كم استفسار..ولا لي غنى عن توجيهاتكم ونصائحكم.

[VX.R]

السلام عليكم ورحمة الله...
عند كم إستفسار لاهل الخبرة والاختصاص ...

الاول :
انا حاليا قاعد ابني ، وللاسف كثرة العمدان ( الاساسات ) شوهت الصالات وجلسة البلكونة...
هل فيه حل لازالة على الاقل عمود واحد عشان تزيد المساحات ..؟؟
المقاول يقول مستحيل :playball:


ثانيا :
هل يصير اركب رخام و بورسلان معا بعض ؟؟
يعني احط رخام فالصالة الاولى وافصل بينهم ببورسلان واحط رخام فالصالة الثانية ..

ثالثا :
بخصوص الانارة الخارجية للفيلا ..
ايهما افضل الانارة البيضاء ام الانارة الصفراء علما ان الحجر لونه ابيض..


والسموحة على الاطالة ...
ودمتم سالمين

[سعود.]

السؤال الاول : ممكن بشرط !!
المهندس الانشائي لازم يراجع الخريطة ويقرر .
لان ( بعض ) الاعمدة ممكن تنشال . خصوصآ اذا كان العامود ( مش ) مستمر لين البنت هاوس .
شفهيآ ولا اكبر مهندس يجاوبك .

موفق

[$الملياردير$]

هلا اخوي بالنسبة لإزالة العامود او لا .... تسال عنها الاستشاري مب المقاول ... الاستشاري اذا هو شاطر يقدر يعمل لك ري ديزاين ... يغير فية توزيع الحديد و نسبته بحيث يوزع الأحمال بطريقة لا تتعارض مع التصميم و لا تعرضك لمشاكل انشائية ... أتوقع في كذا حل و العملية سهلة يعاد توزيع الأعمدة تكون مع الحوائط مخفية ... و يتم عمل الهوردي و الجسور المقلوبة الحلول كثير .... ولو الإزالة ع عامود واحد ماراح يؤثر لو زرعنا عامود بديل و قريب مع اقرب طوفة .... وعادة المكاتب الاستشارية تبالغ في حسابتها مع كمية الحديد بزيادة عشان يكون في امان .... والمقاول يخاف تلغي شي تلغي تكلفته معاه ..... يعني ارجع الاستشاري و هو اللي لازم يحل الموضوع ..... انا كتبت ردي وانا ما اعرف اي مرحلة انت واصل ..... واخواني مب مقصرين ولا أفتي ومالك في المدينة .... بس تعلمت من اخواني وحبيت انقل راي واخوي معماري بوعبدالله مب مقصر ...... ربي يوفقك

[معماري قطري]

تواصلت معاي مرة احدى الأخوات بخصوص عمود حامل تكرمون حمام فوق وزاويته جاية في طرف الصالة والعمود مخرب الصالة تحت

والاستفسار عن كم عمود وأكيد انبنوا خلاص .. الإخت حولتها على مهندس انشائي زميل قديم من بداية شغلي قبل 24 سنة والمشكلة أحرجته بطلبي منه مساعدتها وما قصر عمل حلول بحديد جانبي وبعدين قصوا العمود بالغريندر واتوقع الشغل مشى صح .. لكن في هذا الوضع لو ما انبنى شيء سهل اعادة التصميم والغاء عدة أعمدة

الله يهديهم ( إن كانوا مسلمين ) بعض المكاتب شغلهم زاد الله من زاد .. قلت لمهندس مرة بيتي كله فيه 16 عمود وانت مسوي غرفتين في بيت اخوي فيها 16 عمود لأن الغرف مثمنة + عدد من الأعمدة للمدخل قال مستحيل على مساحة بيتك هالعدد

الثاني ممكن بسهولة بس تحتاج تنسيق وممكن تحتاج فواصل معدنية تفصل مساحة من مساحة

الثالث الأصفر كثير أحلى من الأبيض ولو حاب المائل للبياض فيه ألوان ال اي دي حلوة نوعاً ما فضية والحجر الأبيض النور الذهبي يبرزه أحلى

[معماري قطري]

