استراحة الخميس الممطر.. !!

[qatarman8008]

..
..
السلام عليكم ورحمة الله وبركاته..
استراحتنا اليوم غير..
القريب يقرب والبعيد يقرب يدور له مقر..
خميسنا اليوم فيه خير ومطر..
فيه ريوق وغدى وعشى بس كله صور..
وفيه كشتات وطلعات بر وبحر..
وبعد فيه سحب على جوائز كبرى ودرر..
بس لازم قطية ياجماعة الربع ماصدقتوا خبر..!!:fight:
..
..

[بانغ بانغ]

صباحو لك والعرب

اليوم مزاجي منتهي

امغسل السيارات كلهم امس واليوم مطر

حد بيراضيني فطور سنع

[بانغ بانغ]

اشفيهم الناس

ذاك ايدور طين

وذاك ايدور مترجم

وذاك يبي ايطلق

اعوذ بالله

[السكين]

ًصباحكم خير ودرر بس من دون قطيّة ههههههههه

[qatarman8008]

ماعليك منهم ياخوي بانغ..
ركز معانا الحين اهنيه..

قاعد اضبط صورة الفطور..
شي مرتب بس غريب شوي..

[qatarman8008]

ًصباحكم خير ودرر بس من دون قطيّة ههههههههه

لازم قطية..
انا حاسبها طلعت سبعة جنيه وربع على كل عضو..

[النهار]

ماعليك منهم ياخوي بانغ..
ركز معانا الحين اهنيه..

قاعد اضبط صورة الفطور..
شي مرتب بس غريب شوي..

تحمل تنزل صورة السندويش لااشتكي عليك في قسم الشؤن الصحيه هههههههههههههههههههه

[النهار]

صباحو لك والعرب

اليوم مزاجي منتهي

امغسل السيارات كلهم امس واليوم مطر

حد بيراضيني فطور سنع

انا نفسك امس مدلع الموتر تدليع غسلته جيك في المسيله :this:
وولد العرب قاعد يصيح من الصبح على 240 ريال :anger2:

[qatarman8008]

اول سؤال في مسابقة اليوم هو..
تعرف على محتوى هالفطور..
اللي يجاوب بيدخل على السحب للجائزة الكبرى..
..
..
http://d.top4top.net/p_419usb340.png (http://up.top4top.net/)
..

[النهار]

لازم قطية..
انا حاسبها طلعت سبعة جنيه وربع على كل عضو..

شنهو الي سبعه جنيه وربع ايش من فطور هاي الي سعره ريال ونصف هههههههههههههههههه

[النهار]

اول سؤال في مسابقة اليوم هو..
تعرف على محتوى هالفطور..
اللي يجاوب بيدخل على السحب للجائزة الكبرى..
..
..
http://d.top4top.net/p_419usb340.png (http://up.top4top.net/)
..

عرفته مأبي احرق الموضوع من اوله

[مختلف جداََ]

صباحكم أنا :oops:

[.قطر.]

السلام عليكم ورحمه الله وبركاته
صباح الخير
شلونكم شخباركم ؟
كم تبون القطيه افا عليكم رقبتي سداده
مستعد ادفع من ربع ريال الى 75 درهم

[بانغ بانغ]

السلام عليكم ورحمه الله وبركاته
صباح الخير
شلونكم شخباركم ؟
كم تبون القطيه افا عليكم رقبتي سداده
مستعد ادفع من ربع ريال الى 75 درهم

زززززززززززززززززززززززززززززززززززززززطي

[بانغ بانغ]

قطرمان قاعد تاكل ناجيتس يابس ؟

مي في مستواي هالاكلات

حدي بيض مفيوح

الله يذكرها بالخير ديور

كل ما اكل بيض مفيوح اتذكرها

[qatarman8008]

السلام عليكم ورحمه الله وبركاته
صباح الخير
شلونكم شخباركم ؟
كم تبون القطيه افا عليكم رقبتي سداده
مستعد ادفع من ربع ريال الى 75 درهم

سبعه جنيه وربع والحسابة بتحسب..
نسيت اعلمكم ان في حالة التاخر عن السداد سيتم احتساب ضريبة.. :fight:

[qatarman8008]

توني انتبه مشاءالله عليكم انتوا تددقون عدل مهب مثلنا
صحيح ياخوي قطر مان البياض الهلالي في الاضافر يدل على ان هناك خطب ماء

قال الفلاسفة قديما ان البياض الهلالي في الاضافر من علامة جمال ووسامة الرجل..:fight:

[qatarman8008]

صباحكم أنا :oops:

ارحب يامختلف جدا..
مشاركتك معانا لها رونق مختلف جدا..!!
وفالك الجائزة الكبرى..

[qatarman8008]

قطرمان قاعد تاكل ناجيتس يابس ؟

مي في مستواي هالاكلات

حدي بيض مفيوح

الله يذكرها بالخير ديور

كل ما اكل بيض مفيوح اتذكرها

وانا كل ما اكل بيض مفيوح اتذكر مسرحية انتخبوا ام علي..
يوم داوود حسين يقول عن موظفة الاستقبال عتاني اااااااااااااااااااااااااااااااى.. :fight:

[السكين]

لازم قطية..
انا حاسبها طلعت سبعة جنيه وربع على كل عضو..

https://i.ytimg.com/vi/jDpEOwHxqus/hqdefault.jpg

[مختلف جداََ]

إني قوعااااااااان :weeping:

[مختلف جداََ]

حي الله السكين

من ضحيتك القادمة


صار لك فترة ما رسمت حد

[بانغ بانغ]

وين الصبايا مختفين

[بانغ بانغ]

وين مليونيرة الوقرة

الحجية جنوووووووووووووووووووووووووووووووووووون

اذا بغيتي شراكة او شي حاضرين والعضو المنتدب .... الحياة

[بانغ بانغ]

ولد العرب

خل الطين

وتعال شارك

[qatarman8008]

الاجابات كلها غلط..
ننتظر الاجابة الصحيحة والجائزة الكبرى تناديكم.. :fight:

[qatarman8008]

ههههههههههههههههه اي والله

بس خفت على مرافق الدولة

وهالايام المزاج كلش ... ابي اشارة اركب على مواتر الناس في الشارع

علمنا في اي شارع تسوق عشان مانروح ذاك الصوب..
بروحنا سياراتنا مزلغة وحالتها حالة.. :fight:

[السكين]

حي الله السكين

من ضحيتك القادمة


صار لك فترة ما رسمت حد

ههههههههه الله يحييك أخوي مختلف ، والله مكسّل صاير زول ، والسناب لاهي الواحد عن الرسم على الورق كله أرسم بالسناب والسكيتش كلوب بس الأمور ممكن ترجع بأي لحظة .

