ارتفاع اسعار الوقود لشهر مارس 2017

[نفسي عزيزه]

http://e.top4top.net/p_423xqwor1.jpg (http://up.top4top.net/)

[الماريّة]

وانا اقووول ليش كل يوم الدريول يقول بعبي بترول
ويدفعني فوق 100 ريال حسبالي سيارتي فيها تسريب من كل مايصب بترول
حسبالي يقص علي اثاريهم رافعينه زياده


والي مشاويره بعييييييييده من منطقه لمنطقه كم لازم احط
ميزانيه للبترول

[مستثمر رشيد]

ماشاء الله الجماعة شغاليين رفع تدريجي لين ما الكل يبطل يستخدم سيارته عشان تخف الزحمة بالشوارع

[عبدالعزيز 9]

لا تعليق

[.قطر.]

شكله الشهر الجاي 1.75
لان كل مره يزيدون خمس دراهم
شكلهم حاطين سعر معين يبون يوصلون له وكل شوي يزيدون زياده بسيطه

[رُفق المجنّا]

يا حليلهم مستحين يفاجئون الشعب بـ 2 ريالين!

يقدرون المشاعر

#تعيش_فوزية_الدريع

[الحاقول]

شالسالفه كل شهر 5 دراهم .. يعني قبل نهاية السنه ريالين وربما اكثر

[ساراام]

ههههههاي اخرتها اللتر بخمس

المهم اذا جي نبي بدل بترول

[(عبدالله)]

توجه رفع الدعم عن أسعار البنزين بزيادة أسعاره على المستهلك مطبق في جميع دول الخليج وخاصة السعودية وبيكون بشكل تدريجي لين 2020

يعني الزيادة التدريجية بنلاحظها بشكل مستمر وبنتذمر ونتحندى في كل مرة واحنا نضحك :)

[السيف5]

الى متى هالزيادة

الظاهر كما نسمع لين يوصل اللتر ريالين

[Rider]

شي غريب سعر البرميل رتفع وربعنا قاعدين يزيدون وين على حساب السعر فعلا يحطون الاسعار الي في راسهم بدل كل شهر يرفعون 5 دراهم

[مستثمر رشيد]

ليش تستغربون بالعكس هذي أفضل طريقة للحد من الزحام .... تخلي الواحد مايطلع الا للضرورة

[مرتبش]

البترول اغلى.. التامين والاستمارة الى فوق.. المواقف بفلوس
مرحبا بالمترو ):

[Riku3]

في 2022 بنحط وصلة في المنتدى عن هالموضوع ونكتب ياريت نرجع لاسعار مارس 2017 :cry: .

[nooora]

طبيعي ليست فقط بقطر هذه سياسة كل خليج ... ايش قال ترامب مناطق امنه بسوريا على حساب من ؟ وزيارة اردوغان للخليج عشان وشو كان جايب فاتورة معه ليش من بيدفع لهم غير الخليج ..
ثانيا بتكون حلل للزحمة قبل ما يشغلوا المتروا اللتر بيكون بين 3 و5 عشان الكل يركب الباصات والمترو ..

[ساعي الخير]

دول منتجة وسعر بترولها سعر مستوردة!!!!
فلنفكر في السيارات الكهربائية بجدّ.

[qatarman8008]

بيقوم سعر الكورولا..

[mr. abdulla]

دول منتجة وسعر بترولها سعر مستوردة!!!!
فلنفكر في السيارات الكهربائية بجدّ.


و تدفع بكرة فاتورة كهربا

[][ الوحيد ][]

دول منتجة وسعر بترولها سعر مستوردة!!!!
فلنفكر في السيارات الكهربائية بجدّ.

في امريكا كنت ادفع 1.60$ و مرات ادفع 2.20$ ..
السعر عندنا في تدريج ارتفاع بسيط شهرياً ..
لكن يجب على الحكومه توضيح استراتيجيه تحديد سعر البترول كل شهر ..
عشان العالم يكون عندهم فكره ..
مب بس ارفع و نزل وخلاص ..
لازم يكون في توعيه للكل .. صحيح غصب بندفع .. و في شركات و وزارات حاطين بدل تنقل مع الراتب لكن بعد هالشي مايشفع انه يرفع بدون مايقول لي ليش حدد هالسعر ..

[وحيد-الشوق]

ماشاء الله الجماعة شغاليين رفع تدريجي لين ما الكل يبطل يستخدم سيارته عشان تخف الزحمة بالشوارع


ليش تستغربون بالعكس هذي أفضل طريقة للحد من الزحام .... تخلي الواحد مايطلع الا للضرورة

وين افضل طريقة انت شوف الزحمه في الدوحة كل يوم والثاني تزيد بعدين ترى احنا مب في اوروبا جو بارد طول السنة وتقدر تنتقل بالباص او السياكل وانت تقول للضروره انا ما اطلع الا للضرورة ودوامي في الخيسة يعني 50 كيلو من بيتنا وزحمه الصبح دووم اخذ لي من ساعة لساعة ونصف !!!! نص البترول يطير بسبب الزحمه

والي يقول المترو ترى مابيسوي شغل محطة المترو بعيده بتكون ومن بيتنقل وبياخذ باص في اللواهيب !!!

