الأرض والقرض مرة اخرى : نظرة موضوعية

[غريب الدّار]

السلام عليكم

هالموضوع اللي راح اكتبه باذن الله احقاقاً للحق ، ووضعاً للأمور في نصابها الصحيح ، ووالله لاأبتغي رضا أي شخص ، وإنما توضيحاً للموقف وكلمة حق يراد بها وجه الله تعالى


وبسم الله أبدأ :

طبعا أحب أوضّح احقاقاً للحق فقط ان مالي أي مشاركة اني ضد توزيع الأراضي على الكل ،
كل اللي سويته في كل مداخلاتي اني وضحت القانون فقط
ماقلت لازم ياخذون او لازم ماياخذون
لما أوضح حكم أي شغلة اخوي مب معناها اني معاه او ضده ، قلت لك الواقع ، كون البعض يوافق او يرفض فكل واحد وشأنه




والحين باذن الله راح اوضح بعض الامور الخاصة بالموضوع نفسه ، لأن الموقف لازم يتوضح


بالنسبة لموضوع الأرض والقرض ومدى قانونية منح القرض دون الأرض للبعض ، أدعو الجميع للمرور وقراءة هذه المداخلات ،وطبعا هذا اقتباس لي من احد المواضيع اللي تتكلم عن نفس النقطة وكنت ارد فيها على صاحب الموضوع :






شوف الروابط التالية اخوي ، وهي مداخلات لي من موضوع مشابه لموضوعك او مطابق له ، كتبته الأخت الكريمة بصمة قطرية من أقل من سنة ، وراح تلاقي في المداخلات إجابات كثيرة لتساؤلات قد تكون اجاباتها غامضة او مغيّبة عن البعض :
http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10318152&viewfull=1#post10318152

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10318525&viewfull=1#post10318525

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10318547&viewfull=1#post10318547

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10318611&viewfull=1#post10318611

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10319073&viewfull=1#post10319073

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10319160&viewfull=1#post10319160

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10319213&viewfull=1#post10319213

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10319863&viewfull=1#post10319863

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10320849&viewfull=1#post10320849

http://www.qatarshares.com/vb/showthread.php?617158-من-حق-كل-مواطن-الحصول-على-أرض&p=10322902&viewfull=1#post10322902



والله يوفق الجميع


على فكرة انت مشارك في الموضوع في المشاركة رقم 95 فمن المفترض تكون قريت الموضوع والردود :app:




والحين راح أفصّل في الموضوع وأبيّن نظرتي المتواضعة ، وكل شخص يؤخذ من كلامه ويُترك :


أولا : الدستور حدد المواطنين (الأصليين) على قولتنا حسب المداخلات اللي ذكرتها لكم فوق ، وماراح ارجع واوضح لان المداخلة توضح هالنقطة.


ثانيا : الدستور القطري ذكر في الباب الثاني منه :

المـادة (18)
يقوم المجتمع القطري على دعامات العدل، والإحسأن، والحرية، والمساواة، ومكارم الأخلاق.

المساواة
المـادة (19)
تصون الدولة دعامات المجتمع، وتكفل الأمن والاستقرار، وتكافؤ الفرص للمواطنين كافة.

تكافؤ الفرص للمواطنين كافة


المادة 18 ذكرت المساواة والمادة 19 ذكرت تكافؤ الفرص ، اذن الدولة حريصة على مبدأي المساواة وتكافؤ الفرص ، ولو نظرنا إلى عدم منح البعض أراضي وهم مواطنون ويحملون العنابي ، قد يكون هناك عدم وضوح في المادتين المذكورتين ، وأطلب رأي اهل الاختصاص



ثالثا : وهالمادة هي بيت القصيد ، وذكرها قبلي اناس كثيرون ، وصار ولازال عليها جدال كبير لكن راح اذكرها ببعض التفصيل :

المـادة (34)
المواطنون متساوون في الحقوق والواجبات العامة.


اذا اخذنا كلمة المواطنون بمعناها الذي حدده الدستور ، سوف يصبح تفسير المادة :
المواطنون (الأصليون) متساوون في الحقوق والواجبات العامة

وفعليا وواقعيا وقانونيا هالتفسير غير صحيح


لأكثر من سبب :
1- الفرق بين المواطن (الأصلي) بمفهومنا) والمواطن المتجنس فقط الأرض ، فيما عدا ذلك فهم متساوون فعلا
2- بالنسبة للخدمة الوطنية (التجنيد الالزامي) يخضع له الجميع ، أي شخص يحمل الجواز العنابي .

اذن المواطنون في المادة معناها كل مواطن ، وليست مقصورة على المواطنين (الأصليين) كما يسميهم البعض (طبعا ذكرت قبل ان التسمية غير موجودة في القانون واحنا اللي اطلقناها) المهم

دام انهم متساوين في الحقوق والواجبات العامة ، وكانت الأرض حق من حقوق المواطن متى مااستوفى الشروط ، اذن الكل سواسية حسب الدستور


(وأتمنى أهل الاختصاص يدلون بدلوهم في الموضوع ) يعني تفسير المادة يعني ايش بالضبط ؟ هل هو التفسير اللي ذكرته أو هناك شئ آخر ؟



رابعاً : بالنسبة لي بصراحة أميل للرأي الذي يقول انهم يستحقون اذا انطبقت الشروط ( على فكرة في نفس الموضوع اللي أشرت له في احدى مداخلاتي ذكرت اني اميل لهالراي )
لأن (وهاذي نظرة شخصية ) اذا اعتبرنا الشخص متجنس وماياخذ أرض ، طيب شنو ذنب عياله ؟ هل تعلمون ان في وجود النصوص القانونية اللي تنظم المسألة ، لا الشخص المتجنس ولا عيال عيال عيال عياله يستحقون ، لان في النهاية يرجعون للأصل

يعني اللي ماياخذ الحين ، عياله بعد 500 سنة بعد ماراح ياخذون


أضف إلى ذلك خضوع الجميع للخدمة الوطنية وحماية الوطن


نظرتي الشخصية انهم يستحقون بس بضوابط


في النهاية :
لازم نحترم نظرة الدولة وحكم القانون ، وقلتها قبل :
اللي يبي ينتقد ينتقد
اللي يبي يأيد يأيد

