22 فبراير واقف

[MAZEN37]

الشارع زحمه من الطرفين
العمل ؟

[أبو سعود]

الشارع زحمه من الطرفين
العمل ؟
هذه الزحمه ليست بغريبه على شوارعنا ما دام

المسؤولين غائبين ومتقاعسين عن وضع الحلول لها


في موقف حدث من قبل عند توسعه دوار سلاح الجو

وكانت الطائرات تهبط في المطار القديم

كان يوجد أزدحام شديد عند هذا الدوار لغايه

منطقه الوكره


وطوال نحن بالزحمه هبطت ثمان طائرات

ولحد الآن لم يأتي دوري للوصول لهذا الدوار


أتصلت بقسم المحليات لأحدى الصحف المحليه

وقلت للصحفي أطلب منك أن تأتي ومعك مصور

وتكتب تقرير عن هذه الزحمه

ومدى معاناه سكان الوكره بهذه الزحمه

لأن ماعندهم الأ هذا الشارع الوحيد يستخدمونه


قال لي حاضر سوف أحضر وأكتب التقرير


في اليوم الثاني شفت الجريده لأتابع هذا التقرير


وبالفعل ( ما قصروا الجريده ) فقد كتبوا عن الزحمه

لكن للأسف

تكلموا عن الزحمه في ( الصين ) من كثر الزحمه

أوقف شخصان سيارتهم هناك وتوجهوا مشي على

الأقدام ومشوا ثمان عشره كيلو


للأسف صحفنا المحليه نادر ما نشوفهم يتناولوا

و يعرضوا مشاكلنا ومعاناتنا

ويا كثر ما نشوفهم ينافقون ويجاملون المسؤولين

عبر كتابه تقارير مبالغه فيها

[Riku3]

هالشارع فخ .. انت وحظك .

[@north_star@]

لانه واقف سوى زحمة على دوار مدماك واشارات العسيري

[الامير]

مافي اسهل من حلها بخصوص شارع 22
يعملون هولد ع جهه .......................شرقيه او غربيه................. وخلاص ويعوضون لي منازلهم ع شارع
خلصنا من هذا شارع لي جايب لنا عووووار راس

[حمد بن سعد]

اطلع بدري وشتر راحتك

[مختلف جداََ]

اطلع بدري وشتر راحتك


صااااااااااااااااااادق

[بانغ بانغ]

زين اخذوا اجر وحسوا فينا يا مازن

[لـبـيـه]

زين وين الغريب في الموضوع

اصلا لو قلت 22 مب زحمه الصبح والظهر والمغرب هني اقولك شي غريب

[ساراام]

طول عمره واقف

[ممنوع اللمس]

عادي مافي شي جديد

[النهار]

الله المستعان هاي طريقي كل يوم اقل شي روحه ورده 6 مرات في اليوم
حاولت اشوف طرق بديله اكثر من مره كلهم ادمر من بعض
ارد مره ثانيه لنفس الطريق
السبب انه مافي اشارات اكثر الاوقات زحمه اليوم من عند دوار العبيدلي لين لفة مدينة خليفه خذت لي 45 دقيقه
المفروض 10 دقائق

[م/ عبدالله]

ليش ما يخلون 22 فبراير طريق باتجاه واحد مثلا جميع المسارات توديك من الشمال الى الجنوب فقط، اما بالنسبه للرجعه يخلونها من طريق الكورنيش اللي بعد يحولونه لطريق باتجاه واحد من الجنوب الى الشمال فقط.

مجرد اقتراح فقط

[nooora]

توسعة الى اقل شي خمس خطوط هذا حل وايضا في جانب الاخر. وباسرع وقت . يضيقون على العالم وبعد خمس سنوات ويشتغلون فيه مرة ثانيه

[Rider]

يحطون رسوم على الشارع بالعربي بفلوس نفس سلك في الامارات علشان لي خايف يطلع الريال مب مار فيه وياكثرهم

[.قطر.]

يزيدون المخارج والمداخل
عشان مايصير ضغط على المخرج والمدخل

[ناسداك]

المشكلة في حجم المخارج لان زحمة 22 فبراير و انفاق سلوى سببها المخارج صغيرة بالاضافة لعدم التزام السائقين بتجاوزهم لليمين وهذا هو السبب الرئيسي للزحمة وهو التجاوزات

[وجه السعد 2]

يسوون فوقه طريق جديد هاي واي و الدخول بفلوس

[وجه السعد 2]

أبشركم .. جهاز الاحصاء طرشوا لي مسج امس ان سكان قطر وصلوا مليونين و سبعمية الف .. يعني بعد كم شهر بنصير 3 ملايين

[MAZEN37]

اليوم في شىء غريب
كل مكان زحمه
فجأة يطلعون ناس وسيارات في الشوارع
قلت خميس بس ماله دخل

[مخطط قطري]

يرجعونه دواوير مثل قبل

[مرتبش]

امس الاربعاء كان الخط روعة الصبح على الساعةة7 شي غريب لكنه ممكن.
ياريت غرفة التحكم المروري يعيدون شريط امس ويشوفون شنو اللي صاير ويسوون له اعادة .

[jajassim]

طرحت #أشغال 3 عطاءات لمشروع تطوير طريق البستان الذي سيكون موازياً لطريق 22 فبراير وسيخفف الزحمة عليه

[.قطر.]

