(( خطر وجود بعض المخازن في الأحياء السكنية )) ::::::::::::::

[@north_star@]

بسم الله الرحمن الرحيم

بالأمس شب حريق بأحد المخازن الواقعة بين المناطق السكنية بمنطقة أبو هامور ولسوء الحظ كان على بعد أمتار من بيتي وقد أستيقظت على أصوات سيارات الدفاع المدني والإطفاء والحمد لله تمكنوا من إخماد الحريق بعد أن التهم ربع مساحة المخازن تقريبا
والله يعطيهم العافية على مجهودهم ...... وهنا أتسائل من المسؤول عن وجود تلك المخازن بين المناطق السكنية وكيف تم منح تراخيص لمثل تلك المخازن ؟؟!!!! ناهيك عن وجود عدة مخازن بنفس المنطقة وطبعا خطرها الكبير على سكان المنطقة .

[غريب الدّار]

الحمدلله على السلامة اخوي


بس شنهي محتويات المخزن؟

[ولد العرب]

حمد الله علي السلامه

اخوي غريب الدار

بيت اختي بالمعيذر جارهم ماجر نص الحوش مخزن لمحلات شارع ام الدوم مثل سوبر ماركت وخلافه ومصيبه هالجار ساكن بالبيت :rolleyes2: وماجر الحوش

[@north_star@]

الحمدلله على السلامة اخوي


بس شنهي محتويات المخزن؟

الله يسلمك اخوي ... محتويات المخزن أثاث وهالمخزن كل فترة تتغير المواد لانهم يأجرونه على الشركات

[@north_star@]

حمد الله علي السلامه

اخوي غريب الدار

بيت اختي بالمعيذر جارهم ماجر نص الحوش مخزن لمحلات شارع ام الدوم مثل سوبر ماركت وخلافه ومصيبه هالجار ساكن بالبيت :rolleyes2: وماجر الحوش

الله يسلمك اخوي ولد العرب .... خذلك عاد بيته ومأجر الحوش ما همه سلامته وسلامة عياله

[غريب الدّار]

الله يسلمك اخوي ... محتويات المخزن أثاث وهالمخزن كل فترة تتغير المواد لانهم يأجرونه على الشركات
والله ياخوي ماادري اذا القانون يسمح بهالشي ولا لا

لكن اعتقد ان المفروض مثل هالمخازن تكون في مناطق بعيدة عن التجمعات السكانية

اعتقد


والله يحفظ الجميع

[غريب الدّار]

حمد الله علي السلامه

اخوي غريب الدار

بيت اختي بالمعيذر جارهم ماجر نص الحوش مخزن لمحلات شارع ام الدوم مثل سوبر ماركت وخلافه ومصيبه هالجار ساكن بالبيت :rolleyes2: وماجر الحوش

!!!!!

هذا اشكره ممنوع مايبي له كلام

أتوقع لو حد يشتكي عليه في البلدية راح ياخذون ضده اجراء


والله اعلم

[@north_star@]

والله ياخوي ماادري اذا القانون يسمح بهالشي ولا لا

لكن اعتقد انك المفروض مثل هالمخازن تكون في مناطق بعيدة عن التجمعات السكانية

اعتقد


والله يحفظ الجميع

والله ما عندي فكرة اذا ممنوع أو لا وفعلا مثل هالمخازن لازم تكون بالمناطق الصناعية او اللوجستية ... والله يحفظ الجميع اللهم امين

[بوخالد911]

خطاكم الشر
هل بلغت البلدية و الشرطة؟

[@north_star@]

خطاكم الشر
هل بلغت البلدية و الشرطة؟

الشر ما يجيك اخوي بوخالد .... لا والله ما بلغت

[بوخالد911]

الشر ما يجيك اخوي بوخالد .... لا والله ما بلغت
بلغ عليهم
لا هنت

مو كل مرة تسلم الجرة.

[@north_star@]

بلغ عليهم
لا هنت

مو كل مرة تسلم الجرة.

والله يبيلهم بس لازم نتاكد انه وجود مثل هالمخازن مسموح بالقانون والا لا

[شيخ الديرة]

والله يبيلهم بس لازم نتاكد انه وجود مثل هالمخازن مسموح بالقانون والا لا

بلغ، واذا المخزن قانوني يبلغوك

انا بلغت عن طريق تطبيق مطراش عن مخزن في البيت المقابل لسكني، كانو يزعجونا بالشاحنات الطويلة تسد الشارع، خابرني شخص من الداخلية وقال أبشر، بعد ما شفناهم من يومها

[@north_star@]

بلغ، واذا المخزن قانوني يبلغوك

انا بلغت عن طريق تطبيق مطراش عن مخزن في البيت المقابل لسكني، كانو يزعجونا بالشاحنات الطويلة تسد الشارع، خابرني شخص من الداخلية وقال أبشر، بعد ما شفناهم من يومها

جزاك الله خير على المعلومات اخوي شيخ الديرة وان شاء الله وخلني بحاول اطرش الشكوى عن طريق مطراش 2

[Dana’1]

النورثي
الغريب إن الاعضاء يطالبونك تبلغ عليهم ،، رغم إن الدفاع المدني هو الي مطفي الحريق وبالتالي المفروض يفتح قضيه بسبب الحريق...من* ثم يمنع حدوثها من جديد وهالشي يتم بالتعاون مع الشرطه او الجهات المختصهج
ليش لازم المواطن يبلغ حتى بعد وقوع الحادث؟!

