عندي حدادين ونجارين مسلح وطابوق بلستر

[MLAAS]

السلام عليكم

عندي حدادين ونجارين مسلح وعمال طابوق وبلستر شغلهم نظيف وسعرهم معقول ،
والي له حاجه فيهم يكلمني خاص

حاولت ارفع صور لشغلهم لكن يعطيني فشل

وشكرا 🌹

[بوخالد911]

كل التوفيق.

[Abu-hmood]

السلام عليكم

عندي حدادين ونجارين مسلح وعمال طابوق وبلستر شغلهم نظيف وسعرهم معقول ،
والي له حاجه فيهم يكلمني خاص

حاولت ارفع صور لشغلهم لكن يعطيني فشل

وشكرا ��


اخوي اذا تبي ترفع صورهم عندك برنامج Tapatalk

[لطيف الروح]

شنهي جنسيتهم

[MLAAS]

كل التوفيق.

الله يوفقنا وياك ان شاء الله

[MLAAS]

اخوي اذا تبي ترفع صورهم عندك برنامج Tapatalk

الي له خاطر يرسلي رقمه وارسله عالواتساب شغلهم

[MLAAS]

شنهي جنسيتهم

بنغاليه

[MLAAS]

http://d.top4top.net/p_419r6y3x0.jpg (http://up.top4top.net/)

http://f.top4top.net/p_419589jc1.jpg (http://up.top4top.net/)

http://a.top4top.net/p_419f4wzb2.jpg (http://up.top4top.net/)

http://b.top4top.net/p_419tbioa3.jpg (http://up.top4top.net/)

هذي بعض الصور

[معماري قطري]

اركز في الصور ما يبين كل شيء بس واضح الطابوق فيه مونة في الاتجاه الأُفقي والاتجاه الرأسي ملصوق ببعض وهذي الطريقة توفر شوية مونة لكن تسبب شلوخ في المستقبل ونصيحتي اعتبروها عامة لكل شغل تسوونه واحتمال ذيلا فاهمين غلط

[معماري قطري]

ثاني شيء مب الهدف يقوم البنيان بسرعة وبس المفروض يقوم صح .. الحديد المغلف أفضل بمراحل .. كذلك الصب بعد تركيب الطابوق يضغط على الطابوق ويشلخه والمفروض البنيان فريم خرساني قبل بعدين تركيب الطابوق

وبعد هذي نصيحة عامة

[لطيف الروح]

ارسل لي رقمك على الخاص

[MLAAS]

اركز في الصور ما يبين كل شيء بس واضح الطابوق فيه مونة في الاتجاه الأُفقي والاتجاه الرأسي ملصوق ببعض وهذي الطريقة توفر شوية مونة لكن تسبب شلوخ في المستقبل ونصيحتي اعتبروها عامة لكل شغل تسوونه واحتمال ذيلا فاهمين غلط

هلابك ياشيخ ماتفوتني هالنقطه وصاب داخل الطابوق نفسه

[MLAAS]

ارسل لي رقمك على الخاص

شوف الخاص

[MLAAS]

ثاني شيء مب الهدف يقوم البنيان بسرعة وبس المفروض يقوم صح .. الحديد المغلف أفضل بمراحل .. كذلك الصب بعد تركيب الطابوق يضغط على الطابوق ويشلخه والمفروض البنيان فريم خرساني قبل بعدين تركيب الطابوق

وبعد هذي نصيحة عامة

اذا تقصد بحديد المغلف او المعزول ( الابوكسي ) سمعت انه يسبب انزلاق بسبب نعومه سطحه ، ف استخدمت الحديد العادي ، وماشاء الله دمك متواجد فيدني بهالمعلومه لاني انا الي ابني وهذا بيتي ، هل احمرار الحديد يكون افضل فالتماسك مع الخرسانه او لا ؟

[MLAAS]

[b]

شغل التخشيب والحديد مثالي ونظيف .
بس لو ان ربط حديد ( البرندة ) يكون من الداخل يكون افضل للحصول على خطاء خرساني أكبر .
القواعد غطائها من 5 الى 7.5سم حسب اغلب اكواد البناء .
( معماري ) يقصد مونه من جميع الاتجاهات . وانت تقول صاب داخل الطابوق نفسة يمين ويسار الطابوقة وين المونه ؟