المهندس هذا قال لي انه مشغول جداً بإدارة مكتب هندسي كبير ولا يقدر يتدخل في تصاميم صغيرة تاخذ وقته لذلك انصح المالك يشوف مكتب استشاري عندهم مهندس انشائي خبرة أو يستعين بدكاترة الجامعة مختصين انشائي ممكن ياخذون المشروع كدراسة ميدانية .. وارشح مكتب اتحاد قطر للتخطيط لأني مجربهم وعارف خبرة مهندسيهم وللأسف غير ما اذكر كإنشائي

[معماري قطري]

هلا اخوي بالنسبة لإزالة العامود او لا .... تسال عنها الاستشاري مب المقاول ... الاستشاري اذا هو شاطر يقدر يعمل لك ري ديزاين ... يغير فية توزيع الحديد و نسبته بحيث يوزع الأحمال بطريقة لا تتعارض مع التصميم و لا تعرضك لمشاكل انشائية ... أتوقع في كذا حل و العملية سهلة يعاد توزيع الأعمدة تكون مع الحوائط مخفية ... و يتم عمل الهوردي و الجسور المقلوبة الحلول كثير .... ولو الإزالة ع عامود واحد ماراح يؤثر لو زرعنا عامود بديل و قريب مع اقرب طوفة .... وعادة المكاتب الاستشارية تبالغ في حسابتها مع كمية الحديد بزيادة عشان يكون في امان .... والمقاول يخاف تلغي شي تلغي تكلفته معاه ..... يعني ارجع الاستشاري و هو اللي لازم يحل الموضوع ..... انا كتبت ردي وانا ما اعرف اي مرحلة انت واصل ..... واخواني مب مقصرين ولا أفتي ومالك في المدينة .... بس تعلمت من اخواني وحبيت انقل راي واخوي معماري بوعبدالله مب مقصر ...... ربي يوفقك

مقطع وتس أب انتشر فترة كان عن بوكلين يقص بعض الأعمدة وطاحت العمارة عليه تتذكره

نشوف أوقات في الحرب عمارة طايرة أعمدتها بس واقفه وممكن تنعمل لها دعامات وتترتب وتنسكن .. بسبب بسيط إن الموجود من الأعمدة يتحول عليه الثقل مصطلح يسمونه Moment Re-distribution .. توزيع العزم

في برج التجارة العالمي قبل لتصدمه الطيارات فجروا المواقف وطارت 4 أدوار من تحت الأرض وبقى المبنى متوازن على أعمدته الخارجية

[معماري قطري]

m o m e n t طلع لي المشعوذ بدالها

[شموخ دائم]

,

,



مرحبا


الاخوان ما قصروا في الردود

بس حبيت أوضح فكره الفواصل

مثل ما تفضل اخوي معماري

بين الرخام والبورسلان او بين البورسلان والباركيه

من الاجمل نستخدم الفواصل ( ستانستيل ) تجي بالوان فضي او ذهبي

تطلع المكان فخم وفنش مرتب وله نهايه جميله

احسن من تلتقي ماده مع ماده أخرى مباشره

ويكوون الشكل غير مقبول


https://s-media-cache-ak0.pinimg.com/736x/cd/91/eb/cd91eb56ddd0730e3ef9eaf51d612f63.jpg

تركيبها سهل وبسيط مثل الصوره

استخدم فاصلين بكل ناحيه كشكل جمالي اذا المكان واسع

وممكن فاصل واحد يكفي اذا الممر مو عريض

الخيار لك

تلاقيها عند العمودي

بس اختار نوعيه زينه معدن ضد الصدى

لان في أنواع رخيصه جدا وسيئه


الاناره الصفراء اجمل بلاشك

البيضاء تحسها مو طبيعيه وقويه اكثر من اللازم

ومهما كان لون الحجر الاضاءه الصفراء روعه فيه




,

,

[معماري قطري]

حي الله أهل الخور

لك فترة ما تبين شكلك مسافر

[Azizuk]

حي الله أهل الخور

لك فترة ما تبين شكلك مسافر

بوعبدالله شيك الخاص عندك وجوالك مرسل لك رسالة

[شموخ دائم]

,

,


مرحبا


الله يحييك ويبقيك

منور المكان بوجودك ولا يهون الجميع

الخور واهل الخور يسلمون عليك

موجود برسم الخدمه

:)

,

,

[بوخالد911]

الجزء ال3

عن نفسي أفضل الأبيض بمراااحل

ولك حرية القرار والاختيار.