[معماري قطري]

[ الوحيد ][;10534162']في امريكا كنت ادفع 1.60$ و مرات ادفع 2.20$ ..
السعر عندنا في تدريج ارتفاع بسيط شهرياً ..
لكن يجب على الحكومه توضيح استراتيجيه تحديد سعر البترول كل شهر ..
عشان العالم يكون عندهم فكره ..
مب بس ارفع و نزل وخلاص ..
لازم يكون في توعيه للكل .. صحيح غصب بندفع .. و في شركات و وزارات حاطين بدل تنقل مع الراتب لكن بعد هالشي مايشفع انه يرفع بدون مايقول لي ليش حدد هالسعر ..

هناك بالغالون الأمريكي = 4.2 لتر يعني على سعر 2.2 دولار اللتر يطلع لك بما يساوي ريال و 91 درهم .. وشيء مهم هناك بترولهم نظيف وخالي من الرصاص ولا ينشرب مثل بترولنا .. تقدر تقول السعر شوي أرخص هناك

[معماري قطري]

الغريبة فنزويلا 1 سنت للتر يعني 3.65 درهم قطري يتسبحون بالبترول

المهم هذا جدول يوضح أسعار لتر البترول حسب احصائية 20 هذا الشهر والأغلى هونغ كونغ

http://www.globalpetrolprices.com/gasoline_prices/

[.قطر.]

الغريبة فنزويلا 1 سنت للتر يعني 3.65 درهم قطري يتسبحون بالبترول

المهم هذا جدول يوضح أسعار لتر البترول حسب احصائية 20 هذا الشهر والأغلى هونغ كونغ

http://www.globalpetrolprices.com/gasoline_prices/

يبيله نروح فنزويلا نترس اغراش بترول ونعود هههه :telephone:

[نفسي عزيزه]

يبيله نروح فنزويلا نترس اغراش بترول ونعود هههه :telephone:

شكلي باشتري كرولا او سيراتو بدل المكسيما :shy:

[معماري قطري]

اللي يشوف الجدول يقول يا حينا في قطر الأسعار معقولة بعض الدول منتجة والبترول غالي عندها مثل روسيا

ما قصرت حكومتنا ويحق لها تاخذ شوي مردود من اللي يشتغلون ويستهلكون كل الخدمات وغالبيتهم أجانب

[معماري قطري]

شكلي باشتري كرولا او سيراتو بدل المكسيما :shy:

الكورولا عجيبة جربتها مرة في دبي وحبيتها من كل قلبي

من هشكل يغنون عليها كدا كدا يا كورولا قاطرةٌ درار حسب ما ترجمها لي سوداني ونسيت شتعني الكلمات

[.قطر.]

شكلي باشتري كرولا او سيراتو بدل المكسيما :shy:

او تويوتا بريوس تشتغل على بطاريه وبترول
بس جنه عبدالغني ماييبها

[MirusS]

الي عنده خمس او ست سيارات فالبيت بيحس صج ان المبلغ بدا يزيد عن حده :app:
المفروض يكون فيه توضيح على اي اساس يزيد وينقص السعر
اما جي زود كل شهر بدون ماتشرح للمواطن الوضع..
احس انه بيطوف الريالاين على هالحال

[شيخ الديرة]

لاحظت بعض السواق يطفي سيارته بالأشارة مؤخرا

ولو هذا غير ممكن بالصيف

ولكن اذا تحب تعرف كم سيارتك تصرف وقود اذا وقفت ساعة كاملة على الأشارة

حجم الماكنة باللتر مضروب 4 تقسيم 10 يطلع كم لتر بالساعة

مثال
ليكسس 5.7 مضروب 4 تقسيم 10 يطلع الناتج 2.3 لتر بالساعة

المصدر (http://www.e3fleet.com/idling_calculator.html)

[style]

قايل لكم من قبل الهدف 4 ريال اللتر ويمكن اكثر،،كل واحد يقول لا،،وفالصيف مع تشغيل مكيف السياره بتعرف شلون قيمه البترول عدل

[دايموند]

ومافي بدل بترول للقطريين؟

[R 7 A L]

ومافي بدل بترول للقطريين؟

المفروض يزيدون بدل التنقل

[الماريّة]

المهم الي يعرف حد عنده مطايا ركبي

يعلمنا اخرتها بنشتري وبنسرح عليها للدوام:sorry:

[مستـريــح البـــال]

ولا يزال رخيص في نظر الكثير ،،

وأكثر عدم المتأثرين ،، هم من يسببون الزحمه ..

مافي دعم للقطريين لعدد معين من اللترات ؟؟ :nop:

" تراهم يستاهلون " :whistling:

وما يحق لأي حد غيرهم الاعتراض أو المناقشه ، لأنه لا يزال رخيص عن أسعار دولهم ولا زالت الزحمه مستمرة بسبب أكثرهم :anger2:

[Abdulraman]

الله يستر من الزياده كم توصل
من اسبوع انا عبيت الاندكروزر ب 223 ريال صراحه صدمني وهو يقولي السعر

[فهد الخاطر]

الأمر غريب رفع اسعار من دون اي توضيح ،،، في عز الازمة المالية سنة ظ¢ظ*ظ*ظ¨ ما شفنا اللي شفناه ولكن لا أعلم ما هو الهدف كل ما ارتفاع سعر برنت زاد اللتر ويوم انهار في العشرينات تم رفع الاسعار ايضا !!!!