هذي طبعا ماخوذه بعين الاعتبار والغطاء 5 وفوق ، واذا كان اقل كان المهندس عطاهم ملاحظه فيها ، فاهم قصد معماري بملاحظته في المونه وانا قصدت بصب داخل الطابوق نفسه خرسانه تغنيني عن المونه اليمين واليسار ، واذا كانت الفكره من الاساس غلط او بتسبب مشكله كان المهندس نبهني عليها ، مع العلم انا الي مشرف على بيتي بدون مقاول فقط الاستشاري يتابعني ، وماشاء الله عليكم شكلكم دارسين الهندسه المعماريه انا مجرد ممارس لها ونتعلم منكم ان شاء الله

[سعود.]

هلا اخوي mlaas

انا يوم قريت انه بيتك مسحت ردي اساسا بعد ربع ساعه تقريبا .

الله يقويك

[MLAAS]

هلا اخوي mlaas

انا يوم قريت انه بيتك مسحت ردي اساسا بعد ربع ساعه تقريبا .

الله يقويك

بالعكس ياشيخ خل الي راح يشرف على بيته بنفسه يقرا ملاحظاتكم ، ويتفادى الاغلاط ومايستسهل الامور حتى لو كانت بسيطه ويطلع فالاخير بافضل نتيجه ،واما بخصوص العمال هي علشان الي يبيهم يشوف شغلهم ويقارن سعرهم في السوق والفايده للجميع ان شاء الله

[سعود.]

الله يوفقك اخوي

[معماري قطري]

هلابك ياشيخ ماتفوتني هالنقطه وصاب داخل الطابوق نفسه

الأهم تركيب الطابوق صح داخل الطابوق شيء ثانوي وداخل الطابوق ضروري قرب فتحات الأبواب والنوافذ والأقواس لكن كل الطابوق خسارة وبعدين بتدخل في ورطة وقت التمديد

والمونة بين الطابوق بتلاحظها لكن داخل الطابوق بعضهم يحطون أكياس اسمنت تسكر الفتحة ويصبون شوي فوقها تشوفه تحسبه كله مليان وهو بس من فوق

صورة شغل الأعمدة اللي واقفة بنفسها كانت جيدة ويبين سووا الأعمدة قبل الطابوق وهو الصح

[معماري قطري]

اذا تقصد بحديد المغلف او المعزول ( الابوكسي ) سمعت انه يسبب انزلاق بسبب نعومه سطحه ، ف استخدمت الحديد العادي ، وماشاء الله دمك متواجد فيدني بهالمعلومه لاني انا الي ابني وهذا بيتي ، هل احمرار الحديد يكون افضل فالتماسك مع الخرسانه او لا ؟

اللي يقول يسبب انزلاق وانسلاخ من الخرسانة خله يوضح حادثة وحدة صار فيها هالشيء .. كله كلام واللي يصير مع الحديد العادي بعد فترة تتآكل بعض قطع الحديد بسبب الصدأ والصدأ يكون طبقة فاصلة وهناك ممكن يصير انزلاق بعد وإدماء وتكسر للخرسانة بسبب الصدأ

[معماري قطري]

اذا تقصد بحديد المغلف او المعزول ( الابوكسي ) سمعت انه يسبب انزلاق بسبب نعومه سطحه ، ف استخدمت الحديد العادي ، وماشاء الله دمك متواجد فيدني بهالمعلومه لاني انا الي ابني وهذا بيتي ، هل احمرار الحديد يكون افضل فالتماسك مع الخرسانه او لا ؟

بعدين الحديد سواء المغلف أو العادي فيه حزوز من الحديد تسكر عليها الخرسانة .. الخرسانة بعد الصب تنتفخ شوي وتضغط ضغط هائل على الحديد وتستوي مع الحديد كأنها وحدة وحدة .. وحسابات الهندسة الانشائية مبنية على إن الخرسانة تكون في مواقع الضغط والحديد في مواقع الشد .. وهذا شيء مفيد قصدي الانتفاخ البسيط .. لكن لو حكرت الخرسانة بطابوق مثل اللي حاصل في عمل الطابوق وبعدين صب الاعمدة والجسور الخرسانة تضغط على الطابوق وتضعفه وتسوي فيه شلوخ تبين مع الوقت وتزيد بتغير درجات الخرسانة .. عاد بعدين يجيك الباش مهندز ما عنده تفسير غير ريحت الأرض

