استفسار بخصوص أذى لحق بي

[nisyeno]

السلام عليكم ورحمة الله وبركاته
أخواني أخواتي اطرح عليكم موضوع مأذيني ومحتار ايش اسوي ,
من يومين ركنت السيارة بالقرب من الفيلا بجانب فيلا مقسمة ,
قمت الصبح لقيتهم مبنشريلي التاير ,
محتار شنو اسوي ؟ ابلّغ عن فيلا مقسمة والا اشتكي الشرطة ؟
التبليغ عن فيلا مقسمة راح يضر السكان كلهم ومن ضمننهم اللي بنشرلي التاير -مجهول-
والتبليغ للشرطة ما أظن بيسوون شي لعدم وجود دليل واضح يدين شخص !
والله محتار
وسلامتكم

[ساراام]

انت قلتها مافي دليل

شكلك وقفت مكان واحد من هالمستأجرين وحط الحره فيك

هذي نتيجه الفلل المقسمه السيارات مسكره الشارع وكل واحد يلحق على موقفه

بعضهم عادي يشيلون التاير بكبره،،المهم اذا البيت قريب منك حط كيمرات وخلاص

والله يعينك

[وحيد-الشوق]

المشكلة تقسيم الفلل وايد يضر الجيران والبلاء من القطريين نفسهم فشلونا واغلبهم ناس واصلين وعندهم خير مادري الناس همها صار مادي بحت المهم نطلع فلوس ونستانس

الله يعينك ياخوي لو مكانك انا ابلغ احسن

[nooora]

اخوي ركب كاميرة بسيارتك

[MAZEN37]

يا رجل كبر دماغك خلاص انسى وزين الي جت على بنشر
في ناس تجرح البودي وتخليك تفكر فيه طول عمرك
خلاص ابعد ولا تصف هناك
وعلى راي المثل ابعد عن الشر وغنيلو

[نفسي عزيزه]

يا رجل كبر دماغك خلاص انسى وزين الي جت على بنشر
في ناس تجرح البودي وتخليك تفكر فيه طول عمرك
خلاص ابعد ولا تصف هناك
وعلى راي المثل ابعد عن الشر وغنيلو

بالظبط

[nisyeno]

مع تضارب الآراء زادت الحيرة
أنا حابب اربيه وان نسيت وطنشت راح تكبر براسه الفكرة

[بوخالد911]

بلغ عليهم ولا تخاف

الله يوفقك.

[.قطر.]

اذا اول مره تغاضى عن الموضوع
اما اذا تكرر شوف حل

[nisyeno]

عالعموم أنا مخلي السيارة فمكانها
بكتب له على ورقة ان السيارة ما تتحرّك من المكان لين يرجع التاير مثل قبل
لو ما استجاب خلال يومين ببلغ
شاكر لكم مروركم

[ساراام]

عالعموم أنا مخلي السيارة فمكانها
بكتب له على ورقة ان السيارة ما تتحرّك من المكان لين يرجع التاير مثل قبل
لو ما استجاب خلال يومين ببلغ
شاكر لكم مروركم

شلون لين يرجع التاير

انت تقول مبنشرين التاير يعني قصدك تبيه يصلحه ولاشلون

المهم اذا مصمم ركب كيمرا فالسياره وخلها ف نفس المكان لاتحركها يمكن تصيده

[CH Engineer]

شكلهم متفقين كل واحد له موقف
شوف الموتر الي يصف يومين ثلاث بنفس الموقف هو الي بنشر تايرك

قوله الدريول شافك وانت تبنشر،، خير اخوي فيك شي؟

[بانغ بانغ]

اصفح عنه واقتص يوم القيامة

الا تاير ومافي دليل

[MAZEN37]

اصفح عنه واقتص يوم القيامة

الا تاير ومافي دليل

تمام
لو رحت تشتك بتم رايح راد واخرتها بتققل الملف
حسبالهم الموضوع بالبساطه روح اشتك

