لازم القطري ... يكشخ في بلاده

[الكبير]

للاسف صراحة حقيقة ان الواحد لو يبي ايخلص معاملة له في اي مكان ، لو ما كان كاشخ وامبين انه قطري ....كثير منهم ما يحترمونه ... حتى لو لابس ثوب و كاب او رياضة .... وحتى لو دروا انه قطري

بعض الأشكال ايفكر القطري لازم ايكون كاشخ عشان يفرض احترامه

كنت في المستشفى امودي ولدي مريض والا قطري متبهدل من نيرس لي نيرس ومن طبيب لطبيب وقاعد ايهاوشهم انهم أخروه وصراحة كسر خاطري وكان ودي اقوله تستاهل جاي بكاب وثوب وداش مكان عام

بعض الاسيويين والعرب خمة ماعندهم اي احترام للقطري الا لين ايكون كاشخ عدل ...

[Riku3]

من فترة فصلت غرفة في الحراج الصبح وماكنت كاشخ علشان اقدر اكاسر .. طبعاً كانوا نفسية في التعامل بس معليه ماعندي مشكلة اهم شي اخذ سعر عادل ..

دفعت العربون ومشيت .. الا متصلي مديرهم العصر بنفسية يقول ما نقدر نسوي الا لو ترجع وتدفع المبلغ كامل !! .. قلته خلاص كنسل الطلب وانا الصبح بجيك اخذ العربون .. ووافق مباشرة ..

الصبح متعمد كاشخ ودخلت بموتري لين باب المحل وما نزلت من السيارة .. هرنت وتجمعوا علي كل عمال المحل بكل احترام وخوف سبحان الله .. وينكم امس محد معطيني وجه ههههههه ..

جاني مديرهم ما عرفني .. عطيته الفاتورة قلت جيب الفلوس .. قالي ليش شيخ مافي زعلان انا سوي مافي مشكلة بعد بكره خلاص ههههههه .

[Rider]

والله فعلا القطري لازم يكون كاشخ

[ذكي جدااا]

بس الواحد اذا كشخ في بعض الأحيان يرفعون عليه السعر يحسبونه بنك متنقل. ففعلا في مواقف تنفع فيها الكشخه وفي مواقف لا

[..عاشق قطر..]

يارجال حتى اخوانا العرب يكشخون مثل القطري مانعرف انميز هل هو قطري او لا

[Q A T A R I]

-



انا شخصياً , ما احترم اي شخص مايكون معتز بزيه الوطني.
ليست عنصرية . لكنه انتقاص لمن لا يعتز بنفسـه و بزيـه.

خارج السرب :
توي كنت في دولة خليجية . تعرضت لانواع الصلخ . والسبب الزي القطري.
حالياً من المؤسف انه في داخل الدولـة . صار يتلاشـى الزي الرسمي تدريجياً.

[بانغ بانغ]

فعلا

احيانا تطلع بكاب او رياضة اتحس محد يعطيك وي

حتى لو بسيارة كشخة

صحيح الواحد بشخصيته يفرض احترامه لكن في ناس ما تجي الا بالمظاهر

هالمواقف تكثر في المستشفيات والفنادق

لازم تروح لها وانت كاشخ عدل

[فيصل99]

الحين كلشي ماشي بالمظاهر الله يسلمك

[رجل الجزيرة]

عندنا عيب الي ما يكشخ، الواحد منا ما يتعدى باب بيته والا هو كاشخ في ما يروح، وهذي هي سلوم أهل قطر والحمد لله.

[qatarman8008]

تجربتي مع تخليص المعاملات في الدوائر الحكومية مختلفة قليلا عن تجربتك اخوي..
كان عندي معاملة وحاولت اخلصها من كذا مبنى بلدي ومامشت..
لكن اعطيت مندوب الف ريال خلصها لي بيوم واحد..
ولما سالته قال لي من المبنى الفلاني والموظف الفلاني..
سبحان الله مع اني رحت لهذا الموظف بنفسي وشاف اوراقي وقال لي هالمعاملة مش عندي..
الحين اخذته قانون..
اي معاملة شوف لك مندوب وخلاص ..