[qatarman8008]

واحد من جماعة الربع طيب..
مطرش لي عبارة على هالصبحيات..
يقول لاتقارن الذهب بالخشب..
فلو غرقت في البحر راح ترمي الذهب وتتعلق بالخشب..
..
قلت له ياخوي عطني الذهب اللي عندك وتعال العنة باعطيك خشب.. :fight:

[بانغ بانغ]

علمنا في اي شارع تسوق عشان مانروح ذاك الصوب..
بروحنا سياراتنا مزلغة وحالتها حالة.. :fight:

انت قولي وين ساكن عشان ما اجي

راجي يوم قلت له باجيك البيت سوالي بلوك

مع شمع احمر

[qatarman8008]

ههههههههه الله يحييك أخوي مختلف ، والله مكسّل صاير زول ، والسناب لاهي الواحد عن الرسم على الورق كله أرسم بالسناب والسكيتش كلوب بس الأمور ممكن ترجع بأي لحظة .

احييك عالموهبة العظيمة هذي اخوي السكين..
طبعا المدح هذا عشان ماترسمني هههههههههههههههههههههههههههههه..

[بانغ بانغ]

لا يكون فقع ناشف ( توست )

[qatarman8008]

انت قولي وين ساكن عشان ما اجي

راجي يوم قلت له باجيك البيت سوالي بلوك

مع شمع احمر

في الغرافة طال عمرك..
دمي ازرق طال عمرك..

بس ارجوك لاتدعمنا ياخوي ابي اروح العنة باجر بالموتر..

[السكين]

احييك عالموهبة العظيمة هذي اخوي السكين..
طبعا المدح هذا عشان ماترسمني هههههههههههههههههههههههههههههه..

أشكرك .. تحب الرسمة بوزار بفانيلة أصلع مكرّش؟ :nice:

عندك شوية خيارات أحلاهن مر !

[qatarman8008]

http://a.top4top.net/p_4195tkpu0.jpg (http://up.top4top.net/)

[qatarman8008]

أشكرك .. تحب الرسمة بوزار بفانيلة أصلع مكرّش؟ :nice:

عندك شوية خيارات أحلاهن مر !


شوف اخوي..
دام انك راسمني راسمني باعطيك الوصف..
عريض المنكبين مشلهب الابعاع..
عندي بياض هلالي على اضافري ولابس فنيلة نادي الغرافة..

[qatarman8008]

لا يكون فقع ناشف ( توست )

اجابة خاطئة ..
اسمك ما دخل في السحب عالجائزة الكبرى.. :fight:

[بانغ بانغ]

اللي ما شاف قطرمان

تراه يشبه ليوناردو دي كابريو بس ملامح قحطة

اسمح لي كشفت عن اوراقك

[المحاميه]

السلام عليكم


صباح الخير


الله يجعله يوم خير وبركه عالجميع


جيف حالكم :oops:

[المحاميه]

اشفيهم الناس

ذاك ايدور طين

وذاك ايدور مترجم

وذاك يبي ايطلق

اعوذ بالله

شدخل

اشتقصد؟

[بانغ بانغ]

شدخل

اشتقصد؟

عفوا !!!! شنو شاقصد

[بانغ بانغ]

قطرمان يالله قول لنا شنو الاكلة حسيت اني عايش في موزمبيق

وشكلها لاذيذة

[السكين]

شوف اخوي..
دام انك راسمني راسمني باعطيك الوصف..
عريض المنكبين مشلهب الابعاع..
عندي بياض هلالي على اضافري ولابس فنيلة نادي الغرافة..

وضحت الرؤية بالاضافة إلى ملامح ممزوجة بـ ليوناردو وقحطة !

شلووووون ( بصوت بو درويش ) :nice:

[qatarman8008]

السلام عليكم


صباح الخير


الله يجعله يوم خير وبركه عالجميع


جيف حالكم :oops:

وعليكم السلام ورحمة الله..
احنا بخير دامكم متواصلين معانا..
فالك الجائزة الكبرى محاميتنا القديرة.. :fight:

[بانغ بانغ]

ببدش اجتماع

بوصالح لا تنسى نصيبي من الاريوق

للعلم اللي يبي ايجي الw الغداء بعزمه على سوشي

سي ي

[بانغ بانغ]

وضحت الرؤية بالاضافة إلى ملامح ممزوجة بـ ليوناردو وقحطة !

شلووووون ( بصوت بو درويش ) :nice:

هههههههههههههههههههههه عندك اللعبة يا بوس

[qatarman8008]

وضحت الرؤية بالاضافة إلى ملامح ممزوجة بـ ليوناردو وقحطة !

شلووووون ( بصوت بو درويش ) :nice:


لا اشبه ليوناردو ولا قحطارددو..
اشبه نفسي وبس..
اهم شي ارسمني لابس فنيلة نادي الغرافة وشايل كاس الامير..:fight:

نفس كذا طال عمرك..
.ز
..
http://c.top4top.net/p_419cts442.png (http://up.top4top.net/)
..

[qatarman8008]

الان وفي هذه اللحظة..
يتم ادخال اول اسم الى قائمة الاسماء في السحب على الجائزة الكبرى..
اسم الحياة الخالدة.. :nice:

[السكين]

هههههههههههههههههههههه عندك اللعبة يا بوس

خلاص انطروها بعد شوي برسمها بالسناب :nice:

[السكين]

لا اشبه ليوناردو ولا قحطارددو..
اشبه نفسي وبس..
اهم شي ارسمني لابس فنيلة نادي الغرافة وشايل كاس الامير..:fight:

نفس كذا طال عمرك..
.ز
..
http://c.top4top.net/p_419cts442.png (http://up.top4top.net/)
..

الفاس طاح بالراس طال عمرك .. مافي undo بهالمواضيع ههههههههه

[qatarman8008]

خلاص انطروها بعد شوي برسمها بالسناب :nice:

ياساتر استر.. :this:
هههههه بس ضبطني تكفى..