طرحت #أشغال 3 عطاءات لمشروع تطوير طريق البستان الذي سيكون موازياً لطريق 22 فبراير وسيخفف الزحمة عليه

ليش يسوون طريج البستان والطريق المداري اللي يربط الجنوب بالشمال بيفتتحونه بعد سنه شالفرق هاي يربط الجنوب بالشمال وهاي يربط الجنوب بالشمال ؟

[الدوحه1]

بالإضافه الى مشكلة الزحمه عندك مشكلة قلة المواقف؟؟؟؟

امس في شارع سلوى قدام بنك قطر الوطني تبهدلة لين حصلت موقف!!

انا متأكد ان الكل يعني من قلة المواقف...

[معماري قطري]

راحت الإدارة القديمة وجات الجديدة والله يعينهم على الرؤية النافذة

يبي لهم يشوفون شوي أبعد من المكتب اللي قاعدين عليه ويبي لهم حلول غير تقليدية .. ألحين اشتغلوا على تقاطع الزحمة عليه أخف ونسوا قلب الدوحة والمفروض التقاطعات كلها يشملها الشغل في وقت واحد .. تضبيط المداخل والمخارج بجسور وقوفلس بس وقوف لس تعني بلا توقف ما عرفت الا هذي من الانجليزي

يجيك رفيق في المازدا يمشي وسط وفجأة يقرر يلف يمين يضرب بريك واللي بيدعم حياه ويوقف يفكر شلون يدخل بين السيارات ويتفاجأ كثير ناس ماشيين صح ومب مخلينه .. أمثاله يبي لهم كيمرة

والمرور مسوين بعض الدخلات انسيابية وحاطين عليها السرعة 40 .. يا ناس شلون هذا مع سيارته اللي خايف يدوس لها تشجعونه يمشي 40 ويدخل طريق سرعته 80 .. قولوا له دوس حتى توصل 80 وتدخل بانسيابية

[عايش فرحان]

ليش يسوون طريج البستان والطريق المداري اللي يربط الجنوب بالشمال بيفتتحونه بعد سنه شالفرق هاي يربط الجنوب بالشمال وهاي يربط الجنوب بالشمال ؟

نحتاج اربع خمس طرق بستان مب و احد بس على هاالزحمة و زيادة المستخدمين ..
و المشكلة أصلاً في التخطيط العمراني عندنا ..
لو مستعملين نظام البلوكس ( الشوارع المربعة المتوازية ) بدل الطرق الدائرية .. كان يبكون عدد الخيارات عند السائقين كبير للوصول الى نفس المكان بدل حكر الناس في طريق او اثنين ..

[.قطر.]

نحتاج اربع خمس طرق بستان مب و احد بس على هاالزحمة و زيادة المستخدمين ..
و المشكلة أصلاً في التخطيط العمراني عندنا ..
لو مستعملين نظام البلوكس ( الشوارع المربعة المتوازية ) بدل الطرق الدائرية .. كان يبكون عدد الخيارات عند السائقين كبير للوصول الى نفس المكان بدل حكر الناس في طريق او اثنين ..
مشكله اشغال انه يسوون خطوط سريعه كلها انفاق وفوق الانفاق اشارات او دوار
احنا نبي حلول جذريه مانبي نوقف كل شوي عند اشاره ولا دوار

[م. عبدالعزيز]

نتمنى من رئيس اشغال الجديد ايجاد حل نهائي لازدحام 22 فبراير بطريقة ذكية وغير مكلفة.

[معماري قطري]

بالإضافه الى مشكلة الزحمه عندك مشكلة قلة المواقف؟؟؟؟

امس في شارع سلوى قدام بنك قطر الوطني تبهدلة لين حصلت موقف!!

انا متأكد ان الكل يعني من قلة المواقف...




انت ما حصلت موقف انا حصلت قريب من البنك بس فجأة تلاشى البنك من كثر العمال

[معماري قطري]

اليوم طلعت ولفيت الدوحة لفة كاملة على شوارع العادة زحمة بس طلعت من عصر وكان الطريق سهل .. غير اللي عارفينه باص يناتع وفجأة يستوي بطيء جداً .. أو باجيرو أو عراوي أو هيلوكس يسوون خصميات للسرعة وبسهولة بعد ما اتعداهم اشوفهم وراي بعيد

[.قطر.]

اليوم طلعت ولفيت الدوحة لفة كاملة على شوارع العادة زحمة بس طلعت من عصر وكان الطريق سهل .. غير اللي عارفينه باص يناتع وفجأة يستوي بطيء جداً .. أو باجيرو أو عراوي أو هيلوكس يسوون خصميات للسرعة وبسهولة بعد ما اتعداهم اشوفهم وراي بعيد

علييييييك نور
هاي السبب الرئيسي للزحمه :anger1:
المفروض يطبقون مخالفه تعطيل السير مب بس نسمع عنها ومانشوفها

[الســيل]

اتوقع الحل الوحيد انهم يخلون شارع هلا فبراير مسار واحد ذهاب فقط مع فعالية الانفاق

وخط الرجعه يكون من الكورنيش او الطرق البديلة

[بوخالد911]

الحل بترحيل العمالة الوافدة اللي انتهت بعض المشاريع
بدلا من اطلاقهم بالشوارع

[h9466]

طريقي شبه اليومي...لاحظت خفت الزحمة عليه شوية...يمكن لان أسعار البنزين ارتفعت أو اني تواجدت فيه في وقت مختلف

[الدوحه1]

http://gulf-up.com/do.php?img=280397 (http://gulf-up.com/)


https://www.youtube.com/watch?v=-FseeVy7uvU