[معماري قطري]

سعود ما شاء الله عليه يتعلم ويتابع حتى يقرأ كتب ويطالع اليوتيوب ويناقش وكثير من الشباب مثله ولو لاحظنا شيء لازم يتعدل للأفضل وبسهوله نوضحه للكل ومب القصد الانتقاص من شغل أي شخص والله يوفق الجميع

أحياناً إجراء غلط يؤدي لنتيجة صح لكن الاحتمالية ضعيفة لذلك نحاول نسوي اجراءاتنا صح .. كنا وقت الاشراف لو شفنا طابوق مركب كذا نطلب ازالته واعادة بناءه لأن مب مضمون بكرة نشوف كراكات بعد البلاستر

[Azizuk]

ثاني شيء مب الهدف يقوم البنيان بسرعة وبس المفروض يقوم صح .. الحديد المغلف أفضل بمراحل .. كذلك الصب بعد تركيب الطابوق يضغط على الطابوق ويشلخه والمفروض البنيان فريم خرساني قبل بعدين تركيب الطابوق

وبعد هذي نصيحة عامة


هذا النوع من البنيان يستخدم للمقاول الاقتصادي والموفر

وإلا الطريقة الصحيحة ان يكون ربط القواعد بجسور خرسانية مع حديد مسلح

جنب بيتي حالياً مشروع 6 فلل تجارية معمولة بربط القواعد مع بعضها الى بعض بطابوق

انا بس ابي اعرف القوانين تنحط وماتطبق مافي كود بناء ثابت المفروض يتبعه كل مقاول

اساسيات البناء لا يمكن العبث فيها

تكون اساسيات ثابته الكل يتقيد أبها مافي اقتصادي وموفر وعياره ولف ودوران

زي القواعد والأساسات والأعمدة وحجم ونوع الحديد المستخدم وطريقة البناء تكون ثابته

والكل يتقيد فيها

باقي الأشياء كيفه المالك والمقاول

زي نوع الأبواب وجودة الصبغ ونوع التبليط والكماليات بشكل عام

اما اساسيات البناء ثابته

[سعود.]

سعود ما شاء الله عليه يتعلم ويتابع حتى يقرأ كتب ويطالع اليوتيوب ويناقش وكثير من الشباب مثله ولو لاحظنا شيء لازم يتعدل للأفضل وبسهوله نوضحه للكل ومب القصد الانتقاص من شغل أي شخص والله يوفق الجميع

أحياناً إجراء غلط يؤدي لنتيجة صح لكن الاحتمالية ضعيفة لذلك نحاول نسوي اجراءاتنا صح .. كنا وقت الاشراف لو شفنا طابوق مركب كذا نطلب ازالته واعادة بناءه لأن مب مضمون بكرة نشوف كراكات بعد البلاستر

تلاميذك ( ابا عبدالله )

[سعود.]

هذا النوع من البنيان يستخدم للمقاول الاقتصادي والموفر

وإلا الطريقة الصحيحة ان يكون ربط القواعد بجسور خرسانية مع حديد مسلح

جنب بيتي حالياً مشروع 6 فلل تجارية معمولة بربط القواعد مع بعضها الى بعض بطابوق

انا بس ابي اعرف القوانين تنحط وماتطبق مافي كود بناء ثابت المفروض يتبعه كل مقاول

اساسيات البناء لا يمكن العبث فيها

تكون اساسيات ثابته الكل يتقيد أبها مافي اقتصادي وموفر وعياره ولف ودوران

زي القواعد والأساسات والأعمدة وحجم ونوع الحديد المستخدم وطريقة البناء تكون ثابته

والكل يتقيد فيها

باقي الأشياء كيفه المالك والمقاول

زي نوع الأبواب وجودة الصبغ ونوع التبليط والكماليات بشكل عام

اما اساسيات البناء ثابته

ابا سعود

قبل شهر تقريبآ الملك ( سلمان ) اعتمد كود البناء السعودي . مع انه موجود من سنين .
ولاكن تعتبر نقطة تحول ممتازة .