لا الانتقاد يعني خيانة
ولا التأييد يعني وطنية

بس لازم في كل الاحوال دام في قانون أصدره طويل العمر تاج راسنا الشيخ تميم نحترمه كلنا ونحطه على روسنا ، علشان بكرة لما يتغير القانون ويمنح الكل أراضي ويجي حد يعترض ، ينرد عليه : احترم القانون


والله من وراء القصد


غريب الدّار
الدوحة 19/2/2017

[شموخ دائم]

,


,


مرحبا


شكرا اخوي غريب على الموضوع الحساس جدا

أتمنى من الله التوفيق للجميع ويعم الخير على الجميع وكل اهل قطر

بس حبيت اضيف توضيح

عيال عيال المتجنس لهم ارض وقرض

حالهم حال أي قطري

هذا الي اعرفه

أتمنى احد ياكد لنا هذي المعلومه

وشكرا على حوارك الهادف

وأتمنى الحوار دائما عقلاني وفيه هدوء من الجميع

حتى تعم الفائده من الموضوع

واحنا نتكلم عن ( قانون ) تم مناقشته على اعلى المستويات

احنا هنا نناقش ( تبعات ) هذا القانون على المجتمع

,

,

[qatarman8008]

المـادة (34)
المواطنون متساوون في الحقوق والواجبات العامة.


هذه الجملة تكفي..
دام انه قطري له اللي لنا وعليه اللي علينا..

[رائد العنابي]

و عليكم السلام
فلسطيني كان معاي في الجامعه متجنس من خمس سنوات هو و ابوه حصلوا ارض اين المساواه في الموضوع يا صاحب الموضوع
ما اعتقد ان في مساواه في الحقوق من ناحيه الارض شلون المتجنس من سنه 2000 وطالع يحصل ارض و الي جده موجود من الخمسينات ما يحصل ارض ولا حتى عياله

[رائد العنابي]

اقدر تعبك على هذا الموضوع ولكن لا يوجد قانون او دستور يحدد فئه القطري الاصلي او القطري المتجنس

[نمر بن عدوان]

استغرب ان يكون هذا الامر البسيط مسمار تفرقه بين المواطنين . الاراضي الله مكثرها والمواطنين عددهم محدود شي غريب فعلا من يعطل حصول فئه من المواطنين على قطعة ارض يبني عليها بويت يضف فيه هله وعياله.

[بانغ بانغ]

اعرف ناس ابوهم متوفي وهم كبار وعندهم اعيال واحفاد وماعندهم اراضي لان ابوهم متجنس

يعني جيل الاعيال بعمرنا وجيل اعيالهم ماعندهم اراضي وهم قطريين

[وحيد-الشوق]

و عليكم السلام
فلسطيني كان معاي في الجامعه متجنس من خمس سنوات هو و ابوه حصلوا ارض اين المساواه في الموضوع يا صاحب الموضوع
ما اعتقد ان في مساواه في الحقوق من ناحيه الارض شلون المتجنس من سنه 2000 وطالع يحصل ارض و الي جده موجود من الخمسينات ما يحصل ارض ولا حتى عياله

وايد حالات نسمع عنها مثل الي ذكرتها وانا وايد اعرف ناس مايستحقون وخذوا وبعضهم ماخذين الجنسية ماصار لهم 10 سنين وماخذين ارض وقرض :)

[ابوالعبد]

العدد قليل سواء اصلي او تقليد العدد مايجي ظ¤ظ*ظ* الف يعني الحمدالله بلادنا مليانه اراضي مافيها شي لو بدال ماتكون الارض ظ،ظ*ظ*ظ* متر تصير ظ¥ظ*ظ* متر يعني ظ¥ظ*ظ* متر تكفى للاسر القطريه

[محمد2]

السالفة كلها في واوووووووو
كل شي بالواسطة ، مثل ما تفضل رائد العنابي ناس متجنسة من عشر سنوات وحصل على (ارض وقرض)
وناس اجدادهم متجنسين من اربعينات وخمسينات بس ما عندهم واوووووو ، وما حصلوا على ارض

[بوخالد911]

الله يسهل على هل قطر
وهالموضوع مسبب حساسية كبيرة !!

[بوخميس]

بالنسبة للي يقول ان في ناس متجنسة حديثاً وحصلت أراضي

هذيلا غالباً أراضيهم (منح) مب (اسكان)، يعني ما ينطبق عليهم قانون الاسكان (ارض حكومية) فيحصلون على منحة من الديوان الأميري. وانا اعرف عوايل عطوهم أجزاء من مناطق بالكامل، وما ينطبق عليهم قانون الاسكان.

او انه يكون محصل الجنسية حديثاً لكنه من أصول قطرية، فيعتبر قطري أصلي ويحصل على جميع الامتيازات

[..عاشق قطر..]

سؤال ؛ اذا ابغي اقدم كتاب للديوان الاميري بخصوص ارض

وين مكانهم الريان ولا الديوان الاميري نفسه ؟

[إبوراشد]

أتمنى يوصل هالموضوع الى سمو الامير الله يحفظه

ليس من العدل مواطنين عايشين بدون ارض وهم مواطنين قطريين

بدون أرض تحس فيك نقص بين جماعتك وربعك

بس أقول الي حط القانون أتمنى انه يحط نفسه مكانا

[BoFahed]

أتمنى يوصل هالموضوع الى سمو الامير الله يحفظه

ليس من العدل مواطنين عايشين بدون ارض وهم مواطنين قطريين

بدون أرض تحس فيك نقص بين جماعتك وربعك

بس أقول الي حط القانون أتمنى انه يحط نفسه مكانا


املنا كبير في الله اولا ثم في سمو الامير(حفظه الله ) وسعادة الشيخ عبدلله بن ناصر وهم عودونا على كل خير للبلاد والعباد

سمعنا واحد الاخوان ذكرها بالمنتدى سابقا بانه العديد من الحالات وصلت لسعادة عبدلله بن ناصر ووعد بانه سوف يتم حل الموضوع نهائيا لانه عالم تعاني من السكن والتضخم الكبير

تفائلو في الخير تجدوه

[سعود.]

الله يفرج هم كل مسلم .

بعدها بأذن الله يشفون حل للبناء .
من غش والمبالغ الخياليه من المقاولين .

