مطلوب خبير عقارات لحل مشكلتي

[رائد العنابي]

السلام عليكم ورحمه الله و بركاته

اولا انا من فئه قرض بدون ارض و حبيت اشتري بيت شعبي قديم في الدوحه عن طريق بنك التنميه
بس المشكله ان البيت قديم ما تقدر تسكن فيه فقررت اني اهدمه و ابني فله جديده
لكن المشكله ان قانون الاسكان يمنع شراء بيت شعبي قديم من 10 سنوات او اكثر
و في اعتقادي ان هذا القانون يحمي المواطن من شراء بيت قديم و ما يتوهق بعد فتره ان بيت يحتاج الى ترميم
انا راضي بهذا البيت او الارض و السبب ان قريب من بيت الوالد
انا محتاج حد عنده تجربه مرت عليه اذا في امكانيه اني اشتري هذا البيت مع العلم ان بنك التنميه قالو يصير اذا خذت موافقه من الاسكان
واعرف ان في بعض الاخوه راح يقولي ليش ما تاخذ فبه جديده في الدوحه او خارج الدوحه
و الاسباب هو ما ودي اكون بعيد عن بيت الوالد حتى اعمل الزام ليل و في استطاعه الاهل انهم يبيتون في بيت الوالد
اغلب الفلل الجديده في الدوحه و خارج الدوحه غاليه و اراضيها صغيره و الفله تجاريه بحت

الي عنده اي حل لمشكلتي ارجوا انه مايبخل بالمساعده حتى اذا اضطريت اتعامل مع دلال هو ياخذ نسبته
يمنع وضع رقم الهاتف على العام
التوقيع : الإدارة

[النهار]

ان شاءالله الاخوان يفيدونك

[CH Engineer]

اصبر الاسعار في نزول

[شموخ دائم]

,

,


مرحبا


اخوي الكريم

بالطرق الصحيحه والقانون مافي حل لهذا الموضوع نهائيا
للأسف وما انصحك تحاول بطرق ( ملتويه )
لان فيها ذهاب الحقوق لك ولغيرك
وشرعا ما يجوز

لو انا مكانك
اقابل مدير بنك التنميه واشرح له الموضوع
بكتاب اشرح فيه الظروف هذي واسميها ظروف انسانيه
ان البيت بالقرب من مسكن (الاهل ) ويحتاجون وجودك بالقرب منهم
لرعايتهم ولصعوبه ظروف عملك بنظام الورديات

وتحتاج ( استثناء ) لهذا الموضوع
وانك على استعداد لعمل الصيانه الكامله له

فقط لاغير ولا تزيد شي بالكتاب

باذن الله بتحصل على استثناء اذا الله كاتبه لك

والله الموافق

,

,

[BoFahed]

,

,


مرحبا


اخوي الكريم

بالطرق الصحيحه والقانون مافي حل لهذا الموضوع نهائيا
للأسف وما انصحك تحاول بطرق ( ملتويه )
لان فيها ذهاب الحقوق لك ولغيرك
وشرعا ما يجوز

لو انا مكانك
اقابل مدير بنك التنميه واشرح له الموضوع
بكتاب اشرح فيه الظروف هذي واسميها ظروف انسانيه
ان البيت بالقرب من مسكن (الاهل ) ويحتاجون وجودك بالقرب منهم
لرعايتهم ولصعوبه ظروف عملك بنظام الورديات

وتحتاج ( استثناء ) لهذا الموضوع
وانك على استعداد لعمل الصيانه الكامله له

فقط لاغير ولا تزيد شي بالكتاب

باذن الله بتحصل على استثناء اذا الله كاتبه لك

والله الموافق

,

,


عين العقل اخوي .نصيحتي ل صاحب الموضوع ما ينفعك الا لسانك وانت ما طلبت شي كبير مجرد استثناء وبفلوسك تشتريها

لا تيأس روح وطالب مره ومرتين وثلاث وقابل الوزير وزن عليهم ربعنا ما يجون الا بالواسطه او الزن في رووسهم

[معماري قطري]

مع اخوي شموخ دائم في رأيه

وأقدر أزيد بأن البيت مهما قدم ترميمه سهل .. هناك طرق حتى لتثبيت السقف وتدعيم الأعمدة لو البيت متهالك

