اين اتدرب على ركوب الخيل ؟

[دينالي]

عندي رغبة قوية في تعلم ركوب الخيل ولكني لا املك الخبرة اللازمة ولا اعرف وين
شفت في الانترنت ولقيت ان الاماكن محدودة جدا ومنها نادي الفروسية واكاديمية الشقب
حاولت اتصل فيهم وبعد معاناه قدرت اتواصل مع شخص من الشقب وخبرني انهم يدربون اللي فوق ال18 سنة بس في الفترة الصباحية يوم السبت ويوم ثاني ما اذكره التسجيل ب2000 والشهر بالف اذكر
المشكلة ان الصبح الواحد في الدوام وفتره العصر مخصصة بس لمن هم دون 18 ومادري واحد بالثلاثينات بعمري اذا حب يتعلم وين يروح؟
حاولت اتواصل مع نادي الفروسية بس مايردون على التلفون ومادري اذا حد عنده فكرة عن التدريبات هناك والاسعار والاوقات وهل يقبلون كل الاعمار او اماكن ممكم الواحد يتعلم فيه غير هالمكانين وقريب من الدوحة ولا خلاص راحت علينا......
ولكم جزيل الشكر

[سالم الزهران]

لا يحبطونك اللي ما يردون ,, حاول تعلم لو في العزب عند ربعك اللي عندهم خيل

والله ما فيه شيء ودي اولادي يتعلمونه مثل ركوب الخيل لانه بصراحة يخرج من الآدمي رجال

موفق ولو انها المشاركة خارج الموضوع

[Sowaidi]

أخبر مزرعه الشيخ فيصل كانوا يسون دروس لركوب الخيل

[شيخ الديرة]

أخبر مزرعه الشيخ فيصل كانوا يسون دروس لركوب الخيل

صحيح، كنت اخذ اولادي هناك، لم اعد احتفظ برقمهم، لكن هنا موقع التدريبات، ويحاسبوك 100 ريال بالساعة كاش


https://goo.gl/maps/NhJ1dGWSBZP2

[Charisma]

عندي رغبة قوية في تعلم ركوب الخيل ولكني لا املك الخبرة اللازمة ولا اعرف وين
شفت في الانترنت ولقيت ان الاماكن محدودة جدا ومنها نادي الفروسية واكاديمية الشقب
حاولت اتصل فيهم وبعد معاناه قدرت اتواصل مع شخص من الشقب وخبرني انهم يدربون اللي فوق ال18 سنة بس في الفترة الصباحية يوم السبت ويوم ثاني ما اذكره التسجيل ب2000 والشهر بالف اذكر
المشكلة ان الصبح الواحد في الدوام وفتره العصر مخصصة بس لمن هم دون 18 ومادري واحد بالثلاثينات بعمري اذا حب يتعلم وين يروح؟
حاولت اتواصل مع نادي الفروسية بس مايردون على التلفون ومادري اذا حد عنده فكرة عن التدريبات هناك والاسعار والاوقات وهل يقبلون كل الاعمار او اماكن ممكم الواحد يتعلم فيه غير هالمكانين وقريب من الدوحة ولا خلاص راحت علينا......
ولكم جزيل الشكر

لاراحت عليك ولاشي ، مر على نادي الفروسية واسألهم ، اخبر قبل كانوا يدربون الكبار والصغار باشتراك شهري لايذكر وكانت في بطولات درساج وقفز ومارثون وتنظيم على مستوى عالي .



cc: عاهد بن علي

[بوخميس]

لاراحت عليك ولاشي ، مر على نادي الفروسية واسألهم ، اخبر قبل كانوا يدربون الكبار والصغار باشتراك شهري لايذكر وكانت في بطولات درساج وقفز ومارثون وتنظيم على مستوى عالي .



cc: عاهد بن علي

اخبر بو علي راعي خيول قبل ايام الرنج العشبي

يبيله مشروع مركز تدريب فروسية

[Dana’1]

فيه مركز اسمه نوماس مدرسة الفروسيه مريت يمه بالغلط ..اغلبهم اطفال
لكن ما اعرف اذا فيه كبار او لا
خذ الرقم من الدليل واستفسر منهم
متعة ركوب الخيل ما تضاهيها متعه،، فلا تحرم نفسك منها حاول
وبالتوفيق

[بانغ بانغ]

برسل رقم صديق في الشقب عالخاص بس مادري تستقبل لانك جديد ؟

[غايه الطواش]

اخوي انا اتدرب فالشقب ومثل ماقلت السبت الصبح ويوم ثاني في الاسبوع بس انت تحدده
بس مب بفلوس

بس حاليا موفقه لاسباب وبرجع عقب باذن الله