[إبوراشد]

اللهم امين

يفرج على كل مواطن ويسعدهم

[khalid525]

اتمنى ان يتعدل هدا القانون حتى لا يتسبب في التفرقة بين المواطنين ، التفرقة تسبب صدع في المجتمع يزيد ويكبر مع السنين

[مخطط قطري]

وجهه نظري ينعطى المواطن الاصلي 2 (قعطتين )ارض سكنيه كبار

[BoFahed]

وجهه نظري ينعطى المواطن الاصلي 2 (قعطتين )ارض سكنيه كبار


يقال اخي الكريم بانه قرار يدرس حاليا باعطاء المتجنس ارض مساحتها 600 متر

اهل قطر (حضرهم وبدوهم اللي قبل عام 30 او بعده )يستاهلون كل خير وانا احترم حق المواطن اللي قبل عام 30 بالتمييز واحترم حق المواطن اللي بعد عام 30 بالسكن والاستقرار في بلاده اللي هو من اهم اهداف المواطن في حياته

الله يوفق حكومتنا لكل خير

[مخطط قطري]

يقال اخي الكريم بانه قرار يدرس حاليا باعطاء المتجنس ارض مساحتها 600 متر

اهل قطر (حضرهم وبدوهم اللي قبل عام 30 او بعده )يستاهلون كل خير وانا احترم حق المواطن اللي قبل عام 30 بالتمييز واحترم حق المواطن اللي بعد عام 30 بالسكن والاستقرار في بلاده اللي هو من اهم اهداف المواطن في حياته

الله يوفق حكومتنا لكل خير

بوفهد لي صديق جده الواقف*كان
له بصمه مؤثره في حرب الزباره ومعروف للجميع صرفت لقبيلته منطقه سكنيه لهم كلهم القطعه على 1000 متر في هذاك الوقت هو اكبر عيال ابوه فعطوابوه
وصديقنا هذا الف متر وهالكلام بدايه التسعينات وكان عمر صديقنا 10سنوات ويستحق ارض ،،الابو جزاه الله خير مافكر في المستقبل بناء القعطتين مع بعض ارضه وارض ولده وكانت الامور بخير لين تقريبا في 2014 وهو ساكن مع ابوه وكبرو عياله ويبي يطلع يبني له بيت بروحه مع عياله قدم ف الاراضي قالو مالك ارض صرفنا لك من 25سنه ارض قال طيب صحيح بس فيه ظروف خاصه وشرح لهم قالو مالك قال زين مابي 1200000 عطوني بدالها ارض وانا بابني على حسابي ورفضو هذي حالات خاصه المفروض القانون يلتفت لها ويساعدهم
ش المشكله لانعطا المواطن الاصلي عده اراضي

[غريب الدّار]

صبحكم الله بالخير



لو عودة للرد والتعقيب ان شاء الله

[رُفق المجنّا]

قانون الأرض والقرض وُضع كمظلة ولكن هل يُطبّق ؟ الواقع يقول لا بدليل أن كثير من حاملي الجنسية مستفيدين من الأرض والقرض وفيه من هو أولى منهم. هذا القرار يسبب شرخ في المجتمع ويقسمه لفئات.

الله يكون في عونهم.

[غريب الدّار]

,


,


مرحبا


شكرا اخوي غريب على الموضوع الحساس جدا

أتمنى من الله التوفيق للجميع ويعم الخير على الجميع وكل اهل قطر

بس حبيت اضيف توضيح

عيال عيال المتجنس لهم ارض وقرض

حالهم حال أي قطري

هذا الي اعرفه

أتمنى احد ياكد لنا هذي المعلومه

وشكرا على حوارك الهادف

وأتمنى الحوار دائما عقلاني وفيه هدوء من الجميع

حتى تعم الفائده من الموضوع

واحنا نتكلم عن ( قانون ) تم مناقشته على اعلى المستويات

احنا هنا نناقش ( تبعات ) هذا القانون على المجتمع

,

,



شموخ دائم
الف شكر ع المرور والمداخلة
واثني على الكلام

لكن لي تعليق على الجزئية التالية للتوضيح :

عيال عيال المتجنس لهم ارض وقرض
أي شخص متجنس لا هو ولا كل فروعه (قصدي عياله وعيال عياله الى مالانهاية) مالهم ارض
أتكلم حسب النظم المعمول فيها حاليا

الا اذا تغيرت طريقة نوال الجنسية وهذا موضوع طويل ومتشعب شوي
لكن حسب الأنظمة والقوانين والقرارات الحالية مالهم أي شي
يعني بصريح العبارة اللي يكون متجنس ذريته بعد 200 سنة بعد مالهم ارض
وهذا طبعا موضوع اكيد على حسب المعمول به حاليا


وقواك الله

[غريب الدّار]

المـادة (34)
المواطنون متساوون في الحقوق والواجبات العامة.


هذه الجملة تكفي..
دام انه قطري له اللي لنا وعليه اللي علينا..

طبعا مثل ماقلت اخوي قطر مان كل واحد وله نظرة ، لكن القانون والواقع واضحين حاليا

وانا ناقشت هالمادة (اللي هي 34) في الموضوع


وقواك الله

[غريب الدّار]

و عليكم السلام
فلسطيني كان معاي في الجامعه متجنس من خمس سنوات هو و ابوه حصلوا ارض اين المساواه في الموضوع يا صاحب الموضوع
ما اعتقد ان في مساواه في الحقوق من ناحيه الارض شلون المتجنس من سنه 2000 وطالع يحصل ارض و الي جده موجود من الخمسينات ما يحصل ارض ولا حتى عياله
اخوي سؤالك لي يوحي لي انك مااستوعبت اللي انا كتبته (واسمح لي على هالكلمة)

أتمنى ترجع للموضوع وراح تعرف قصدي ايش
لاني تساءلت عن تفسيرات بعض المواد

أتمنى ترجع تقرا الموضوع

اما الأخ اللي تتكلم عنه :
بالقانون : صعب جدا يحصل على ارض دامه متجنس ، الا اذا حصلها بطريق ثاني


اما اللي متجنس من سنة 2000 وطالع اخوي : شوف كيف تم تجنيسه ؟

يااخوان في طرق للتجنيس ومواد له ، اللي يحصل عليها يكون قطري اصلي ، واللي يحصل على الجنسية بطريقة ثانية يعتبر متجنس ، هالتفاصيل مابغيت اذكرها لانها وايد راح اتخلي الموضوع متشعب ، وراح تخلينا ندخل في أعماق قانون الجنسية وهو شي سيادي