[qatarman8008]

شوف اخوي السكين..
عندي لك عرض مغري..
ترم لي رسمة زينة ويدش اسمك في السحب عالجائزة الكبرى..
اشقولك ياخوي.. :fight:

[ya3coub]

صبحكم الله بالخير و النور و السرور اشلونكم شخباركم شمسوين

طمنوني عليكم

لكم وحشة جميعا المنتدى ما صار مثل قبل الأغلب رجع من اجازة الربيع الطويله و المدارس صارلهم قريب الشهر و الزحمة تخنق


المهم انتو اشلونكم احس تربطني فيكم يا عائلتي في العالم الإفتراضي علاقه طيبه

حاب بدون ما احدد اعلم اعلومكم اخباركم شمسوين شالي مضايقكم

بما اني تقريبا مخلص شغلي و ما عندي شي حاليا لين بريك الغدا

[ya3coub]

ولد العرب

خل الطين

وتعال شارك

بغى طين و من الله نزل الخير

الحين بس ياخذ شيول و يحطه فالبيت اموره طيبه بإذن الله تعالى تبي مساعده ولد العرب ؟؟؟

[السكين]

شوف اخوي السكين..
عندي لك عرض مغري..
ترم لي رسمة زينة ويدش اسمك في السحب عالجائزة الكبرى..
اشقولك ياخوي.. :fight:

والله أخوي كان ودي بس المشكلة بديت فيها هههههههههه ، صدقني مضبطك لدرجة إني ميت ضحك على الملامح قبل لا تخلص :nice:

[ya3coub]

والله أخوي كان ودي بس المشكلة بديت فيها هههههههههه ، صدقني مضبطك لدرجة إني ميت ضحك على الملامح قبل لا تخلص :nice:

اوب اوب أخونا السكين


منووووور اشتقنا لرسوماتك و بالإنتظار مع ايضا تذكير للإخوان و الخوات الي قبل راسمهم علشان نتذكرهم و نضحك أكثر

[@north_star@]

السلام عليكم ورحمة الله وبركاته
صبحكم الله بالخير جميعا ..... وين الريوق :weeping:

[المحاميه]

عفوا !!!! شنو شاقصد


يعني كلامك ملخبط
مستغرب من وشو؟



وعليكم السلام ورحمة الله..
احنا بخير دامكم متواصلين معانا..
فالك الجائزة الكبرى محاميتنا القديرة.. :fight:

ههههه
سوري يعني
بس شالادب الي نزل فجأه ههههه



..
http://c.top4top.net/p_419cts442.png (http://up.top4top.net/)
..


ترا على فكره انا غرفاويه من يومي ومازلت :o



الفاس طاح بالراس طال عمرك .. مافي undo بهالمواضيع ههههههههه


هههههههه حلوه :nice:

[بانغ بانغ]

بغى طين و من الله نزل الخير

الحين بس ياخذ شيول و يحطه فالبيت اموره طيبه بإذن الله تعالى تبي مساعده ولد العرب ؟؟؟

I am back

طال عمرك , انت ما فهمت اللعبة .... النهار وبكل جدارة كشف ولد العرب ...

الرجال طلع مقاول وايبيع الطين

[السكين]

هاااا.. نزيع ولا منزعش ؟؟

[بانغ بانغ]

هاااا.. نزيع ولا منزعش ؟؟

يبا زززززززززززززززززززيع وما تعرضهاش

بخ بخ بخ

[السكين]

بسم الله نبدأ

http://www.m5zn.com/newuploads/2017/02/23/jpg//1eee4b5bef843f7.jpg

إحم من وين الباب يا جماعة عندي شغل سلاااام هههههههه

[المحاميه]

ماشاء الله عليك السكين
فنان والله

اشلون رسمتها جذي فالسناب؟؟؟
شغل محترفين

[بانغ بانغ]

هههههههههههههههههههههههههه فناااان صراحة

نفس توقعاتي

[@north_star@]

طيب ردوا السلام على الاقل :anger2:

[المحاميه]

عليكم السلام
اعصابك
اليوم تاخرت
باق استراحتك اخونا الغرفاوي :whistling:

[السكين]

ماشاء الله عليك السكين
فنان والله

اشلون رسمتها جذي فالسناب؟؟؟
شغل محترفين

عادي متعوّد هههه ـ بس مشكلة السناب الخط مقاس واحد فأضطر الون جنبه لو حبيت ارفّع سمكه يعني ، وألوانه محدوده ، السامسونغ فيه خيارات اكثر للرسم وفيه الوان شفافة لتخفيف الدرجات بس مشكلتي آيفوني .

[السكين]

هههههههههههههههههههههههههه فناااان صراحة

نفس توقعاتي

ههههههه شكلك وديتنا بداهية انت وتوقعاتك :nice:

[@north_star@]

عليكم السلام
اعصابك
اليوم تاخرت
باق استراحتك اخونا الغرفاوي :whistling:

:court: قلت اخلي مجال حق غيري :fight:

[ya3coub]

I am back

طال عمرك , انت ما فهمت اللعبة .... النهار وبكل جدارة كشف ولد العرب ...

الرجال طلع مقاول وايبيع الطين

هذا الختصاص الشركه


ها ولج العرب ابلغ عليك

ليكون ناوي تسيطر على العالم ؟؟؟

[ya3coub]

بسم الله نبدأ

http://www.m5zn.com/newuploads/2017/02/23/jpg//1eee4b5bef843f7.jpg

إحم من وين الباب يا جماعة عندي شغل سلاااام هههههههه

يه حركات حتى قثحطه الله يرحمه ما ارسموه بهالجمال

[qatarman8008]

السلام عليكم ورحمة الله وبركاته
صبحكم الله بالخير جميعا ..... وين الريوق :weeping:

صبحك الله بالنور والسرور اخوي نورثي..
القريب يقرب..
حطينا الريوق ومعاه فرصة الدخول على السحب في الجائزة الكبرى بعد طال عمرك..

[qatarman8008]

يعني كلامك ملخبط
مستغرب من وشو؟




ههههه
سوري يعني
بس شالادب الي نزل فجأه ههههه





ترا على فكره انا غرفاويه من يومي ومازلت :o





هههههههه حلوه :nice:



دام انج غرفاوية عيل هناك اعلان هام جدا..
يتم الان ادخال ثاني اسم الى قائمة اسماء السحب على الجائزة الكبرى.. :fight:
اسم المحامية.. وفالج التوفيق..

[راجي الْعفو]

انت قولي وين ساكن عشان ما اجي

راجي يوم قلت له باجيك البيت سوالي بلوك

مع شمع احمر
ااااخ منك يا مقرم =مجرم بالمصري

[qatarman8008]

بسم الله نبدأ

http://www.m5zn.com/newuploads/2017/02/23/jpg//1eee4b5bef843f7.jpg

إحم من وين الباب يا جماعة عندي شغل سلاااام هههههههه

الله الله الله الله..
ايه اللي انا باشوفو ده..
ايه اللي انا باشوفو ده..
:oops:

[qatarman8008]

ههههههه شكلك وديتنا بداهية انت وتوقعاتك :nice:

السكين وبانغ..
توقعاتكم ترجمتوها لرسمة مو نفس اللي انا طلبت..
وين عريض المنكبين وشعر ناعم..؟؟
هههههههههههههه.. عموما اعجبتني الرسمة..
يتم الان وفي هذه اللحظة اضافة اسمين الى قائمة السحب على الجائزة الكبرى..
السكين وبانغ.. فالكم التوفيق.. :fight:

[السكين]

الله الله الله الله..
ايه اللي انا باشوفو ده..
ايه اللي انا باشوفو ده..
:oops:

شفت الكاس ؟ من قدكم يا خي فايزين .. شوف الفانيلة من قدك ،، شوف الشورت يا خي من قدك .. وسندويش ..يا سلاااام :nice:

شوف الموضوع من الناحية الإيجابية هههههههههههه

[qatarman8008]

:court: قلت اخلي مجال حق غيري :fight:

مانسنتغني عن مشاركاتك اخوي نورثي.. :fight:

[السكين]

السكين وبانغ..
توقعاتكم ترجمتوها لرسمة مو نفس اللي انا طلبت..
وين عريض المنكبين وشعر ناعم..؟؟
هههههههههههههه.. عموما اعجبتني الرسمة..
يتم الان وفي هذه اللحظة اضافة اسمين الى قائمة السحب على الجائزة الكبرى..
السكين وبانغ.. فالكم التوفيق.. :fight:

صدقني الشعر ناعم بس الإنتاج قليل :nice:

عريض المنكعين شلولح على قولة عادل إمام.