عقبال عندنا

[معماري قطري]

هذا النوع من البنيان يستخدم للمقاول الاقتصادي والموفر

وإلا الطريقة الصحيحة ان يكون ربط القواعد بجسور خرسانية مع حديد مسلح

جنب بيتي حالياً مشروع 6 فلل تجارية معمولة بربط القواعد مع بعضها الى بعض بطابوق

انا بس ابي اعرف القوانين تنحط وماتطبق مافي كود بناء ثابت المفروض يتبعه كل مقاول

اساسيات البناء لا يمكن العبث فيها

تكون اساسيات ثابته الكل يتقيد أبها مافي اقتصادي وموفر وعياره ولف ودوران

زي القواعد والأساسات والأعمدة وحجم ونوع الحديد المستخدم وطريقة البناء تكون ثابته

والكل يتقيد فيها

باقي الأشياء كيفه المالك والمقاول

زي نوع الأبواب وجودة الصبغ ونوع التبليط والكماليات بشكل عام

اما اساسيات البناء ثابته

شالفايدة يوفر شوية خشب على حسابك وحساب متانة بيتك في المستقبل .. لا تقدر ترش الوجه الملاصق بالطابوق بالماء ولا تقدر تفتح الطابوق وتشوف التعشيش والفجوات في الخرسانة

قلت سالفة اللي هدم الطابوق وحصل بين الطابوق والحديد حاشيين قراطيس علشان يقللون كمية الخرسانة .. العمود جهة الطابوق كله قراطيس والباقي زين

إذا قصدك الطابوق اللي تحت الجسور الأرضية هذا وضعه غير بو سعود وهذا لازم ينحط لأنه يحصر دفان البيت .. ممكن البنيان بدونه بس لازم في ذيك الحالة نسوي صبية أرضية انشائية لو ما كان دفان تحتها تبقى حاملة ولا عليها مشكلة .. الطابوق تحت الجسور الأرضية في العادة يكون مقاوم للأملاح ومملوء خرسانة لتقويته أكثر بعدين الجسور تجي فوقه لكن هي حاملة للطابوق اللي فوقها وقوية والطابوق التحتي حامل للضغوط الجانبية من الدفان

كود البناء القطري من تأسس يذكر بأن التحميل يكون على الفريم الانشائي والطابوق يعتبر قواطع ليست حاملة .. بس بالطريقة المسماة الشعبية والخاطئة يتم التحميل على الطابوق ولو جزئياً ومباني الحكومة كلها طول فترة شغلي ما شفتها تنعمل الا بالطريقة الصحيحة لأن الاشراف قوي

زي القواعد والأساسات والأعمدة وحجم ونوع الحديد المستخدم وطريقة البناء تكون ثابته


هذي الجملة صعب تنفيذها لأن لكل مساحة ونوعية مبنى تصميم مختلف ومدروس انشائياً .. لكن ابشرك ربعنا المهندزين يسوونها وغالبية شغلهم نسخ ولصق ويزيدون بدون حد معين .. لدرجة إن بعضهم يقترحون على المالك عمل الأساس قطعة وحدة كبيرة حق توفير الخشب والشغل

تشوف عمارات سوريا كيف بعد التفجير والهدم الحديد شوي والعمارة متماسكة لأن الوزن يتوزع على الأجزاء الصاحية .. ولو وقفت الحرب الاصلاح لغالبية هذي المباني سهل وفي فترة قياسية

[معماري قطري]

ابا سعود

قبل شهر تقريبآ الملك ( سلمان ) اعتمد كود البناء السعودي . مع انه موجود من سنين .
ولاكن تعتبر نقطة تحول ممتازة .

عقبال عندنا

راح الربع الأخير وجاء الربع الأول وبيخلص ولا طلع كود البناء الخليجي .. واللي يقهر كانوا ناويين يبيعونه وبغالي والمفروض يكون متوفر للكل حتى يتم الالتزام به

وكود البناء يحدد مواصفات دُنيا للبناء ولا يحدد تصميم معين وللاسترشاد في غالبه ولازم المهندسين يصممون صح بس ما يخالفون الكود نزول ممكن يزيدون شوي في حالات يشوفونها صح

[معماري قطري]

تلاميذك ( ابا عبدالله )

تكبرني هشكل انا أصغركم

[سعود.]