لكن للتوضيح بشكل سريع جدا :
مافي حد يقدر يحصل على الجنسية القطرية الا بمرسوم اميري
المرسوم الاميري هو اللي يحدد (بناء على بعض المواد في قانون الجنسية ) اذا كان الشخص اصلي او متجنس (بدون الخوض في تفاصيل )

وطبعا هالشي يسمونه : كيفية نوال الجنسية

وكان مكتوب بالنص جذيه في الجوازات القديمة

خانة اسمها : كيفية نوال الجنسية


كيفية نوال الجنسية هي اللي تحدد


يعني ممكن شخص يكون جاي من أذربيجان اليوم
ويجنسونه بكرة ويكون قطري (اصلي)

وكل هذا موجود في القانون اللي هو قانون الجنسية يااخوان


اللي ابي أقوله :
مع احترامي للامثلة اللي يطرحونها ويذكرونها الاخوان : في تفاصيل كثيرة غايبة عنهم ، فبالتالي النظرة تكون قاصرة

والله اعلم

[غريب الدّار]

اقدر تعبك على هذا الموضوع ولكن لا يوجد قانون او دستور يحدد فئه القطري الاصلي او القطري المتجنس

اخوي بعد كل المداخلات اللي كتبتها في الموضوع وتقول مافي قانون او دستور ؟

الله يهدانا وياك ، ارجع للموضوع واقرا الاقتباسات اللي انا حاطها من موضوع ثاني


اللي يقول مافي قانون او دستور او قرار تراه واهم يااخوان


كل شي يمشي بالقانون ، وأتمنى التمعن في الموضوع لأني شرحته مرات ومرات

[غريب الدّار]

استغرب ان يكون هذا الامر البسيط مسمار تفرقه بين المواطنين . الاراضي الله مكثرها والمواطنين عددهم محدود شي غريب فعلا من يعطل حصول فئه من المواطنين على قطعة ارض يبني عليها بويت يضف فيه هله وعياله.

مرحبا اخوي نمر

لازلت أقول ان الحكومة لها وجهة نظر يجب احترامها
كوننا نوافق او نرفض او نبدي اعتراضات فهذا موضوع ثاني


علشان بكرة اذا تم تغيير القانون وصار الكل يستحق ارض سواء متجنس او غير متجنس ، وجا حد اعترض

يكون الرد عليه : يجب احترام القانون ونظرة الحكومة

واشكرك جزيل الشكر على المرور اخوي الكريم نمر واحترم وجهة نظرك

[غريب الدّار]

اعرف ناس ابوهم متوفي وهم كبار وعندهم اعيال واحفاد وماعندهم اراضي لان ابوهم متجنس

يعني جيل الاعيال بعمرنا وجيل اعيالهم ماعندهم اراضي وهم قطريين
هلا بالحبيب الغالي بانغ
وهذا يأكد كلامي يابانغ :
أي شخص متجنس : على النظم المعمول بها حاليا ، لا هو ولا ذريته (عموما) لهم ارض

الا اذا صار تغيير في حالة الشخص نفسه

ومثل ماذكرت الموضوع طويل وتصعب مناقشته

[غريب الدّار]

وايد حالات نسمع عنها مثل الي ذكرتها وانا وايد اعرف ناس مايستحقون وخذوا وبعضهم ماخذين الجنسية ماصار لهم 10 سنين وماخذين ارض وقرض :)
ارجع وأقول يااخوان وهالمرة راح افصّل اكثر لاني اشوف نفسي مضطر :

قانون الإسكان صدر سنة 2007

قبل سنة 2007 كانت الأمور غير واضحة وكان في تعليمات شفهية ، يعني ممكن أتقدم ويرفضون طلبك تروح اتكلمهم يمشونك


بعد صدور القانون سنة 2007 صارت كل المعاملات (معاملات التقديم على الأراضي تروح وزارة الداخلية) وهناك يتم التدقيق على الجنسية
من سنة 2007 صارت الأمور واضحة (بغض النظر وافقنا عليها ام لا الحين) لكن صارت الأمور واضحة والآلية واضحة ومحددة


الحين :
اللي خذ ارض وهو متجنس يمكن يكون خذها من الديوان الاميري مثلا
يمكن معاملة خاصة (هذا مصطلح مخفف من كلمة واسطة) :)

او يمكن طريقة نواله للجنسية تختلف
يعني ممكن يكون جا من موزمبيق مثلا امس ، لكن اليوم تم منحه الجنسية على أساس انه اصلي
مب أي حد يأخذ الجنسية حديثا يصير متجنس


والدليل :
في بعض الأسماء المعروفة (الله يحفظهم لنا وماراح اذكر اسامي) عندنا جو قطر من الستينات والسبعينات ، ومع هذا هم مواطنين اصليين

كيفية نوال الجنسية تفرق يالربع

[غريب الدّار]

العدد قليل سواء اصلي او تقليد العدد مايجي ظ¤ظ*ظ* الف يعني الحمدالله بلادنا مليانه اراضي مافيها شي لو بدال ماتكون الارض ظ،ظ*ظ*ظ* متر تصير ظ¥ظ*ظ* متر يعني ظ¥ظ*ظ* متر تكفى للاسر القطريه
اخوي الأرقام اللي انت كاتبها ماتبين عندي بصراحة

لكن معاك في كلامك ان عدد القطريين قليل والبلاد مليانة أراضي

ومابي ادخل في سالفة عدد القطريين لان في رقم في بالي بس مب اكيد ، ومافي حد عنده الرقم الصحيح الا أصحاب الشأن


وحياك الله

[غريب الدّار]

السالفة كلها في واوووووووو
كل شي بالواسطة ، مثل ما تفضل رائد العنابي ناس متجنسة من عشر سنوات وحصل على (ارض وقرض)
وناس اجدادهم متجنسين من اربعينات وخمسينات بس ما عندهم واوووووو ، وما حصلوا على ارض

سالفة الواسطة اخوي مااقدر احكم عليها لاني ماادري

مب معنى هذا اني ماادري ان في واسطات ، طبعا في
سواء في قطر ولا أي مكان

لكن الواسطات امر مرفوض طبعا وللأسف موجود في كل مكان

لكن النقاش عن نقطة أخرى اخوي محمد

[غريب الدّار]

الله يسهل على هل قطر
وهالموضوع مسبب حساسية كبيرة !!

