فيني بلاعيم وزكام وراسي يعورني

[حمد 2002]

السلام عليكم

فيني زكام ووجع راس وبلاعيمي تعورني

ابي اعلاج سريع وفعال لهالشيء !!

واحد من الشباب قالي اعصر بصل ومع ليمون واشربه ؟

حتى لو علاج دوائي او اي شيء له مفعول سحري ياليت اتخبروني من خلال تجاربكم ..


جربت الباندول والتدهن بفكس والتلحف ابرنوص بس مافيه فايده وممم جربت شاي زنجبيل وحليب مراعي فرش بس مافي فايده ، وجربت حبوب للحساسيه بالصيدليه بس مافيه فايده ..


تحياتي ..

[لبيبة]

وعليكم السلام ورحمة الله وبركاته،

سلامتك حمد،

أفضل شي تروح الطوارئ (طوارئ حمد تحديدا)،

وهم بيفحصونك ويعرفون وشو العلاج اللي يناسبك.

والله يشافيك.

[راجي الْعفو]

وعليكم السلام و رحمة الله و بركاته

اكل المطاعم و كافتريا الورد ضعف مناعتك

شوف اللوز عندك جيك عليها

وعليك بالقهوة و بعضهم يستخدم بخار الماي الحار للزكام

وفي حبوب اسمها (قولدن بلو) ان ما كنت غلطان في الاسم

ما جربتها بس سمعت واحد يقول انها زينه للزكام

ولا باس طهور إن شاءالله

[qatarman8008]

لازم تعرف شنو سبب المرض..
عدوى بكتيرية او فيروسات او مجرد احتقان وبرد..
لو عدوى بكتيرية لازم مضاد حيوي يناسب البكتيريا..
لو فايروس او برد خذ لك ادفل فقط لانه عقب ظ£ ايام بينتهي بروحه ..

[ضوى]

وليش ماترح للطبيب ؟ مب يمكن محتاج مضاد ؟

[مختلف جداََ]

ما تشوف شر يا بوشهاب

بس انت كم مرة تزكم في السنة

و كم مرة تنزل نفس الموضوع ؟؟ crazycrazy

[حليتان*]

الله يشفيك
اجر وعافيه

[ولد العرب]

معيض رح شوف النهار عنده علاج كل شي :con2:

[ورد الدوحه]

لا بأس طهور ان شاء الله

انا يمكن أكثر وحده في العالم ايصيدني زكام واحتقان
والحل: اول يوم (أشرب زنجبيل فرش مع ماء ساخن وليمون ) على الريق والغداء شوربة وليمون
واذا ماصرت بخير التوجه للمستشفى :(
لازم مضاد اوجمنتين في يومين بتصير زي الفل

تحياتي

[ذيب ازغوى]

ماتشوف شر ياخوي

[7aayaahh1]

عليك بالشوربات والمشروبات الساخنة وابتعد عن البهارات والبارد .. أجر وعافية