر البترول

[ساراام]

هلا الغالي اذا تبي حق عايله خذ الكدلك

واذا تبي كشخه وقوه خذ البي ام

ويعتمد على السواق اذا كان محافظ عليها ومايتهور

وقبل كل هذا خذها تست وشوف،،مبروك مقدما

[اللوز]

اخذ لك كروز وفك نفسك

[بـن عدوان]

اكيد انه موتر حلو وفخم حتى لو اربعة سلندر

القوة ماتحتاجها دام بيسوقها سواق

وعندك مرسيدس فئة
e
اليديدة

فخامة مالها حل وخذ اصغر حجم

[معماري قطري]

يمكن لأنه 12 سلندر أخةي مافي منها وايد السيارة قطع غيارها ما تكون متوفره و غريبه بس المرسيدس ما انصح



أخوي معماري صحيح بس ممكن تنزل اكثر من هالرقم بالنسبة للـــــE class و حلوة السيارة بس مثل ما ذكرت انها غالية و وكالتها الله لا يوريك و بعد سيرفسهم غالي
يقولون على نهاية السنة احتمال بأن يكون في مزود خدمه صيانه منافس لهم

السيرفس غالي جدا مقارنه بالوكاله في دول ثانية و خصوصا الكويت و البحرين

ابشرك سوو صيانه تدفع مبلغ للسيرفس مقدم فوق سعر السيارة

اللي يميز البي ام انه 5 سنين ما تحاتي اي شي فالسيرفس و بعدها تبتدي تدفع او حتى تبدل السيارة بوحده جديده والله يوفقك يا رب

راحت الفلوس في الرعاية والاسمنت بس شكلي باسمع نصيحتك ننطر الأرباح اللي ذلونا عليها

[معماري قطري]

هلا الغالي اذا تبي حق عايله خذ الكدلك

واذا تبي كشخه وقوه خذ البي ام

ويعتمد على السواق اذا كان محافظ عليها ومايتهور

وقبل كل هذا خذها تست وشوف،،مبروك مقدما

الله يبارك فيك

العيال يبون البي ام ملوا من الكدلك كفاية ماخذه مستعمل من 2009

[معماري قطري]

اخذ لك كروز وفك نفسك

العيال عندهم واحد ماخذ له 2013 راح يدرس دبي وخذ هناك تيربو ومزود موديل 2007 .. كان يقول لي المكينة ب 75000 والتيربو بمادري كم قلت له بتبيع السيارة قطع قال تسوى حول 150 ما عليك وحاول يبيعها محد يبيها .. والثاني توه كجه وكل شوي يبي يركب شيء ومل قال يبي في اكس آر

يعني 3 كروزرات اثنين منهم في الامارات لو جابهم ما فيه مكان

المشكلة الحوش ما فيه مكان

[معماري قطري]

اكيد انه موتر حلو وفخم حتى لو اربعة سلندر

القوة ماتحتاجها دام بيسوقها سواق

وعندك مرسيدس فئة
e
اليديدة

فخامة مالها حل وخذ اصغر حجم

والله الاي كان داخل مزاجي بس يوم ركبته ما ارتحت .. البي ام قال لي مسؤول المبيعات شكلك بتستقر فيها صراحة مجهزة حق السواق واللي قاعد ورا في قمة الراحة

[معماري قطري]

مشكورين إخواني على تفاعلكم والله يكتب اللي فيه الخير لنا ولكم

[KHALiDiSH]

اذا بتبحث عن الامن والسلامة خذ البي ام وانت مغمض
بس فيها عيب وما راح يبين لك الحين بس في الصيف

التكيف جداً سئ ما يبرد على طول يبيله اكثر من ربع ساعه عشان يطلع هوا بارد

هذا انا الي اعانية في الصيف من x6 وهو موديل 2015
واحسن وقت اخوي تاخذ السيارة في رمضان

البي ام يسووون عروض والاسعار تنزل بشكل كبير
عادي تحصلها ب 290 مع ضمان 5 سنوات وتآمين شامل ببلاش

[معماري قطري]

اذا بتبحث عن الامن والسلامة خذ البي ام وانت مغمض
بس فيها عيب وما راح يبين لك الحين بس في الصيف

التكيف جداً سئ ما يبرد على طول يبيله اكثر من ربع ساعه عشان يطلع هوا بارد

هذا انا الي اعانية في الصيف من x6 وهو موديل 2015
واحسن وقت اخوي تاخذ السيارة في رمضان

البي ام يسووون عروض والاسعار تنزل بشكل كبير
عادي تحصلها ب 290 مع ضمان 5 سنوات وتآمين شامل ببلاش

ما قصرت اخوي .. الكدلك الجديد الصالون سي تي 6 مكيفه له تجهيزات في شنطة السيارة وتقريباً مساوي للبي ام أو منافس لها توه نازل وسعر الأعلى فيه 300000 والأقل حول 200000