اللهم آمين


فعلا مسبب حساسية

والله يصلح الحال

[غريب الدّار]

بالنسبة للي يقول ان في ناس متجنسة حديثاً وحصلت أراضي

هذيلا غالباً أراضيهم (منح) مب (اسكان)، يعني ما ينطبق عليهم قانون الاسكان (ارض حكومية) فيحصلون على منحة من الديوان الأميري. وانا اعرف عوايل عطوهم أجزاء من مناطق بالكامل، وما ينطبق عليهم قانون الاسكان.

او انه يكون محصل الجنسية حديثاً لكنه من أصول قطرية، فيعتبر قطري أصلي ويحصل على جميع الامتيازات

بيض الله ويهك يابو خميس
بيض الله ويهك

وفّرت علي الرد

أثنّي على كلامك

[غريب الدّار]

سؤال ؛ اذا ابغي اقدم كتاب للديوان الاميري بخصوص ارض

وين مكانهم الريان ولا الديوان الاميري نفسه ؟
أتوقع الريان اخوي


أتوقع وان شاء الله الاخوان يفيدونك

[غريب الدّار]

أتمنى يوصل هالموضوع الى سمو الامير الله يحفظه

ليس من العدل مواطنين عايشين بدون ارض وهم مواطنين قطريين

بدون أرض تحس فيك نقص بين جماعتك وربعك

بس أقول الي حط القانون أتمنى انه يحط نفسه مكانا
الله يكتب مافيه الخير للبلاد والعباد

[غريب الدّار]

املنا كبير في الله اولا ثم في سمو الامير(حفظه الله ) وسعادة الشيخ عبدلله بن ناصر وهم عودونا على كل خير للبلاد والعباد

سمعنا واحد الاخوان ذكرها بالمنتدى سابقا بانه العديد من الحالات وصلت لسعادة عبدلله بن ناصر ووعد بانه سوف يتم حل الموضوع نهائيا لانه عالم تعاني من السكن والتضخم الكبير

تفائلو في الخير تجدوه

الله يكتب اللي فيه الخير للبلاد والعباد

[غريب الدّار]

الله يفرج هم كل مسلم .

بعدها بأذن الله يشفون حل للبناء .
من غش والمبالغ الخياليه من المقاولين .
آمين


الله كريم

[غريب الدّار]

اتمنى ان يتعدل هدا القانون حتى لا يتسبب في التفرقة بين المواطنين ، التفرقة تسبب صدع في المجتمع يزيد ويكبر مع السنين

الله يكتب مافيه الخير للبلاد والعباد

[غريب الدّار]

وجهه نظري ينعطى المواطن الاصلي 2 (قعطتين )ارض سكنيه كبار

الله يكتب مافيه الخير للبلاد والعباد

[غريب الدّار]

يقال اخي الكريم بانه قرار يدرس حاليا باعطاء المتجنس ارض مساحتها 600 متر

اهل قطر (حضرهم وبدوهم اللي قبل عام 30 او بعده )يستاهلون كل خير وانا احترم حق المواطن اللي قبل عام 30 بالتمييز واحترم حق المواطن اللي بعد عام 30 بالسكن والاستقرار في بلاده اللي هو من اهم اهداف المواطن في حياته

الله يوفق حكومتنا لكل خير

مرحبا اخوي بو فهد

كلمة (يقال )تصلح لاي زمان ومكان :)

لكن الواقع محد يعلم به الا الله سبحانه


والله يكتب اللي فيه الخير للبلاد والعباد

[غريب الدّار]

بوفهد لي صديق جده الواقف*كان
له بصمه مؤثره في حرب الزباره ومعروف للجميع صرفت لقبيلته منطقه سكنيه لهم كلهم القطعه على 1000 متر في هذاك الوقت هو اكبر عيال ابوه فعطوابوه
وصديقنا هذا الف متر وهالكلام بدايه التسعينات وكان عمر صديقنا 10سنوات ويستحق ارض ،،الابو جزاه الله خير مافكر في المستقبل بناء القعطتين مع بعض ارضه وارض ولده وكانت الامور بخير لين تقريبا في 2014 وهو ساكن مع ابوه وكبرو عياله ويبي يطلع يبني له بيت بروحه مع عياله قدم ف الاراضي قالو مالك ارض صرفنا لك من 25سنه ارض قال طيب صحيح بس فيه ظروف خاصه وشرح لهم قالو مالك قال زين مابي 1200000 عطوني بدالها ارض وانا بابني على حسابي ورفضو هذي حالات خاصه المفروض القانون يلتفت لها ويساعدهم
ش المشكله لانعطا المواطن الاصلي عده اراضي
ياهلا اخوي مخطط


اعتقد الحالة بعيدة شوي عن الموضوع


وقواك الله

[غريب الدّار]

قانون الأرض والقرض وُضع كمظلة ولكن هل يُطبّق ؟ الواقع يقول لا بدليل أن كثير من حاملي الجنسية مستفيدين من الأرض والقرض وفيه من هو أولى منهم. هذا القرار يسبب شرخ في المجتمع ويقسمه لفئات.

الله يكون في عونهم.
اخوي مافي شي اسمه قانون الأرض والقرض


في :
الدستور
قانون الإسكان
قانون الجنسية
قرار مجلس الوزراء الموقر



وأتمنى ترجع لمداخلاتي في الموضوع وراح تتضح لك الصورة اكثر

[غريب الدّار]

تم الرد على جميع المداخلات بفضل الله

والمجال مفتوح للتعقيب او إبداء الرأي


والله يوفق الجميع

[A M A]

جميل انا نناقش قضية تهم شريحة كبيرة من الجتمع حالياً، لكن الأجمل نطرح لها حلول.
ما هو الحل للناس من هالفئة؟ يعيش طول عمره أجار؟

[إبوراشد]

اخواني فالمنتدى
انا من سنة2008والقرض لم استحقه بسبب عدم مرور 15سنة من استحقاق الجنسية ياليت احد يفيدني بهالنقطة

[غريب الدّار]

