ليش ياقارئين العدادات بكهرماء

[R 7 A L]

السلام عليكم

رسالة موجهه للاخوان في كهرماء
لعوزتونا في ترك ابواب عدادات بيتنا مفتوحه
ليش اذا خلصتو شغلكم ماتصكونها وتخلونها مفتوحه
المنظر غير حضاري بالاضافة الى تعبث الاطفال بها

[معماري قطري]

صدقت وانا اقول من يتعبث وزين ما قفلته بقفل

[مرتبش]

اعوذ بالله من الكسل

[..عاشق قطر..]

اخوي خاطب رئيس العدادات عبدالهادي*
في مبنى الرئيسي الهلال ..

[السيف5]

صدقت والله
هذا اللي حاصل
وكنت بالاول افتكر اليهال ولكن شفت بعيني

[CH Engineer]

بعض أبواب العدادات طاحت مع ألهوا إليّ جانا
والسبب تركها مفتوحه

[ساراام]

اي والله صح حتى انا افكر احطلها قفل هههه

[الحاقول]

اي والله صح كلامك .. كل البيوت تشتكي من الإهمال والفوضه عند اقارئين العدادات بكهرماء
يتركون الصندوق مفتوح مما يعرضه للكسر وعبث الأطفال

[بوخالد911]

اكتبوا لهم ع تويتر

[ya3coub]

هههههه من فتره اسولف عند الباب و معاي رفيجي جا واحد فبيك اب عطانا نظرة و خذ لفه عالفريج و رجع و نزل من السيارة راح و بطل و تعبث و جا يبي يحرك قلت له تعال شالسالفه

ما تعرف تسلم اتشوف الباب مبطل و انا واقف عند الباب ما تعرف تعرف بنفسك عالأقل قال هاي شغلي قلت له انزين ليش خذيت لفه دام هاي شغلك وقف و سلم اتشوفنا نطالعك مستغربين

و بس حتى تعامل البعض للأسف

[CH Engineer]

باب العداد عندي طايح ابي باب جديد ياكهرماء

[رحال]

اي والله ودك تصورهم بالكاميره وتفضحهم عند رئيس الشركة
نفس المعاناة .. المفروض يكونون حريصين على قفل الصندوق

[شيخ الديرة]

باب العداد عندي طايح ابي باب جديد ياكهرماء

اعتقد تحط باب على حسابك، لان هم يحطون المواصفات فقط، وانت تركب الباب من وكلاء معتمدين

[bohilal191]

المشكلة لما تجي تسكره لازم مفتاح خاص له وين نحصله

[سعود.]

حله سهل :nice:

[خوي الدرب]

السلام عليكم

رسالة موجهه للاخوان في كهرماء
لعوزتونا في ترك ابواب عدادات بيتنا مفتوحه
ليش اذا خلصتو شغلكم ماتصكونها وتخلونها مفتوحه
المنظر غير حضاري بالاضافة الى تعبث الاطفال بها

صدقت اقسم بالله أني اعاني من قارئ عددات شارعنا
تقريبا أهل الشارع الذي بيتنا فيه كلهم يقمون باغلاق صندوق العدادات ومن ضمنهم أنا

الحبيب قارئ العدادات من المستحيل أن يرجع باب الصندوق على الحال التي وجده عليها

صرنا كلنا مساعدين له هو عليه القراءة ونحن علينا اغلاق الصندق بعده

المشكلة اننا نضع مسامير نغلق بها الصندق كي ما يفتحه الهواء
والحبيب يحذف المسامير في الشارع بعيد عن الصندوق
فنروح ندور المسامير مرة أخرى

جننا الله يسامحه

[فهد الخاطر]

هههههههه سالفتهم سالفه نفس حالي وقف لي واحد وقلت له شعندك تخرع قال لا انا مال العدادات وشفته مره ثانيه من بعيد يقولي صباح الخير جاي للعدادات

[معماري قطري]

ليش ما يسوون القراءة الكترونية بسيارة تمر فيها سكانر يقرا العدادات بدون النزول .. وبعد قريب بتطلع تكنولوجيا حديثة ارسال القراءات تلقائي عن طريق العداد للانترنت ما يحتاج لا سيارة ولا مرور ولا فتح باب