شفت بنيان قديم من أيام الإنجليز الأعمدة في الليوان 10 سم في 10 سم مربعة خرسانة هي تقريباً بين 10 و 15 لكن متآكلة ومتكسرة والحديد مصدي والغريبة المكان فيه ناس ساكنين والبنيان دورين أو 3 نسيت

الترميم مكلف ويحتاج لدراسة ولتصميم وفيه بيوت في قطر تعدت الأربعين سنة لكنها مصانة صيانة جيدة وينعمل لها تحديث من وقت لوقت أعتقد

حتى البيت الشعبي غالي وحتى ترميمه غالي والله يعينك ويوفقك سو دراسة مالية قبل واستعجل

[معماري قطري]

من أيام شفت سوق علي بن جاسم في السد من عمارة قريبة .. هو مستملك أعتقد وخالي ما فيه حد لكن يجون ناس ينامون في الشقق فوق حسب كلام شخص وبعضها مسكونة بدون كهرباء والماء ما ادري شلون يوفرونه

[ساراام]

واحد من جيرانا بيته شعبي عمره اكثر من 10

توه بايعه

روح اسأل وجرب والله يسهل

[qatarman8008]

مرحبا اخوي..
البيت القديم ما انصحك تشتريه..
لان تصميم البيت وتقسيم العمدان ومساحات الغرف كلها قديمة وماتصلح لك..
دام انك بتشتري اشتري شي للزمن..
نصيحتي لك اشتر ارض في المناطق اللي اسعارها مقبوله حاليا مثل ام قرن ..
وخذ قرض بنك التنمية وابن بيت من تصميمك وعلى ذوقك وتحت اشرافك وشطبه ذاك التشطيب اللي يمشيك عشرين سنة قدام ..
ولا تحط فلوسك في بيت انتهت صلاحية معظم الاشياء فيه..

[بنت شرق]

ام قرن عاد يا قطر مان ، شنسوي بالمسافة إذا ام صلال علي والاهل مش راضين لطول المسافة وبعدها
وتجرأ احد اخوتي وخذ بام قرن فنال السخرية والتحلطم من الجميع وإذا كلموه عن المسافة قال بحط دريول

[مليت]

المقصود بمنزل جديد اقل من 10 سنوات لن القرض بتسدده 30 سنه والبيت عمره 10 المجموع 40 سنه البنك ما يستفيد في حال تخلفك عن السداد ورهن العقار من النهايه السالفه كلها البنك يبي ضمان في حال عدم السداد لا سمح الله

[BoFahed]

ام قرن عاد يا قطر مان ، شنسوي بالمسافة إذا ام صلال علي والاهل مش راضين لطول المسافة وبعدها
وتجرأ احد اخوتي وخذ بام قرن فنال السخرية والتحلطم من الجميع وإذا كلموه عن المسافة قال بحط دريول


المقصود بمنزل جديد اقل من 10 سنوات لن القرض بتسدده 30 سنه والبيت عمره 10 المجموع 40 سنه البنك ما يستفيد في حال تخلفك عن السداد ورهن العقار من النهايه السالفه كلها البنك يبي ضمان في حال عدم السداد لا سمح الله

فيه ضامن الراتب وقيمة الارض والسالفه كلها مليون ريال

[رائد العنابي]

صباح الخير
شكرا على تفاعلكم معي في هذا الموضوع
ولكن تصحيح لبعض الاخوه انا بشتري البيت الشعبي مب عشان ارممه, انا بهدم البيت وراح ابني قله جديده من اساس جديد
اما بنسبه لبنك التنميه حتى اذا هدمت البيت انا حاسب حساباتي ان ما اتخلف عن تسديد قرض التنميه

[معماري قطري]

صباح الخير
شكرا على تفاعلكم معي في هذا الموضوع
ولكن تصحيح لبعض الاخوه انا بشتري البيت الشعبي مب عشان ارممه, انا بهدم البيت وراح ابني قله جديده من اساس جديد
اما بنسبه لبنك التنميه حتى اذا هدمت البيت انا حاسب حساباتي ان ما اتخلف عن تسديد قرض التنميه

التنمية مصفوط حقهم من ينزل الراتب ما عليهم خوف

[JN000N]

اذا شكل البيت مأساه كلش ما ينسكن فيه ما بيرضون يعطونك القرض وتشتريه
لكن تقدر تطلب واحد يجي يجوف البيت ويحدد
صارت لنا من قبل بيت شعبي موقعه زين وكل شي اوكي بس ان واايد قديم وشير وحشيش لين الركب واشيا خربانه وايد
جبنا هنودنا ينظفونه يحسنون منظره العام وكان الاساس قوي البيت مش متهالك وما يحتاج هدم بس صيانه وترميم
ورضو البنك وعطونا القرض وخذناه