اخواني فالمنتدى
انا من سنة2008والقرض لم استحقه بسبب عدم مرور 15سنة من استحقاق الجنسية ياليت احد يفيدني بهالنقطة

مرحبا اخوي

القانون يقول في بعض الواجبات والحقوق مايقدر ياخذها اللي توه ماخذ الجواز الا بعد مرور 15 سنة على اكتسابه الجنسية

حسب القانون اخوي


لكن تظل مسالة الجنسية ومايتصل بها مسألة سيادية

لايحق لأي جهة قضائية النظر في أي نزاع في هذا الخصوص


موفق

[إبوراشد]

مرحبا اخوي

القانون يقول في بعض الواجبات والحقوق مايقدر ياخذها اللي توه ماخذ الجواز الا بعد مرور 15 سنة حسب اكتسابه الجنسية

حسب القانون اخوي


لكن تظل مسالة الجنسية ومايتصل بها مسألة سيادية

لايحق لأي جهة قضائية النظر في أي نزاع في هذا الخصوص


موفق

الله يوفقك ياغريب الدار

[غريب الدّار]

الله يوفقك ياغريب الدار

وياك يالشيخ

[راعي الاصفر]

كثير متجنسين حصلو علي ارض وقرض وقت ماكان كبار الموظفين يعطونهم ارض وقرض وكثير متجنسين حصلو علي بيت شعبي تلقي اخوان كثير منهم ماخذين ارض وقرض والبعض ماخذوا اللة يوفق أميرنا وحكومتنا لما فية خير مواطنيهم

[OutLaw]

يعطيك العافية أخوي غريب الدار على الطرح والتوضيح وبالفعل هذا الوضع " ولا اقول انها مشكلة " يهم فئة ليست بالقليلة في مجتمعنا واتمنى ايجاد افضل الطرق لانهاء هذا الوضع .

وعلى حسب ما عرفته ان في حالة الانتفاع بالقرض وشراء الارض من حسابة الخاص يتم رهن العقار حتى 15 سنه وممكن اكثر بغض النظر عن سعر الارض حتى لو كان ضعف قيمة القرض بالفوائد ويستمر الرهن كذلك حتى ان تم سداد قيمة القرض مشمولا بالفوائد في الشهر الثاني يستمر رهن العقار حتى المده المحدده . ,, اتمنى احد يوضح الاسباب ولماذا وضع مثل هذا الشرط .

[غريب الدّار]

يعطيك العافية أخوي غريب الدار على الطرح والتوضيح وبالفعل هذا الوضع " ولا اقول انها مشكلة " يهم فئة ليست بالقليلة في مجتمعنا واتمنى ايجاد افضل الطرق لانهاء هذا الوضع .

وعلى حسب ما عرفته ان في حالة الانتفاع بالقرض وشراء الارض من حسابة الخاص يتم رهن العقار حتى 15 سنه وممكن اكثر بغض النظر عن سعر الارض حتى لو كان ضعف قيمة القرض بالفوائد ويستمر الرهن كذلك حتى ان تم سداد قيمة القرض مشمولا بالفوائد في الشهر الثاني يستمر رهن العقار حتى المده المحدده . ,, اتمنى احد يوضح الاسباب ولماذا وضع مثل هذا الشرط .

الله يعافيك ويسلمك اخوي
والله يكتب اللي فيه الخير

ورداً على سؤالك :

احب أوضح انك لما تشتري ارض من حسابك ، وتبي تأخذ قرض الدولة (من بنك التنمية) علشان تبني ، لازم اول شي اتدخل الأرض على الإسكان ، علشان تقدر تأخذ القرض من بنك التنمية ، وقتها راح يتم رهن الأرض طول فترة القرض مب بس 15 سنة
حتى لو الأرض تسوا عشرة مليون او اكثر بعد بيتم رهنها لصالح بنك قطر للتنمية

لكن علشان تقدر تحرر البيت لازم :
1- تكون مسدد القرض كامل
2- تمر فترة 15 سنة من تاريخ إتمام البناء


لازم الشرطين يتحققون مع بعض اذا تبي اتحرر البيت


والغرض من ذلك حسب ماعرفت :
ان مايكون في مجال للشخص انه يشتت اسرته او يقعد يتاجر بالبيت بيع وشرا


والله اعلم

[qatarman8008]

اللي طلعت لهم اراضي بنوا بيوت بالمليون وميتين وزادوا عليها مليون وميتين ثانية من عندهم..
وكانت المليون والميتين الاضافية مرهقة للغاية وبعضهم حتى ماقدر يواصل واضطر انه يوقف البنيان..
واللي ماطلعت لهه اراضي لازم يتكلفون مليونين قيمة ارض ومليون وميتين بنك التنمية ومليون وميتين اضافية..
يعني لازم يدفع 4 مليون ونص..!!

[غريب الدّار]

اللي طلعت لهم اراضي بنوا بيوت بالمليون وميتين وزادوا عليها مليون وميتين ثانية من عندهم..
وكانت المليون والميتين الاضافية مرهقة للغاية وبعضهم حتى ماقدر يواصل واضطر انه يوقف البنيان..
واللي ماطلعت لهه اراضي لازم يتكلفون مليونين قيمة ارض ومليون وميتين بنك التنمية ومليون وميتين اضافية..
يعني لازم يدفع 4 مليون ونص..!!
مرحبا اخوي
ماابي ادخل في سالفة هل المليون وميتين تكفي ولا ماتكفي وكم لازم الواحد يزيد او مايزيد اخوي

لكن انا معاك ان التكاليف بشكل عام عالية حتى على اللي عنده ارض ويبني

فما بالك باللي ماعنده ارض أصلا ؟


والله يكتب مافيه الخير للبلاد والعباد

[الدوحه1]

هل هالقانون مطبق في دول الخليج اللي تمنح أراضي لمواطينها(الامارات,الكويت,.....) ؟؟؟؟

[غريب الدّار]

هل هالقانون مطبق في دول الخليج اللي تمنح أراضي لمواطينها(الامارات,الكويت,.....) ؟؟؟؟

؟؟
القانون تم إصداره في قطر اخوي وتطبيقه في قطر

الا اذا تقصد نظام منح الأراضي لبعض المواطنين دون البعض الآخر لبعض الاعتبارات : فبصراحة ماادري عن قوانين الدول الشقيقة


وحتى لو أدري : كل دولة ولها أنظمتها وقوانينها



والله يوفق الجميع

[koketa]

مرحبا اخوي

القانون يقول في بعض الواجبات والحقوق مايقدر ياخذها اللي توه ماخذ الجواز الا بعد مرور 15 سنة على اكتسابه الجنسية

حسب القانون اخوي


لكن تظل مسالة الجنسية ومايتصل بها مسألة سيادية

لايحق لأي جهة قضائية النظر في أي نزاع في هذا الخصوص


موفق

يعني لو مر على اكتساب الجنسيه 15 سنه يستحق أرض ؟ وشنوا الحقوق اللي يكتسبها بعد مرور 15 سنه ؟

[مضارب دوسري]

مع المساواه في جميع الحقوق والواجبات في الدستور

ضد التفرقه بين المواطنين

[محمد11]

يعطيك العافيه اخوي غريب الدار ..