[@north_star@]

السلام عليكم ورحمة الله وبركاته
أخواني أخواتي اطرح عليكم موضوع مأذيني ومحتار ايش اسوي ,
من يومين ركنت السيارة بالقرب من الفيلا بجانب فيلا مقسمة ,
قمت الصبح لقيتهم مبنشريلي التاير ,
محتار شنو اسوي ؟ ابلّغ عن فيلا مقسمة والا اشتكي الشرطة ؟
التبليغ عن فيلا مقسمة راح يضر السكان كلهم ومن ضمننهم اللي بنشرلي التاير -مجهول-
والتبليغ للشرطة ما أظن بيسوون شي لعدم وجود دليل واضح يدين شخص !
والله محتار
وسلامتكم

عفوا اخوي انت صاف سيارتك عند فلتهم بغض النظر عن عدد سياراتهم يعني لو فيلا فيها عائلة وعندهم 4 سيارات وصفيت سيارتك وصارلك نفس اللي صار بتروح بتشتكي ؟ احنا ما ننكر انه مبدأهم غلط وهذا يعتبر أسلوب همجي بتخريب مال الناس ولكن نصيحة شوفلك مكان ثاني وريح راسك

[معماري قطري]

من أيام اشوف واحد يبي يلف وللأسف شكله قطري ما ادري قتري المهم راجع ريوس والباب مفتوح صدام سيارته تعدى حدود الباب

الناس استوت ما تستحي والغلط على من يصف جدام باب غيره حتى لو يكشفه على جهة الشارع الثانية أو يقرب من الباب حتى لو بالريوس .. الطريق واسع ويقدر يختار مكان ما فيه بيبان يستغل وضعها حتى يلف براحته

المفروض الشرطة تتصرف بسرعة لو واحد اشتكى على هذي التصرفات وتحاسب الغلطان حتى ينتشر وعي وثقافة احترام البيوت

[حليتان*]

شوف الموتر الي يصف فالمكان الي انت صاف فيه بتعرف من الي مفشش توايرك

واكيد فاين الناير وله في مسمار وله شق فالتاير !!

لان احيانا ما يبين البنجر الا لما توقف السياره فتره !

[توشيبا]

ياخي يمكن تايرك بنشر بسبب مسمار او شي ثاني

[معماري قطري]

واحد من الربع قال لي سالفة يستشيرني من حول كم سنة

يقول عصبت على واحد موقف جدام باب بنياني وكان بنيانه تجاري ونطرته لين جاء وقمت افشش تواير سيارته جدامه .. أول تاير كان يقول حلالك فشش والثاني يقول خله على الأقل اقدر اركب السبير واروح .. ما اذكر كم تاير فشش له وكان مقيم عربي وهذا قطري .. قلت له الغلط لابسك من راسك لريولك وبيطالب بحقه يوم القيامة

[Riku3]

تبي تخلي السيارة وتهدد علشان ياخذ راحته مع باقي التواير ويخرب الصبغ من الصدام للصدام ؟؟ ..

روح العاصمة قدم بلاغ وشيل السيارة .. وروح البلدية اشتكي على البيت انه مقسم ومأذينكم علشان يقلفعونهم ,, ولا تحاتي باقي المستأجرين .. الي حصل بيت مقسم بيحصل غيره ..

الواحد صار ما يقدر يسوق في بعض المناطق من كثر المواتر الي صافه جنب الرصيف .. لا واشغال كل سنة يصغرون الشوارع ويرفعون الرصيف ما ادري شعندهم :mad: .. بهدلونا في شوارع المطار والعزيزية .. تقول الشوارع مسوينها بحجم سيارات توصيل المعاصر بس .. العالم برع يخففون من الارصفه وعندنا كل يوم تزيد وتكبر ! .

