مامعنى فحص شامل

[qtri2013]

مامعنى فحص شامل للجسم هل يعني يفحص الدم والغذه والاشعه؟

[ضوى]

الفحص العام يشمل تحليل شامل للدم من وظائف كلى والكبد وقوة الدم والغدة والدهون وفيتامين د والسكر التراكمي وممكن اشعة وتخطيط قلب هذا هو تقريبا الفحص العام اللي اسويه كل ست شهور

[ya3coub]

اسمحلي اخوي و الي يعرف وين يسوون غير الربيع يا ريت يذكرلنا و بكم

Sent from my LG-H990 using Tapatalk

[ضوى]

ليش تروح الربيع يا يعقوب والمراكز الصحية يسوونها ؟؟

[ya3coub]

ليش تروح الربيع يا يعقوب والمراكز الصحية يسوونها ؟؟
3 سنين احاول يقولون لازم تشتمي من شي حدهم فحص دم و بس

قبل كنت لان الوالد كان كيوبي مره سنويا يسون كلشي اشعه و دم و اسنان و يفحصون ابواحد و يقعدون معاه

الحين هاي الشي الوحيد الي مشتاقله الرعايه الطبيه الصحيحه ما كنا نحتاج مستشفيات ولا اي شي كله فعياده البترول

الحكومة مافي شي اسمه فحص شامل الغده لا قدر الله سركان او احتماليات اشعه كامله و هكذا و الربيع يسوي الفحص بمبلغ غالي و يقعد الشخص يوم كامل عنده ثم الشخص لما يروح يتعالج بمكان مختص بالخلل يكتشف التحاليل غير عن الربيع اما حالته احسن او لا قدر الله اسوء

Sent from my LG-H990 using Tapatalk

[ضوى]

بالعكس اخوي يعقوب ، انا اروح المركز واقول للطبيبة ابي فحص شامل ماتقدر تقول لا ، واتأكد من التحاليل اللي طلبتها لي واحيانا اطلب بالاسم التحليل اللي ابيه ، بس في تحاليل لازم تتسوى بناء على علة معينة مثل المعادن السامة ، وانزيمات القلب وخلافه ، اما الامور العادية فما فيها مشكلة ، واذا رحت للطبيب ورفض اطلب مسؤول المكرز وبيوقف معك لا تخاف

[وليف الشوق]

انا كثير من الاحيان اطلب فحوصات اضافيه غير اللي كتبتها الطبيب وفي منها يقول الطبيب عندنا نسويها ومنها تحاليل تروح لمستشفى حمد وترجع بعد فترة
فليش احمل نفسي طاقة اذا كانت الفحوصات والمعاميل والتحاليل نفس اللي تسويها المستشفيات الخاصه ؟ للعلم ان تحاليل مستشفى حمد حسب مااعرفة ان عندهم شهادات عالمية ومراكز ونتائج متقدمه مشهودة من دول عالميه للفحص الشامل و الشي الثاني والاهم انهم يفحصون الاف الوافدين ويتم التعرف على كثير من الامراض السارية والانتقاليه والخطيرة اللي اكثر الدول تعجز عن اكتشافها والدليل الاخر انه مرت علي حالات كثيرة لخدم فحوصاتهم فوق الممتازة في بلدان اخرى ويوم يفحصون عندنا بالقمسيون الطبي يكتشفون ان عندهم خلل او مرض معين سواء عادي او مزمن وتم اكتشاف تلك الامراض اللي عجزت عنها دول كثيرة وهالشي كوني مواطن افخر بتلك الانجازات من مستشفياتنا اللي يفخر كل مواطن ومقيم بتلك الصورة اللي متصورينها عن مستشفياتنا سواء من ناحية الخدمه والمضمون والعناية الراقيه وكذلك الفحص الدقيق والشامل لكثير من الحالات

[ساراام]

روحو اقرب مركز وقولو لهم نبي تحليل شامل للدم وهم بيشيكون على كل شي

وترا نتايج التحاليل عندهم تكون دقيقه،،عكس بعض العيادات تحاليلهم ماتكون مضبوطه