مكان يبيع اثاث راقي بحدود 2000 ريال

[solyamalenki]

السلام عليكم ورحمة الله وبركاته

عندي استفسار هل تعرفون مكان يبيع اثاث راقي وفخم ل مجلس ( كنبات فقط ) حتى لو مستعمل استعمال خفيف بحدود 2000 ريال ؟

وهل في سوق خميس ويمعه ممكن احصل بهالسعر ..


وشكرا

[حليتان*]

تبين شي راقي ب 2000 !

اتمنى تحصلين مع ان ماعتقد

فسوق الحراج فصلت جلسات حق خيمه مع التكايات ب 7000 عقب زور بعد

[7aayaahh1]

مراح تحصل في سوق الخميس والجمعة بهالسعر والتفصيل عندهم وايد غالي .. ومعظم التفصيل وبكل مكان سواء شارع سلوى أو غيره أسعارهم مرتفعة

[بانغ بانغ]

ان بغيت شي طيب بسعر زين روح الحسا

سوق التمر عند الأمانة مالت الاحساء

عند اليمنيين ... شغل زين حتى سعر بسيط

[رُفق المجنّا]

صعبة جدّاً تحصل شي تفصيل وراقي بـ 2000 , حتى الجلسات الأرضية (مطارح ومساند ) ولكن أنا برشح ثلاث أماكن:

- إيكيا : عندهم مجموعة كراسي جداً ممتازة يمكن تمزج بينهم ( 2 سوفا لون والكرسي المنفرد لون مزخرف ) وتطلع بشكل جداً جميل (شيّك الموقع)
- حول الإمارات: بين فترة وفترة تكون عندهم عروض ممتازة (شارع سلوى)
- ميداس: كذلك عروضهم جيدة وعندهم عرض استبدال اثاث قديم بجديد بخصم لا باس فيه (شارع سلوى) ولكن مش بالسعر اللي ذكرت

أنا أرشح لك إيكيا وأسعارهم معقولة ومؤثث صالتي من عندهم

[الســيل]

عندي طقمين كنب ماخذهم من طريق سلوي قبل سنتين

وخشب تمياطي وبحالة ممتازة

اذا لك خاطر فيهم موجودين

2 قطع كنب ثلاث اشخاص
3 قطع كنب شخصين
3 قطع كنب لشخص

طاولتين صغار
وطاولة رخام كبيرة

واذا تبي الصور اطرشهم لك

[مختلف جداََ]

أماف يا غالي

و الله شوف عيني موجودين في الحراج ( النجمة )

[ساراام]

اذا مستعمل اتوقع بتحصل فالحراج

بس لاتستعيل مر على كل المحلات وشوف