[بانغ بانغ]

والوضع ايضا مع السيارات

للاسف المظاهر صارت اساس الاحترام

الحين المقولة ، قلي اي سيارة تسوق ، اقل لك من انت !

للاسف

[راجي الْعفو]

والوضع ايضا مع السيارات

للاسف المظاهر صارت اساس الاحترام

الحين المقولة ، قلي اي سيارة تسوق ، اقل لك من انت !

للاسف

بيعني شالمشكله بوفيصل لو وزير داوم بعراوي و لا بيجو ^_^

الناس تحب المظاهر ^_^

[بانغ بانغ]

بيعني شالمشكله بوفيصل لو وزير داوم بعراوي و لا بيجو ^_^

الناس تحب المظاهر ^_^

للاسف رجرج

الحين موظفين صغار ايسوقون مواتر سنعة عشان المظاهر وأقساط وبلاوي

اتقولي وزير او مدير كبير مثل النهار وقطرمان والربع

للاسف صار مجتمع مظاهر ......

الظاهر اخونا بومحمد راعي الموضوع يتكلم عن الفرق في المعاملة لما تكون كاشخ او لا

وهاي حقيقة

[راجي الْعفو]

للاسف رجرج

الحين موظفين صغار ايسوقون مواتر سنعة عشان المظاهر وأقساط وبلاوي

اتقولي وزير او مدير كبير مثل النهار وقطرمان والربع

للاسف صار مجتمع مظاهر ......

الظاهر اخونا بومحمد راعي الموضوع يتكلم عن الفرق في المعاملة لما تكون كاشخ او لا

وهاي حقيقة
صحيح..

[معماري قطري]

من فترة فصلت غرفة في الحراج الصبح وماكنت كاشخ علشان اقدر اكاسر .. طبعاً كانوا نفسية في التعامل بس معليه ماعندي مشكلة اهم شي اخذ سعر عادل ..

دفعت العربون ومشيت .. الا متصلي مديرهم العصر بنفسية يقول ما نقدر نسوي الا لو ترجع وتدفع المبلغ كامل !! .. قلته خلاص كنسل الطلب وانا الصبح بجيك اخذ العربون .. ووافق مباشرة ..

الصبح متعمد كاشخ ودخلت بموتري لين باب المحل وما نزلت من السيارة .. هرنت وتجمعوا علي كل عمال المحل بكل احترام وخوف سبحان الله .. وينكم امس محد معطيني وجه ههههههه ..

جاني مديرهم ما عرفني .. عطيته الفاتورة قلت جيب الفلوس .. قالي ليش شيخ مافي زعلان انا سوي مافي مشكلة بعد بكره خلاص ههههههه .

عنده ستاندرد ثاني للقطري ما عليك منه شاف انه رابح

[معماري قطري]

واحد من ربع الربع يبي يشتري عمارة راح يتفحصها وناطورها مصري .. سلم على الناطور وقال له انا ان شاء الله بشتري العمارة .. يقول الناطور يطالعني من فوق لين تحت .. والرجال راعي بر .. يقول دخلت اشوف والناطور اتصل بالسمسار قال له دأ جاي يشتري العمارة؟ ووصفه ووصف سيارته وحالته بس السمسار كلم رفيجنا قال له الناطور يقول كذا وكذا .. طلع يضحك وقال للناطور هاه بتكمل معانا ناطور والا بتطلع انا خلاص قررت اشتري

الانسان يطلع بمظهر مقبول بس مب معناه إنه شخصيته وقيمته في لبسه

[معماري قطري]

بيعني شالمشكله بوفيصل لو وزير داوم بعراوي و لا بيجو ^_^

الناس تحب المظاهر ^_^

واحد من جماعة الربع ما ادري ربع الجماعة عنده حول 10 سيارات ومتولع في البورشات .. بس خذ بيجو 205 وعدله شوي ما كلفه قيمة كامل الا حول 70 - 80 ألف نسيت بالضبط بس تحت ال 100 والسيارة بروحها 55 تقريباً .. استوت هذي السيارة أكثر شيء يطلع فيها وناس يوقفونه يبون يشترونها