راح الربع الأخير وجاء الربع الأول وبيخلص ولا طلع كود البناء الخليجي .. واللي يقهر كانوا ناويين يبيعونه وبغالي والمفروض يكون متوفر للكل حتى يتم الالتزام به

وكود البناء يحدد مواصفات دُنيا للبناء ولا يحدد تصميم معين وللاسترشاد في غالبه ولازم المهندسين يصممون صح بس ما يخالفون الكود نزول ممكن يزيدون شوي في حالات يشوفونها صح

اعبط شي عندنا والله

[سعود.]

تكبرني هشكل انا أصغركم

هههههههههههه

[معماري قطري]

هههههههههههه

من يومين أفكر لازم ارتب غرفة خاصة في البيت الجديد حق ممرض ههههه بديت انسى الأدوية

[سعود.]

من يومين أفكر لازم ارتب غرفة خاصة في البيت الجديد حق ممرض ههههه بديت انسى الأدوية

الله يعطيك الصحة والعافيه ( ابا عبدالله )
وعقبال ماتسكن في بيتك الجديد وتفتك من نباح ( الكلاب ) الي صوبكم . اشوفك تعاني منها
هههههههههههههه
عندي حل لها بس غير قانوني :fight:

[سعود.]

ابا عبدالله
فيه موضوع جديد علي وعجيب اشوفه .
قبل ماتجينا الامطار الاخيرة بسبوع صبيت سقف المجلس
( جلسة خارجية ) 7X5 مطله على الحوش .
ويوم جت الامطار حطيت شراع على السقف . وجاني بعدها المقاول ويقولي ان السقف ماسرب انا هنا استانست لني بلفيت انه من الشراع . وضحك وقال الماي صار تحت الشراع . وفعلا طلعت فوق وطلع كلامة صحيح الماي تحته ولا سرب السقف والسبب يقول : انه بعد صب السقف ب 3 ساعات سوى
( بالمسطرين ) حقت البلاستر على السقف كامل
وهذا يقلل الفراغات الناتجه من المياه والي تسبب تسرب المياة . وهذي غير طبعا عن ( الهلوكبتر ) للتنعيم !!!
ويقول اقدر اسوى لك سلوب على التصريف اوعطيك ضمان انه مايسرب بكل ثقه يقول كذا . طبعا ( اخوك ) جبان :oops: وقلت لا بركب عزل .

[معماري قطري]

الله يعطيك الصحة والعافيه ( ابا عبدالله )
وعقبال ماتسكن في بيتك الجديد وتفتك من نباح ( الكلاب ) الي صوبكم . اشوفك تعاني منها
هههههههههههههه
عندي حل لها بس غير قانوني :fight:

الله يعافيك ويطول بعمرك وتشوف عيال عيال عيالك

فكرت في الحلول بس المفروض اتابع واشتكي على مفتش البلدية المغمض .. الغيرقانوني فيه صعوبة اللياقة مب لين هناك

[معماري قطري]

ابا عبدالله
فيه موضوع جديد علي وعجيب اشوفه .
قبل ماتجينا الامطار الاخيرة بسبوع صبيت سقف المجلس
( جلسة خارجية ) 7X5 مطله على الحوش .
ويوم جت الامطار حطيت شراع على السقف . وجاني بعدها المقاول ويقولي ان السقف ماسرب انا هنا استانست لني بلفيت انه من الشراع . وضحك وقال الماي صار تحت الشراع . وفعلا طلعت فوق وطلع كلامة صحيح الماي تحته ولا سرب السقف والسبب يقول : انه بعد صب السقف ب 3 ساعات سوى
( بالمسطرين ) حقت البلاستر على السقف كامل
وهذا يقلل الفراغات الناتجه من المياه والي تسبب تسرب المياة . وهذي غير طبعا عن ( الهلوكبتر ) للتنعيم !!!
ويقول اقدر اسوى لك سلوب على التصريف اوعطيك ضمان انه مايسرب بكل ثقه يقول كذا . طبعا ( اخوك ) جبان :oops: وقلت لا بركب عزل .