[ولد العرب]

اذا شكل البيت مأساه كلش ما ينسكن فيه ما بيرضون يعطونك القرض وتشتريه
لكن تقدر تطلب واحد يجي يجوف البيت ويحدد
صارت لنا من قبل بيت شعبي موقعه زين وكل شي اوكي بس ان واايد قديم وشير وحشيش لين الركب واشيا خربانه وايد
جبنا هنودنا ينظفونه يحسنون منظره العام وكان الاساس قوي البيت مش متهالك وما يحتاج هدم بس صيانه وترميم
ورضو البنك وعطونا القرض وخذناه

حلوو جنون
ذي اضافه للموضوع وافاده حلوه
شكرا ياجنون

[رائد العنابي]

اذا شكل البيت مأساه كلش ما ينسكن فيه ما بيرضون يعطونك القرض وتشتريه
لكن تقدر تطلب واحد يجي يجوف البيت ويحدد
صارت لنا من قبل بيت شعبي موقعه زين وكل شي اوكي بس ان واايد قديم وشير وحشيش لين الركب واشيا خربانه وايد
جبنا هنودنا ينظفونه يحسنون منظره العام وكان الاساس قوي البيت مش متهالك وما يحتاج هدم بس صيانه وترميم
ورضو البنك وعطونا القرض وخذناه

شكرا على هذه المعلومه اختي جنون لكن المشكله انا ناوي اهدم البيت و ابني فله جديده هنا المشكله ما اقدر ادفع مبلغ عشان ارمم البيت و في النهايه انا بهدمه
اتوقع عادي ادفع حول 200 الف او اكثر على ترميم البيت

[مرتبش]

ماينفع تشتريه وتهدمه وتدخله على الاسكان؟ هي مليون وميتين سواء شروه لك او بنيته بنفسك

[رائد العنابي]

ماينفع تشتريه وتهدمه وتدخله على الاسكان؟ هي مليون وميتين سواء شروه لك او بنيته بنفسك

و المليون و الميتين راح ترجع لهم و راح ابني على حسابي حتى اذا خذ البناء وقت اطول
اخوي وين المشكله في اخذي قرض التنميه و شريت فيه بيت شعبي قديم و هدمته حتى صاحب الارض قاعد يبيعه بسعر الارض
كفايه ان مالي ارض لكن مع ذالك انا اقول الحمدالله على كل حال

[شموخ دائم]

,

,


مرحبا

اخوي رائد

نصيحه لله

في التعامل مع الدوله ( لا تحط شروطك عليهم )
وتبي منهم ينفذون الي تبيه وعلى مزاجك
ما راح يفصلون القانون على شان يناسب وضعك
الأمور ما تجري بهذي الطريقه
بارك الله فيك

خلك ذكي

واستفيد من القانون لصالحك بشراء الأرض
ود البيت لهم وقول لهم ابي اشتريه


وبعد ما تشتريه ( حليت نص المشكله )

وبعد سنه

نشوف طريقه كيف ( نعيد بنائه ) لانه اصبح ملكك
بيتك وفي مليون طريقه لاعاده البناء او الترميم

خطوه

خطوه

مادري كيف اشرح اكثر

الدجاجه ما تنوكل بلقمه وحده

ههههه


,

,

[عقرب]

السلام عليكم ورحمة الله وبركاته

إذا عندك إمكانية تشتري البيت بفلوسك و تهدم

وعقب تستدخل الأرض على الإسكان وتطلب القرض عشان تبني البيت

أتوقع هذا الحل الوحيد

والله يوفقك وييسر أمرك ويكفيك بحلاله عن حرامه ويغنيك بفضله عن من سواه

[معماري قطري]

السلام عليكم ورحمة الله وبركاته

إذا عندك إمكانية تشتري البيت بفلوسك و تهدم

وعقب تستدخل الأرض على الإسكان وتطلب القرض عشان تبني البيت

أتوقع هذا الحل الوحيد

والله يوفقك وييسر أمرك ويكفيك بحلاله عن حرامه ويغنيك بفضله عن من سواه

صحيح حتى طلب قرض اضافي للشراء والهدم ممكن بس بتكلفه الأرض أصلاً