سؤال / اين المحكمه التنفيذيه على من قام برفع قضايا على الدوله بخصوص هذا النص من الدستور !

المـادة (34)
المواطنون متساوون في الحقوق والواجبات العامة.
هل معناتها ثغرات في كل ماده تم وضعها !! ولماذا لم يتم توضيح كل مادة تم وضعها !!

على حد علمي هناك ( مواطنون كثر ) تم رفع قضايا على بخصوص الماده (34) .. والمحكمه التنفيذيه ( موقوفه مؤقته )
وبالنهايه .. نقول الحمدالله رب العالمين على نعمة الامن والامان احنا عايشين في خير ونعمه ناكل ونشرب في امان وتواضع اميرنا الله يحفظه عمره ماقصر على المواطن



لكن اذا كان هناك ظلم على اي شخص والسبب العنصريه او المحسوببه .. عقابه عند الله كبير


( البطانه الصالحه ) هذا مايريده الامير والمواطن

[غريب الدّار]

يعطيك العافيه اخوي غريب الدار ..

سؤال / اين المحكمه التنفيذيه على من قام برفع قضايا على الدوله بخصوص هذا النص من الدستور !

المـادة (34)
المواطنون متساوون في الحقوق والواجبات العامة.
هل معناتها ثغرات في كل ماده تم وضعها !! ولماذا لم يتم توضيح كل مادة تم وضعها !!

على حد علمي هناك ( مواطنون كثر ) تم رفع قضايا على بخصوص الماده (34) .. والمحكمه التنفيذيه ( موقوفه مؤقته )
وبالنهايه .. نقول الحمدالله رب العالمين على نعمة الامن والامان احنا عايشين في خير ونعمه ناكل ونشرب في امان وتواضع اميرنا الله يحفظه عمره ماقصر على المواطن



لكن اذا كان هناك ظلم على اي شخص والسبب العنصريه او المحسوببه .. عقابه عند الله كبير


( البطانه الصالحه ) هذا مايريده الامير والمواطن

الله يعافيك اخوي محمد واشكرك على مشاركتك ، وهذا تعقيبي على بعض ماورد فيها :

سؤال / اين المحكمه التنفيذيه على من قام برفع قضايا على الدوله بخصوص هذا النص من الدستور !


اعتقد اخوي محمد في لبس في الموضوع
لأن :
1- مافي شي اسمه محكمة تنفيذية ، اسمها محكمة التنفيذ
2- مالها علاقة في موضوعنا لأن محكمة التنفيذ مختصة بتنفيذ الاحكام اللي تصدر من المحاكم

3- أعتقد انك تقصد المحكمة الدستورية ، وهالنقطة يبي لها توضيح (اللي هي نقطة المحكمة الدستورية ) :
أ. المحكمة الدستورية على حسب علمي لم تعمل إلى الآن ، تم إنشاءها ولكن لم تمارس أعمالها إلى اليوم ، على حسب علمي
ب. كيف تم رفع قضايا في المحكمة الدستورية وهي لم تعمل إلى الآن؟
ج. في جميع الأحوال : اللي يرفع أي قضية علشان يتكلم عن الأمور المختصة بالجنسية راح يتم رفض دعواه ، لأن الموضوع سيادي بحت ، الا اذا تم الطعن في القانون نفسه وهذا موضوع ثاني يبي له راي مختصين في القانون ، وأقدر أوضح بعض الأمور فيه اذا تحب اخوي محمد



المـادة (34)
المواطنون متساوون في الحقوق والواجبات العامة.
هل معناتها ثغرات في كل ماده تم وضعها !! ولماذا لم يتم توضيح كل مادة تم وضعها !!

هالمادة في الدستور اخوي محمد ، ومااشوف فيها أي ثغرات ، أتمنى توضح لي قصدك الشيخ



على حد علمي هناك ( مواطنون كثر ) تم رفع قضايا على بخصوص الماده (34) .. والمحكمه التنفيذيه ( موقوفه مؤقته )

تم الرد على هالنقطة


( البطانه الصالحه ) هذا مايريده الامير والمواطن
اخوي ماادري شعلاقة البطانة بالموضوع


لأن صعب نحكم على النوايا ، يعني هل اللي اقترح الفكرة كانت نيته فقط انه يسوي تفرقة بين الشعب مثلا؟ هالموضوع صعب جدا الحكم عليه


وانا ذكرت في مداخلة سابقة اخوي محمد :
ان يجب احترام كل قانون يصدره سموه الله يحفظه ، علشان اذا تغير القانون وصار يمنح الكل أراضي وجا حد يعترض ، يكون الرد عليه :
احترم القانون

والله يكتب اللي فيه الخير للبلاد والعباد

[غريب الدّار]

يعني لو مر على اكتساب الجنسيه 15 سنه يستحق أرض ؟ وشنوا الحقوق اللي يكتسبها بعد مرور 15 سنه ؟

مرحبا اخوي

سؤالك وجيه

شوف :
بالنسبة للأرض : فاللي يقرا نص المادة يقول ان اللي يمر على اكتسابه الجنسية فترة 15 سنة فهو يتمتع بكل الحقوق اللي يتمتع بها القطري (الأصلي) بتعبيرنا

لكن (وأتمنى انك ترجع للمشاركات السابقة) المسألة مرتبطة بأمر آخر : اللي هو الدستور ، والدستور حسم موضوع : من هو القطري أساسا