[BoFahed]

اخوي شوري سامح ولا توقف مره ثانيه قدامهم ما تسوى عليك البهذله في مراكز الشرطه

الحمد لله جات على التواير فيه سيارات مكسرين درايشهم علشان نفس الموقف

[nooora]

ركب كاميرا بسيارتك وصف نفس المكان اذا تحب مشاكل وتبي تكتشف الفاعل. او انك تلاحظ كم يوم من سصف هناك وتسوي مثل ما سوى .. لكن الافضل تواجه وتكلمه انك صاف سيارتك هني وحد بنتشرهم شوف ردة فعله شنو ثم تسوي فيه مثل ما سوا فيك ... لكن ما عندك دليل ان هو الفاعل . فالافضل تصف هناك كم يوم الى ان يكسر سيارتك عدل اهم شي انت مركب كاميرات في السيارة وتتصل في شرطه خلال 24 ساعه عشان البصمات واذا كسر لك القزاز بالحصى مشكله لان حصى التراب يعني ما تقدر تاخذ البصمات منه ..... وقول لنا ايش يصير معاك ههههههه

[مستـريــح البـــال]

عالعموم أنا مخلي السيارة فمكانها
بكتب له على ورقة ان السيارة ما تتحرّك من المكان لين يرجع التاير مثل قبل
لو ما استجاب خلال يومين ببلغ
شاكر لكم مروركم

ياخوي اذا اردت أن تطاع ، اطلب المستطاع ،،

اللى سوا هالتصرف ما راح يكشف عن نفسه ،، لانه لو كان يبي كان حط لك اورقه أو كلمك شخصيا ..

كبر راسك ،، لان هالموال وراه مواويل ..

واذا حاب تتجنب هالسوالف مستقبلا ،، عندك شور الأخوان ركب كاميرات وريح راسك ..

ومب غلط تشتكي اذا حاب تسجل هالشي تحسبا لشيئ في المستقبل ..

[7llo]

بلغ على الفيلا المقسمه وفك عمرك

[حمد 2002]

بلاغ ضد مجهول ، والقضيه بتروح للمجهول

[naklan]

انا اقول تشيل سيارتك وتاخذ سلاح وتنطر من
يوقف مكانك تصلخ فروة راسه ههههه

أمزح امزح

شوف اخوي انت غلطان بوقوفك مكان الغير
وهو غلطان بردة فعله الغلط لا يعالج بغلط اخر
لذالك خلك اكبر وشيل موترك وعفا الله عن
ما سلف وانتهى

[يوسف0]

يمكن ولدك ماشريتله ايباد وفشش توايرك

[Abdulraman]

المسامح كريم وخلك كريم وانت بعد المفروض ماتصف سيارتك عند بيتهم
بس لازم تقولهم من الحمار اللي بنشر سيارتي وادري الحمار مايعترف بس بتصرقع من داخله

[qatarman8008]

اول شي لازم تودي التاير حق اقرب بنشري تشوف اش سبب البنشر..
مشقوق مقطوع داش فيه مسمار.. عشان تعرف بنشر بشكل طبيعي او بفعل فاعل..
ثاني شي حط كاميرا وريح راسك..
اذا صار شي او شي لاسمح الله تقدر ترجع شريط التسجيل وتشوف كل شي..

[nisyeno]

اخوي شوري سامح ولا توقف مره ثانيه قدامهم ما تسوى عليك البهذله في مراكز الشرطه

الحمد لله جات على التواير فيه سيارات مكسرين درايشهم علشان نفس الموقف

اخوي الشكوى بتكون للبلدية انهم فيلا متقسمة مب حق الشرطة

[nisyeno]

تمام
لو رحت تشتك بتم رايح راد واخرتها بتققل الملف
حسبالهم الموضوع بالبساطه روح اشتك

شكوى للبلدية بيي مفتش يكشف عن التقسيم وبيطلعونهم

[nisyeno]

اذا اول مره تغاضى عن الموضوع
اما اذا تكرر شوف حل

أول مرة وصار شذي شلون ثاني مرة

[MAZEN37]