[qatarman8008]

صبحكم الله بالخير و النور و السرور اشلونكم شخباركم شمسوين

طمنوني عليكم

لكم وحشة جميعا المنتدى ما صار مثل قبل الأغلب رجع من اجازة الربيع الطويله و المدارس صارلهم قريب الشهر و الزحمة تخنق


المهم انتو اشلونكم احس تربطني فيكم يا عائلتي في العالم الإفتراضي علاقه طيبه

حاب بدون ما احدد اعلم اعلومكم اخباركم شمسوين شالي مضايقكم

بما اني تقريبا مخلص شغلي و ما عندي شي حاليا لين بريك الغدا



صبحك الله بالنور والسرور اخوي يعقوب..
القريب يقرب..
جعل الغدا مافيه الا العافية..
لا تنسى تحط صور طال عمرك..
عشان يدش اسمك في السحب عالجائزة الكبرى.. :fight:

[qatarman8008]

يبا زززززززززززززززززززيع وما تعرضهاش

بخ بخ بخ

ذيك كشكشها ماتعرضهاش هههههههه ..

[qatarman8008]

شفت الكاس ؟ من قدكم يا خي فايزين .. شوف الفانيلة من قدك ،، شوف الشورت يا خي من قدك .. وسندويش ..يا سلاااام :nice:

شوف الموضوع من الناحية الإيجابية هههههههههههه


هو كله ايجابي ماعدى الضروس ههههههههههههههههههههه
مشكلة انه مافي تامين والا كان رحت ركبت لي طقم الماظ.. :fight:

[@north_star@]

مانسنتغني عن مشاركاتك اخوي نورثي.. :fight:

فيك الخير والبركة اخوي قطر مان ......... خشمك ><

[المحاميه]

هو كله ايجابي ماعدى الضروس ههههههههههههههههههههه
مشكلة انه مافي تامين والا كان رحت ركبت لي طقم الماظ.. :fight:

هههههههه

[qatarman8008]

اين بقية الاعضاء..
القريب يقرب..

[ya3coub]

صبحك الله بالنور والسرور اخوي يعقوب..
القريب يقرب..
جعل الغدا مافيه الا العافية..
لا تنسى تحط صور طال عمرك..
عشان يدش اسمك في السحب عالجائزة الكبرى.. :fight:
باذن الله تعالى اذا تغديت بصور و احطلكم

Sent from my LG-H990 using Tapatalk

[@north_star@]

باذن الله تعالى اذا تغديت بصور و احطلكم

Sent from my LG-H990 using Tapatalk

'اذا ..... ردد ياليل ما اطولك :whistling:

[qatarman8008]

فيك الخير والبركة اخوي قطر مان ......... خشمك ><

ابشر طال عمرك..
http://c.top4top.net/s_419as9m31.png (http://c.top4top.net/p_419as9m31.png)

[qatarman8008]

القريب يقرب..
..
..
http://c.top4top.net/p_419ce3at0.png (http://up.top4top.net/)

[الحياة الخالدة]

السلام عليكم ورحمة الله
شنو الغدا

[بانغ بانغ]

غداي سوشي بعد ساعه ان شاء الله

[ya3coub]

غداي سوشي بعد ساعه ان شاء الله
وين [emoji56] لان توني افكر بنفس الشي رايح العياده الحين و افكر نم نم لما اخلص

[ya3coub]

السلام عليكم ورحمة الله
شنو الغدا
نبي اقتراحات حوالين رمادا

[@north_star@]

السلام عليكم ورحمة الله
شنو الغدا

وعليكم السلام والرحمة .... الى الان ما اتضحت الرؤيا

[qatarman8008]

السلام عليكم ورحمة الله
شنو الغدا

ابرك الساعات يوم شفنا مشاركتج الحياة..
الغدا فوق.. :fight:

[qatarman8008]

بالاضافة الى هذا..
كم يصير المجموع..؟؟
..
..
..
http://e.top4top.net/p_419co69o0.png (http://up.top4top.net/)

[بانغ بانغ]

وين [emoji56] لان توني افكر بنفس الشي رايح العياده الحين و افكر نم نم لما اخلص

حياك الw

[بانغ بانغ]

نبي اقتراحات حوالين رمادا

ذكرتني ايام المطعم الصيني صوب السنتر كان زين

[qatarman8008]

لو تحبون اكل صيني وسوشي ..
عليكم بشانجريلا جمب السيتي سنتر..
عندهم بوفيه غدى على كيف كيفك..
فيه كورنر خاص بالاكل الصيني والتايلاندي..
وفيه كورنر خاص بالسوشي..

ترى والله مايعطوني شي عالدعاية..:fight:

[بانغ بانغ]

لو تحبون اكل صيني وسوشي ..
عليكم بشانجريلا جمب السيتي سنتر..
عندهم بوفيه غدى على كيف كيفك..
فيه كورنر خاص بالاكل الصيني والتايلاندي..
وفيه كورنر خاص بالسوشي..