[راجي الْعفو]

واحد من جماعة الربع ما ادري ربع الجماعة عنده حول 10 سيارات ومتولع في البورشات .. بس خذ بيجو 205 وعدله شوي ما كلفه قيمة كامل الا حول 70 - 80 ألف نسيت بالضبط بس تحت ال 100 والسيارة بروحها 55 تقريباً .. استوت هذي السيارة أكثر شيء يطلع فيها وناس يوقفونه يبون يشترونها

هذا المخ والفن ^_^

خوش تجاره لو دخل فيها

[SouthK]

سؤال .. اكشخ ليش؟؟؟؟
بتمشي بسيارة كشخة بتلاقي 100 واحد و واحدة محسوبين عليك اوادم يلفون عليك .. غير ان الكشخة دليل كثرة الفلوس فاللي ب 10 بيصير عليك ب 1000 و الجملة المعهودة : "من غير فلوس يا باشا"!!

تكشخ و تتبهدل اذا رايح الصناعية او تبيع سيارة او تشتري سيارة ... تكشخ لوزارة او مصلحة حكومية بتنقع حالك حال غيرك لو ما عندك واسطة او وافد تلقله يمشي لك الموضوع بكلمة و الكشخة بتروح مع اول زبالة في الشارع!

سؤال .. ليش اكشخ دام في النهاية ما لها لازمة و موضوعي كله واسطة في واسطة و محسوبية بدون حاسبة؟

[وحيد-الشوق]

مشكلتنا في قطر نحترم الناس بشنو لابسين وشنو سيارته وشكثر فلوسه

نعم انا مع الكشخه واللبس الزين لكن مب حلو اني ما احترم الناس عشان لبسه وللأسف احنا اكثر شعب مشخص ورسمي على قولة اخوانا في الخليج هههههه نروح الجمعيه زرار وساعة ومزنط عسى ماشر ههههههه

[ذكي جدااا]

سؤال .. اكشخ ليش؟؟؟؟
بتمشي بسيارة كشخة بتلاقي 100 واحد و واحدة محسوبين عليك اوادم يلفون عليك .. غير ان الكشخة دليل كثرة الفلوس فاللي ب 10 بيصير عليك ب 1000 و الجملة المعهودة : "من غير فلوس يا باشا"!!

تكشخ و تتبهدل اذا رايح الصناعية او تبيع سيارة او تشتري سيارة ... تكشخ لوزارة او مصلحة حكومية بتنقع حالك حال غيرك لو ما عندك واسطة او وافد تلقله يمشي لك الموضوع بكلمة و الكشخة بتروح مع اول زبالة في الشارع!

سؤال .. ليش اكشخ دام في النهاية ما لها لازمة و موضوعي كله واسطة في واسطة و محسوبية بدون حاسبة؟

كلامك صحيح بالاخير الواسطه هي اللي تمشي

[ماجد البدر]

-



انا شخصياً , ما احترم اي شخص مايكون معتز بزيه الوطني.
ليست عنصرية . لكنه انتقاص لمن لا يعتز بنفسـه و بزيـه.

خارج السرب :
توي كنت في دولة خليجية . تعرضت لانواع الصلخ . والسبب الزي القطري.
حالياً من المؤسف انه في داخل الدولـة . صار يتلاشـى الزي الرسمي تدريجياً.الحمد لله الزي الرسمي باقي في اعتقادي اصدار قرار بالباس الثوب في المدارس يجعل هناك جيل يعتز بالغتره و العقال و الثوب

تم الإرسال من SM-N950F باستخدام Tapatalk

[ماجد البدر]

اذا بتروح تشتري سيارة من الحراج او من اجنبي روح له بقحفيه وثوب مش حالك ينكسر خاطره ويبيع لك رخيص وروح له بعراوي البيت او حد يوصلك حق المكاسر الكشخة على حسب وين بتروح
الدنيا مظاهر
و الناس و الواقع صاير هشكل في البيك اب الصغير الكل يهرن لك ومحد يعطيك ويه تركب رنج يختلف الوضع للاسف

تم الإرسال من SM-N950F باستخدام Tapatalk

[Jspec]

الصراحه ...... اللبس الوطني يفرض هيبته :)

انا عن نفسي في كل شي رسمي لازم ثوب .... اما شغل رياضه/صناعيه/بحر اشوف اي شي يمشي ثوب بدله رياضيه كفرول كيو بي كلو يمشي

[ابو عبدالله.]