المسطرين اتوقع اللي يسطح البلاستر

لو سوى سلوب بيكون أحسن بس تحتاج أقل سمك يكون 4 سم في الأطراف لأن البلاستر على الخرسانة فوق يتشلخ ويتكسر وفوق البلاستر تحط طبقات العزل وبعدين بلاستر حماية وهذا النظام يسمونه الدبل سكريد يعني فورويل درايف مال العزل وميزته لو اخترب العازل تحط فوق العازل الجديد ويكون بسلوب وتصريف الماي أسرع

[سعود.]

الله يعافيك ويطول بعمرك وتشوف عيال عيال عيالك

فكرت في الحلول بس المفروض اتابع واشتكي على مفتش البلدية المغمض .. الغيرقانوني فيه صعوبة اللياقة مب لين هناك

الله يعينك

مالك الآ الصبر والدعاء بوفاتهم قريبآ :app:

[معماري قطري]

قلنا بيتعدل وضع البلدية تغير الوزير والموجودين نفسهم .. شلون بيطبقون قانون خصوصاً لو المشتكي قطري

[khalid-63]

اخوي معماري قطري حقيقة المواضيع الي تشارك فيها اعتبرها دروس لنا في اعمال البناء والتشطيب جزاك الله خير انت والاخوان الي يشاركون بلا استثناء

[معماري قطري]

اخوي معماري قطري حقيقة المواضيع الي تشارك فيها اعتبرها دروس لنا في اعمال البناء والتشطيب جزاك الله خير انت والاخوان الي يشاركون بلا استثناء

الله يجزيك بما دعيت

والعفو يا اخوي انا اعتبره تعليم متواصل لي ومنكم كثير استفيد

صدقني الاوتوكاد وقفت شوي عنه نسيت كثير وبديت استرجع ما نسيت وفتحت ورشة تعليم الاوتوكاد بس محد شارك ولو حد شارك كنت باواصل وبنستفيد أكثر .. خاطري اتعلم الثري دي ماكس وهو سهل مثل ما سمعت بس كسل مني شريت نسخة من بانكوك ولا ادري تشتغل أو لا ولا تفرغت انزلها

الحمد لله تدريب عقلي وعملي لي وإن شاء الله يستفيدون الإخوان المتابعين ويعذروني عن أي تقصير

[سعود.]

مافيه قصور منك يابوعبدالله

https://twitter.com/ssrrr22/status/790444971413372928

[معماري قطري]

مافيه قصور منك يابوعبدالله

https://twitter.com/ssrrr22/status/790444971413372928

الله يرحم والديك ووالدي المهندس .. إثنينكم مجتهدين لتوضيح الصحيح

[سعود.]

الله يرحم والديك ووالدي المهندس .. إثنينكم مجتهدين لتوضيح الصحيح

الله يجزاك كل خير
انت الي ماتقصر مع الجميع في دوحه الجميع

[معماري قطري]

الله يجزاك كل خير
انت الي ماتقصر مع الجميع في دوحه الجميع

أشتغل على تصميم ذكرني بتصميم المجلس بين أرضين مطابق بس الملاك يبون بيسمنت وأول .. الأول ما اتوقع يصير والبيسمنت ممكن يكفي عن احتياجات الأول .. بإذن الله بيكون مناسب ويتوافق عليه من التخطيط بس للأسف غير قابل للعرض جننوني بالتوب سكرت

[سعود.]

اعانك الله

في مجلس شفته فيه بيسمنت +اول .
ومكانه اعتقد اغلب اهل قطر شافوه !!!

[معماري قطري]

اعانك الله

في مجلس شفته فيه بيسمنت +اول .
ومكانه اعتقد اغلب اهل قطر شافوه !!!

لتذكرني كان معروض علي بمليونين و200 ألف وما شريته وطار سعره خلال فترة 5 أو 6 سنين إلى 36 مليون

[معماري قطري]

الحمد لله خلصت الكونسبت دزاين من فترة وأرسلته للمالك واخوه

المجلس كبير وحلاته مرتفع وبدون شيء فوقه حتى لو الموافقة ممكنة وما اعتقد ممكنة هالوقت .. البيسمنت كفى حق مكاتب وغرف ضيوف ومخزن كبير