ترى والله مايعطوني شي عالدعاية..:fight:

يوميا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

[ya3coub]

حياك الw
فيه الف عافية بالنسبه لي المقلي عندهم اهو احلى سوشي فيه العافيه يا رب

[ya3coub]

ذكرتني ايام المطعم الصيني صوب السنتر كان زين
و هاي الي افكر فيه حاليا فالعياده KKT اول ما اخلص بشوفه اذا ليلحين فاتح لان من زمان عنه مطعم سور الصين العظيم

اخر مره من اربع سنين رحتله و لقيته صامد الوحيد الي فالمبنى و ارفعو اسعاره مرتين خل اشوفه اليوم فرصه

Sent from my LG-H990 using Tapatalk

[رجل تعليم]

صباحكم سعيد
من امام حجرة الدرس لكم ارق تحية وأعذبها
هذه الصورة حيث اقف الآن بقريتي الجبلية ...يجتمع في الصورة كل العناصر التي تفيد أنك في المغرب
مياه المطر في الساحة ...والجبال ..والخضرة ...والشجر ...والمدرسة ...والعلم الوطني ...والمسجد ...والأبقار ...والغيوم ...وخيوط الكهرباء ورادار الإتصالات ...وأشجار البلوط والزيتون ...
السلم والهدوء والأمان والسعادة كلها امور أخرى مخبأة بعناية تحت كل العناصر السابقة الذكر .
اللهم أدم الرخاء والعز والسلام والأمن على كل بلادنا العربية ...وانصر اللهم قطر أميرها وحكومتها وشعبها ...واسبغ عليهم من فيض كرمك بلا حساب يا أرحم الراحمين


https://up.harajgulf.com/do.php?img=1496206 (http://GulfsUp.com)



https://up.harajgulf.com/do.php?img=1496207 (http://GulfsUp.com)

[السكين]

صباحكم سعيد
من امام حجرة الدرس لكم ارق تحية وأعذبها
هذه الصورة حيث اقف الآن بقريتي الجبلية ...يجتمع في الصورة كل العناصر التي تفيد أنك في المغرب
مياه المطر في الساحة ...والجبال ..والخضرة ...والشجر ...والمدرسة ...والعلم الوطني ...والمسجد ...والأبقار ...والغيوم ...وخيوط الكهرباء ورادار الإتصالات ...وأشجار البلوط والزيتون ...
السلم والهدوء والأمان والسعادة كلها امور أخرى مخبأة بعناية تحت كل العناصر السابقة الذكر .
اللهم أدم الرخاء والعز والسلام والأمن على كل بلادنا العربية ...وانصر اللهم قطر أميرها وحكومتها وشعبها ...واسبغ عليهم من فيض كرمك بلا حساب يا أرحم الراحمين


https://up.harajgulf.com/do.php?img=1496206 (http://GulfsUp.com)



https://up.harajgulf.com/do.php?img=1496207 (http://GulfsUp.com)

الله على الأجواء ، الله يديم عليكم هذه النعمة اللي يفتقدها الكثير، الطبيعة الخلابة.

[qatarman8008]

صباحكم سعيد
من امام حجرة الدرس لكم ارق تحية وأعذبها
هذه الصورة حيث اقف الآن بقريتي الجبلية ...يجتمع في الصورة كل العناصر التي تفيد أنك في المغرب
مياه المطر في الساحة ...والجبال ..والخضرة ...والشجر ...والمدرسة ...والعلم الوطني ...والمسجد ...والأبقار ...والغيوم ...وخيوط الكهرباء ورادار الإتصالات ...وأشجار البلوط والزيتون ...
السلم والهدوء والأمان والسعادة كلها امور أخرى مخبأة بعناية تحت كل العناصر السابقة الذكر .
اللهم أدم الرخاء والعز والسلام والأمن على كل بلادنا العربية ...وانصر اللهم قطر أميرها وحكومتها وشعبها ...واسبغ عليهم من فيض كرمك بلا حساب يا أرحم الراحمين


https://up.harajgulf.com/do.php?img=1496206 (http://GulfsUp.com)



https://up.harajgulf.com/do.php?img=1496207 (http://GulfsUp.com)

حياك الله اخوي رجل تعليكم..
ماشالله طبيعه خضراء رائعة بمعنى الكلمة..
الله يديم عليكم هالنعمة ويكتب لنا العوض في الجنة يارب..

[.قطر.]

سبعه جنيه وربع والحسابة بتحسب..
نسيت اعلمكم ان في حالة التاخر عن السداد سيتم احتساب ضريبة.. :fight:
الله الله هههه
متى فتره السداد تجنبا لاي ضريبه :telephone:

[qatarman8008]

الله الله هههه
متى فتره السداد تجنبا لاي ضريبه :telephone:

ابشرك قد انحسبت..
لكن ال سبعه جنيه وربع اللي عليك اندفعت ياخوي..
ما ادري من اللي دفعها عنك.. :fight:

[qatarman8008]

عندي مشكلة مع ايقونة fight ..
ما اعرف اختارها لانها تتحرك يمين يسار هههههه.. :fight:

[bohilal191]

السلام عليكم ورحمة الله وبركاته

[qatarman8008]

السلام عليكم ورحمة الله وبركاته

عليكم السلام ورحمة الله...
حي الله بوهلال ..
القريب يقرب.. :fight:

[ya3coub]

مسااااااء الخير اليوم غداي كان هارديز فالسيارة و سوري من الجوع ما افتكرت بالتصوير

[qatarman8008]

لا يفوتكم الجو برى ياجماعه الربع..
حاسدينا عليه هل اوروبا..

[qatarman8008]

مسااااااء الخير اليوم غداي كان هارديز فالسيارة و سوري من الجوع ما افتكرت بالتصوير

جعله عوافي اخوي يعقوب..

[ya3coub]

لا يفوتكم الجو برى ياجماعه الربع..
حاسدينا عليه هل اوروبا..
اشوفه من المكتب

Sent from my LG-H990 using Tapatalk

[ya3coub]

جعله عوافي اخوي يعقوب..
الله يعافيك يارب

[.قطر.]

ابشرك قد انحسبت..
لكن ال سبعه جنيه وربع اللي عليك اندفعت ياخوي..
ما ادري من اللي دفعها عنك.. :fight:

تمااااام تمام
يعني بدال مادفع حق الريوق بادفع حق الضرايب بس
الله يجزاه خير اللي دفع عني خلاني اوفر

[الحياة الخالدة]

بسم الله نبدأ

http://www.m5zn.com/newuploads/2017/02/23/jpg//1eee4b5bef843f7.jpg

إحم من وين الباب يا جماعة عندي شغل سلاااام هههههههه

ما شاء الله
الصورة ما كانت طالعة عندي في الدوام
سبحان الله جبتها بالمللي

[بانغ بانغ]

مرحبا شباب وشابات

كيف امسيتوا

[qatarman8008]

ما شاء الله
الصورة ما كانت طالعة عندي في الدوام
سبحان الله جبتها بالمللي

اشوف عجبتكم الصورة.. :app2:

[النهار]

انا عجبني سندويج البيض المحزر هههههههههههههههههه

[الحياة الخالدة]

اشوف عجبتكم الصورة.. :app2:
وايد عجبتنا .. والاسنان الثلاثة والقرعة
توأم قحطة

[المحاميه]

مساكم الله بالخير

[Miss]

مسا النور

[ya3coub]

مساء الخيرات

Sent from my LG-H990 using Tapatalk

[سالم الزهران]

السلام عليكم ورحمة الله وبركاته
مساء الخير جميعاً*
من يسوي لنا زنجبيل وندعي له واذا معه شيء بعد زين

[qatarman8008]

مساكم الله بالخير..
او يمكن صار صبحكم الله بالخير جميع..
السموحة قطعت عنكم شوي..
معزومين على عرس وسوينا اللازمنو..
بشرونا عنكم كيف كان خميسكم..