لكن وبشكل عام :
حق الانتخاب والترشيح مايتمتع به المتجنس الا بعد مرور 15 سنة

وبصراحة اخوي أصلا اللي يأخذ الجواز في الغالب راح يتمتع تقريبا بكل الحقوق ، يعني سواء من ناحية معاملة او توظيف او علاج او تعليم او راتب


لكن ارجع وأقول لك اخوي :
المسألة سيادية

شنو يعني سيادية ؟
يعني أي موضوع مرتبط بالجنسية واكتسابها والأحقية في اكتسابها هو من حق الدولة

يعني حتى لو في شخص حسب القانون استوفى كل شروط منح الجنسية ، والدولة شافت انها ولأسباب المصلحة العليا ماتبي تعطيه ، بكل بساطة تقدر ترفض الطلب ومحد يقدر ينازع الدولة في الموضوع

حتى الجواز القطري يظل ملك للدولة (وهالشي مكتوب في الجواز نفسه)

[لابس بشت]

في ناس ابهاتهم خذوا ارض وقرض وهم مجنسين لكن نص عياله خذوا لانه قبل القانون والنص الثاني ما استحق لانه بعد القانون

والله مادري شاسميها ذي

[غريب الدّار]

في ناس ابهاتهم خذوا ارض وقرض وهم مجنسين لكن نص عياله خذوا لانه قبل القانون والنص الثاني ما استحق لانه بعد القانون

والله مادري شاسميها ذي
كلامك صحيح فعلا اخوي

لدرجة ان في ناس ابهاتهم خذوا واخوانهم خذوا بعد بس هم ماخذوا والسبب لانهم قدموا بعد صدور القانون


شوف (وهالمعلومة للجميع ) :

قبل كان اللي يصير سينير (كبار الموظفين) يأخذ ارض
مهما كان ان شاء الله امس ماخذ جوازه

(طبعا الحين ماعادت تفرق كبار الموظفين ولا غيرهم ، أي قطري يأخذ حسب القانون اذا مستحق)

عقبها بفترة كان في أوامر شفهية ان اللي متجنس ماياخذ ، لكن بعد كانت المواضيع بسيطة ، يعني اتقدم ويرفضون طلبك تروح أتكلم أي حد يمشيك ، لان الأمور ماكانت واضحة


لكن بمجرد صدور القانون اللي هو قانون الإسكان سنة 2007 اتضحت الأمور وصار المتجنس ما يأخذ

لان كل معاملات التقديم على الأراضي بالنسبة للموظفين القطريين اتروح من إدارة الإسكان الى وزارة الداخلية وهناك يتم التدقيق على هالموضوع

فهذا اللي خلى البعض ابهاتهم واخوانهم ياخذون وهم لا
تفرق من ناحية وقت التقديم


والله يوفق الجميع

[غريب الدّار]

مع المساواه في جميع الحقوق والواجبات في الدستور

ضد التفرقه بين المواطنين
قواك الله اخوي مضارب

[الشريف90]

والله حتى البيوت الشعبيه حاطين عليها قوانين لقيت بيت شعبي في الدوحه و قريب من بيت الوالد وكل الشروط تنطبق على البيت و الارض ماعدا ان البيت عمره اكثر من 10 سنوات
كلمت بنك التنميه اذا اقدر اشتدي البيت و اهدمه و ابني فله جديده قالو لازم اخذ موافقه من الاسكان رحت لهم وطبعا ما وافقوا على البيت بحجه ان البيت قديم و مع اني قتلهم اني بهدم البيت و راح ابني فله جديد
قالي الموظف ليش ما تشتري فله جديده و السبب اني اتفادى شراء فله جديده لان اقل شي بتلاقيه في الدوحه 4 ونص مليون وانا ما اقدر على هذا المبلغ الكبير ولا على فله تجاريه و الارض صغيره
وسعر البيت الشعبي القديم على 3 مليون و قريب من بيت الوالد حتى انا اشتغل في راس لفان وعندي شفتات ليل و الاهل يبيتون في بيت الوالد .
للعلم انا بس ودي اشتري البيت من قرض التنميه مع قرض من البنك اما البناء راح ابني على فترات طويله اهم شي ان عندي بيت العمر و قريب من فريج الوالد.
اذا في امكانيه اني اخذ موافقه من الاسكان او حد يعرف حد شغال في الاسكان يقدر اقدم طلب موافقه على شراء بيت شعبي قديم

[غريب الدّار]

والله حتى البيوت الشعبيه حاطين عليها قوانين لقيت بيت شعبي في الدوحه و قريب من بيت الوالد وكل الشروط تنطبق على البيت و الارض ماعدا ان البيت عمره اكثر من 10 سنوات
كلمت بنك التنميه اذا اقدر اشتدي البيت و اهدمه و ابني فله جديده قالو لازم اخذ موافقه من الاسكان رحت لهم وطبعا ما وافقوا على البيت بحجه ان البيت قديم و مع اني قتلهم اني بهدم البيت و راح ابني فله جديد
قالي الموظف ليش ما تشتري فله جديده و السبب اني اتفادى شراء فله جديده لان اقل شي بتلاقيه في الدوحه 4 ونص مليون وانا ما اقدر على هذا المبلغ الكبير ولا على فله تجاريه و الارض صغيره
وسعر البيت الشعبي القديم على 3 مليون و قريب من بيت الوالد حتى انا اشتغل في راس لفان وعندي شفتات ليل و الاهل يبيتون في بيت الوالد .
للعلم انا بس ودي اشتري البيت من قرض التنميه مع قرض من البنك اما البناء راح ابني على فترات طويله اهم شي ان عندي بيت العمر و قريب من فريج الوالد.
اذا في امكانيه اني اخذ موافقه من الاسكان او حد يعرف حد شغال في الاسكان يقدر اقدم طلب موافقه على شراء بيت شعبي قديم

حسب علمي ان المواطن اللي ماتطلع له ارض اخوي يقدر يشتري له بيت اذا يبي (طبعا على شرط انه يكون مستحق للقرض)

حتى لو قيمة البيت مية مليون ، البنك راح يعطيه مليون وميتين والباقي عليه

بس (ومثل ماتفضلت اخوي) في شروط منها ان مايزيد عمر البيت عن عشر سنين ، واعتقد المساحة لازم ماتقل عن 329 متر مربع


ومااقول الا :
الله يوفق الجميع