شكوى للبلدية بيي مفتش يكشف عن التقسيم وبيطلعونهم

اذا سكن عمال اشتك وانا معاك
لكن
لو عوائل تيجي من غيرك واحتسب الاجر

[الشمالي111]

وش السبب اخوي اللي يخليك تتهمهم انهم هم اللي مبنشرين التاير يمكن تاير موترك وهذا اكيد تيوب لس وفيه مسمار من قبل وهو سبب البنشر عاده التيوب لس ما يبنشر الابعد ما توقف السيارة شيك وصلح تايرك واذا تكرر الموقف هالحزه لك حق تشتكي ومعاك الحق حتى لو انت واقف قدام بيتهم المفروض ينبهك مش يبنشر بالتاير

[بنت شرق]

ركب لك كاميرا وريح حالك

[زقرتي ومزاجي]

الصفح طيب ولا تحط الموضوع في بالك

[nisyeno]

اتصلو فيني الشرطة مشتكي علي قال السيارة قدام باب بيته !!

[7aayaahh1]

حتى لو إنك صاف عند بيته ما يحق له يفشش توايرك والله شي !!!

[فيصل99]

ابسط وأفضل حل
شيل موترك وراقب من يصف فالموقف لي ما تثبت سيارته
وبنشر له نفس التاير
هذا مايستاهل حشمه
وقفت مره شالمشكله
ان سكت عن الظالم تمادى

[معماري قطري]

اتصلو فيني الشرطة مشتكي علي قال السيارة قدام باب بيته !!

زين سوى فيك لازم توقف صح للبيوت حرمتها

[لطيف الروح]

لا حول ولا قوة الا بالله العلي العظيم
ترى الجار له حقوق كثيرة ولكن للأسف يجهلها الكثير

[MirusS]

اذا اكتشفت من هو قوله المفروض تنبهني اني موقف مكانك مب تفشش توايري!!
التاير لما ينفش بروحه شي يحر.. فشلون لما يكون واحد هو الي مفششه لك :happy:
عموما المسامح كريم خلك احسن منه

[ساراام]

اتصلو فيني الشرطة مشتكي علي قال السيارة قدام باب بيته !!

افا شلون جي بدل لاتشتكي عليه قام وشكا عليك هههههه

المهم الحين اكيد انك عرفته

[nisyeno]

زين سوى فيك لازم توقف صح للبيوت حرمتها

يسكن في بيت مقسّم ويبنشر لي التاير ويشتكي علي وتقول لي زين سوى فيني ! لو انت فمكاني بتقول زين سوى فيك !

[nisyeno]

افا شلون جي بدل لاتشتكي عليه قام وشكا عليك هههههه

المهم الحين اكيد انك عرفته

عرفت اللي اشتكى علي وبيقول انه مو هو اللي مبنشر ! قلت له انزين ليش ما اتصلت على رقمي ورحت اشتكيت الشرطة ! قال اتصل ليش
قلت له بصفتك جار جديد وتبي السمعة الطيبة ، ما رد عقب*..
المهم اشتكيت للبلدية فنفس اللحظة وشلّيت الموتر بس ضميري يأنبني الحين بضر ناس مالهم ذنب
كانت لحظة غضب لعنة الله عالشيطان

[ساراام]

عرفت اللي اشتكى علي وبيقول انه مو هو اللي مبنشر ! قلت له انزين ليش ما اتصلت على رقمي ورحت اشتكيت الشرطة ! قال اتصل ليش
قلت له بصفتك جار جديد وتبي السمعة الطيبة ، ما رد عقب*..
المهم اشتكيت للبلدية فنفس اللحظة وشلّيت الموتر بس ضميري يأنبني الحين بضر ناس مالهم ذنب
كانت لحظة غضب لعنة الله عالشيطان

صحيح ممكن تضر ناس مالهم ذنب،،وقانون منع التقسيم مادري اذا مفعل او لا
والبعض مايقدون يأجرون بيت كامل

انا اقول انسى احسن ولاتوقف صوبه مره ثانيه وابعد عن الشر وغنيلووو

[وحيد-الشوق]

اتصلو فيني الشرطة مشتكي علي قال السيارة قدام باب بيته !!