[Dana’1]

صباح الخير
شلونكم شخبارك

[qatarman8008]

بخير ولله الحمد..
بالنسبة لي انتهى يوم الخميس الحين..

[JN000N]

صباح الخير

[qatarman8008]

:fight::fight:صباح النور..
اخيرا شفنا مشاركة من جنون..!!
ترى مسجليين عليج تاخير..:discuss:

[JN000N]

خخخ شسوي امس من اصبحت لين امسيت ماقريت لويه في لويه

عندكم ريوق والا ناكل علوج

[الماريّة]

صبحكم الله بالخير
من على خط العامريه

:)

[سالم الزهران]

صباح النور جميعاً

المارية ، العامرية بالعراق وش وداك هناك ؟؟ عودي لا يكضونج ! لا يكون مقناص

:)

[الحياة الخالدة]

صبحكم الله بالخير
شلونكم وشخباركم
وين الريوق

[bohilal191]

عندنا في الدوام

https://i.imgur.com/AaCwAfh.jpg

[ya3coub]

عندنا في الدوام

https://i.imgur.com/AaCwAfh.jpg
يممممممممممي
عوافي

Sent from my LG-H990 using Tapatalk

[bohilal191]

يممممممممممي
عوافي

Sent from my LG-H990 using Tapatalk

على قلبك
بس بصراحة من الآخر

[ya3coub]

و جان اتوهق المفروض اسافر الحين

جان يقولونلي يلا الغدى عليك الله يستر بسويلهم غدا مقرمش https://s13.postimg.org/dbk7gxqrr/1487933423048840490116.jpg

[ya3coub]

https://s10.postimg.org/n1vbvdf2x/14879344039241625211300.jpg

بما اني فالحوش قلت اروح اشغل الدراجه من زمان ما سقتها تهقون الوالدة بتلاحض ؟؟؟

https://s17.postimg.org/8gqbdqe33/14879338285751024754323.jpg

[توشيبا]

مساء الخير

جمعه طيبه للجميع

[qatarman8008]

عندنا في الدوام

https://i.imgur.com/AaCwAfh.jpg

ماشالله.. شغل مرتب الصراحة..
عوافي بوهلال..

[qatarman8008]

مساء الخير

جمعه طيبه للجميع

الله يمسيك بالنور والسرور..
شبرنامجكم ..

[توشيبا]

الله يمسيك بالنور والسرور..
شبرنامجكم ..

البرنامج دوام :funny:

[ya3coub]

الله يمسيك بالنور والسرور..
شبرنامجكم ..
مع الوالد بما انه الشواي طلع اوكي
بنمر العنه فسيلين

[الحياة الخالدة]

واحنا عندنا عرس
الفال للعزابية ولكل حبايبكم

[qatarman8008]

واحنا عندنا عرس
الفال للعزابية ولكل حبايبكم

بالمبارك مقدما..

[ya3coub]

واحنا عندنا عرس
الفال للعزابية ولكل حبايبكم
اللهم امين الجو فسيلين شكله بيطق مطر

https://s9.postimg.org/lxntxm92n/14879443033961096546014.jpg

[qatarman8008]

اليوم الاجواء في سيلين اكثر من روعه..
ومزحومة اكثر من اي جمعه..
..
..
http://d.top4top.net/p_420wdjpi0.png (http://up.top4top.net/)

[Dana’1]

مساء الخير

من زمااااان عن سيلين يمكن من 2008

[ya3coub]

https://s12.postimg.org/v9a2ygpfx/14879515160381166704801.jpg

حاليا الاجواء ممطره فسيلين و من احلى ما يكون الجو

[qatarman8008]

http://b.top4top.net/p_4206dh9r0.png (http://up.top4top.net/)

[المحاميه]

عليكم بالعافيه

احنا ماندري متى بنروح سيلين

:fight:

[qatarman8008]

http://d.top4top.net/p_420ng6230.png (http://up.top4top.net/)

[qatarman8008]

اهداء خاص..
حق اللي مايعرفون قيمة نادي الغرافة..
الغرافة نادي دكتوراه بطولات استشاري قسم كؤوس الدوري والامير..
السكين..
ارجع ارسم صورتي وانا لابس فنيلة الغرافة..
وشايل كاس الدوري ظ¢ظ*ظ،ظ§..

[qatarman8008]

مبروك للغرافة الفوز الكبير اليوم..
مو غريبة عليكم يا الغرفاوية..

[qatarman8008]

عليكم بالعافيه

احنا ماندري متى بنروح سيلين

:fight:

ليييييش..!!
ترى الطريق سهل ونشوف كثير عائلات مع اطفالهظ هنيه..
اذا عندهم عنة يتمون لين قريب الفجر ..
واذا ماعندهم يتمون لين المغرب ويرجعون الدوحة..

[المحاميه]

^

مادري
عادات وتقاليد

:whistling:

[بانغ بانغ]

مبروكين يالغرفاوي

متى الغداء

[بانغ بانغ]

http://b.top4top.net/p_4206dh9r0.png (http://up.top4top.net/)

وين هاي

[بانغ بانغ]

سوال

هل حد راح معرض المجوهرات بكره اخر يوم وناوي اودي المرة تبي ساعة ....

هل في براندات متميزة من الساعات هالسنة

طبعا حق اللي راح وايعرف


وينك يا معماري اخبر سوالفك الساعات !

[ya3coub]

سوال

هل حد راح معرض المجوهرات بكره اخر يوم وناوي اودي المرة تبي ساعة ....

هل في براندات متميزة من الساعات هالسنة

طبعا حق اللي راح وايعرف


وينك يا معماري اخبر سوالفك الساعات !
انا ما رحت بس الاها يقولون في ماركات عليها خصومات حلوه و تسوى و في ماركات نفس الخصم الي يعطونه العادي اللهم زايدين السعر قبل الخصم علشان الناس تحس بانه خصم كبير


بس بصراحه السنه ما رحت

Sent from my LG-H990 using Tapatalk

[بانغ بانغ]

انا ما رحت بس الاها يقولون في ماركات عليها خصومات حلوه و تسوى و في ماركات نفس الخصم الي يعطونه العادي اللهم زايدين السعر قبل الخصم علشان الناس تحس بانه خصم كبير


بس بصراحه السنه ما رحت

Sent from my LG-H990 using Tapatalk

حبيب يعقووب ما قصرت

[qatarman8008]

مبروكين يالغرفاوي

متى الغداء

اوووووف..!!
احنا سويناه عشى الليلة..!
فاتك والله ..
نعوضك بالفوز القادم انشالله..

[qatarman8008]

وين هاي

هذي عنة القرية الاولمبية بسيلين..