[معماري قطري]

خطاكم الشر
هل بلغت البلدية و الشرطة؟

هم جايين ومطفين الحريق بس ما عندهم أُسلوب عمل وتحقيق والا المفروض حتى يحققون ممكن بفعل فاعل

جات فترة احترقت أسواق كثيرة ومحلات كبيرة ودار الشك حول الحريق المتعمد للتأمين بس ما ثبت شيء والتأمين عوض المتضررين

الحمد لله على السلامة اخوي نورث ستار والفال لي تحترق حضانة الكلاب يعزفون سيموفونية ألحين

[معماري قطري]

النورثي
الغريب إن الاعضاء يطالبونك تبلغ عليهم ،، رغم إن الدفاع المدني هو الي مطفي الحريق وبالتالي المفروض يفتح قضيه بسبب الحريق...من* ثم يمنع حدوثها من جديد وهالشي يتم بالتعاون مع الشرطه او الجهات المختصهج
ليش لازم المواطن يبلغ حتى بعد وقوع الحادث؟!

سبحان الله توارد أفكار توني اكتب نفس المعنى

ولو بلغ ما يسوون اللي عليهم أصلاً توجد فئات وناس فوق القانون وفي كل فريج ومنطقة

[@north_star@]

النورثي
الغريب إن الاعضاء يطالبونك تبلغ عليهم ،، رغم إن الدفاع المدني هو الي مطفي الحريق وبالتالي المفروض يفتح قضيه بسبب الحريق...من* ثم يمنع حدوثها من جديد وهالشي يتم بالتعاون مع الشرطه او الجهات المختصهج
ليش لازم المواطن يبلغ حتى بعد وقوع الحادث؟!

اي نعم اختي ديور المفروض انهم يحققون بوجود المخازن بهالاماكن بما انه ما يخذون اي تصريح الا بموافقة الدفااع المدني والحمد لله انهم طفوا الحريق بالوقت المناسب .

[@north_star@]

هم جايين ومطفين الحريق بس ما عندهم أُسلوب عمل وتحقيق والا المفروض حتى يحققون ممكن بفعل فاعل

جات فترة احترقت أسواق كثيرة ومحلات كبيرة ودار الشك حول الحريق المتعمد للتأمين بس ما ثبت شيء والتأمين عوض المتضررين

الحمد لله على السلامة اخوي نورث ستار والفال لي تحترق حضانة الكلاب يعزفون سيموفونية ألحين

الله يسلم عمرك اخوي معماري ونتمنى عمل تحقيق عن وجود المخزن بالمنطقة السكنية واليوم الظهر قاعد اطالع السور الخارجي للمخزن صاير فيه كراكات كبيرة يعني ممكن يطيح بأي وقت لا قدر الله ونتمنى انهم يلزمون مالك المخازن بوضع حاجز تنبيه عشان محد يوقف او يمشي جنبه يعني مثل ما نشوف بالافلام الامريكية عقب اي حادث يحطون شريط لاصق حول المكان انه خطر وممنوع الاقتراب

[Dana’1]

اي نعم اختي ديور المفروض انهم يحققون بوجود المخازن بهالاماكن بما انه ما يخذون اي تصريح الا بموافقة الدفااع المدني والحمد لله انهم طفوا الحريق بالوقت المناسب .

الحمدلله على سلامتكم،،ماتشوفون شر يارب
بس بصراحه مشكله اذا ما اتخذو اي اجراء ضده والله يعينكم

[وحيد-الشوق]

الحمدلله على سلامتكم

الواحد تعب من كثر ما يتكلم ولاحياة لمن تنادي


حمد الله علي السلامه

اخوي غريب الدار

بيت اختي بالمعيذر جارهم ماجر نص الحوش مخزن لمحلات شارع ام الدوم مثل سوبر ماركت وخلافه ومصيبه هالجار ساكن بالبيت :rolleyes2: وماجر الحوش

اعوذ بالله شالتفكير المادي هذا هههههههه

[@north_star@]

الحمدلله على سلامتكم

الواحد تعب من كثر ما يتكلم ولاحياة لمن تنادي



اعوذ بالله شالتفكير المادي هذا هههههههه

الله يسلمك اخوي... والله المستعان