الله يكتب اللي فيه الخير لي ولكم

[قطر833]

معماري قطر يصبحك بالخير (( انت عالم لا تعلم ))
شجاب البي ام حق الكاديلك ، عندنا وحده 2015 بتكمل سنتين من اروع مايمكن واستعمال دريول،،بعدين مكفوله خمس سنوات ماتدفع ريال شتبغي اكثر( وبالنسبه للتكييف البورش والجمس واكثر من سياره لو وقفتها في الشمس المكيف يتعب)
نصيحتي لك خذ 2016 او حتى 2015 اصفار واذا عجبك شي من الفردان
راسلني على الخاص خصمك بيكون عندي*
ومقارب لهسعر الكسز الصالون ايضا ،،
السكيلد رايي الشخصي فيه لايقارن بالكسز 2016 اصفار من المعارض من غير ضمان 345 الف
والسكيلد نفس السعر ولاتوجد مقارنه نهائيا،، وعندك ال2015 اصفار ب 290 ايضا ممتاز حق الدريول
مووفق

[معماري قطري]

معماري قطر يصبحك بالخير (( انت عالم لا تعلم ))
شجاب البي ام حق الكاديلك ، عندنا وحده 2015 بتكمل سنتين من اروع مايمكن واستعمال دريول،،بعدين مكفوله خمس سنوات ماتدفع ريال شتبغي اكثر( وبالنسبه للتكييف البورش والجمس واكثر من سياره لو وقفتها في الشمس المكيف يتعب)
نصيحتي لك خذ 2016 او حتى 2015 اصفار واذا عجبك شي من الفردان
راسلني على الخاص خصمك بيكون عندي*
ومقارب لهسعر الكسز الصالون ايضا ،،
السكيلد رايي الشخصي فيه لايقارن بالكسز 2016 اصفار من المعارض من غير ضمان 345 الف
والسكيلد نفس السعر ولاتوجد مقارنه نهائيا،، وعندك ال2015 اصفار ب 290 ايضا ممتاز حق الدريول
مووفق

ما تقصر الشيخ ومن 2016 هي تغيرت وفيه ماشية 1700 ب 295 في الفردان المستعمل

[معماري قطري]

ما قصروا شركة الفردان جابوا السيارة للبيت على سطحة حتى يشوفونها الأهل وما قصر إخوي قطر 833 بالخصم المناسب وطريقة الدفع الخاصة بعملاء بنك قطر الوطني .. وباقي تخليص الموضوع معاهم

[شهاب5]

بصراحه مانصحك شرررد. كانت عندي 740

[معماري قطري]

بصراحه مانصحك شرررد. كانت عندي 740

متى كانت عندك وشمشاكلها وشكثر استعملتها؟

ولد عمي كانت عنده واشتكى من التواير تبنجر سرعة ولا فيه الا في الوكالة بس خذ ثانية وقبل عنده اكس فايف يقول وعرة لكن ريحته الصالون

[t1978]

السلام عليكم

اخوي ليش ماتاخذ لكزز احسلك موتر حلو

[معماري قطري]

السلام عليكم

اخوي ليش ماتاخذ لكزز احسلك موتر حلو

عليكم السلام ورحمة الله وبركاته

اللكزس صحيح مريحة وحلوة بس عندنا ثنتين في البيت ونبي نغير والحمد لله خذت البي ام وايد مريحة وهذي النوعية غير عن الستة والثمانية خصوصاً في إن تركيزهم في الراحة على الجالس ورا ولصرفية البترول لمشاوير الجامعة بعدين توايرها رنقات 19 ومرتفعة شوي ما تبنجر مثل ال 20 و فوق

[t1978]

الله يعطيك خيرها ويكفيك شرها

الله يوفقك

[سهيمان]

ما قصروا شركة الفردان جابوا السيارة للبيت على سطحة حتى يشوفونها الأهل وما قصر إخوي قطر 833 بالخصم المناسب وطريقة الدفع الخاصة بعملاء بنك قطر الوطني .. وباقي تخليص الموضوع معاهم

يعطيك خير الموتر ويكفيك شره


كانت عندي 740 2007 وعقبها 740 2009

البي ام موتر ولا أروع منه والصيانة ممتازة

[معماري قطري]

الله يعطيك خيرها ويكفيك شرها

الله يوفقك


يعطيك خير الموتر ويكفيك شره


كانت عندي 740 2007 وعقبها 740 2009

البي ام موتر ولا أروع منه والصيانة ممتازة

آميـــن والله يجزاكم خير

بتتغير الصغيرة ال 300 قريب وانا خاطري في باب واحد أما 300 أو 200 اللي تنكشف