[ya3coub]

https://s28.postimg.org/4n3t1cvd9/1487973318871343080153.jpg

عشا اخر الليل فكافتريا المستشفى

[qatarman8008]

ماتشوف شر اخوي يعقوب..

[qatarman8008]

عندنا في سيلين المطر شغال من الساعه تسع..
اسمع انه توه احين واصل الدوحة..

[ya3coub]

ماتشوف شر اخوي يعقوب..
الشر ما يجيك

قاعد مع اخوي مرقد فالعنايه دعواتكم له

[qatarman8008]

الله يقومه بالسلامة..

[بانغ بانغ]

صباحو

صراحة حصلت بشارة في النت

حصلوا سبع كواكب ممكن الانسان ايعيش عليها

ها من بيخاويني أندور كويكب صغيرون

[راجي الْعفو]

النهار متأذي من صراخ عياله ويبي يرتاح

اخذه معاك يا بنوغ ^_^

[بانغ بانغ]

النهار متأذي من صراخ عياله ويبي يرتاح

اخذه معاك يا بنوغ ^_^

لا يبا مابي واحد ايجيب مشاكله من الكرة الارضية

[راجي الْعفو]

لا يبا مابي واحد ايجيب مشاكله من الكرة الارضية

مسكين نهار الذهب

مضطهد في الارض و خارج الارض

لك الجَنّة ^_^

[بانغ بانغ]

ههههههه

المهم انت شمقعدك من الصبح

[راجي الْعفو]

بطلت عيوني و لقيت نفسي قاعد هههه

ابد مافيش حاقه

[مختلف جداََ]

صباح الخير بوفيصل
صباح الخير عمي راجي


اذا في كوكب رومانسي احجزو لي بليز :app:

[ya3coub]

صباح الخير عليكم جميعا و الاجواء الجميله

كوكب رومنسي اشلون هاي لازم اجرب ازوره



Sent from my LG-H990 using Tapatalk

[مختلف جداََ]

هلا مهندسنا يعقوب أول شي يا رب يشافي أخوك شفاء تام يا رب


ثانياً : كوكب رومانسي وردي جوه بارد و كله ورد
خخخخخخ

[راجي الْعفو]

صباح الورد عمو مختلف

لازم نقول لك ورد لانك رومنسي

[مختلف جداََ]

صباح الورد عمو مختلف

لازم نقول لك ورد لانك رومنسي



هههههههههه

لا يسمعك بانغ

[bohilal191]

ماشالله.. شغل مرتب الصراحة..
عوافي بوهلال..

على قلبك

[بانغ بانغ]

هههههههههه

لا يسمعك بانغ

واشفيه بانغ

هادين مشاكل العالم وطايحين فيه مسكين

وين العرفاوي الوحيد اللي فاهمني

[bohilal191]

الشر ما يجيك

قاعد مع اخوي مرقد فالعنايه دعواتكم له

الله يقومه بالسلامة وما تشوفون شر

[bohilal191]

صباح النشاط والحيوية

من قلب الدوام نمسي عليكم

[مختلف جداََ]

عوافي عمي بوهلال

طاح في خاطري الحين :shy:

[مختلف جداََ]

صباح النشاط والحيوية

من قلب الدوام نمسي عليكم

حلوه نمسي

ههههههههه

صباحك خير مدير

[مختلف جداََ]

واشفيه بانغ

هادين مشاكل العالم وطايحين فيه مسكين

وين العرفاوي الوحيد اللي فاهمني

أنا قررت أرشح مختلف لمنصب مدير عام



تسلم تسلم على الثقة الغالية

ابشر بالبونص اللي يطيب الخاطر :ok:

[بانغ بانغ]

تسلم تسلم على الثقة الغالية

ابشر بالبونص اللي يطيب الخاطر :ok:

هههههههههه تستاهل

نبي بونص سنع

[@north_star@]

السلام عليكم ورحمة الله
صبحكم الله بالخير جميعا

[المحاميه]

عليكم السلام

صبحكم ومساكم بالخير

ها جاهزين حق باجر

حبيت انكد عليكم
واذكركم ان الويكند بح

[بانغ بانغ]

السلام عليكم ورحمة الله
صبحكم الله بالخير جميعا

عليكم السلام حجي

[qatarman8008]

صبحكم الله بالخير جميع..
ادرى انه صار عقب الظهر..
لكن حبيت اقول صباح الخير..

[qatarman8008]

واشفيه بانغ

هادين مشاكل العالم وطايحين فيه مسكين

وين العرفاوي الوحيد اللي فاهمني

موجود حدرتك..
موجود وفاهمك انت بس اديني امارة..
وسمعني مزيكة يافاهمني..:ok:

[الماريّة]

مساكم الله بالخير


اخوي سالم الزهراني لا العامريه في قطر
جنوب قطر مهب في العراق ^_^

شوديني للعراق هههه


وامس انا صدت فقع من العامريه

‏http://c.top4top.net/p_42166i700.png (http://up.top4top.net/)


‏http://d.top4top.net/p_421qpxot1.png (http://up.top4top.net/)

^
^
^
واخواني صادوا ضب 😄✌

‏http://e.top4top.net/p_421l5rrt2.png (http://up.top4top.net/)

[qatarman8008]

حاليا احلق عن الهندي..
..
..
http://d.top4top.net/p_421s1qta0.png (http://up.top4top.net/)
..
انا حريص على حياة البطل اكثر من البطل نفسه..
لان لو ذبحوه والا صار له شي احتمال الحلاق يودي لي عالشنب..!!

[سالم الزهران]

قطرمان ماشاء الله عليك هههههه

[الحياة الخالدة]

السلام عليكم ورحمة الله
مساكم الله بالخير

[الحياة الخالدة]

الغرفاوي جان رحت حق حلاق تركي عالاقل تشوف مسلسل تركي رومانسي

[سالم الزهران]

[COLOR="Purple"][SIZE="4"]مساكم الله بالخير


اخوي سالم الزهراني لا العامريه في قطر
جنوب قطر مهب في العراق ^_^

شوديني للعراق هههه

وامس انا صدت فقع من العامريه

واخواني صادوا ضب ï؟½ï؟½âœŒ


العامرية ما مر علي هالاسم قبل في قطر ونا عارف انها بقطر بس قلت تسولفون عن المقناص والطلع وربما ولد العرب وصل بكم العراق :)

وما شاء الله عليكم ، ( فقع و ضب ) يعني اللي فوق الارض واللي تحت الارض ما فاتكم
الله يوفقكم

[الماريّة]

العامرية ما مر علي هالاسم قبل في قطر ونا عارف انها بقطر بس قلت تسولفون عن المقناص والطلع وربما ولد العرب وصل بكم العراق :)

وما شاء الله عليكم ، ( فقع و ضب ) يعني اللي فوق الارض واللي تحت الارض ما فاتكم
الله يوفقكم