هههههه. ذكرتني برفيج. مدير في كيو بي

راجع البيت في اللكزس و لف عليه اسيوي و دق له هرن. الاسيوي قام يأشر بيده و يهاوش ههههه

نزل له الجامه وكلمه قطري. الاسيوي شرد و غبرته وراه

للاسف. بدون اللبس القطري الكامل تصير اوضاع ما نحبها

[الحياة الخالدة]

الحين اختلط الحابل بالنابل
كل واحد عنده هدف من اللبس اللي يلبسه
القطري يلبس لبس غير رسمي في اماكن معينة عشان محد يستغله ويضحك عليه
وغير القطري يلبس لبس القطري في اماكن معينة عشان يمشون اموره على شكله على اساس انه قطري
طبعاً مع احترامي للجميع ومن غير عنصرية قبل لا أحد يدش مدرعم
لكن الحين نصادف وفي كل مكان وايد جنسيات كاشخه كشخة أهل قطر سواء في المستشفيات أو الأسواق أو الهيئات الحكومية أو الاماكن السياحية ،، لكن لو تكلموا لسبب أو لآخر تكون اللغة أو اللهجة هي الفيصل

شركاءنا في التنمية ما نقدر نقول شي
والسموحة من الجميع

[nooora]

والله حاله ،،

[دينالي]

مرة كنت بوزارة ولابس كاب ولبس رياضة
وكنت اكلم الموظف القطري وكان يسمعني ومايرد على رغم انه قدامي وماعنده شي
السالفة مو بس على الاجانب حتى بعض ربعنا للاسف ماعندهم احترام

[Dana’1]

الي على خلق بيعامل الناس بالأخلاق سواء ابن البلد مثله أو أجنبي غني أو فقير ما يهم لبس أنيق أو غيره مو مهم أهم شي لبس حشيم وفق الانظمه بالدوله..
وما دام المكان أو الإدارة نفسها ما قدمت اولويه بناء عالجنسيه أو عاللبس و غيرها ... إذا عالموظف إحترام عمله مع الكل*.

[بوخالد911]

للأسف البعض يحترم الملابس
مو الشخص !!!

[khaldoon]

أي شخص مب قطري يلبس الثوب القطري علشان يظهر انه قطري و يمشي اموره اكن له كل احتقار من الداخل و الخارج و للأسف كثير من جامعتنا من هالنوع خصوصا لما يكون مندوب

[بوخميس]

أي شخص مب قطري يلبس الثوب القطري علشان يظهر انه قطري و يمشي اموره اكن له كل احتقار من الداخل و الخارج و للأسف كثير من جامعتنا من هالنوع خصوصا لما يكون مندوب

شلون حكمت عليه انه يظهر انه قطري عشان يمشي اموره؟

يمكن اصلا هذا لبسه من يوم استوى!

[khaldoon]

شلون حكمت عليه انه يظهر انه قطري عشان يمشي اموره؟

يمكن اصلا هذا لبسه من يوم استوى!

أنا ما عممت عل كل من هو مب قطري و يلبس ثوب قطري. انا حددت المعنيين بكلامي اللي اعرف انهم يلبسون ثوب علشان يبينون انهم قطريين و يمشون امورهم في كل مكان حتى بالشارع

يستمدون القوة من ثوب دليل على ضعف في شخصياتهم

ضعف شخصياتهم يخفونه بثوب كأنه درع حمايه لهم في الشارع و في الأماكن العامه