والله عينه قويه الي مايستحي ياكرهي لبيوت التقسيم هذا الي خذناه من ربعنا وبعض الاجانب

يبيله تطير موتره بجمس هههههههه

[معماري قطري]

يسكن في بيت مقسّم ويبنشر لي التاير ويشتكي علي وتقول لي زين سوى فيني ! لو انت فمكاني بتقول زين سوى فيك !

انت وقفت جدام بيت مب بيتك وللبيوت حرمة من هذا المنطق تذكرت اللي يجون يوقفون كاشفين بيتي ودي بشوزن أو بازوكا احرق سياراتهم .. يا اخوي ناس ما تحترم باب البيت

[معماري قطري]

هذا هو اشتكى عليك علمنا شبيصير لو قلت للشرطة فشش تواير سيارتي

[معماري قطري]

عرفت اللي اشتكى علي وبيقول انه مو هو اللي مبنشر ! قلت له انزين ليش ما اتصلت على رقمي ورحت اشتكيت الشرطة ! قال اتصل ليش
قلت له بصفتك جار جديد وتبي السمعة الطيبة ، ما رد عقب*..
المهم اشتكيت للبلدية فنفس اللحظة وشلّيت الموتر بس ضميري يأنبني الحين بضر ناس مالهم ذنب
كانت لحظة غضب لعنة الله عالشيطان

والحكومة لو تبي تشيل البيوت المقسمة والا العمال اللي ساكنين بين العوائل بأعداد كبيرة بتنطر حد يشتكي؟ فيه مفتشين بلدية وتحريات وجهات أمنية يفترض تسوي شغلها بدون توجيه أو شكوى

ابشرك بيغضون الطرف الا لو تابعت وأرهقت نفسك بمشاوير ومقابلات

[khalid525]

عرفت اللي اشتكى علي وبيقول انه مو هو اللي مبنشر ! قلت له انزين ليش ما اتصلت على رقمي ورحت اشتكيت الشرطة ! قال اتصل ليش
قلت له بصفتك جار جديد وتبي السمعة الطيبة ، ما رد عقب*..
المهم اشتكيت للبلدية فنفس اللحظة وشلّيت الموتر بس ضميري يأنبني الحين بضر ناس مالهم ذنب
كانت لحظة غضب لعنة الله عالشيطان

اخوي اذا انت صامل ليش تستشير الاخوان في المنتدى ،تطلب الشور وتسوي اللي في راسك ؟؟

المهم عندي سؤال قانوني ياليت حد يفيدنا بالاجابة ، هل وقوف سيارة جارك قدام بيتك تعتبر مخالفة خصوصا اذا كان وقفته ما تعيق دخول وخروج سيارتك ، واذا كانت مخالفة تندرج تحت اي نوع من انواع المخالفات ؟ وهل الشرطة هي الجهه المعنية للشكوى في مثل هذي التصرفات ؟

[يوسف0]

اخوي اذا انت صامل ليش تستشير الاخوان في المنتدى ،تطلب الشور وتسوي اللي في راسك ؟؟

المهم عندي سؤال قانوني ياليت حد يفيدنا بالاجابة ، هل وقوف سيارة جارك قدام بيتك تعتبر مخالفة خصوصا اذا كان وقفته ما تعيق دخول وخروج سيارتك ، واذا كانت مخالفة تندرج تحت اي نوع من انواع المخالفات ؟ وهل الشرطة هي الجهه المعنية للشكوى في مثل هذي التصرفات ؟

الافضل تسأل خارج المنتدى كمثلا المرور وحاول تسألهم كذا شخص من المرور لان احيانا يعطونك اجابات مختلفه