اي ماشي يفوتنا كله صايدينه هههههههه


والعامريه قاعها طيبه دايم يظهر فيها انواع العشب والفقع
وبعد يقنصون فيها

وبعد فيها عين كبريتيه. وشرايك هههههههه. خيرها واجد

[الماريّة]

بس خلاص انا شبعت منها

اكتفيت للحد


ابغي اغير الوجهه شمال صوب الخضار والعشب

[qatarman8008]

الغرفاوي جان رحت حق حلاق تركي عالاقل تشوف مسلسل تركي رومانسي

مرحبا بالحياة الخالدة..
مستحيل احلق عند تركي..!!
بعد اللي شفته منهم اولا ومن شبابنا ثانيا..
التركي يبي يسولف وياخذ رقمي ويطلع معاي ولما يحلق لي اعطيه بدل العشرين مية وخمسين..!!
اما الهندي بابا مزبوت بابا عشرين ريال..
بنفس الخدمة ونفس النظافة ونفس ال كلشي..
لا ويسوي مساج للراس والشعر مستعد ادفع له خمسين زيادة بس عشان هالمساج..

[qatarman8008]

بس خلاص انا شبعت منها

اكتفيت للحد


ابغي اغير الوجهه شمال صوب الخضار والعشب

والله قاعدين نتعلم منج يالمارية احداثيات ومناطق الكشتات في دولة قطر..
ماشالله عليج مشاركاتج رائعه..

[qatarman8008]

في سيلين امس..
..
http://f.top4top.net/p_421esuzg0.png (http://up.top4top.net/)
..
http://a.top4top.net/p_4215ft191.png (http://up.top4top.net/)
..
http://b.top4top.net/p_421io7xf2.png (http://up.top4top.net/)

[الحياة الخالدة]

لا حول ولا قوة إلا بالله
عسى محد تعور

[qatarman8008]

لا ما احد.. والحمدلله..

[الماريّة]

والله قاعدين نتعلم منج يالمارية احداثيات ومناطق الكشتات في دولة قطر..
ماشالله عليج مشاركاتج رائعه..


الله يسلمك اخوي وماعليك زووود

وان شاء الله اي وجهه بروح لها بصور لكم

[بانغ بانغ]

بونسوار أ توس

[qatarman8008]

ارحب الساع اخوي بانغ..
للاسف ما اعرف فرنسي..
ابشرك جاتني هدية من المغرب..
..
http://b.top4top.net/p_421ai5jz0.png (http://up.top4top.net/)
..

[بانغ بانغ]

واااااو اعزم بعلمك فرنسي

[qatarman8008]

بكم الحصة..؟؟
بكم اخر..؟؟

[بانغ بانغ]

افا عليك هاي كلام

شنو فلوس وكم وهالمواضيع





























الحصة 350 بس

[qatarman8008]

زين واذا عندي كوبونات المجلس الاعلى للتعليم..!!
هههه.. ماعلينا ..
يقول لك اعلنوا اجازة جديدة ثلاث ايام..
من تسع وعشرين الى واحد وثلاثين فبراير..

[بانغ بانغ]

حق ليش

اجازة شنو

[Charisma]

مساكم الله بالخير يا اصدقائي الألكترونيين ..:telephone:

[الحياة الخالدة]

زين واذا عندي كوبونات المجلس الاعلى للتعليم..!!
هههه.. ماعلينا ..
يقول لك اعلنوا اجازة جديدة ثلاث ايام..
من تسع وعشرين الى واحد وثلاثين فبراير..

واااو .. بنفتل عيل .. نحجز حق المريخ
أتوقع يكون اسمها : الإجازة المستحيلة

[الماريّة]

ارحب الساع اخوي بانغ..
للاسف ما اعرف فرنسي..
ابشرك جاتني هدية من المغرب..
..
http://b.top4top.net/p_421ai5jz0.png (http://up.top4top.net/)
..

وش ذا ياخوي قطر مان
عليه صوره مطايا

ليكون شاهي بحليب الخلفات 😍👌🏼👌🏼

[ya3coub]

مرحبا بالحياة الخالدة..
مستحيل احلق عند تركي..!!
بعد اللي شفته منهم اولا ومن شبابنا ثانيا..
التركي يبي يسولف وياخذ رقمي ويطلع معاي ولما يحلق لي اعطيه بدل العشرين مية وخمسين..!!
اما الهندي بابا مزبوت بابا عشرين ريال..
بنفس الخدمة ونفس النظافة ونفس ال كلشي..
لا ويسوي مساج للراس والشعر مستعد ادفع له خمسين زيادة بس عشان هالمساج..
اووووه طلعت من طختي ههههههههه

هالمساج العجيب للراس اروح ارقد ما يهمني اي شي كثر انه يخلص و يسويلي مساج لراسي و يسحب شعري احس الدم بعدها يسري في عروق مخي

اشلونكم شخباركم

Sent from my LG-H990 using Tapatalk

[qatarman8008]

وش ذا ياخوي قطر مان
عليه صوره مطايا

ليكون شاهي بحليب الخلفات ����������

هههههه لا لا مهوب حليب خلفات اشدعوه..
هذي شاي اخضر مغربي والجمل مجرد علامة تجارية.

[qatarman8008]

اووووه طلعت من طختي ههههههههه

هالمساج العجيب للراس اروح ارقد ما يهمني اي شي كثر انه يخلص و يسويلي مساج لراسي و يسحب شعري احس الدم بعدها يسري في عروق مخي

اشلونكم شخباركم

Sent from my LG-H990 using Tapatalk

ياخي عجيب هالمساج..
خصوصا مال منطقة فوق الحواجب ههههه..
يخليك تبي تكمل رقاد عالكرسي..

[الماريّة]

هههههه لا لا مهوب حليب خلفات اشدعوه..
هذي شاي اخضر مغربي والجمل مجرد علامة تجارية.


هههههههه الحين شاي وحاطين صوره مطايا
كان حطوا بياله والا ورقه شاي ههههه


يمكن قصدهم البدوان الرحل يتقهووون وهم فوق المطايا

^_^

[qatarman8008]

الشاي الاخضر في المغرب والجزائر هو اصلا للبدو الطوارق الرحل في الصجراء الغربية..
اعتقد عشان هالسبب صارت صورة الجمل لها معنى..
والله اعلم..

[qatarman8008]

http://a.top4top.net/p_42115eym0.jpg (http://up.top4top.net/)

[الماريّة]

الشاي الاخضر في المغرب والجزائر هو اصلا للبدو الطوارق الرحل في الصجراء الغربية..
اعتقد عشان هالسبب صارت صورة الجمل لها معنى..
والله اعلم..

اوكي

كذي ممكن صح 👍🏻

[راجي الْعفو]

يمسيك بالنور يا طيار ..